Исматуллозода провела совешание в городе Бустан по коронавирусу

Супоришҳои Исматуллозода ба масъулини Бӯстон барои таъмини табибон бо лавозимоти зарурӣ

217
(Таҷдидшуда 16:43 14.05.2020)
Ширин Исматуллозода муовини сарвазири Тоҷикистон ҷиҳати пурзӯр намудани гардиши хонагӣ аз ҷониби табибони оилавӣ, таъмин намудани мутахассисон бо лавозимоти зарурӣ, ба масъулини шаҳри Бӯстон дастуру супоришҳои мушаххас дод

ДУШАНБЕ, 14 май — Sputnik. Муовини сарвазири Тоҷикистон Ширин Исматуллозода дар шаҳри Бӯстони вилояти Суғд оид ба пешгирии паҳншавии бемории сироятии коронавирус (COVID-19) ҷаласаи ситоди доимоамалкунанда баргузор кард.

Дар ин бора Вазорати тандурустии Тоҷикистон хабар медиҳад.

Дар машварати корӣ раиси шаҳри Бӯстон Раъно Ҳошимзода, муовини якуми раиси Кумитаи кор бо занон Нигорахон Ғаффорзода, масъулини муассисаҳои тандурустии шаҳр, Маркази назорати давлатии санитарию эпидемиологӣ,  масъулини шуъбаи рушди иҷтимоӣ ва робита бо ҷомеаи дастгоҳи раиси шаҳр, бахши кор бо ҷавонон ва варзиш, Кумитаи иҷроияи Ҳизби Халқии Демократии Тоҷикистон дар шаҳр ва дигар масъулин ширкат намудаанд.

Дастури Ҳакимзода ба раисон барои пардохти саривақтии маош ва кӯмакпулӣ ба табибон

Зимни машварат  сартабиби беморхонаи шаҳрӣ Умедҷон Абдуллоев оид ба вазъи пешгирӣ ва паҳншавии бемории сироятии коронавирус ҳисобот додааст.

"Ширин Исматуллозода ҷиҳати пурзӯр намудани гардиши хонагӣ аз ҷониби табибони оилавӣ, таъмин намудани мутахассисон бо лавозимоти зарурӣ, вусъати корҳои тарғиботиву ташвиқотӣ, даъвати аҳолӣ ба риояи қоидаҳои беҳдоштӣ ва амсоли он ба масъулин дастуру супоришҳои мушаххас дод", - омадааст дар хабарнома.

Зикр шудааст, ки ҳамарӯза дар шаҳр вазъият зери назорат қарор дошта, фаъолияти масъулин тақвият меёбад.

217
Барчаспҳо:
дастуру супоришҳо, масъулин, Вазорати тандурустӣ, ш. Бӯстон
Мавзуҳо:
Пайомадҳои COVID-19 дар Тоҷикистон ва ҷаҳон (412)
Министр здравоохранения Таджикистана Джамоллидин Абдуллозода

Вазири тандурустӣ таъкид кард табобати беморони вируси корона ройгон аст

9
(Таҷдидшуда 11:49 26.05.2020)
Вазири тандурустии Тоҷиккистон эълон доштааст, ки маводи доруворӣ ва муҳофизатӣ дар кишвар басанда аст ва табобати беморони вируси корона дар бемористонҳо пурра ройгон аст

ДУШАНБЕ, 26 май – Sputnik. Ҷамолиддин Абдуллозода, вазири тандурустӣ ва ҳифзи иҷтимоии аҳолии Тоҷикистон, дар суҳбато бо АМИТ “Ховар” таъкид доштааст, ки имрӯз дар Тоҷикистон маводи доруворӣ ва муҳофизатӣ басанда мебошад.

Ба гуфтаи вай, он маводу дорувориҳое, ба Вазорати тандурустӣ ворид мешаванд, ба таври кофӣ  захира карда шудаанд.

“Баъзе муассисаҳое ҳастанд, ки маводу дорувориҳои якмоҳаи худро захира намудаанд.   Назорати тақсимоти маводи доруворӣ пурзӯр гардида, супориш дода шудааст, ки беморон сари вақт бо   дорую давои зарурӣ таъмин карда шаванд. Тақсимоти маводи доруворӣ ба муассисаҳои тандурустӣ зери  назорати бевоситаи Вазири тандурустӣ қарор дорад”,- қайд кардааст Ҷамолиддин Абдуллозода.

Ҳамчунин вазир зикр кардааст, ки вазорат дар таъмини дору ягон мушкилӣ надорад ва тамоми доруворие, ки дар протоколи табобат  зикр гардидааст, аз тарафи Ҳукумати ҷумҳурӣ таъмин карда шудааст.

Ҳамзамон Абдуллозода қайд кард, ки табобати беморони COVID-19 пурра ройгон аст.

“Албатта, баъзе доруҳое ҳастанд, ки аз дорухонаҳо  дастрас карда намешаванд. Тақсимоти дурусти дору ба бемор  аз виҷдони ҳар як табиб низ вобастагӣ дорад”, - гуфт вазир.

Ёдрас мешавем, ки   то 25 май дар кишвар 3100 нафар бо ташхиси сирояти коронавируси нави КОВИД-19 ошкор гардида, аз ин беморӣ то кунун дар мамлакат 1395 нафар шифо ёфтаанд.

Гузашта аз ин , то санаи зикргардида дар мамлакат аз ин беморӣ 46 нафар фавтидаанд.

9
Барчаспҳо:
ройгон, бемористон, вирус, бемор, муҳофизат, маводи доруворӣ, Тоҷикистон

Назорати шабонарӯзӣ: муовинони вазир аз чанд беморхонаҳои шаҳри Душанбе дидан карданд

51
(Таҷдидшуда 11:10 26.05.2020)
Роҳбарияти вазорати тандурустӣ Тоҷикистон бо мақсади аз наздик ошнои пайдо кардан бо фаъолияти муассисаҳои тандурустии кишвар гаштҳои шабонаро низ ба роҳ мондааст

ДУШАНБЕ, 26 май – Sputnik. Бино бар иттилои дафтари матбуоти вазорати тандурустии Тоҷикистон, ахиран бо ин мақсад муовинони Вазири тандурустӣ Саида Умарзода ва Шодихон Ҷамшед аз як қатор марказҳои саломатии шаҳри Душанбе дидан намуданд.

Манбаъ қайд намудааст, ки зимни боздид аз марказҳои саломатии мазкур муовинони Вазири тандурустӣ бо табибон вохӯрӣ анҷом дода,  дар рафти он масъалаҳои пурзӯр намудани корҳои омодагӣ барои пешгирии сирояти коронавирус баррасӣ намуданд.

Инчунин зимни боздид масоили таъмини муассисаҳои тандурустӣ бо маводҳои тиббӣ ва зиддивирусӣ, пурзӯр намудани корҳои фаҳмондадиҳӣ миёни аҳолӣ бо мақсади пешгирӣ аз вируси мазкур низ баррасӣ шуданд.

Манбаъ зикр намудааст, ки ҳадаф аз сафарҳои масъулони вазорат аз наздик ошно шудан бо фаъолияти табибон ва ҷараёни табобати беморони гирифтори сирояти коронавирус дар муассисаҳои тандурустӣ, саривақт фаро гирифтани онҳо ба табобати хонагӣ, таъмини беморон бо доруворӣ ва бемористонҳо бо таҷҳизоти тиббӣ, таъмини табибон бо либосҳои муҳофизатӣ, ошкор намудани камбудиҳои муассисаҳо, мушкилоти табибон ва саривақт ба онҳо расидагӣ кардан мебошанд.

51
Барчаспҳо:
Душанбе, беморхона, назорат, шабона, тандурустӣ, муассисаҳо, ошноӣ, вазорати тандурустӣ, Тоҷикистон