Директор департамента кинематографии Минкультуры России Ольга Любимова. Архивное фото

Олга Любимова, вазири фарҳанги Русия гирифтори коронавирус шуд

370
Вазир ба таври фосилавӣ кор мекунад ва беморияш сабук аст, бинобар ин дар беморхона бистарӣ нашудааст

ДУШАНБЕ, 6 май — Sputnik. Вазири фарҳанги Русия Олга Любимова гирифтори коронавирус шудааст.

Бино ба иттилои дафтари матбуотии ӯ бемории вазир ҳоло сабук буда, ҳоло барои ба беморхрна бурдан сухан намеравад.

Ба иттилои манбаъ, дар ҳоли ҳозир Олга Любимова корҳои идорияшро ба таври фосилавӣ анҷом медиҳад.

"Натиҷаҳои санҷиши COVID-19-и ӯ мусбат баромад. Вазир дар хона аст, маҷлисҳои корро тавассути видеоконфронс баргузор мекунад, дар маҷлисҳо ва гуфтушунидҳо дар формати онлайн ширкат мекунад. Беморияш сабук аст" - гуфт намояндаи Любимова.

Гуфта мешавад, ҳоло вазир зери назорати табибон қарор дорад.

Ёдовар мешавем, қаблан Нахуствазири Русия Михаил Мишустин эълон кард, ки гирифтори Ковид-19 шудааст.
Дар бораи бемориаш нахуствазири Русия шахсан ба раисҷумҳури Русия Владимир Путин зимни ҷаласаи фосилавии ҳукумат хабар дод.

Бар пояи оморҳои ахир шумораи беморони коронавирус дар Русия ба 165 ҳазор нафар  расидааст. Танҳо дар як рӯзи охир дар ин кишвар 10 ҳазору 559 ҳолат ба қайд гирифта шудааст.

370
Барчаспҳо:
кор, дидор, гирифторон, вазир, вирус, Русия
Мавзуҳо:
Пайомадҳои COVID-19 дар Тоҷикистон ва ҷаҳон (925)
Даст ба дуо, акс аз бойгонӣ

Афзоиши фавти эрониён аз COVID-19

106
(Таҷдидшуда 20:57 19.01.2021)
Вазорати беҳдошт ва дармони Эрон мегӯяд, дар 24 соати гузашта бар асари коронавирус дар ҷумҳурӣ 83 нафар ҷон доданд

ДУШАНБЕ, 17 янв — Sputnik. Шумори қурбониёни коронавирус дар Эрон, ки 83 миллион нафар аҳолӣ дорад, то имрӯз ба 56 ҳазору 973 тан расид. Дар шабонарӯзи гузашта 83 ҳолати фавт аз ин маризӣ сабт шудаанд.

Ба гузориши Вазорати беҳдошт ва дармони Эрон, дар 24 соати гузашта 5 ҳазору 917 бемори ҷадиди мубтало ба COVID-19 дар Эрон шиносоӣ ва аз ин теъдод 518 нафар бистарӣ шуданд, навиштааст сомонаи Парстудей.

Боз 300 ҳазор ваксина "Спутник V" дастраси мардуми Аргентина шуд - видео

Манбаъ афзуд,  маҷмӯи беморони мубтало ба вируси корона дар Эрон ба як миллиону 342 ҳазору 134 нафар расидааст, ки ҳудуди як миллиону 132 ҳазор нафар аз мубталоён ба ин вирус беҳбуд ёфта ва аз бемористонҳо мурраххас шудаанд.

Теъдоди афроди мубтало ба вируси корона дар ҷаҳон низ ба беш аз 96 миллион нафар расидааст, ки аз ин теъдод беш аз ду миллион нафари ҷони худро аз даст дода ва ҳудуди 69 миллион нафар ҳам беҳбуд ёфтаанд.

106
Барчаспҳо:
беморӣ, вируси корона, Эрон
Мошини ёрии таъҷилӣ дар Душанбе, акс аз бойгонӣ

Омори COVID-19: Вазорат мегӯяд нест, табиб мегӯяд як кас ҳанӯз табобат мегирад

199
(Таҷдидшуда 19:30 19.01.2021)
Вазорати тандурустӣ ва ҳифзи иҷтимоии аҳолии Тоҷикистон мегӯяд, шабонарӯзи гузашта чун рӯзҳои қаблӣ дар ҷумҳурӣ ягон ҳолати гирифторӣ ба коронавирус ба қайд гирифта нашудааст

ДУШАНБЕ, 17 янв — Sputnik. Тибқи иттилои Вазорати тандурустӣ ва ҳифзи иҷтимоии аҳолии Тоҷикистон, дар ҷумҳурӣ аз 10 январ то ҳол ягон ҳолати гирифторӣ ба бемории коронавирус сабт нашудааст. Расман бори охир дар Тоҷикистон рӯзи 10 январ ҳолатҳои гирифторӣ ба коронавирус сабт шуда буд, ки се ададро ташкил дод.

Вазорати тандурустии Тоҷикистон беш аз як ҳафтаи охир дар сомонаи расмии covid.tj хабар медиҳад, ки дар маҷмуъ дар ҷумҳурӣ 13 ҳазору 308 нафар гирифтори коронавирус шудаанд, ки 13 ҳазору 218 нафар шифо ёфта, 90 нафар бар асари ин беморӣ ҷон додаанд.

Бар асоси омори ироакардаи Вазорати тандурустӣ, беш аз як ҳафтаи охир дар ҷумҳурӣ ягон кас гирифтори COVID-19 нест.

Вале, Рустамҷон Бӯрибоев, сартабиби Бемористони сироятии Суғд рӯзи гузашта ба Sputnik Тоҷикистон гуфт, ҳоло танҳо як нафар дар дармонгоҳ аз "вируси корона" табобат мегирад.

Ба иттилои манбаъ, ягона нафаре, ки ҳоло дар Бемористони сироятии Суғд табобат мегирад, сокини ноҳияи Бобоҷон Ғафуров буда, синнаш аз 60 - сола боло аст.

Сартабиб сабаби ба дарозо кашидани муҳлати муолиҷаи ин нафарро шарҳ дода гуфт, ки "бемории ҳамрадиф аз ҷумла қанд ба ҷараёни муолиҷаи ин нафар бетаъсир намондааст. Хушбахтона гузашти се ҳафта саломатии ӯ муътадил шуда ва ба хона рухсатшавиаш ҳам наздик омадааст".

199
Барчаспҳо:
Вазорати тандурустӣ ва ҳифзи иҷтимоии аҳолии ҶТ, вируси корона, беморӣ, Тоҷикистон
Маруф Мухаммадзода

Таъйиноти кадрӣ дар ҳукумати Суғд: Маъруф Муҳаммадзода, вазифаи нав гирифт

0
(Таҷдидшуда 10:49 20.01.2021)
Маъруф Муҳаммадзода, собиқ раиси шаҳри Хуҷанд дар ҳукумати вилояти Суғд ба вазифаи нав таъйин шудааст

ДУШАНБЕ, 20 янв – Sputnik. Бино ба иттилоъи манобеи Sputnik Тоҷикистон бо қарори Раҷаббой Аҳмадзода раиси вилояти Суғд, Маъруф Муҳаммадзода мудири бахш оид ба сохтмон дар ҳукумати Суғд таъйин шудааст.

“Маросими муаррифии Муҳаммадзода ба мақоми нави вазифавӣ имрӯз дар ҳукумати вилояти Суғд доир шуд”, гуфт манбаъ.

Ба иттилоъи манбаъ, собиқ шаҳрдори Хуҷанд дар ин мақоми нави вазифавӣ дар ҳукумати Суғд, ба ҷойи Аминҷон Бобоҷонов таъйин шудааст.

Бо омадани Муҳаммадзода Бобоҷонов ба куҷо рафтааст, зимнан маълум нест. Маъруф Муҳаммадзода дар поёни соли 2017 раиси шаҳри Хуҷанд таъйин шуда то соли 2020 дар ин вазифа се сол кор кард.

Таъиноти кадрӣ аз Бонки миллӣ то Прокуратураи генералӣ: президент кадрҳоро ҷобаҷо кард

Санаи 18 ноябри соли 2020, ӯ бо фармони раисиҷумҳур Эмомалӣ Раҳмон аз ин мақоми шаҳрдорӣ барканор гардид ва ба ҷои ӯ Фирдавс Шарифзода, иҷрокунандаи вазифаи раиси шаҳри Хуҷанд таъйин шуд.

0