Минтақаи нави идораи партовҳои тиббӣ дар шаҳраки Шифо, собиқ Мачитон

Ҳушдор аз партовҳои тиббӣ: ташкили партовгоҳи ҷадид дар Тоҷикистон

197
(Таҷдидшуда 17:00 20.05.2020)
Созмони "Духтурони Бидуни Марз" дар Муассисаи давлатии “Маркази миллии бемориҳои сил, шуш ва ҷарроҳии қафаси сина” дар шаҳраки Шифо, собиқ Мачитон, минтақаи нави идоракунии партовҳоро роҳандозӣ кардааст, ки метавонад аз паҳншавии бемориҳои сироятӣ ҷилавгирӣ намояд

ДУШАНБЕ, 20 май — Sputnik. Ташкилоти  тиббии башардӯстонаи Духтурони Бидуни Марз – “Médecins Sans Frontières” (MSF) хабар дод, ки партовгоҳи ҷадид дар шаҳраки Шифо бо технологияи муосир барои идоракунии партовҳои  соҳаи тиб таҷҳизонида шудааст.

Президент Республики Таджикистан Эмомали Рахмон
Пресс-служба Президента Республики Таджикистан

MSF дар Тоҷикистон, иттилоъ дод, ки минтақаи партовҳои тиббӣ бо оташдонҳои муосир муҷаҳҳаз шудааст, ки қобилияти нест кардани миқдори зиёди партовҳои гуногуни тиббӣ ба монанди ашёҳои тез ва доруҳои муҳлати истеъмолашон гузаштаро дорад.

“Барои эмин будан аз ифлосшавӣ хокистаре, ки дар оташдонҳо ҷамъ мешавад ба яке аз чаҳор чоҳҳои чуқур партофта мешавад ва ин чоҳҳо бояд ба муассиса ба муддати тӯлони хизмат кунанд”, - тавзеҳ дод ин созмон.

Манбаъ афзуд, кормандони партовгоҳ бо лавозимоти муҳофизатии шахсӣ таъмин шуданд.

Дар иттилоияи созмони “Духтурони бидуни марз” зикр шудааст, ки пандемияи коронавирус ё худ COVID-19 ба низоми тандурустии аксар кишварҳо зарба зад.

“Ҷомеаи ҷаҳонӣ ба чунин дигаргунӣ омода набуд. Дар бештари кишварҳо, норасоии лавозимоти муҳофизаткунандаи шахсӣ вуҷуд дорад. Дар баробари ин, зарурати безараргардонии партовҳои тиббӣ ба миён меояд, зеро лавозимоти тиббии истифодашуда ба монанди ниқоб, дастпӯшҳо метавонанд манбаи иловагии сироят шаванд”, - илова намуд MSF.

Ин созмон таъкид намудаст, ки беморони сил барои сирояти COVID-19 осебпазир ҳисобида мешаванд ва таъмину идомаи табобат афзалият дорад.

“Бо дарназардошти ин, идоракунии партовҳои иншооти тиббӣ дар мубориза бар зидди бемориҳои нави сироятӣ ба монанди COVID-19 ва дигар бемориҳо, ба монанди сил, нақши муҳим дорад. Минтақаи навтаъсисшудаи идоракунии партовҳо дар беморхонаи шаҳраки Шифо (Мачитон) қадами калидӣ дар боздоштани ин сироят ва дигар бемориҳои сироятӣ мебошад”, - омадааст дар хабарнома.

197
Барчаспҳо:
тиббӣ, партовгоҳ, духтурон, Тоҷикистон

Шифои 119 ҳазор нафар аз коронавирус дар Эрон

110
(Таҷдидшуда 18:58 31.05.2020)
Вазорати беҳдошт, дармон ва омӯзиши пизишкии Эрон эълом кард, ки то кунун 118 ҳазору 848 нафар аз мубталоён ба коронавирус дар кишвар беҳбуд ёфта, аз бемористонҳо мураххас шудаанд

ДУШАНБЕ, 31 май - Sputnik. Киёнуши Ҷаҳонпур, раиси маркази равобити умумӣ ва иттилоърасонии Вазорати беҳдошти Эрон рӯзи якшанбе дар гуфтугӯ бо хабарнигорон охирин омори мубталоён ба коронавирус дар кишварро ироа намуд.

Дар 24 соати гузашта 2 ҳазору 516 бемори ҷадид шиносоӣ шудаанд, хабар дод "Парстудей" аз қавли Ҷаҳонпур.

Ҷаҳонпур афзудаст, ки аз байни мубталоёни ҷадид, 511 маврид бистарӣ ва 2 ҳазору 5 бемор ба сурати сарпоӣ хадамотрасонӣ шуданд ва маҷмӯи беморони коронавирус дар Эрон ба 151 ҳазору 466 нафар расид.

Ҷаҳонпур ҳамчунин бо ишора ба фавти 63 бемор дар 24 соати гузашта гуфтаст, фавти ношӣ аз коронавирус дар Эрон ба 7797 нафар расидааст.

Дар ҷаҳон то кунун ҳудуди шаш миллиону 200 ҳазор нафар ба бемории КОВИД-19 мубтало шуда ва 380 ҳазор нафар низ ҷон бохтаанд.

Ба даҳгонаи кишварҳое, ки дар онҳо теъдоди зиёди гирифторони коронавирус ба қайд гирифта шудааст, ИМА (1 805 745 нафар), Бразилия (498 440), Русия (396 575), Испания (239 228), Британияи Кабир (272 826), Италия (232 264), Олмон (183 234), Ҳиндустон (182 143) ва Туркия (163 103) Перу (155 671) дохил мешаванд.

110

Теъдоди дардмандони коронавирус дар Ӯбекистон аз 3,5 ҳазор гузашт

202
Вазорати тандурустии Ӯзбекистон дар робита ба маризии коронавирус омори нав нашр намуд. Бар тибқи маълумоти вазорат шумораи умумии беморон аз 3,5 ҳазор ҳам бештар шудааст

ДУШАНБЕ, 31 май— Sputnik. Дар Ӯзбекистон шумораи дардмандони маризии коронавирус дар ҳоли афзоиш аст, хабар медиҳад хадамоти матбуотии Вазорати тандурустии ин кишвар.

Тибқи иттилои вазорат, дар давоми як рӯзи охир дар Ӯзбекистон 8 ҳолати нави сироятшавӣ ошкор карда шуд, ки ҳамакнун сафи умумии маризон ба 3554 нафар расид.

"То 31 май шумораи ҳодисаҳои сирояти коронавирус дар Ӯзбекистон ба 3554 нафар баробар шудаастнафар аст", - таъкид мешавад дар хабар.

Қайд карда мешавад, ки як рӯз пеш дар ин кишвар 58 ҳолати нави коронавирус ба қайд гирифта шуда буд, рӯзи ҷумъа афзоиши он 44 нафар буд ва рӯзи панҷшанбе шумораи беморон якбора ба 75 нафар зиёд шуд.

Вазорати тандурустӣ илова кард, ки ҳоло 757 бемори коронавирус таҳти муолиҷа қарор доранд. Пизишкон вазъи саломатии нӯҳ маризро вазнин ва аҳволи як беморро шадидан вазнин арзёбӣ мекунанд.

Ёдовар мешавем, ки бурузи ин маризӣ дар Ӯзбекистон аз 12 - уми март шурӯъ шуд.

202
Барчаспҳо:
афзоиш, маризӣ, Узбакистон
Самолет компании Уральские авиалинии, архивное фото

49 муҳоҷиру 13 ҷасад: ҳавопаймои Русия шаҳрвандони Тоҷикистонро ба Ватан расонд

81
Мақомоти Тоҷикистон элон намудааст, ки аз 19 то 30 майи соли равон дар ҳамоҳангӣ бо Русия 680 нафар шаҳрвандони кишвар ба Ватан баргардонида шуд

ДУШАНБЕ, 1 июн - Sputnik. Санаи 29 май бо парвозҳои махсуси ширкати “Уральские авиалинии” 49 нафар шаҳрвандони Тоҷикистон, ки тайи чанд моҳи охир дар марказҳои нигоҳдории муваққатии шаҳрвандони хориҷии Русия қарор доштанд, аз Маскав ба Душанбе баргардонида шуданд, иттилоъ додааст дафтари матбуоти Вазорати умури хориҷаи Тоҷикистон.

Ҳамчунин тибқи иттилои манбаъ бо ин парвози махсус 13 ҷасади шаҳрвандони кишвар ба Ватан интиқол ёфтанд.

Манбаъ зикр кардааст, ки ҳамин тариқ, аз 19 то 30 майи соли равон дар ҳамоҳангӣ бо Русия аз марказҳои нигоҳдории муваққатии шаҳрвандони хориҷии он кишвар ба Тоҷикистон дар маҷмӯъ 680 нафар шаҳрвандони Тоҷикистон, ки ҳуҷҷатҳои омодашудаи зарурӣ барои сафар доштанд, инчунин ҷасадҳои 58 ҳамватан баргардонида шуданд.

Вазорат умури хориҷаи Тоҷикистон таъкид доштааст, ки барои иҷрои дастури раисҷумҳури кишвар доир ба татбиқи нақшаи тадриҷан ва марҳила ба марҳила баргардонидани шаҳрвандон, айни замон имконияти анҷом додани парвозҳои махсус (чартерӣ) ба/аз Русия ва дигар кишварҳо аз ҷониби ширкатҳои ҳавоии ватанӣ мавриди корбарӣ қарор дорад.

Ҳамзамон манбаъ қайд кардааст, ки раванди бозгардонидани шаҳрвандон аз хориҷа ба Ватан ба фароҳам оварда шудани шароити зарурӣ, аз ҷумла омода будани ҷойҳои кофӣ барои карантин ё муроқибати тиббии онҳо дар Тоҷикистон вобаста хоҳад буд.

81
Барчаспҳо:
ҷасад, Ватан, баргардонидан, кишварҳо, Тоҷикистон