Дети собирают конфеты по обычаю идгардак

Фақат як нафар: “раҳм”-и вируси корона бар наврасону тифлони тоҷик

2802
Вазорати тандурустӣ ва ҳифзи иҷтимоии аҳолӣ мегӯяд, дар қиёс бо дигар кишварҳои олам ҳеҷ тифле дар Тоҷикистон ба маризии “вируси корона” гирифтор нашудааст

ДУШАНБЕ, 18 май – Sputnik. Эмомалии Мирзо, сухангӯи вазорат ба Sputnik Тоҷикистон гуфт, аз рӯзе, ки аввалин мавориди гирифторӣ ба “вируси корона” дар Тоҷикистон эълон шуданд, ҳеҷ мавриде аз ибтилои тифлон ба CОVID-19 сабт нашудааст.

 “Хушбахтона, миёни аз 1 то 10 – солаҳои кишвар ҳеҷ касе гирифтор нашуда, дар миёни онҳое, ки аз 10 то 20 – сола ҳастанд, як маврид сабт шудааст, ки ӯ ҳам ба саломатӣ рухсат шуда, ҳеҷ хатаре ба зиндагиаш вуҷуд надорад”, - гуфт Эмомалии Мирзо.

Сухангӯи вазорати тандурустӣ ва ҳифзи иҷтимоии аҳолии Тоҷикистон аз ин бештар тафсилоте ироа накард, аммо бино ба иттилои дарёфтӣ, танҳо наврасе, ки ба ин маризӣ ибтило ёфтааст, як духтари 16 – сола будааст ва мавсуф дар корпуси 2 – юми Маркази тиббии “Шифобахш”, маъруф ба Шифохонаи Қарияи Боло, тайи як ҳафта табобат гирифта, рухсат шудааст.

Дар ҳамин ҳол, қарантина шудани фарзандони наврасу хурдсол дар пайи гирифторӣ ё фавти наздикони худ бо маризиҳои мухталиф, назири “пневмония”, расман дар Душанбеву вилоятҳои Суғду Хатлон гузориш мешуданд.

Аз ҷумла пайвандони хонаводаҳои Ҳабибуллоҳ Шодиев ва Абдухалил Ҷӯрабоев, сокинони ноҳияи Ҷаббор Расулови вилояти Суғд ва Ҷалолиддин Абдуҷабборзода, сардори шӯъбаи назорати милитсияи прокуратураи шаҳри Душанбе, ки дар пайи гирифторӣ ба “пневмония” вафот карданд, бо қарантина фаро гирифта шуда буданд.

 Тибқи гузоришҳои расмӣ, ҳамаи онҳо сиҳату саломат ба хонаҳои худ баргаштаанд. Вазорати тандурустӣ ва ҳифзи иҷтимоии аҳолии Тоҷикистон дар оғози авҷи шуюъи “вируси корона” ва фавтҳо аз “пневмония” шӯъбаи бачагонаи Маҷмааи тандурустии “Истиқлол” – и шаҳри Душанберо барои гирифторони эҳтимолӣ аз миёни наврасону тифлон омода карда буд.

Дар суҳбат бо Sputnik Тоҷикистон кормандони ин шифохона гуфтанд, ки ягон тифл ё наврас бо нишонаҳои маризии “вируси корона” – ро қабул накардаанд ва шӯъбаи бачагона низ ба қабули бузургсолон тахсис ёфт.

Дар иттилоияе, ки маркази матбуоти вазорати тандурустӣ ва ҳифзи иҷтимоӣ дар ихтиёри Sputnik Тоҷикистон қарор дод, то соати 17:00 – и имрӯз – 18 май, теъдоди гирифторони “вируси корона” дар кишвар ба 1729 (205 мавриди ҷадид), шумораи онҳое, ки аз ин маризӣ ҷон додаанд, ба 41 нафар (2 мавриди ҷадид) расид.

Ҳамзамон бино ба ин манбаъ, дар кишвар 4016 нафар зери назорати табибон қарор дошта, шабонарӯзи охир 407 нафар ба хонаҳояшон рухсат шудаанд, ки дар миёни онҳо низ наврасону тифлон ҳузур надоранд.

2802
Барчаспҳо:
тоҷик, наврас, маризӣ, тифл, вирус, Тоҷикистон, Вазорати тандурустӣ

Назорати шабонарӯзӣ: муовинони вазир аз чанд беморхонаҳои шаҳри Душанбе дидан карданд

28
(Таҷдидшуда 11:10 26.05.2020)
Роҳбарияти вазорати тандурустӣ Тоҷикистон бо мақсади аз наздик ошнои пайдо кардан бо фаъолияти муассисаҳои тандурустии кишвар гаштҳои шабонаро низ ба роҳ мондааст

ДУШАНБЕ, 26 май – Sputnik. Бино бар иттилои дафтари матбуоти вазорати тандурустии Тоҷикистон, ахиран бо ин мақсад муовинони Вазири тандурустӣ Саида Умарзода ва Шодихон Ҷамшед аз як қатор марказҳои саломатии шаҳри Душанбе дидан намуданд.

Манбаъ қайд намудааст, ки зимни боздид аз марказҳои саломатии мазкур муовинони Вазири тандурустӣ бо табибон вохӯрӣ анҷом дода,  дар рафти он масъалаҳои пурзӯр намудани корҳои омодагӣ барои пешгирии сирояти коронавирус баррасӣ намуданд.

Инчунин зимни боздид масоили таъмини муассисаҳои тандурустӣ бо маводҳои тиббӣ ва зиддивирусӣ, пурзӯр намудани корҳои фаҳмондадиҳӣ миёни аҳолӣ бо мақсади пешгирӣ аз вируси мазкур низ баррасӣ шуданд.

Манбаъ зикр намудааст, ки ҳадаф аз сафарҳои масъулони вазорат аз наздик ошно шудан бо фаъолияти табибон ва ҷараёни табобати беморони гирифтори сирояти коронавирус дар муассисаҳои тандурустӣ, саривақт фаро гирифтани онҳо ба табобати хонагӣ, таъмини беморон бо доруворӣ ва бемористонҳо бо таҷҳизоти тиббӣ, таъмини табибон бо либосҳои муҳофизатӣ, ошкор намудани камбудиҳои муассисаҳо, мушкилоти табибон ва саривақт ба онҳо расидагӣ кардан мебошанд.

28
Барчаспҳо:
Душанбе, беморхона, назорат, шабона, тандурустӣ, муассисаҳо, ошноӣ, вазорати тандурустӣ, Тоҷикистон
В Москве открыт третий коронавирусный центр сети РЖД-Медицина

Паём аз "вируси корона": як бемористони ноҳияи Бобоҷон Ғафуров аз "илтиҳоби шуш" холӣ шуд

710
(Таҷдидшуда 21:17 25.05.2020)
Ба ҳолати 25 - уми май яке аз ду бемористони ноҳияи ба номи Бобоҷон Ғафуров дар шимоли кишвар аз сироятёфтагони “илтиҳоби шуш” ё бемории “вируси корона” холи шуд

Душанбе, 25 май – Sputnik. Муродҷон Ҷураев, сартабиби ноҳияи бо исми Бобоҷон Ғафуров дар суҳбат ба Sputnik Тоҷикистон гуфт, рӯзи 23-уми май гурӯҳи 11 нафараи беморон аз бемористони № 2 воқеъ дар ҷаомати Ёва и ноҳия мураххас рухсат шуданд ва ба ин ҳол, ин яке аз бемористонҳои лозим барои табобати гирифторони "илтиҳоби шуш" холӣ мондааст.

"Дар ноҳияи Бобоҷон Ғафуров дар ду беморхона яке дар ҷамоати Ёва барои беш аз 40 рахти хоб ва дуюми дар ҷамоати Ҳайдар Усмонов дорои 100 кати беморӣ, барои муолиҷаи беморони “илтиҳоби шуш” омода карда шудаанд. Рӯзи 23 уми май 11 нафар аз бемористони ҷамоати Ёва ба манзилҳояшон рухсат шуданд. Ҳоло дар он ягон гирифтори “илтиҳоби шуш” боқӣ намондааст", - гуфт сартабиб.

Бино ба иттилоъи Ҷураев, то рӯзи 23 уми май дар бемористонии № 2 и ҷамоати Ёва, беш аз 200 нафар аз шумори гирифторони “илтиҳоби шуш” бистарӣ ва табобат гирифтаанд.

Бино ба иттилоъи манобеи наздик ба Ситод оид ба пешгирӣ ва мубориза бо бемории COVID -19 то ин замон дар ноҳияи Бобоҷон Ғафуров ҳудуди 600 мавриди “илтиҳоби шуш” сапт шуда, бештар аз 550 нафар аз бемористонҳои ҷамоатҳои Ёва ва Ҳайдар Усмонов шифо ёфта, кам ё беш аз 5 нафар аз теъдоди шумори беморон фавтидаанд. Ҳоло ҳудуди 27 нафар дар бемористони воқеъ дар ҷаомати Ҳайдар Усмонов таҳти тадовии духтурон қарор доранд.

Русия замони эмгузаронии сартосарӣ аз маризии коронавирусро эълон кард

Ноҳияи Бобоҷон Ғафуров бо доштани бештар аз 360 ҳазор аҳолӣ феълан аз калонтарин ноҳияҳои Тоҷикистон ба ҳисоб меравад.

Дилбар Турсунзода, муовини раиси ноҳияи Бобоҷон Ғафуров дар суҳбат ба Sputnik Тоҷикистон гуфт, зарфи ду се рӯзи охир ҳолатҳои гирифтории сокинон ба бемории “илтиҳоби шуш” коҳиш ёфта ва ба ин далел ҳоло зарурати бистарӣ кардани беморон дар бемористони № 2 дар ҷамоати ноҳия боқӣ намондааст.

"Ин бемористон дар авҷи хуруҷ маризӣ, барои табобати маризии “вируси корона” тайёр карда шуд. Ҳоло, ки шиддати ин беморӣ поён шудааст, рӯзҳои наздик ин беморхона ба мисли пештара ба фаъолияти маъмулӣ баргардонида мешавад", - гуфт Турсунзода.

Ба ин тартиб ноҳияи Б. Ғафуров, ҳоло аз аввалин ноҳияҳое дар шимоли Тоҷикистон ба ҳисоб меравад, ки бино ба гуфтаи масъулин бемористонаш аз тоза шудани гирифторони “вируси корона” муваффақ шудааст.

Чанде пеш ҳам баъзе дигар аз шаҳру навоҳии кишвар аз коҳишёбии гирифторони “илтиҳоби шуш” дар бемористонҳо хабар доданд. Аммо масъулин ва табибон таъкид меварзанд, ки ҳоло набояд барои кафкӯбию хурсандӣ шитоб кард, зеро эҳтимол дорад мавҷи дуюм ё давраи дигари ин маризӣ шурӯъ шавад.

Табибон мегуянд, барои пурра нобуд шудани “вируси корона” нақши сокинон ҳам муҳим аст ва ин корро бо риояи гигенаи тиббӣ, ҳар яке метавонад ба иҷро расонад.

Рақамҳо дар бораи сирояти вируси корона, дар ҷаласаи ситоди шаҳру ноҳияҳо баъд аз он сурат мегирад, ки ахиран раисиҷумҳур Эмомалӣ Раҳмон рӯзи 20 уми май дар як ҷаласаи Ситоди ҷумҳуриявӣ оид ба пешгирӣ ва мубориза бо бемори COVID – 19 иштирок намуд ба роҳбарону масъулини соҳа дастур дод, ки дар ин бора ҳеҷ чизро аз мардум пинҳон накунанд, балки кушоду равшан маълумотро барои аҳолӣ пешкаш намоянд.

"Ин бемориро ҳукумати ҷумҳурӣ насохтааст, балки дар ҳама ҷо, ҳатто давлатҳои пешрафтаи дунёро ҳам ин маризӣ сироят кардааст", - гуфт раисиҷумҳур.

Вазорати тандурустӣ ва ҳифзи иҷтимоии аҳолии Тоҷикистон, рӯзи 30-уми апрел нахустин бор аз гирифтории 15 сокини кишвар ба бемории коронавирус хабар дода буд.

Бино ба оморе, ки имрӯз 25 - уми май ин Вазорат эълон кард, теъдоди умумии беморон ба 3100 нафар баробар шуда, то кунун 1395 нафар аз ин шумор сиҳат шудаанд. Вазорати тандурустӣ теъдоди қурбониён аз ин бемориро то ин сана 46 нафар арзёбӣ мекунад.

Ҳукумати Тоҷикистон бо таъсиси Ситод оид ба пешгирӣ ва мубориза бо бемории COVID -19 аз тамоми сокинони кишвар даъват мекунад, ки ҷиҳати пешгирии сирояти мазкур пеш аз ҳама, қоидаҳои беҳдошти шахсиро қатъиян риоя намоянд.

710
Мавзуҳо:
Пайомадҳои COVID-19 дар Тоҷикистон ва ҷаҳон