Поэт Озарахш, архивное фото

Пирӯзии шеъру тарона бар “вируси корона”: Озарахш аз бемористон рухсат шуд

487
(Таҷдидшуда 12:56 08.05.2020)
Толиб Карими Озарахш шоири халқии Тоҷикистон баъд аз 22 рӯзи табобат, пас аз зуҳри 7-уми май аз бемористон рухсат шудааст. Ин шоири номвар дар паём ба дӯстону ҳамкорон ва ҳаводоронаш зикр намудааст, ки худу наздиконашонро эҳтиёт кунанд

ДУШАНБЕ, 8 май – Sputnik. Ин шоири тоҷик ва сармуҳаррири маҷаллаи адабии “Паёми Суғд” и ҳукумати вилоят ҳанӯз рӯзи 15-уми апрел, ба бемористони Шайх Бурҳон и ноҳияи Бобоҷон Ғафуров интиқол дода шуд.

В Москве открыт третий коронавирусный центр сети РЖД-Медицина
Пресс-служба мэра и правительства Москвы

Ба дунболи бистарӣ шудани Озарахш, ҳамсари ӯ, шоири номвари тоҷик Фарзона ҳам ба ин бемористон интиқол ёфта буд.

Он замон мақомоти тандурустии вилояти Суғд сабаби дар бемористон қарор доштани ин ду узви як хонаводаро ба табобат фарогирифтани Озарахш шаҳр медоданд.

Маъруф Ҳоҷибоев, муовини сардори Раёсати тандурустии Суғд, дар суҳбат бо Sputnik Тоҷикистон гуфта буд, ки Озарахш дар беморхона табобат мегиранд ва шоира Фарзона танҳо ба хотири нигоҳубини шавҳарашон қарор доранд.

Он замон Ҳоҷибоев ташхиси бемории Озарахшро “илтиҳоби роҳи болоии нафас” маънидод карда, гуфта буд, ки болоравии тасф хастагиву беҳолиро ба вуҷуд овардааст.

Аммо баъзе коршиносони умури беҳдоштӣ авҷи бемориҳои илтиҳоби шушро, гунае аз бемории ҳамшабеҳи “вируси карона” маънидод мекунанд. Ва мақомот ҳам ба хотири пешгирӣ аз сирояти эҳтимолии он, ба ҳисоби нафари бемор ба қарантинкунии аъзои хонаводаи беморон пардохтанд.

Баъди аз бемористон рухсат шудани Озарахш ва Фарзона дар рӯзи 7-уми май бар асоси супориши Раҷаббой Аҳмадзода, раиси вилояти Суғд, Фаррух Мақсудзода, сардори Раёсати тандурустии вилоят ва Мунира Раҳимзода, роҳбари идораи телевизион ва радиои вилояти Суғд ба манзили ин шоирон ташриф оварда, бо Фарзона ҳамсуҳбат шуда, барои пирӯзӣ бар маризӣ аз ҳисоби ҳукумат туҳфа тақдим намудаанд.

Шоира Фарзона зимни суҳбат бо масъулин изҳор намудааст, ки аз бистарӣ шудани Озарахш шахсан худи раисиҷумҳур Эмомалӣ Раҳмон ва дигар масъулини баландмақоми кишвар огаҳ буда, пайваста аз вазъи саломатӣ ва ҷараёни кори табобат пурсон будаанд.

Ӯ барои масъулини воломақоми кишвар ва табибон изҳори сипосмандӣ кардааст. “Озарахш бисёр бо таҳаммули мардона, бо собирӣ, бо шукри беҳад ин ҳама ғаму ранҷу орезаву дардро сипарӣ карданд ва ҳоло дар марҳилаи таҳаввул ва таҷаддуд қарор доранд.

Барои хонаводаи мо паёми нек ин буд, ки ягон нафар дар сӯе истодаву бетараф ва бетафовут набуд. Ҳатто Ҷаноби Олӣ, Эмомалӣ Раҳмон, Пешвои миллат аз тариқи чандин масъулон ва маъмурон ба Озарахш саломи хос мефиристоданд.

Ин ҳамарӯз раиси вилоят Раҷаббой Аҳмадзода ҳамеша ёвари мо буданд. Ва одамҳои оддитарини олам, одамҳои маъмулӣ ҳамеша дуо мефиристоданд. Аз дуо қимматмандтар, аз дуо гаронқадртар аз дуо бамиқдортар чи ҳаст? Ман мехостам барои он табибони ҷоннисоре, ки ин ҳамарӯз ҳамроҳи гирифторон ҳамроҳи маризон басар бурданд ва бисёр сарсупурдагиву бузургиҳо карданд ҳазор хирмани сипос гуям”, иброз намудааст, Фарзона. 

Ҳолномаи шоир

Толиби (Каримов) Озарахш дар соли 1963 дар ноҳияи Айнӣ таваллуд шудааст. Аз соли 1999 узви Иттифоқи нависандагони Тоҷикистон буда, соли 2019 унвони шоири халқии Тоҷикистонро гирифтаст.

Дар 2015 сардабири маҷаллаи адабии "Паёми Суғд" и ҳукумати Суғд мебошад.

Дар тӯли бештар аз 35 соли фаъолияти эҷодияш Озарахш як зумра маҷмӯаи шеърҳояшро бо номҳои “Аз чашмасор омадам”, “Намози мусофир”, “Чархболи Офтоб”, “Девони Ишқ” ва “Ватаннома” ба нашр расонидааст.

Ҳамчунин то ин муддат матни чандин таронаи ҳофизон аз ҷумла дар васфи ватан, сулҳ, дунё – ро эҷод намудааст. Фарзонаи (Хоҷаева) Хуҷандӣ соли 1962 дар ноҳияи Хуҷанд (Бобоҷон Ғафуров таваллуд шудааст.

Аз соли 1989 узви Иттифоқи нависандагони Тоҷикистон буда, соли 1995 унвони шоири халқии Тоҷикистонро ба худ ихтисос додааст. Ӯ аз шогирдони аслии шоири зиндаёди тоҷик Лоиқ Шералӣ ба ҳисоб меравад.

То ин замон китобҳои шеърии ӯ бо номи "Тулӯи хандарез”, “Шабохуни барқ”, “Ояти ишқ”, “Қатрае аз Мӯлиён”, “Сӯзи нотамом” ва “Муҳри гули мино” дар Тоҷикистон нашр шудаву дар соири кишварҳои Афғонистону Эрон, Инглистон ва Порис рунамоӣ шудаанд.

 

487
Барчаспҳо:
рухсат, беморхона, Фарзона, Толиб Карими Озарахш, Суғд, Тоҷикистон
Помощь Эмомали Рахмона для врачей ГБАО

Кумаки Эмомалӣ Раҳмон ба 166 хонаводаи пизишкони ВМКБ - аксҳо

233
(Таҷдидшуда 14:08 01.06.2020)
Президенти Тоҷикистон Эмомалӣ Раҳмон ба табибони Вилояти Мухтори Кӯҳистони Бадахшон кумаки озуқаворӣ равон кард

ДУШАНБЕ, 1 июн – Sputnik. Эмомалӣ Раҳмон ба 166 хонаводаи табибони ВМКБ кумак кард, хабар медиҳад мақомоти ҳокимияти давлатии вилоят.

Бино ба иттилои манбаъ, кумаки навбатии президент, барои дастгирии намудани табибони Вилояти Мухтори Кухистони Бадахшон, ки дар ин рӯзҳои мушкил бо бемории сироятии короновирус ё худ COVID - 19 мубориза бурда истодаанд дастрас гардид.

"Кӯмак аз қабили пиёз, сабзи, картошка, орд, шакар ва дигар маҳсулоти хӯрокворӣ иборат буда, тавассути кормандони масъули дастгоҳи раиси вилоят дастраси 166 хонаводаҳои табибон гардид", - омадааст дар хабарнома.

Эмомалӣ Раҳмон ба ВМКБ 20 тонна кумаки башардӯстона равон кард - аксҳо

Ёдрас мешавем, ки пештар ҳам президент ба Вилояти Мухтори Кӯҳистони Бадахшон 20 тонна кумаки иборат аз доруворӣ, либосҳои фардии муҳофизатӣ барои табибон, ниқоб, маҳлулхои безараргардонӣ ва маводи озуқаворӣ кумак карда буд.

Кумаки Эмомалӣ Раҳмон ба сокинони ВМКБ: 45 мошин маводи ғизоию тиббӣ фиристод

233
Барчаспҳо:
пизишкон, кумак, Эмомалӣ Раҳмон, ВМКБ
Мавзуҳо:
Пайомадҳои COVID-19 дар Тоҷикистон ва ҷаҳон
Председатель ГБАО Ёдгор Файзов

Ёдгор Файзов аз беморхона мураххас шуду ба ноҳияи Рӯшон сафар кард

2413
(Таҷдидшуда 14:18 01.06.2020)
Раиси Вилояти Мухтори Кӯҳистони Бадахшон Ёдгор Файзов аз беморхона баромада ва ба ноҳияи Рӯшон сафар кард

ДУШАНБЕ, 1  июн — Sputnik. Сухангӯи раиси ВМКБ Ғолиб Ниятбеков дар суҳбат бо Sputnik Тоҷикистон гуфт, Ёдгор Файзов субҳи имрӯз, 1 июн пас аз шифо ёфтан, аз табобатхона ҷавоб шуд.

"Раис субҳи имрӯз аз беморхона ҷавоб шуд ва барои аз наздик ошно шудан бо вазъият ба ноҳияи Рӯшон сафар кард", - гуфт Ниятбеков.

Ёдрас мешавем, ки раиси ВМКБ ҳафтае пеш дар яке аз беморхонаҳои шаҳри Хоруғ бистарӣ гардид, вале ба гуфти Ғолиб Ниятбеков телефонӣ бар ҳамаи умуи вилоят расидагӣ дошт.

Ёдгор Файзов пас аз чандин соли фаъолият сохторҳои Бунёди Оқохон соли 2018 раиси вилоят таъин шуд. Ба гуфти коршиносон ва фаъолони ҷомеа то кунун Ёдгор Файзов худро як намунаи раҳбари замонавӣ ва фаъол дар ҷомеа нишон додааст.

2413
Барчаспҳо:
вазъият, сафар, Рӯшон
Сотрудники погранслужбы на контрольно-пропускном пункте на границе Кыргызстана и Казахстана

Таниш дар марзи Ӯзбекистону Қирғизистон: мақомот гуфтушунид мекунанд

0
Рӯзи гузашта сокинони манотиқи марзии ду кишвар бо якдигар даргир шуданд. Мақомот мегӯянд, вазъият таҳти назари онҳост

ДУШАНБЕ, 1 июн – Sputnik. Кубатбек Боронов муовини вазири Қирғизистон ва Абдулло Орипов нахуст вазири Ӯзбекистон ба далели даргирӣ дар манотиқи марзии байни сокинони Боткенти Қирғизистон ва минтақаи Сухи Ӯзбекистон бо якдигар музокара мекунанд, гузориш медиҳад "Парс тудэй" .

Бино бар иттилои манбаъ, баррасии иллати даргирии ахир дар манотиқи марзии Ӯзбекистон ва ва Қирғизистон меҳвари дидори масъулони ду кишвар хоҳад буд.

Илова бир ин, тарафайн бо сокинони манотиқи мазкур дидор ва иттилооте дар бораи вазъияти марзҳои муштарак ва иқдомот барои ҳифзи субот ироа хоҳанд кард. 

Рӯзи гузашта сокинони манотиқи марзии ду кишвар бо якдигар даргир шуданд.

Бино бар иттилои расмӣ, феълан вазъият таҳти контрол аст ва мақомоти расмӣ дар ҷиҳати оддисозии вазъият иқдом мекунанд.   

Таниш дар марзи ин ду кишвар дар ҳолест, ки чанде пеш, дар рӯзи таҷлили Иди Рамазон, 24 май дар марзи Тоҷикистону Қирғизистон низ як баҳси шадид ба миён омад. Намояндагони марзбонии ҳарду кишвар гуфтанд, ба сари мизи гуфтушунид менишинанд.

Вазъи сарбози маҷрӯҳшудаи тоҷик дар марзи Тоҷикистону Қирғизистон хуб арзёбӣ мешавад

 

0