Сартабиб: "илтиҳоби шуш" дар Панҷакент кам шудааст, 8 нафар бистариянд

605
(Таҷдидшуда 13:45 22.05.2020)
Маҳмадмурод Сафаров, сартабиби бемористони шаҳри Панҷакент гирифтории мардум ба бемории “илтиҳоби шуш” - ро шарҳ дод

ДУШАНБЕ, 22 май – Sputnik. Сартабиб дар суҳбат бо Sputnik Тоҷикистон гуфт, шумори гирифторони "илтиҳоби шуш" поён рафта, дар айни ҳол, танҳо 8 нафар дар бистари беморӣ қарор доранд.

"То бистарӣ шудан дар бемористон вазъи саломатии беморон вазнини миёна арзёбӣ мешуд. Ҳоло саломатии 2 нафар, ки хеле вазнин гуфта мешуд, дар ду шабонарӯзи охир беҳбуд ёфтааст", - гуфт Сафаров.

Сартабиби Панҷакент вазъи хуруҷи ин навъи беморӣ дар шаҳрро муътадил арзёбӣ карда зикр намуд, ки аз охирҳои моҳи апрел то ҳоло 78 маврид бо аломатҳои "илтиҳоби шуш"  бистарӣ шудани сокинон сабт шуда, аз ин шумор 66 нафар шифо ёфта ба манзилҳояшон рухсат шудаанд.

Сафаров дар бораи фавти сокинон аз "илтиҳоби шуш” иттилоъи возеҳ надод, вале аз таҳлили рақамҳои ироашуда бармеояд, ки эҳтимол 4 мавриди фавти сокинон то ин дам аз ин маризӣ ба қайд гирифта шудааст. Ва яке аз онҳо, даргузашти Робия Дӯстова, сокини ҷамоати деҳоти Сӯҷина гуфта мешавад, ки ахиран Раҷаббой Аҳмадзода, раиси вилояти Суғд, аснои сафари корияш ба манзили пайвандони марҳум, изҳори таслият баён намуда, кӯмаки моддӣ расонидааст.

Бар пояи иттилои манобеъи расмӣ Робия Дӯстова, сокини деҳаи Сӯҷинаи шаҳри Панҷакент 63 сол дошт, вале дар пайи хуруҷи бемории “илтиҳоби шуш” рӯзи 8-уми май дар бемористон даргузашт.

Вазорати тандурустӣ ва ҳифзи иҷтимоии аҳолии Тоҷикистон, рӯзи 30-уми апрел нахустин бор аз гирифтории 15 сокини кишвар ба бемории коронавирус хабар дода буд.

Бино ба оморе, ки бегоҳии рӯзи 21-уми май ин вазорат эълон кард, теъдоди умумии шифоёфтагон аз ин маризӣ ба 1008 нафар баробар шуда, феълан 2350 нафар дар кишвар зери тадовии табибон қарор доранд.

Вазорати тандурустӣ шумори қурбониён аз ин бемориро 44 нафар арзёбӣ мекунад.

605
Барчаспҳо:
кам, беморӣ, Панҷакент

Бидуни фавт: омори тозаи гирифторони COVID - 19 дар Тоҷикистон

135
(Таҷдидшуда 18:08 05.06.2020)
То 5 июн дар Тоҷикистон 4370 нафар бо ташхиси сирояти коронавируси нави COVID-19 ошкор гардида, аз ин беморӣ то кунун дар кишвар 2491 (57%) нафар шифо ёфтаанд

ДУШАНБЕ, 5 июн – Sputnik. Вазорати тандурустии Тоҷикистон омори нави гирифторони коронавирусро нашр кард.

"Шабонарӯзи гузашта 81 нафар бо ташхиси сирояти коронавируси нави COVID-19 ошкор шуда, ягон ҳолати фавт ба қайд гирифта нашуд", - омадааст дар хабарнома.

Тибқи иттилои ин ниҳод, то 5 июн дар Тоҷикистон 4370 нафар бо ташхиси сирояти коронавируси нави COVID-19 ошкор гардида, аз ин беморӣ то кунун дар кишвар 2491 (57%) нафар шифо ёфтаанд. То имрӯз дар Тоҷикистон аз ин беморӣ 48 нафар фавтидаанд.

Мубориза бо КОВИД-19: дар Бӯстон маҳлули хлор тақсим мекунанд

Вазорати тандурустӣ ва ҳифзи иҷтимоии аҳолии Ҷумҳурии Тоҷикистон иттилоъ медиҳад, ки то 5 июн дар кишвар 1355 нафар зери назорати табибон қарор доранд.

Пешгирӣ аз вируси корона: 20 ширкати тоҷикӣ ба тавлиди ниқоби тиббӣ оғоз карданд

Манбаъ афзуда, ки дар як шабонарӯзи охир 219 нафар пас аз шифо ёфта ба хонаҳояшон рухсат дода шудаанд.

Мо метавонем: ширкатҳои Тоҷикистон даҳҳо тонна собун, хлор ва антисептик истеҳсол карданд

135
Барчаспҳо:
бемориҳои сироятӣ, сироят, вируси нав, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон
Жители Узбекистана в защитных масках

Афзоиши мубталоёни коронавирус дар Ӯзбекистон: ба чор ҳазор наздик шуд

68
(Таҷдидшуда 17:09 05.06.2020)
Айни замон дар Ӯзбекистон 862 беморони гирифтори COVID-19 табобат мегиранд, нӯҳ нафари онҳо дар ҳолати вазнин ва як нафар дар ҳолати ниҳоят вазнин қарор дорад

ДУШАНБЕ, 5  июн — Sputnik. Дар ин кишвар давоми шабонарӯзи гузашта боз 26 ҳолати ҷадиди мубталошавӣ ба ин маризӣ сабт гардид, хабар медиҳад ситоди фаврии назди ҳукумати Ӯзбекистон.

Бо илова шудани 26 мавориди ҷадид, шумораи умуми дардмандон ба 3 965 нафар баробар шуд.

Гуфта  мешавад, ба қарибӣ дар ҷумҳурӣ 96 ҳолати нави COVID-19 ва снаи 3 июн - 83 нафар бо нишонаҳои ин беморӣ ба қайд гирифта шудааст.

Тибқи иттилои вазорати тандурустӣ, ҳоло дар Ӯзбекистон 862 беморони гирифтори COVID-19 табобат мегиранд, нӯҳ нафари онҳо дар ҳолати вазнин ва як нафар дар ҳолати ниҳоят вазнин қарор дорад

Ёдовар мешавем, ки аввалин ҳолати сироятёбӣ дар Узбакистон 15 март дар зане, ки аз Фаронса ба ватанаш баргашт, расман сабт шуд.

Ҳукумати Ӯзбекистон сар аз пайдоиши ин беморӣ дар ин кишвар чораҳи қатъӣ аз ҷумла қарантинаро роҳандозӣ кард.

Мубориза бо КОВИД-19: дар Бӯстон маҳлули хлор тақсим мекунанд

Ба наздикӣ мақомоти Узбакистон қарантинро дар ҷумҳурӣ то 15 июн тамдид карданд, аммо дар минтақаҳое шуюи коронавирус паст гаштанд аз 1 июн ба нуқтаҳои маишӣ ва гузаронидани тую маъракаҳо иҷозат дода шуд.

Ҳамчунин, аз 18 май инҷониб равуои нақлиёти мусофирбар байни Тошканд ва дигар минтақаҳои Узбакистон барқарор карда шуданд.

Аз 8 июн, дари мосоҷид ва дигар ибодатгоҳҳо ба рӯйи сокинон кушода хоҳад шуд.

68