Группа узбекских врачей отправилась в Таджикистан, чтобы помочь в борьбе с коронавирусной инфекцией

Вирусшиносони ӯзбек барои мубориза бо COVID-19 вориди Душанбе шуданд

973
(Таҷдидшуда 18:27 08.05.2020)
Вирусшиносони ботаҷрибаи Ӯзбекистон ба табибони тоҷик дар ташкили дурусти пешгирӣ, назорат ва табобати беморони гирифтори COVID-19 кӯмак мерасонанд

ДУШАНБЕ, 8 май – Sputnik. Ҳашт вирусшинос ва эпидемиологҳои Ӯзбекистон, ки дар мубориза бо коронавирус таҷриба доранд, барои кӯмак ба ҳамкасбони тоҷикашон  ба Душанбе омаданд, хабар медиҳад Sputnik Ӯзбекистон.

Гуфта мешавад, гурӯҳи кормандони тиб аз духтурони ботаҷриба иборат буда, миёни онҳо реаниматсионист,  анестезиологҳо,  пулмонологҳо, эпидемиологҳо, мутахассисони бемориҳои сироятӣ ва вирусшиносон мебошанд.

Группа узбекских врачей отправилась в Таджикистан, чтобы помочь в борьбе с коронавирусной инфекцией
Министерство здравоохранения Узбекистана
Группа узбекских врачей отправилась в Таджикистан, чтобы помочь в борьбе с коронавирусной инфекцией

Сафари онҳо бахше аз кумакҳои башардӯстонаи Узбакистон ба Тоҷикистон аст, ки ҳадафи он мубориза бо паҳншавии сирояти бемории коронавирус аст.

Коршинос гуфт, Ӯзбекистон чихел метавонад дар мубориза бо COVID-19 ба Тоҷикистон ёрӣ кунад

Дар назар аст, ки табибони ӯзбек ба ҳамкасбони тоҷикашон дар ташкили дурусти пешгирии COVID-19 кӯмак мерасонанд, инчунин назорати беморони гирифтори коронавирусро муқаррар мекунанд ва табобати дурустро барои онҳо муаян мекунанд.

Мутахассисон аз ҷониби Ӯзбекистон бо ҳавопаймои ҳарбии Вазорати дифои кишвар омадаанд.

Группа узбекских врачей отправилась в Таджикистан, чтобы помочь в борьбе с коронавирусной инфекцией
Министерство здравоохранения Узбекистана
Группа узбекских врачей отправилась в Таджикистан, чтобы помочь в борьбе с коронавирусной инфекцией

Ёдрас мешавем, ки санаи 5 май президентҳои Тоҷикистон ва Ӯзбекистон Эмомалӣ Раҳмон ва Шавкат Мирзиёев телефонӣ дар бораи паҳншавии сирояти коронавирус дар минтақа гуфтугӯ карданд ва ба мувофиқа расиданд, ки дар мубориза алайҳи COVID-19 якҷоя кор кунанд.

973
Барчаспҳо:
вирус, табибон, кумак, Ӯзбекистон, Тоҷикистон
Медсестра ухаживает за пациентами в больнице

Фавти як дардманди дигари коронавирус дар Қирғизистон: шумораи қурбониён ба 17 расид

32
Дар Қирғизистон фавти нав аз маризии коронавирус сабт шудааст. Бо иловаи фавти ҷадид теъдоди қурбониёни ин маризӣ ба 17 нафар баробар шуд

ДУШАНБЕ, 2 июн – Sputnik. Дар вилояти Нарини Қирғизистон як зани 79 - сола, ки гирифтори маризии сироятии коронавирус буд, ба ҳалокат расид.

Ба иттилои муовини вазири тандурустии ин кишвар Нурболот Усенбоев, зани солхӯрдаро ҳанӯз 13 - уми май бистарии беморхона намуданд.

Марҳум дар баробари мубтало шудан ба коронавирус, ҳамзамон аз маризии қалб ва фишорбаландӣ низ азият мекашидаст.

"Вазъи саломатии бемор рӯзи 30 - юми май бад шуда, санаи 1 - уми июн пизишкон ӯро ба дастгоҳи нафасдиҳии сунъӣ пайваст карданд", - шарҳ додааст муовини вазири тандурустӣ.

Усенбоев таъкид кард, ки бо вуҷуди талошҳои зиёди пизишкон қалби ӯ аз тапидан бозмонд.

Тамдиди қарантина дар Ӯзбекистон ва афзоиши мубталоён ба коронавирус дар Қирғизистон

Ҳамакнун теъдоди умумии қурбониёни маризии сироятии коронавирус дар Қирғизистон ба 17 нафар баробар шуд.

Гузашта аз ин, дар Қирғизистон ҷамъан 1845 ҳолати сироятшавӣ ба ин маризӣ сабт гардидааст. Аллакай 1219 нафар пас аз шифо ёфтан аз дармонгоҳҳои ин кишвар мураххас шуданд.

Ёдовар мешавем, ки дар Тоҷикистон ба таври расмӣ бурузи ин маризиро санаи 30 - юми апрел эълон карданд ва то кунин аз ин беморӣ тибқи маълумотҳои расмӣ 47 нафар ба ҳалокат расиданд.

32
Барчаспҳо:
маризӣ, фавт, Қирғизистон
Мавзуҳо:
То кай?: танишҳои марзӣ миёни Тоҷикистону Қирғизистон
Пробирка с кровью анализа на антитела к коронавирусу COVID-19

Оғози истеҳсоли “Антиковид-19” дар Тоҷикистон: дорусоз гуфт, сироятро 99% кам мекунад

1353
Сайидвалӣ Ҳикматов, дорусози тоҷик, мегӯяд, истифодаи ин маҳлул, эҳтимоли сирояти дигаронро 99 фоиз кам карда, барои духтурону бемордорон хатари сироятёбӣ қариб аз байн меравад

ДУШАНБЕ, 2 июн - Sputnik. Сайидвалӣ Ҳикматов, дорусози тоҷик, истеҳсоли маҳлули антисептикии пошанда (спрей)-ро ба роҳ мондаст, ки “Антиковид-19” ном дорад

Маҳлул дар асоси сиёҳдона тайёр шуда, қобилияти баланди зиддивирусӣ дорад, хабар додаст нашрияи парлумони Тоҷикистон, “Садои мардум”.

Ба иттилои манбаъ, Ҳикматов муътақид аст, ки агар беморони гирифтори коронавирус рӯзе 6-8 маротиба маҳлулро ба кому даҳон пош диҳанд, эҳтимолияти сироят ёфтани дигарон 99 дарсад кам мешавад.

“Духтурон ва дигар ашхосе, ки бо беморон тамос доранд, агар бо ин маҳлули антисептикӣ даҳонашонро коркард намоянд, хатари сироятёбӣ қариб пурра аз байн меравад”, - омадааст дар матлаб.

Манбаъ афзуд, бемороне, ки дар шаҳрҳои Хуҷанду Панҷакент, Турсунзода ва ноҳияи Мастчоҳ аз маҳлули “Антиковид-19” истифода бурдаанд, беҳбудиро эҳсос намуданд.

Нашрия навиштааст, ки яке аз бартариҳои нӯшдорую маҳлули антисептикии пошандаи “Антиковид-19” дар он аст, ки хосияти иммуномодуляторӣ дошта, қувваи муҳофизатии ҷисмро пурқувват мекунад.

“Магнийи таркиби сиёҳдона фаъолияти системаи дилу рагҳо, шуш, мағзи сар, системаи асаб ва мушакҳоро беҳтар мегардонад. Оҳан барои хунофарӣ, мис барои беҳтаргардонии раванди табодули моддаҳо дар ҳуҷайраҳо, манган баҳри фаъолияти хуби ғадуди зери меъда, селен дар муолиҷаи бемориҳои саратонӣ кумак мерасонанд. Витаминҳои гурӯҳи В дар фаъолияти хуби ҷигару низоми асаб нақши муҳим  мебозанад”, - омадааст дар матлаб.

1353
Барчаспҳо:
истеҳсол, дорусозӣ, дору, сироят, Тоҷикистон
Автомобили на проезжей части, архивное фото

Пиёдагарди 28-сола зери чархи "Лексус" ҷон дод

0
(Таҷдидшуда 13:14 02.06.2020)
Вазорати умури дохилии Тоҷикистон аз садамаи маргбор хабар дод, ки шаби 31 май бар асари ноуҳдабароии ронандаи "Лексус" рух додааст

ДУШАНБЕ, 2 июн - Sputnik. Тибқи иттилои ВУД, садама санаи 31-уми майи соли 2020, тахминан соати 23:30 дақиқа дар роҳи Ваҳдат - Рашт ба вуқуъ пайваст.

"Ронандаи автомашинаи тамғаи “Лексус RX-350”, Мухторов Шараф Насриддинович, соли таваллудаш 1988, сокини ноҳияи Файзобод, ҳангоми ҳаракат кардан дар роҳи автомобилгарди “Ваҳдат-Рашт”, воқеъ дар деҳаи Бӯстон, аз уҳдаи идора кардани воситаи нақлиёт набаромада, пиёдагард, Кучкинов Нуриддин Худойбердиевич, соли таваллудаш 1992, сокини ноҳияи Қубодиёнро пахш намудааст", - омадааст дар иттилоия.

Манбаъ афзуд, ки дар натиҷа, Кучкинов ҷароҳатҳои вазнини ҷисмонӣ бардошта, дар ҷойи ҳодиса ба ҳалокат расидааст.

ВУД такъид намуд, ки феълан аз рӯи ин ҳодиса таҳқиқот идома дорад.

0
Барчаспҳо:
ҳалокат, садамавӣ, Тоҷикистон