“Камолид” ва “Седармона”: олимони тоҷик дастгоҳи нафсдиҳиву ду доруи зиддивирусӣ сохтаанд

© AFP 2023 / JACK GUEZДоктор проверяет панель управления аппаратом искусственной вентиляции легких
Доктор проверяет панель управления аппаратом искусственной вентиляции легких  - Sputnik Тоҷикистон
Обуна шудан
Олимони соҳаи тибби мамлакат дар якҷоягӣ бо олимони Академияи миллии илмҳои  Тоҷикистон дастгоҳи ёрирасони нафасдиҳии сунъиро  ба истифода доданд

ДУШАНБЕ, 21 май— Sputnik. Ин дастгоҳро табибон дар Беморхонаи  ёрии таъҷилии шаҳри Душанбе якчанд муддат озмоиш намудаанд.

Врач Национального медицинского исследовательского центра здоровья детей Министерства здравоохранения РФ - Sputnik Тоҷикистон
Ситоиши табибони ӯзбек аз пизишкони Суғд: бо чунин кор COVID-19 ба наздикӣ маҳв мешавад

Натиҷаи озмоиш нишон дод, ки  ин дастгоҳ пурра ба дастгоҳҳои нафасдиҳии сунъии стандартӣ ҷавобгӯ буда, барои бемороне, ки аз нафастангӣ душворӣ мекашанд, пешбинӣ шудааст, хабар додааст “Ховар”

Ба иттилои манбаъ, таҷҳизот бо неруи барқ фаъолият намуда, 5 кило вазн дорад.

Президенти Академияи миллии илмҳои Тоҷикистон, академик Фарҳод Раҳимӣ,гуфтааст, таҷҳизоти  нафасдиҳии сунъӣ аллакай дар Беморхонаи  ёрии таъҷилӣ дар шаҳри Душанбе  дастрас гардида, аз он барои осон гардидани нафасгирии беморон истифода бурда мешавад.

 Ӯ гуфтааст, тамоми таҷҳизоти дастгоҳи нафасдиҳии сунъӣ  пурра истеҳсоли ватанӣ буда, он мувофиқ ба талаботи имрӯза сохта шуда, тасмим  доранд, ки марҳала ба марҳала шумораи чунин дастгоҳи нафасдиҳиро зиёд намоянд.

Дастури Раҳмон ба сарвазир барои пешниҳоди омори дақиқи коронавирус: “пинҳонкорӣ накунед”

Фарҳод Раҳимӣ ҳамчунин гуфтааст, аз ҷониби олимони тоҷик ду навъи дору истеҳсол гардидааст, ки яке барои баланд намудани имунитети  одам ва дуюмин барои нест намудани микробҳо дар организм пешбинӣ шудаанд.

“Ин доруҳо “Камолид” (аз решаи камол) ва “Седармона” (аз се гиёҳ) омода шуда, хосияти зиддивирусӣ ва баландбардории иммунитетро доранд”, — гуфт Фарҳод Раҳимӣ.

Зикр гардид, тамоми таҷҳизоти дастгоҳи нафасдиҳии сунъӣ  пурра истеҳсоли ватанӣ буда, он мувофиқ ба талаботи имрӯза сохта шудааст.  Масъулин  тасмим  доранд, ки марҳала ба марҳала шумораи чунин дастгоҳи нафасдиҳиро зиёд намоянд.

Лентаи хабарҳо
0