Русия воксинаи зидди COVID-19-ро сохтааст

6425
(Таҷдидшуда 11:37 17.05.2020)
Маркази миллии таҳқиқотии эпидемиология ва микробиология (НИЦЭМ) ба номи Н.Ф. Гамалеяи Русия эълон кард, ки воксини зидди COVID-19-ро сохтааст ва он мумкин аз авохири тобистони имсол барояд

ДУШАНБЕ, 17 май — Sputnik.  Дар ин бора Александр Гинтсбург, раҳбари ин маркази таҳқиқоӣ зимни суҳбаташ дар филми мустанади "Опасный вирус 5" дар шабакаи телевизионии "Россия 1" хабар дода, гуфтааст, агар мушкиле пеш наояд, охирҳои моҳи август онро сабти ном хоҳанд кард.

Номбурда мегӯяд, таҳияи воксинаи мазкур моҳи феврал оғоз ёфта, дар таҳияи он платформаи умумиеро, ки қаблан дар воксинаи зидди табларзаи Эбола ва коронавируси MERS истифода шуда буд, истифода кардаанд.

Ба гуфти ӯ воксин дар марҳалаи озмоиши токлиникӣ қарор дорад, ки як моҳро дар бар мегирад ва пас аз он Вазорати тандурустии Русия санҷишро дар одамон иҷозат медиҳад.

Ӯ мегӯяд санҷишҳои аллакай гузаронидаашон натоҷи назаррас додааст.

Гунтсбург таъкид кард, ки пас аз ба қайд гирифтан ва оғози истеҳсоли ваксина, фавран эмкунӣ кардани тамоми сокинони кишвар ғайриимкон аст.

Мдири марказ илова намуд, ки Вазорати тандурустӣ барои тавлиди ваксинаҳо аз тамоми имконоти имконпазир истифода хоҳад кард.

Олим ишора кард, ки таҳиягарони воксина аллакай онро дар худ низ санҷидаанд.

Имрӯзҳо беш аз 70 гурӯҳи пизишкон дар саросари ҷаҳон барои пайдо кардани ваксина алайҳи коронавирус пажӯҳиш мегузаронанд.

Қаблан Николай Малишев, доктори илмҳои тиб, профессор, пизишки сироятшинос гуфта буд, ки ваксинаи зидди коронавирус на пештар аз ним сол пайдо мешавад.

Бо гузашти анқарид шаш моҳ аз пайдошиши ин вирус ҳануз ба ягон олим муяссар нагаштааст, ки дору барои пешгирӣ ва муолиҷаи онро таҳия кунад.

Дар Русия, тибқи маълумоти охирин, 272 ҳазор ҳолати гирифтори ба коронавирус ба қайд гирифта шудааст. Ҳамакнун аз ин беморӣ 63 ҳазор шифо ёфтаву беш аз дуним ҳазор нафар фавтидаанд.

Авохири моҳи декабр мақомоти Чин аз бурузи маризии илтиҳоби шуш бо нишонаҳои номаълум дар шаҳри Вуҳан хабар доданд.

Сипас муайян шуд, ки барангезандаи ин маризӣ коронавирус - 2019-nCoV мебошад. Нахустин мубталоёни ин вируси навро дар шаҳри Вуҳани Чин пайдо карданд. 

Вирус зуд берун аз шаҳр ва кишвар паҳн гардид.

Рӯзи 11 март Созмони Ҷаҳонии Беҳдошт хуруҷи коронавируси навро дар ҷаҳон пандемия эълон кард.

Бар пояи оморҳои ахир дар саросари ҷаҳон, беш аз 4, 6 миллион гирифтор гаштаву 1,6 миллион шифо ёфта, 309 ҳазор нафар фавтидааст.

6425
Барчаспҳо:
Олимон, санҷиш, Эбола, вирус, дору, Русия
Мавзуҳо:
Пайомадҳои COVID-19 дар Тоҷикистон ва ҷаҳон (492)

Мутахассисони Роспотребнадзор барои мубориза бо COVID-19 боз ба Тоҷикистон меоянд

214
(Таҷдидшуда 14:00 05.06.2020)
Кормандони Роспотребнадзор дар чаҳорчӯбаи гурӯҳи вокуниши фаврии Созмони ҷаҳонии беҳдошт ба Тоҷикистон ташриф хоҳанд овард

ДУШАНБЕ, 5 июн — Sputnik. Роспотребнадзор ният дорад мутахассисонро барои мубориза бо коронавирус ба Тоҷикистон фиристад.

Кормандони Роспотребнадзор дар чаҳорчӯбаи гурӯҳи вокуниши фаврии Созмони ҷаҳонии беҳдошт ба Тоҷикистон ташриф хоҳанд овард

"Дар ояндаи наздик, мутахассисони Роспотребнадзор боз барои кор ба ҳайси як гурӯҳи байналмилалии коршиносоне, ки аз ҷониби ТУТ таъсис дода шудаанд, барои кор ба ҷониби Тоҷикистон дар ташхиси лабораторӣ, назорати эпидемиологӣ ва гузаронидани таҳқиқот дар коронавирус кӯмак мерасонанд", гуфт хадамоти матбуот.

Гуфта мешавад, фиристодаҳои Роспотребнадзор дар ҳайати ТУТ ба ҷониби Тоҷикистон дар ташхиси лабораторӣ, назорати эпидемиологӣ ва таҳқиқоти илмии коронавирус кӯмак хоҳанд кард.

Ёдовар мешавем, мутахассисони Роспотребнадзор алакай аввали моҳи май ба Тоҷикистон омада,  вазъи эпидемияи кишвар, тадбирҳои вокуниш ва иқтидори лабораториро арзёбӣ карданд.

 Ғайр аз он, коршиносони рус ба кормандони соҳаи тиб дар Тоҷикистон тавсияҳо оид ба мубориза бо коронавирус пешниҳод карданд.

Қайд карда мешавад, ки Роспотребнадзор ва ТУТ кори худро дар мубориза бар зидди паҳншавии коронавирус якҷоя идома медиҳанд.

Махсусан, дар доираи Шабакаи Глобалии Огоҳкунӣ ва Амалҳои ҷавобӣ (GOARN), агентӣ дар ташкили гурӯҳҳои вокуниши фаврӣ барои расонидани кӯмак ба кишварҳои бештар зарардида ширкат мекунад.

Тибқи маълумот  то 4 июн, шумораи умумии беморони коронавирус дар Тоҷикистон ба 4289 нафар мерасад.

Теъдоди қурбониён то имрӯз аз  ин беморӣ дар кишвар ба  48 нафар расида, ҳамчунин 2401 нафари дигар табобат ёфтаанд.

 

214
Пробирки с биоматериалом в лабораторном комплексе

Роспотребнадзор гуфт, сохтани ваксинаи ягона барои COVID-19 ғайриимкон аст

447
(Таҷдидшуда 20:30 04.06.2020)
Анна Попова, раҳбари Роспотребнадзор дар бораи омода кардани ваксина бар зидди коронавирус сухан гуфт

ДУШАНБЕ, 4  июн — Sputnik. Ваксинаи ягона барои коронавирус нахоҳад дошт, гуфт роҳбари Роспотребнадзор Анна Попова ҳангоми мубоҳисаи онлайн дар клуби “Валдай”.

Ба гуфтаи вай, дар Русия якбора якчанд доруҳои мухталифро барои табақаҳои гуногуни аҳолӣ истифода хоҳанд бурд.

"Бешубҳа, ин як дору нахоҳад буд. Як қатор ваксинаҳо ва доруҳои мухталиф мавҷуданд, ки барои гурӯҳҳои гуногун истифода хоҳанд шуд" - гуфт Попова.

Дар хусуси таъсири ваксинаҳои таҳияшудаи зидди коронавирус ҳанӯз барвақт гуфтан, изҳор дошт роҳбари Роспотребнадзор.

"Мӯҳлати эълон (таҳия намудани ваксина) умеди касе аст. Аммо ба назарам, имрӯз ҳоло умедвор кардан барвақт аст. Мо метавонем бигӯем, ки кай таҳия ва иҷрои ваксина аз ҷиҳати техникӣ имконпазир аст, аммо мо итминон надорем, ки он барои шахс то чӣ андоза самарабахш хоҳад буд",- гуфт Попова.

Вай афзуд, ки бар асари коронавирус, мутахассисон бояд фавран ваксинаҳои зукомро омода кунанд. Тибқи пешгӯии Роспотребнадзор, мавҷи дуюми ин беморӣ дар давраи афзоиши беморищои шадиди роҳи нафас метавонад рух диҳад.

Тахмин меравад, ки дар ин ҳолат як бемор манбаи паҳнсозии ҳарду вирус - ҳам зуком ва ҳам коронавирус мегардад.

Номбурда гуфтааст, рухдоди чунин вазъ раванди вазнин хоҳад буд ва ин комилан, ин моро водор мекунад, ки ваксина алайҳи зукомро ба даст орем ва миқдори онро зиёд бардорем ва кӯшиш кунем, ки шумораи зиёди шаҳрвандон эм карда шаванд.

447
Барчаспҳо:
истеҳсол, вирус, табобат, дору, Тоҷикистон
Учения МЧС РФ в Ростове-на-Дону

Мубориза бо КОВИД-19: дар Бӯстон маҳлули хлор тақсим мекунанд

0
Дар ҳудуди шаҳр, кӯчаву хиёбонҳо, ҷойҳои ҷамъиятӣ, бозору марказҳои хизматрасонӣ, коргоҳу муассисаҳо ва манзилҳои аҳолӣ ҳамарӯза ҷиҳати безараргардонӣ тадбирҳо амалӣ гардида истодаанд.

ДУШАНБЕ, 5 июн — Sputnik. Дар шаҳри Бӯстони вилояти Суғд дар баробари ба роҳ мондани корҳои безараргардонӣ дар ҳудуди шаҳр тариқи нақлиёти махсуси хизматӣ ва дастгоҳҳои безараргардонӣ, инчунин Маркази назорати санитарию эпидемиологӣ ба аҳолӣ маҳлули хлорро ройгон дастрас менамояд.

Дар ин бора шаҳрдории Бӯстон гузориш медиҳад.

Дар ҳудуди шаҳр, кӯчаву хиёбонҳо, ҷойҳои ҷамъиятӣ, бозору марказҳои хизматрасонӣ, коргоҳу муассисаҳо ва манзилҳои аҳолӣ ҳамарӯза ҷиҳати безараргардонӣ тадбирҳо амалӣ гардида истодаанд.

Бино бар иттилои манбаъ, шурӯъ аз охирҳои моҳи апрели соли 2020,  ба зиёда аз 780 нафар сокинони шаҳри Бӯстон, ки хоҳиши шахсан дар манзилҳояшон гузаронидани корҳои безараргардонӣ доранд ва ё тариқи пешниҳоди раисони маҳаллаҳо беш  аз 11 тоннаву 700 литр маҳлули хлор дастрас карда шуд.

Тибқи иттилои директори Маркази назорати санитарию эпидемиологии шаҳри Бӯстон Зайнулло Тешаев, дар Марказ захираи кофии маҳлулҳои безараргардонӣ мавҷуд аст.

Сокинон бемамониат имкон доранд ройгон маҳлули хлор дастрас намоянд.

Ҷаҳиши нархи хлору ниқоб дар Суғд

 

0