Президент Казахстана Касым-Жомарт Токаев на заседании Совета коллективной безопасности ОДКБ

Тоқаев вазири тандурустии Қазоқистонро аз вазифа озод кард: ӯ гирифтори коронавирус буд

207
Вазири тандурустии Қазоқистон Елжан Биртанов қаблан гуфта буд, ки ҳангоми беморӣ наметавонад вазифаҳои худро иҷро кунад

ДУШАНБЕ, 25  июн — Sputnik. Бо фармони президенти Қазоқистон Қосим Жомарт Тоқаев, вазири тандурустии ин кишвар Елжан Биртанов аз вазифа сабукдӯш карда шуд.

Ба ҷои вай Алексей Цой таъин шуд, ки вай пештар иҷрокунандаи вазифаи вазири тандурустии Қазоқистон буд.

Ёдовар мешавем, ки қаблан Биртанов мубталои коронавирус шуда буд ва ҳоло дар бемористон қарор дорад. Вазъи собиқ вазир мӯътадил арзёбӣ мешавад.

Қаблан Биртанов дар саҳифаи Фейсбукии худ гуфт, ки ҳангоми беморӣ пурра кор карда наметавонад, алахусус бо назардошти мураккабӣ бо коронавирус.

Вазири собиқи беҳдошт илова кард, ки дар ҳоли ҳозир кишвар ба роҳбарии мукаммали ин соҳа ниёз дорад.

Роҳбари таъиншудаи Вазорати тандурустӣ Алексей Цой дар Аврупо таҳсил карда, сипас муддати дароз дар муассисаҳои гуногуни тиббии Қазоқистон кор кардааст.

Вазири тандурустии Афғонистон гирифтори коронавирус шуд

Аз моҳи феврали соли 2019 вай ба маркази тиббии назди дастгоҳи раисиҷумҳури Қазоқистонро роҳбарӣ мекард ва 22 июни соли 2020 муовини якуми вазири тандурустӣ таъин карда шуд.

207

Омори шаш моҳи Суғд: фавти беш аз 300 нафар аз "илтиҳоби шуш"

75
(Таҷдидшуда 12:58 14.07.2020)
Мақомоти сабти асноди ҳолатҳои шаҳрвандӣ дар вилояти Суғд, теъдоди таваллуд ва маргумир дар шаш моҳи соли ҷориро шарҳ доданд

ДУШАНБЕ, 14 июл – Sputnik. Лолахон Файззода, сардори Раёсати сабти асноди ҳолатҳои шаҳрвандӣ дар Суғд, зимни нишасти матбуотӣ гуфт, давоми шаш моҳи соли ҷорӣ 6063 вафоти сокинон ба қайд гирифта шудааст, ки ин рақам назар ба ҳамин давраи соли гузашта 285 ҳолат зиёд будааст.

"Давмои шаш моҳи соли ҷорӣ 25 ҳазору 482 таваллуд сабт карда шудааст. Дар ин давра 281 ҳолат тифлони мурда таваллудёфта ва 374 ҳолати вафоти кӯдакони то 1 сола ба қайд гирифта шудааст. Дар умум дар давраи ҳисоботӣ 6 ҳазору 63 ҳолати фавт расман ба қайд гирифта шудааст, ки ин теъдод назар ба соли қаблӣ 285 маврид зиёд аст", - гуфт Файззода.

Ба ин саволи рӯзноманигорон, ки оё пандемияи COVID -19 то куҷо ба афзоиши шумори ҳолатҳои маргумир таъсир расонидааст?, Фараҳманд Нарзизода, сармутахассиси САҲШ дар вилояти Суғд гуфт, ки ягон ҳолати фавт ба бемории COVID -19 алоқаманд набуда, балки бештар аз 300 маврид бо бемории "илтиҳоби шуш ва норасоии кори дилҳо ва шушҳо" ба қайд гирифта шудааст.

"Тибқи шаҳодатномаи тиббӣ, ки дар бораи бемории нафари даргузашта маълумот медиҳад, ягон ҳолати фавт аз ҳисоби маризии COVID -19 қайд нашудааст. Сабаби марги 312 нафар аз бемории илтиҳоби шуш ва норасоии шадиди кори дилҳо ва шушҳо гуфта мешавад", - таъкид намуд Нарзизода.

Масъулони Раёсати сабти асноди ҳолатҳои шаҳрвандӣ дар Суғд гуфтанд, ки онҳо бар асоси шаҳодатномаи тиббӣ ҳодисаҳои фавтро расман ба қайд мегиранд.

75
Барчаспҳо:
омор, Суғд, Тоҷикистон
Гробы с умершими от заражения вирусом

Омори нави коронавирус дар як рӯз: 195 000 сироят шуда, беш аз 3 000 кас фавтиданд

68
(Таҷдидшуда 12:29 14.07.2020)
Созмони ҷаҳонии беҳдошт омори тозаи сироят, фавт ва шифоёбӣ аз коронавирус дар ҷаҳонро нашр намудааст

 ДУШАНБЕ, 14 июл — Sputnik. СҶБ мегӯяд, шабонарӯзи гузашта дар ҷаҳон беш аз 195 ҳазор нафар ба маризии коронавирус гирифторшудаанд, ки ҳамакнун теъдоди умумии сироятёфтагон ба 13,2 миллион нафар баробаршуд.

Ба гузориши созмони мазкур, аз ин маризӣ дар ҷаҳон 575 540 нафар вафот карда, 7 698 371 кас шифо ёфтаанд. Шумораи гирифторон дар як шабонарӯз 195 878 нафар ва теъдоди фавтидагон 3 731  кас зиёд шуд.

Омори СҶБ танҳо маълумоти расмӣ тасдиқшудаи ҳолатҳои сироят ва фавтро, ки аз ҷониби давлатҳо пешниҳод шудаанд, ба назар мегирад. Як рӯз пеш дар як шабонарӯз 198 197 ҳолати сироятёбӣ ва 4 122 фавт ошкор гардида буд.

Омори ҷадиди як рӯз: фавти 5 000 ва сироятшавии 237 ҳазор нафар ба коронавирус дар ҷаҳон

Ёдовар мешавем, ки 11 март СҶБ хуруҷи COVID-19-ро пандемия эълон карда, имрӯз дар бораи беш аз 210 давлату ҳудуд ва ду киштии саёҳатии байналмилалии "Diamond Princess" ва "MS Zaandam", ки дар онҳо ҳолатҳои сироятёбӣ ба қайд гирифта шудаанд, гузориш медиҳад.

Ба даҳгонаи кишварҳое, ки дар онҳо теъдоди зиёди гирифторони коронавирус ба қайд гирифта шудааст, ИМА (3 479 483 нафар), Бразилия (1 887 959), Ҳиндустон (907 645), Русия (733 699), Перу (330 123), Чили (317 657), Мексика (304 435), Испания (303 033), Британияи Кабир (290 133) ва Африқои Ҷанубӣ (287 796) дохил мешаванд.

68
Барчаспҳо:
маризӣ, омор, ҷаҳон
Мавзуҳо:
Пайомадҳои COVID-19 дар Тоҷикистон ва ҷаҳон
Раиси шаҳри Истаравшан Баҳром Иноятзода

Додситони кулл: раиси пешини шаҳри Кӯлоб барои ҷиноятҳои марбут ба замин боздошт шуд

0
(Таҷдидшуда 14:45 14.07.2020)
Имрӯз зимни нишасти матбуотӣ додситони кулли Тоҷикистон таъкид дошт, ки парвандаи собиқ раиси шаҳри Кӯлоб дар ҳолли баррасӣ аст

ДУШАНБЕ, 14 июл – Sputnik. Юсуф Раҳмон, додситони кулли Тоҷикистон, имрӯз дар шаҳри Душанбе  зимни нишасти матбуотӣ таъкид дошт, ки Баҳром Иноятзода, раиси пешини шаҳри Кӯлоб барои ҷиноятҳои марбут ба замин боздошт шудааст.

“Баҳром Иноятзода, собиқ раиси шаҳри Кӯлоб барои дағалона вайрон кардани ҷиноятҳои марбут ба замин ба ҷавобгарӣ кашида шудааст”, - қайд кардааст Юсуф Раҳмон.

Дар ҳамин ҳол, прокурори генералӣ овозаҳои бо дастури Иноятзода ба фурӯш гузошта шудани кумаки башардӯстонаи ба шаҳр воридшуда, аз ҷумла маҳсулоти хӯрокворӣ ва маводи тиббиро рад кард.

Моҳи гузашта нирӯҳои амниятии Тоҷикистон Баҳром Иноятзода, собиқ раиси шаҳри Кӯлобро бо гумони "фасодкорӣ" дастгир карданд.

Рӯзи 8-уми июн Кумитаи давлатии амнияти миллии Тоҷикистон эълон кард, ки маъмуронаш Баҳром Иноятзода, раиси шаҳри Кӯлобро бо иттиҳоми "фасодкорӣ" дастгир карданд.

КДАМ хабар дода буд, ки 27-уми майи соли 2020 ронандаи автомашинаи хизматии Баҳром Иноятзода – Хуррамов Хурсандалӣ Пардаевич ва  3 июни соли 2020 мудири қабулгоҳи Раиси шаҳри Кӯлоб Қурбонов Фирӯз Давлатхоҷаевич бо ҷурми қаллобӣ ба ҳабс гирифта шуданд.

Ба иттилои манбаъ, дар рафти тафтишоти пешакӣ Хуррамов Хурсандалӣ ва Қурбонов Фирӯз нишондод пешниҳод карданд, ки онҳо ин кирдорҳояшонро бо супориши раиси шаҳри содир намудаанд.

"Ҳамчунин, аз сокинони шаҳри Кӯлоб якчанд ариза доир ба амалҳои коррупсионии раиси шаҳр Б. Иноятзода ворид гардид. Ҳангоми санҷиш далелҳои дар аризаҳо овардашудаи ҷабрдидагон тасдиқи худро ёфтанд",- хабар дода буд КДАМ Тоҷикистон.

Ҳамзамон, додситони кулли Тоҷикистон гуфт, дар шаш моҳи аввали соли ҷорӣ 513 парвандаи ҷиноӣ вобаста ба замин ва заминфурушӣ оғоз шуда, садҳо нафар барои қонуншиканӣ ба ҷавобгарӣ кашида шудаанд.

Юсуф Раҳмон, афзуд, 3248 нафар барои қонуншиканӣ ба ҷавобгарии интизомию маъмурӣ кашида шуда ва беш аз 6286 гектар қитъаи замин ба ҳолати аввал баргардонида шудааст. Зарари расида аз ин ҷиноятҳо 1,6 млн сомонӣ барқарор карда шуд.

0
Барчаспҳо:
замин, ҷиноят, баррасӣ, шаҳри Кӯлоб, парванда, додситони кулл, Тоҷикистон