Шифои 119 ҳазор нафар аз коронавирус дар Эрон

145
(Таҷдидшуда 18:58 31.05.2020)
Вазорати беҳдошт, дармон ва омӯзиши пизишкии Эрон эълом кард, ки то кунун 118 ҳазору 848 нафар аз мубталоён ба коронавирус дар кишвар беҳбуд ёфта, аз бемористонҳо мураххас шудаанд

ДУШАНБЕ, 31 май - Sputnik. Киёнуши Ҷаҳонпур, раиси маркази равобити умумӣ ва иттилоърасонии Вазорати беҳдошти Эрон рӯзи якшанбе дар гуфтугӯ бо хабарнигорон охирин омори мубталоён ба коронавирус дар кишварро ироа намуд.

Дар 24 соати гузашта 2 ҳазору 516 бемори ҷадид шиносоӣ шудаанд, хабар дод "Парстудей" аз қавли Ҷаҳонпур.

Ҷаҳонпур афзудаст, ки аз байни мубталоёни ҷадид, 511 маврид бистарӣ ва 2 ҳазору 5 бемор ба сурати сарпоӣ хадамотрасонӣ шуданд ва маҷмӯи беморони коронавирус дар Эрон ба 151 ҳазору 466 нафар расид.

Ҷаҳонпур ҳамчунин бо ишора ба фавти 63 бемор дар 24 соати гузашта гуфтаст, фавти ношӣ аз коронавирус дар Эрон ба 7797 нафар расидааст.

Дар ҷаҳон то кунун ҳудуди шаш миллиону 200 ҳазор нафар ба бемории КОВИД-19 мубтало шуда ва 380 ҳазор нафар низ ҷон бохтаанд.

Ба даҳгонаи кишварҳое, ки дар онҳо теъдоди зиёди гирифторони коронавирус ба қайд гирифта шудааст, ИМА (1 805 745 нафар), Бразилия (498 440), Русия (396 575), Испания (239 228), Британияи Кабир (272 826), Италия (232 264), Олмон (183 234), Ҳиндустон (182 143) ва Туркия (163 103) Перу (155 671) дохил мешаванд.

145
Сотрудник охраны рынка Мехргон проверяет температуру у посетителя

Омори нави гирифторӣ, шифо ва фавт аз COVID-19 дар Тоҷикистон

985
Вазорати тандурустӣ ва ҳифзи иҷтимоии аҳолии Тоҷикистон мегӯяд, шабонарӯзи гузашта дар ҷумҳурӣ 53 ҳолати нави сироятёбӣ аз COVID-19 ба қайд гирифта шуд

ДУШАНБЕ, 7 июл — Sputnik. Тибқи иттилои Вазорати тандурустӣ, аз 30 апрел то 7 июл дар кишвар шумораи гирифторони COVID-19 ба 6 ҳазору 315 нафар расид. 

Манбаъ афзуд, ки то кунун дар мамлакат 4965 нафар ё худ 78,4%-и гирифторони COVID-19 шифо ёфта, дар муддати зикргардида аз ин беморӣ 53 нафар фавтидаанд.

Вазорати тандурустӣ ва ҳифзи иҷтимоии аҳолии мамлакат ҳамчунин хабар медиҳад, ки давоми шабонарӯзи охир 220 нафар гирифторони эҳтимолӣ зери назорати табибон қарор дошта, 51 нафар баъд аз муолиҷа ба хонаҳояшон рухсат дода шуданд.

Мақомоти тандурустии Тоҷикистон гузориш медиҳанд, ки имрӯзҳо дар 85 беморхонаи ҷумҳурӣ зиёда аз 7 ҳазору 500 табиб ва 25 ҳазор корманди миёнаи тиб сафарбар шудаанд. Ба ғайр аз ин, дар муассисаҳои кумаки аввалияи тиббию санитарии ҷумҳурӣ 7 ҳазору 600 табиб ва зиёда аз 24 ҳазор корманди миёнаи соҳаи тиб бо мақсади дарёфт, пешгирӣ ва расонидани кумаки аввалия ба мардум хизмат мерасонанд, афзуд манбаъ.

985
Барчаспҳо:
таманнои шифои комил, фавт, беморӣ, Тоҷикистон
Жители Тегерана идут по одной из центральных улиц в медицинских масках.

Нишондоди бесобиқаи марги беморон аз COVID- 19 дар Эрон тайи як шабонарӯз

190
(Таҷдидшуда 18:34 07.07.2020)
Мақомоти Эрон гузориш доданд, ки бо ҷон бохтани 200 нафари дигар аз мубталоён ба COVID- 19 дар кишвар тайи шабонарӯзи гузашта, бештарин теъдоди қурбониён дар як рӯз сабт шуд

ДУШАНБЕ, 7 июл — Sputnik.  Тайи шабонарӯзи гузашта 200 нафар аз гирифторони COVID- 19 фавтиданд, ки болотарин нишондод аз замони оғози ҳамагирии корона то кунун мебошад.

Симо Содот Лорӣ, сухангӯи Вазорати беҳдошт, дармон ва омӯзиши пизишкии Эрон рӯзи сешанбе дар бораи охирин омори мубталоён ба COVID- 19 дар ин кишвар ба хабарнигорон гузориш дод.

“Бар асоси меъёрҳои қатъии ташхисӣ дар 24 соати гузашта 2 ҳазору 637 бемори ҷадиди мубтало ба COVID- 19 дар Эрон шиносоӣ шуд, ки 1 ҳазору 455 маврид бистарӣ шуданд ва ба абқияи беморон низ хадамоти дармонӣ ироа шуд”, - хабар дод радиои тоҷикии Садои Хуросон аз Лорӣ.

Манбаъ афзуд, маҷмӯи беморони COVID- 19 дар Эрон ба 245 ҳазору 688 нафар расидааст, ки аз ин теъдод то кунун 207 ҳазор нафар беҳбуд ёфтаанд.

“Дар 24 соати гузашта 200 нафар аз беморони COVID- 19 ҷони худро аз даст додаанд ва маҷмӯи ҷонбохтагони ин беморӣ ба 11 ҳазору 931 нафар расид”, - омадааст дар иттилоия.

Теъдоди афроди мубтало ба COVID- 19 дар ҷаҳон низ ба беш аз 11 миллиону 740 ҳазор нафар расидааст, ки аз ин теъдод ҳудуди 540 ҳазор нафар ҷони худро аз даст дода ва дасти кам шаш миллиону 736 ҳазор нафар низ беҳбуд ёфтаанд.

190
Барчаспҳо:
ҳалокат, беморӣ, Эрон
Инструменты ювелира

Мақомоти Тоҷикистон гуфт, корхонаи “Тоҷик кристалл” чӣ қадар маҳсулот истеҳсол кард

0
(Таҷдидшуда 02:41 08.07.2020)
Ҳиркати “Тоҷик кристалл” яке аз аввалин корхонаҳои заргарии Тоҷикистон мебошад, ки баъд аз ба даст овардани истиқлол ташкил шудааст

ДУШАНБЕ, 8 июл — Sputnik.  Корхонаи “Тоҷик кристалл”  аз оғози фаъолият вобаста ба талаботи бозори дохила ва бо фармоишҳои мизоҷон истеҳсоли маснуоти заргариро вусъат дода то имрӯз зиёда аз 105,00 кг маснуоти заргарӣ аз металлҳои тилло ва нуқра истеҳсол намудааст, иттилоъ додааст дафтари матбуоти вазорати саноати кишвар.

Бино бар иттилои манбаъ, корхонаи мазкур аз соли 2002 то имрӯз ба истеҳсоли маснуоти заргарии миллӣ аз металлҳои тилло ва нуқра машғул буда, ҳамзамон ба фуруши асбобҳои заргарӣ ва сангҳои ороишӣ машғул шудааст.

Ин корхона аз моҳи январ то апрели соли равон ба маблағи 350 ҳазору 662 сомонӣ маҳсулот истеҳсол намудааст, ки ин нишондод нисбат ба ҳамин давраи соли гузашта 45044 сомонӣ зиёд мебошад.

Қайд карда шудааст, ки маснуоти заргарии истеҳсолкардаи ин корхона дар чандин намоишгоҳҳои дохили ҷумҳуриявӣ ва хориҷӣ ба намоиш гузошта сазовори мукофотҳо ва эътирофи тамошобинон ва мизоҷон гардидааст.

Ҳамзамон манбаъ қайд кардааст, ки корхонаи “Тоҷик кристалл”  бо дигар соҳибкорон ва корхонаҳои заргарӣ робитаҳои ҳамкорӣ дошта, аксарияти онҳоро бо асбобу лавозимотҳои  зарурӣ таъмин менамояд.

0
Барчаспҳо:
заргарӣ, истеҳсол, маҳсулот, корхона, Тоҷикистон