Ёдгор Файзов, председатель ГБАО

Даъвати раиси ВМКБ ба дақиқгӯӣ, худдорӣ аз бархе суннатҳои дафн ва аёдати беморон

1953
(Таҷдидшуда 13:32 13.05.2020)
Ёдгор Файзов, раиси ВМКБ, дар марҳилаи пандемияи коронавирус хостори худдорӣ аз бархе суннатҳои дафн шуда, аз расонаҳои вилоят хост, ба мардум маълумоти дақиқ расонанд, то дурӯғу овоза паҳн нашавад

ДУШАНБЕ, 13 май — Sputnik.  Яке аз масъалаҳои нозук, ин ба хок супоридани шахсоне мебошад, ки бар асари бемории сироятии COVID-19 аз дунё реҳлат мекунанд, изҳор дошт Файзов дар ҷаласаи Ситоди вилоятии мубориза бо COVID-19.

Ӯ афзуд, бо мақсади ҳифзи саломатии хешу табор, ёру дӯстон то лаҳзаи омода гардидани манзили охират ҷасад дар беморхона мемонад ва танҳо бо тавсия ва ҳузури табибон он ба хок супорида мешавад.

“Бояд дар ин лаҳзаҳои душвору ҳассос бо мақсади пешгирӣ аз паҳншавии ин бемории сироятӣ аз риояи баъзе расму суннатҳои исломӣ ва аҷдодӣ муваққатан худдорӣ варзем”, - хабар дод “Ховар” аз қавли Файзов.

Ҳушдор аз хатари дидору гуфтугӯ бо беморон

Вай ба ҳамаи сокинони вилоят барои риояи маслиҳату тавсияи табибон изҳори сипос намуда, аз кулли сохторҳои давлатию ҷамъиятӣ, соҳибкорону волонтёрон даъват кард, ки дар ин шабу рӯз дар канори табибон бошанд ва онҳоро ҳам аз ҷиҳати моддӣ ва ҳам маънавӣ дастгирӣ намоянд.

“Ҳарчанд ки аксарияти сокинони вилоят аз ниқобҳои муҳофизатӣ истифода мебаранду ба кӯча ҳам кам мебароянд, аммо  ҳанӯз ҳам шумораи зиёди одамон дар назди дарвозаи беморхонаи вилоятӣ ҷамъ шуда, мехоҳанд бо беморон аз наздик дидору гуфтугӯ намоянд. Бо ҳамин роҳ онҳо ҳам ҷони худ ва ҳам ҷони наздиконашонро дар хатар мегузоранд”, - изҳори нигаронӣ кард Файзов.

Сокинони 17 маҳаллаи Хоруғ бо навбат беморхонаро бо ғизо таъмин мекунанд

Манбаъ илова намудааст, ки дар ин шабу рӯз сокинони 17 маҳаллаи шаҳри Хоруғ беморхонаи вилоятиро бо навбат бо ғизои гарм таъмин мекунанд ва ниёз ба кумаки беруна нест. Катҳои хоб ҳанӯз басандаанд ва дар сурати зарурӣ беморхона бо катҳои иловагӣ таъмин мегардад.

Ҳамчунин баъзе аз соҳибкорони саховатпеша барои қабул ва табобати беморон меҳмонхонаҳои хусусии худро пешниҳод карданд, ки ҳоло аз тарафи мутахассисони соҳа мавриди омӯзиш қарор гирифтаанд.

Занги то  85 нафар барои ёрии таъҷилӣ ва камбуди мошин - ҳамагӣ 5 адад

Раиси вилоят ба масъулини Раёсати тандурустии вилоят супориш дод, ки ба ташхиси беморон аҳамияти ҷиддӣ диҳанд ва аввал ба онҳое кумак расонанд, ки вазъи саломатиашон вазнин аст.

“Зеро мутобиқи таҳқиқи коршиносони соҳаи тиб, 85 фоизи сироятёфтагон дар шароити хона низ шифо меёбанд. Ҳамчунин ҳар сари чанд вақт аз ҳоли табибони шабакаи ёрии таъҷилӣ хабар гирифтан зарур аст. Зеро онҳо дар хати аввали мубориза бо ин бемории сироятӣ қарор доранд”, - изҳор дошт раис.

Ба иттилои сардори Маркази ёрии таъҷилии вилоят, дар як рӯз то 85 занги телефонӣ ворид мешавад, аммо ин марказ ҳамагӣ 5 мошини ёрии таъҷилӣ дорад. Барои ҳалли ин масъала тадбирҳои мушаххас андешидан зарур аст.

Раиси ВМКБ: ба мардум маълумоти дақиқ диҳед, то дурӯғ паҳн нашавад

Ба иттилои раиси ВМКБ, дар назди мақомоти иҷроияи ҳокимияти давлатии вилоят суратҳисоби махсус бо мақсади кумак ба беморону табибон кушода шуда, давоми ҳамагӣ чанд рӯз ба ин суратҳисоб 78 ҳазор сомонӣ ворид гардид.

Раиси вилоят аз кормандони воситаҳои ахбори оммаи маҳаллӣ даъват намуд, ки ба сокинони вилоят маълумоти дақиқ пешниҳод кунанд ва ба ин восита аз паҳншавии ҳар гуна овозаҳои бардурӯғу ғаразомез ҷилавгирӣ намоянд.

1953
Женщина в защитной маске на улице города Душанбе

Бидуни фавт: вазорат омори нави гирифторони коронавирус дар Тоҷикистонро эълон кард

40
(Таҷдидшуда 19:16 04.06.2020)
Вазорати тандурустии Тоҷикистон омори нави мубталоёни коронавирус дар кишварро барои имрӯз  4 июн нашр кард

ДУШАНБЕ, 4  июн — Sputnik. Тибқи иттилои дафтари матбуотии Вазорати тандурустии кишвар давоми шабонарӯзи ахир 98 ҳолати нави коронавирус ба қайд гирифта шудааст.

Тибқи маълумот  то имрӯз 4 июн, шумораи умумии беморони коронавирус дар ҷумҳурӣ ба 4289 нафар расид.

Ҳамзамон, дар давоми як рӯзи охир, табибон тавонистанд 54 беморро табобат кунанд.

Сар аз оғози ълони ин бемори дар кишвар то кунун  2 401 нафар шаҳрвандон шифо ёфтанд.

Инчунин то имрӯз, 1418 сокин дар беморхона таҳти назорати кормандони тиббӣ қарор доранд.

Вазорати тандурустӣ илова гуфтааст,  давоми шабонарӯзи охир аз коронавирус ҳеҷ кас нафавтидааст. Теъдоди қурбониён то имрӯз аз  ин беморӣ дар кишвар ба  48 нафар мерасад.

Ин ниҳод афзудааст, ки ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ мешаванд ва дар ин лаҳзаҳои ҳассос аз тамоми сокинони кишвар даъват ба амал оварда мешавад, ки ҷиҳати пешгирии сирояти мазкур пеш аз ҳама, қоидаҳои беҳдошти шахсиро қатъиян риоя намоянд, зеро, дар урфият беҳуда нагуфтаанд, ки табиби ҳар шахс худи ӯст.

Дар Тоҷикистон аз бурузи маризии коронавирус ба таври расмӣ 30 - юми апрел хабар доданд.

 

 

40
Открытие нового здания хирургии в районе Шахристан, архивное фото

Хушхабар: Пажӯҳишгоҳи гастроэнтерология дар Душанбе аз маризони COVID - 19 орӣ шуд

336
Тамоми маризони COVID -19, ки дар Пажӯҳишгоҳи гастроэнтерология дар шаҳри Душанбе бистарӣ буданд, шифо ёфта мураххас шуданд

ДУШАНБЕ, 4 июн — Sputnik. Вазорати тандурустии Тоҷикистон аз орӣ шудани Пажӯҳишгоҳи гастроэнтерология дар шаҳри Душанбе аз маризони коронавирус хабар дод.

Ба иттилои манбаъ, ҳамаи маризони коронавирус, ки дар ин беморхона бистарӣ буданд, шифо ёфта ба хонаҳои худ баргаштанд.  

Ду донишҷӯи тоҷик мубталои коронавирус шуда, ба бемористон бистарӣ шуданд

Зимнан, вазорат таъйид намудаст, ки дар чанд рӯзи ахир қисме аз муассисаҳои тандурустӣ, ки  муддати муайян дар онҳо беморони гирифтори коронавирус табобат мегирифтанд, ба фаъолияти муқаррарӣ баргаштанд.

"Муассисаи давлатии "Маркази ҷумҳуриявии клиникии бемориҳои дил" ва Маркази бемориҳои урологӣ, воқеъ дар Муассисаи давлатии Маркази миллии тиббии Тоҷикистон "Шифобахш" ва бахши таваллудхонаи Муассисаи давлатии Маҷмааи тандурустии "Истиқлол", ки ба муоинаву муолиҷаи гирифторони бемории коронавирус машғул буданд,  ба фаъолияти муқаррарии корӣ баргардонида шуданд", - таъкид мешавад дар хабар.

Манбаъ меафзояд, ҳоло  дар аксар минтақаҳои мамлакат, бахусус дар шаҳри Душанбе ҳолатҳои сироятёбии сокинон аз бемории  COVID-19 то андозае поён рафта, ҳамзамон муроҷиати шаҳрвандони мамлакат низ ба муассисаҳои тиббӣ бо нишонаҳои сироятёбӣ аз коронавирус кам шудааст.

Мутахассисони соҳаи тандурустӣ бар он назаранд, ки дар Ҷумҳурии Тоҷикистон давраи авҷи сироятёбии сокинон ба бемории COVID-19 паси сар шудааст.

336
Барчаспҳо:
маризон, бемористон, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон

Путин аз беҳбуд шудани вазъи коронавирус дар Русия хабар дод

0
Раисҷумҳури Русия Владимир Путин мегӯяд, вазъияти феълӣ дар роибта ба авҷи маризии коронавирус, рӯ ба беҳбудӣ дорад

ДУШАНБЕ, 4  июн — Sputnik. Кишвардори Русия Владимир Путин мегӯяд, вазъият дар робита ба маризии коронавирус рӯ ба беҳбудӣ ниҳодааст.

Сомонаи Кремл хабар медиҳад, ки Владимир Путин бо аъзои Шӯрои Амнияти Федератсияи Русия дар бораи вазъи феълӣ мулоқот баргузор намудаст.

Ба гуфтаи Путин, бо вуҷуди беҳтар шудани вазъ, назорат дар ҳар минтақа бояд пурзӯр карда шавад "ва дар сурати мушоҳида кардани тағйироти кӯчак дар робита ба авҷи коронавирус фавран бояд чораҷӯӣ кард".

232 бемор: фавти рекордӣ аз коронавирус дар Русия давоми як рӯз

Зимнан, раисҷумҳури Русия аз афзоиши шумораи гирифторони коронавирус дар манотиқи Забайкал шадидан изҳори нигаронӣ кард.

Дар робита ба ин, Владимир Путин барои назорати вазъ дар ин манотиқ ба масъулини дахлдор дастуру супоришҳои нав дод.

Бар  тибқи тозатарин маълумотҳо, дар Федератсияи Русия ба ҳолати 4 - уми июн 441 ҳазор дардмандони маризии сироятии коронавирус ба қайд гирифта шудааст.

Аз ин маризӣ дар Русия 204 ҳазор бемор шифо ёфта, ҳамзамон 5384 нафар ҷон бохтанд.

0
Барчаспҳо:
маризон, вазъият, Владимир Путин, Русия
Мавзуҳо:
Пайомадҳои COVID-19 дар Тоҷикистон ва ҷаҳон