Глава Высшего экономического суда Таджикистана Мавлуда Каландарзода

25 рӯзи табобат ва рухсат шудани раиси Суди олии иқтисодӣ аз “Инфексионний”

1506
(Таҷдидшуда 11:46 09.06.2020)
Мавлуда Қаландарзода, раиси Суди Олии иқтисодии Тоҷикистон, ки аз илтиҳоби шуш дар шифохона таҳти тадовӣ қарор дошт, рухсат шудааст

ДУШАНБЕ, 9 июн — Sputnik. Як манбаъ дар дар Шифохонаи клиникии шаҳрии бемориҳои сироятии шаҳри Душанбе, маъруф ба "Инфексионний", воқеъ дар маҳаллаи Зарафшон, ки ба Sputnik Тоҷикистон гуфт, Мавлуда Қаландарзода, раиси Суди Олии иқтисодии Тоҷикистон пас аз ҳудуди 25 рӯзи табобат рухсат шудааст.

"Хушбахтона, он кас марҳилаи ҳассоси илтиҳоби шушро паси сар карда, шифо ёфтанд ва ду рӯзи қабл рухсат шуданд", - гуфт ин манбаъ.

Ин хабарро дар Суди олии иқтисодии Тоҷикистон низ тасдиқ карда, гуфтанд, ки "муаллима ҳоло дар рухсатӣ қарор доранд".

Нухбагон дар набарди "пневмония": гирифтории раиси Суди олии иқтисодиву раиси дастгоҳаш

Мавлуда Сатторӣ Қаландарзода дар интихоботи парлумони соли 2015 аз ҳавзаи интихоботии Бобоҷон Ғафуров №14 – и вилояти Суғд вакили Маҷлиси намояндагони Маҷлиси Олии Тоҷикистон даъвати V интихоб шуда, 10 феврали соли 2017 ба курсии раиси Суди Олии иқтисодии Тоҷикистон такя задааст.

Мавсуф сеюмин мансабдори баландмақоми Тоҷикистон аст, ки нимаҳои моҳи май бо маризии "пневмония" ё илтиҳоби шуш бистарӣ шуда, ин маризиро паси сар кард.

Қабл аз ӯ Юсуф Раҳмон, прокурори генералӣ ва Маҳмадтоир Зокирзода, раиси Маҷлиси намояндагони Маҷлиси Олии Тоҷикистон низ аз имтиҳони "илтиҳоби шуш" гузашта, рухсат шуда буданд.

1506
Барчаспҳо:
Тоҷикистон, табобат, Суди Олии иқтисодӣ
Мавзуҳо:
Пайомадҳои COVID-19 дар Тоҷикистон ва ҷаҳон (609)
Пробирки с биоматериалом в лабораторном комплексе

“Ковипир”: Ӯзбекистон тасмим дорад истеҳсоли доруи зидди коронавирусро ба роҳ монад

12
(Таҷдидшуда 11:10 07.07.2020)
Қайд карда мешавад, ки доруи "Ковипир" пеш аз ҳама барои эҳтиёҷоти Ӯзбекистон истеҳсол карда мешавад

ДУШАНБЕ, 7 июл — Sputnik. Дар Ӯзбекистон тасимим доранд истеҳсоли доруи муассирри зидди коронавирус таҳти унвони “Ковипир” -ро роҳандозӣ кунанд, дар ин бора Kun.uz бо истинод ба мушовири вазири рушди инноватсия Исоҷон Султонов хабар медиҳад.

Ба гуфтаи Султонов, ширкати дорусозии Nobel Pharmsanoat, ки дар Ӯзбекистон фаъолият мекунад, ба қайди давлатӣ гирифтани доруи дорои фавипиравирро оғоз кардааст.

Ба гуфтаи директори сифати ширкат Шамшод Шарипов, патент барои ин дору ба ширкати японии Toyama Chemical тааллуқ дорад.

"Исбот шудааст, ки ин дору дорои доираи васеи зидди вирусҳо мебошад, ки кислотаи рибонуклеиро нигоҳ медорад (зуком, риновирус, вирусҳои роҳи нафас ғайра) ва таъсири мусбати зидди коронавирус дорад. Он аз моҳи феврали соли 2020 дар Ҷопон барои табобати беморони гирифтори коронавирус истифода шудааст. Аз ин моҳ сар карда, ширкати чинии Zhejiang Hisun Pharmaceutical ба истеҳсоли он таҳти бренди "Фавилавир" шурӯъ кард. Дар Русия Авифавирро моҳи майи соли равон аз ҷониби аз ҷониби Фонди сармоягузории мустақими Русия (РФПИ) ва гурӯҳи ширкатҳои "Химрар" таҳия карда карданд ва барои истеҳсол иҷозат дода шуд",-гуфт Шарипов.

Қайд карда мешавад, ки доруи "Ковипир" пеш аз ҳама барои эҳтиёҷоти Ӯзбекистон истеҳсол карда мешавад.

Мубталошавии рекордӣ ба коронавирус дар Ӯзбекистон: 262 ҳолат дар як рӯз

Бино бар пояи оморҳои ахир теъдоди гирифторони коронавирус дар Ӯзбекистон дар ҳоли афзоиш буда ба 10 ҳазору 459 нафар мерасад. Аз ин теъдод 38 нафар фавтидаю беш аз 6 ҳазору 628 бемор шифо ёфтаанд.

 

12
Люди в защитных масках на улице Душанбе

Сартабиби тоҷик аз камшавии "илтиҳоби шуш" хабар дод : ӯ гуфт, сокинон бепарвоӣ накунанд

713
(Таҷдидшуда 19:16 06.07.2020)
Сартабиби Маркази ёрии таъҷилии тиббии шаҳри Хуҷанд, омори як ҳафтаи охир дар бораи қайди бемориҳои таб ва “илтиҳоби шуш” ро шарҳ дод

ДУШАНБЕ, 6 июл – Sputnik. Мирзонабӣ Мирзоҳошимов, сартабиби Маркази ёрии таъҷилии тиббии Хуҷанд дар суҳбат ба Sputnik Тоҷикистон гуфт, дар пайи муроҷиати сокинон дар як ҳафтаи охир дар умум 58 мавриди табдорӣ ва 7 ҳолати монанд ба "илтиҳоби шуш" ба қайд гирифта шудааст.

"Давоми як ҳафта, яъне аз рӯзи 29 уми июн то 5 уми июл ба сататсияҳои Маркази ёрии таъҷилии тиббии шаҳри Хуҷанд дар умум 58 даъват ё муроҷиати сокинон бо аломати баландшавии ҳарорат ба қайд гирифта шуд. Муайян гардид, ки сабаби баландшавии 7 нафар аз ин теъдод, хуруҷи ҳамшабеҳи "илтиҳоби шуш" аст ва ҳамаи онҳо барои табобат ба беморхонаи клиникавии вилояти Суғд бистарӣ карда шуданд", - гуфт сартабиб.

Бино ба оморе, ки ин Марказ дар ихтиёри Sputnik Тоҷикистон қарор дод, давоми як ҳафтаи охир дар умум 613 сокини Хуҷанд аз ду тарафи соҳили руди Сир ба аломати бемориҳои мухталиф аз ҷумла фишорбаландӣ, дарунравӣ (диарея), баланшавии меъёри диабети қанд ва бемориҳои қалбӣ бо шумораи телефони 03, ҷиҳати расонидани ёрии тиббӣ ба табибон муроҷиат намудаанд.

Мирзонабӣ Мирзоҳошимов мегӯяд бино ба таҳлили муроҷиатӣ, ҳоло ҳодисаҳои сироятёбӣ ба "илтиҳоби шуш" назар ба аваллҳои моҳи июн ба 7 ҳолат ва беш аз 65 % кам шудааст.

Сартабиби Маркази ёрии таъҷилии тиббӣ дар Хуҷанд, чанде пеш омори таб ва "илтиҳоби шуш" дар ҳафтаи аввали фасли тобистонро ба Sputnik Тоҷикистон ироа кард буд ва дар он аз 27 ҳолат сабти "илтиҳоби шуш" дар миёни сокинони Хуҷанд иттилоъ дода мешуд.

Бар пояи иттилоъи ироашуда, ҳоло гуфта мешавад, ки суръати сироятёбӣ ба "илтиҳоби шуш" назар ба моҳҳои фасли баҳор хеле поён рафтааст.

Аммо Мирзоҳошимов таъкид намуд, ки аз поёнравии рақамҳои оморӣ, сокинон набояд нисбати пешгирии бемориҳои сироятӣ камтаваҷҷӯҳу бепарвоӣ зоҳир карда, аз баҳри бастани ниқобу риояи дигар қоидаҳои беҳдоштӣ даст кашанд.

Ӯ афзуд, эҳтимол хави гирифторӣ ба чунин бемориҳо ҳар лаҳза вуҷуд дошта метавонад.

Бино ба иттилои сартабиб, Маркази ёрии таъҷилии тиббии Хуҷанд ҳоло аз 15 бригада ва беш аз 80 табибу ҳамшираву ронанда иборат буда, онҳо ба аҳолии наздик ба 185 ҳазор нафараи маркази вилояти Суғд ёрии тиббӣ мерасонанд.

713
Барчаспҳо:
коҳиш, табиб, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон (609)