Вазири тандурустии Қазоқистон гирифтори COVID - 19 шуд

144
(Таҷдидшуда 14:00 14.06.2020)
Феълан вазири тандурустии Қазоқистон Елжан Биратнов дар яке аз беморхонаҳои сироятии шаҳри Нур-Султон бистарӣ шудааст

ДУШАНБЕ, 14 июн – Sputnik. Вазири тандурустии Қазоқистон Елжан Биратнов гирифтори COVID - 19 шуд.

Айни ҳол, вазири тандурустии Қазоқистон Елжан Биратнов дар яке аз беморхонаҳои сироятии шаҳри Нур-Султон бистарӣ шудааст.

"Маҷбурам хабари бадеро бароятон бирасонам. Таҳлили ташхиси охирини ман аз коронавирус мусбат баромад. Мутаассифона ин беморӣ бе нишонаҳо нест ва ман дар яке аз табобатхонаҳои пойтахт бистарӣ шудам", - навиштааст Биртанов дар саҳифааш дар фейсбук.

Биртанов қайд кард, ки ба ҳамаи чораҳои зидди эпидемикӣ нигоҳ накарда, хавфи гирифторшавӣ ба коронавирус дар ҳамаи ҷо ҳаст.

"Ин бештар ба онҳое тааллуқ дорад, ки имкони дуркориро надоранд. Вақтҳои охир дар чанд минтақа афзоиши гирифторони COVID - 19 миёни соҳибкорон, хизматчиёни давлатӣ, пизишкон ва кормандони расонаҳо бештар шудааст", - афзуд Биртанов.

Аз боздиди қонун то содироти дастгоҳи нафаскашии сунъӣ: олимони тоҷик чӣ ваъда доданд?

Вазири беҳдошт аз мардуми Қазоқистон даъват кард, ки карантинаи шахсиро риоя кунанд ва ба тавсияҳои пизишкон гӯш диҳанд. 

"Агар шумо нишонаҳои аввалини ин беморӣ: камҳаракатӣ, дарди сар, гурӯдард ва табъи баландро эҳсос кардед албатта ба духтурон муроҷиат кунед", - гуфт вазир.

144
Барчаспҳо:
вируси нав, гирифторони беморӣ, соҳаи тандурустӣ, вазир, Қазоқистон
Мавзуҳо:
Пайомадҳои COVID-19 дар Тоҷикистон ва ҷаҳон (616)
Рынок панчшанбе в городе Худжанд, архивное фото

Лентаҳои сурхи замони COVID -19 дар бозори “Панҷшанбе”

615
(Таҷдидшуда 19:18 10.07.2020)
Кормандони Маркази ташаккули тарзи ҳаёти солим дар Суғд, ба хотири риоя шудани масофаи иҷтимоӣ байни хариддорону фурӯшандаҳо ба масъулини бозорҳо дастур додаанд, ки дар растаҳои фурӯши маҳсулот лентаҳои сурх кашанд

ДУШАНБЕ, 10 июл – Sputnik. Гуфта мешавад муқаррароти нигоҳ доштани масофа ба хотири пешгирӣ аз паҳншавии "вируси корона" аст.

Бо дастури масъулини Маркази ташаккули тарзи ҳаёти солим дар Суғд, имрӯз чунин лентаҳои сурх дар бозори “Панҷшанбе” - и Хуҷанд насб карда шудааст, ки минбаъд масофаи байни фурӯшанда ва хариддоронро нигоҳ медорад.

Ғаниҷон Почоев, раиси соҳибкорони бозори “Панҷшанбе” дар суҳбат ба Sputnik Тоҷикистон гуфт, бо дастури масъулин, ба насби лентаҳои сурх дар саҳну атрофи бозор машғул шудаанд.

Кормандони Маркази ташаккули тарзи ҳаёти солим дар Суғд, ҳамарӯза дар бозорҳо, марказҳои савдо ва ҷойҳои ҷамъиятии ҳудуди вилоят барои огоҳии мардум аз хатари паҳншавии бемории коронавирус корҳои профилактикӣ мегузаронанд."Ҳамин рӯз ду се нафар аз Маркази ташаккули тарзи ҳаёти солим ба бозори Панҷшанбе омада ба мо чунин дастур доданд. Мо ин муқаррароти онҳоро ба иҷро расонида, дар растаҳои бозор лентаҳои сурх насб намудем", - гуфт Почоев.

Раиси соҳибкорони бозори “Панҷшанбе” гуфт ба ҷуз насби лентаҳои сурх, онҳо инчунин аз тариқи баландгӯякҳо ба сокинон эълон мекунанд, ки қоидаҳои беҳдоштӣ аз ҷумла бастани ниқоб дар ҷойҳои ҷамъиятиро риоят кунанд.

"Мо эълони тавсияи ниқоббандиро сабт кардаем ва ҳаррӯз он чанд маротиба садо медиҳад", - гуфт Почоев.

Ҳукумати Тоҷикистон дар рӯзи 30-уми апрели соли ҷорӣ аз сабти 15 мавриди бемории навъи COVID – 19 хабар дод. Бино ба оморе, ки бегоҳии дирӯз 9-уми июл Вазорати тандурустӣ ва ҳифзи иҷтимоии аҳолии Тоҷикистон эълон кард дар маҷмӯъ шумораи гирифторони ин беморӣ ба 6410 нафар баробар шудааст. То санаи зикргардида дар мамлакат 5067 нафар ё худ 79%-и гирифторони COVID-19 шифо ёфта, аз ин беморӣ 54 нафар фавтидаанд.

Вазорати тандурустии Тоҷикистон аз сокинон даъват мекунанд, ки аз коҳиш ёфтани ин маризӣ бепарво набуда, тавсияи табибонро риоя кунанд.

615
Барчаспҳо:
Панҷшанбебозор, бозор, вируси нав, Хуҷанд
Мавзуҳо:
Пайомадҳои COVID-19 дар Тоҷикистон ва ҷаҳон (616)

Омори шаҳри Панҷакент: 383 шифоёфтаву 8 фавт аз 394 гирифтори "илтиҳоби шуш"

377
(Таҷдидшуда 16:38 10.07.2020)
Раъно Абдуллоева, муовини сартабиби Бемористони шаҳри Панҷакент, омори гирифтории сокинон ба бемории “илтиҳоби шуш” - ро шарҳ дод

ДУШАНБЕ, 10 июл – Sputnik. Муовини сартабиби шаҳри Панҷакент дар суҳбат бо Sputnik Тоҷикистон гуфт, шумори гирифторони "илтиҳоби шуш" назар ба як моҳи гузашта коҳиш ёфта айни ҳол, танҳо 3 нафар дар бемористон табобат мегиранд.

"Аз оғози ҳафтаи равон дар бахши сироятии Бемористони шаҳри Панҷакент шумори беморони мубтало ба "илтиҳоби шуш" танҳо 3 нафар, 2 мард ва 1 зан боқӣ мондаанд. Вазъи саломатии ду нафари онҳо нисбатан вазнин, вале саломатии як нафари дигар муътадил арзёбӣ мешавад”, - гуфт Абдуллоева.

Муовини сартабиби Панҷакент таъкид намуд, ки аз рӯи 30-уми апрели соли ҷорӣ, яъне аз замони нахустин сабти ин беморӣ то ҳоло 394 маврид бо аломатҳои "илтиҳоби шуш" бистарӣ шудани сокинон қайд шуда, аз ин шумор 109 нафар дар бемористон ва 282 нафар дар хонаҳояшон зери тадобии духтурон шифо ёфтаанд.

Ба иттилоъи манбаъ дар умум аз 394 мавриди сабти беморӣ, 8 нафар фавтидаанд.

Раъно Абдуллоева, афзуд ҳоло назар ба як моҳи қабл, ки то 60 нафар дар бемористон бистарӣ буданд, ҳоло вазъ дар шаҳри Панҷакент муътадил буда, дар ҳоли ҳозир танҳо 3 нафар бо аломати “илтиҳоби шуш” дар бемористон табобат мегиранд.

Барои табобати беморон дар Бемористон таҷҳизотҳои лозим аз қабили Оксгенератор ва Дастгоҳи нафаси сунъӣ (ИВЛ) ворид карда шудааст.

Ҳукумати Тоҷикистон барои аввалин бор дар рӯзи 30-уми апрели соли ҷорӣ аз сабти 15 мавриди бемории навъи COVID – 19 хабар дод. Бино ба оморе, ки бегоҳии дирӯз 9-уми июл Вазорати тандурустӣ ва ҳифзи иҷтимоии аҳолии Тоҷикистон эълон кард дар маҷмӯъ шумораи гирифторони ин беморӣ ба 6410 нафар баробар шудааст.

То санаи зикргардида дар мамлакат 5067 нафар ё худ 79%-и гирифторони COVID-19 шифо ёфта, аз ин беморӣ 54 нафар фавтидаанд.

Вазорати беҳдошт мегӯяд, дар 85 беморхонаи ҷумҳурӣ беш аз 7 ҳазору 500 табиб ва 25 ҳазор корманди миёнаи тиб сафарбар шудаанд. Ба ғайр аз ин, дар муассисаҳои кумаки аввалияи тиббию санитарии ҷумҳурӣ 7 ҳазору 600 табиб ва зиёда аз 24 ҳазор корманди миёнаи соҳаи тиб бо мақсади дарёфт, пешгирӣ ва расонидани кӯмаки аввалия ба мардум хизмат мерасонанд.

377
Барчаспҳо:
гирифторони беморӣ, омор, Панҷакент
Мавзуҳо:
Пайомадҳои COVID-19 дар Тоҷикистон ва ҷаҳон (616)
Намози таровеҳ дар моҳи Рамазон

Ӯзбекистон дигарбора дари масоҷидро ба рӯи намозгузорон баст

0
Ӯзбекистон дар робита ба авҷи маризии сироятии коронавирус то авоили моҳи август дари масҷидҳоро ба рӯи намозгузорон мебандад

ДУШАНБЕ, 11 июл – Sputnik. Идораи динии мусалмонони Ӯзбекистон аз баста шудани тамоми масоҷиди ин кишвар то авоили август хабар дод, хабар медиҳад "Парс тудей".

Бар хабари манбаъ, идораи динии мусалмонони Ӯзбекистон дар сайти худ афзуд: Манӯият аз таърихи 10 июл сарфи назар аз ин, ки устон дар минтақаи "сабз" ва ё "қирмиз" қарор дорад, иҷроӣ мешавад.

Бомдоди имрӯз дар Арабистон дари 90 ҳазор масҷид ба рӯйи намозгузорон боз шуд

Пештар комиссияи вижаи мубориза бо коронавирус тасмим гирифта буд, маҳдудиятҳои карантин дар ин кишварро дар бурҳаи замони ёдшуда ташдид кунад.

Гуфтанӣ аст, ниҳодҳои динии Ӯзбекитсон 8 июни соли 2020 мелодӣ дар манотиқи "сабз"-и ин кишвар бо риояти муқаррароти беҳдоштӣ-эпидемиологӣ (пӯшидани иҷбории ниқоб) ва ҳамчунин доштани фосилаи иҷтимоӣ муҷаддадан оғоз ба фаъолият карда буданд.

0
Барчаспҳо:
намоз, баста, масҷид, Узбакистон
Мавзуҳо:
Пайомадҳои COVID-19 дар Тоҷикистон ва ҷаҳон (616)