Қазоқистону Қирғизистон дар доми COVID-19:  Афзоиши рекордии беморон дар ин кишварҳо

1114
(Таҷдидшуда 10:13 27.06.2020)
Дар ду кишвари Осиёи Марказӣ Қазоқистон ва Қирғизистон тайи чанд рӯзи ахир теъдоди дардмандон ба таври рекордӣ афзоиш меёбад, ки дар замони авҷи беморӣ чунин оморҳо набуд

ДУШАНБЕ, 27  июн — Sputnik. Миёни кишварҳои Осиёи Марказӣ шиддати коронавирус аз ҳама бештар дар Қазоқистон эҳсос мешавад.

Дар ин кишвар танҳо шабонарӯзи гузашта 1557 нафар мубталоёни коронавирус сабт гаштааст, ки нишондодҳои рекордӣ мебошанд.

Ба иттилои Вазорати тандурустии ин кишвар аз ин теъдод 569 нафар бо аломатҳои беморӣ ва боқимонда бидуни аломат ба ин дард печидаанд.

Теъдоди умумии гирифторони коронавирус дар Қазоқистон то 20,319 ва шумораи беморони бидуни аломатҳои беморӣ ба қайд гирифташуда то 14,548 афзоиш ёфтааст.

Мувофиқи маълумоти расмӣ, дар Қазоқистон 12,548 нафар аз COVID-19 шифо ёфта, 150 бемор вафот кардааст.

Оморҳои нигаронкунандаи Қирғизистон

Бар пояи оморҳои ахир шабонарӯзи гузашта дар Қирғизистон 309 ҳолати нави гирифторӣ ба коронавирус сабт шудааст.

Дар ин кишвар сар аз 22 июн ҳамарӯза беш аз 200 нафар гирифторони коронавирус сабт мешавад.

Танҳо шабонарӯзӣ гузашта се нафар ба ҳалокат расида, теъдоди умумии фавтидагон аз ин беморӣ ба 46 нафар мерасад.

Тибқи иттилои Вазорати тандурустии ин кишвар, теъдоди умумии гирифторони коронавирус дар ин кишвар ба 4513 нафар мерасад.

Гирифторони коронавирус дар Ӯзбекистон низ майли гаронӣ дошта, тибқи оморҳои расмӣ теъдоди умумии беморон ба 7424 нафар мерасад. Мақомоти ин кишвар мегӯянд, бештари беморони сабтшуда аз хориҷ омадагон мебошанд.

Дар Тоҷикистон бошад афзоиши беморӣ нисбат ба дигар кишварҳо поин рафта, теъдоди дардмандон ба 5747 нафар расида, аз ин беморӣ то кунун дар мамлакат 4331 (75%) нафар шифо ёфтаанд

 

1114
Мавзуҳо:
Пайомадҳои COVID-19 дар Тоҷикистон ва ҷаҳон (628)

Омори шаш моҳи Суғд: фавти беш аз 300 нафар аз "илтиҳоби шуш"

100
(Таҷдидшуда 12:58 14.07.2020)
Мақомоти сабти асноди ҳолатҳои шаҳрвандӣ дар вилояти Суғд, теъдоди таваллуд ва маргумир дар шаш моҳи соли ҷориро шарҳ доданд

ДУШАНБЕ, 14 июл – Sputnik. Лолахон Файззода, сардори Раёсати сабти асноди ҳолатҳои шаҳрвандӣ дар Суғд, зимни нишасти матбуотӣ гуфт, давоми шаш моҳи соли ҷорӣ 6063 вафоти сокинон ба қайд гирифта шудааст, ки ин рақам назар ба ҳамин давраи соли гузашта 285 ҳолат зиёд будааст.

"Давмои шаш моҳи соли ҷорӣ 25 ҳазору 482 таваллуд сабт карда шудааст. Дар ин давра 281 ҳолат тифлони мурда таваллудёфта ва 374 ҳолати вафоти кӯдакони то 1 сола ба қайд гирифта шудааст. Дар умум дар давраи ҳисоботӣ 6 ҳазору 63 ҳолати фавт расман ба қайд гирифта шудааст, ки ин теъдод назар ба соли қаблӣ 285 маврид зиёд аст", - гуфт Файззода.

Ба ин саволи рӯзноманигорон, ки оё пандемияи COVID -19 то куҷо ба афзоиши шумори ҳолатҳои маргумир таъсир расонидааст?, Фараҳманд Нарзизода, сармутахассиси САҲШ дар вилояти Суғд гуфт, ки ягон ҳолати фавт ба бемории COVID -19 алоқаманд набуда, балки бештар аз 300 маврид бо бемории "илтиҳоби шуш ва норасоии кори дилҳо ва шушҳо" ба қайд гирифта шудааст.

"Тибқи шаҳодатномаи тиббӣ, ки дар бораи бемории нафари даргузашта маълумот медиҳад, ягон ҳолати фавт аз ҳисоби маризии COVID -19 қайд нашудааст. Сабаби марги 312 нафар аз бемории илтиҳоби шуш ва норасоии шадиди кори дилҳо ва шушҳо гуфта мешавад", - таъкид намуд Нарзизода.

Масъулони Раёсати сабти асноди ҳолатҳои шаҳрвандӣ дар Суғд гуфтанд, ки онҳо бар асоси шаҳодатномаи тиббӣ ҳодисаҳои фавтро расман ба қайд мегиранд.

100
Барчаспҳо:
омор, Суғд, Тоҷикистон
Гробы с умершими от заражения вирусом

Омори нави коронавирус дар як рӯз: 195 000 сироят шуда, беш аз 3 000 кас фавтиданд

85
(Таҷдидшуда 12:29 14.07.2020)
Созмони ҷаҳонии беҳдошт омори тозаи сироят, фавт ва шифоёбӣ аз коронавирус дар ҷаҳонро нашр намудааст

 ДУШАНБЕ, 14 июл — Sputnik. СҶБ мегӯяд, шабонарӯзи гузашта дар ҷаҳон беш аз 195 ҳазор нафар ба маризии коронавирус гирифторшудаанд, ки ҳамакнун теъдоди умумии сироятёфтагон ба 13,2 миллион нафар баробаршуд.

Ба гузориши созмони мазкур, аз ин маризӣ дар ҷаҳон 575 540 нафар вафот карда, 7 698 371 кас шифо ёфтаанд. Шумораи гирифторон дар як шабонарӯз 195 878 нафар ва теъдоди фавтидагон 3 731  кас зиёд шуд.

Омори СҶБ танҳо маълумоти расмӣ тасдиқшудаи ҳолатҳои сироят ва фавтро, ки аз ҷониби давлатҳо пешниҳод шудаанд, ба назар мегирад. Як рӯз пеш дар як шабонарӯз 198 197 ҳолати сироятёбӣ ва 4 122 фавт ошкор гардида буд.

Омори ҷадиди як рӯз: фавти 5 000 ва сироятшавии 237 ҳазор нафар ба коронавирус дар ҷаҳон

Ёдовар мешавем, ки 11 март СҶБ хуруҷи COVID-19-ро пандемия эълон карда, имрӯз дар бораи беш аз 210 давлату ҳудуд ва ду киштии саёҳатии байналмилалии "Diamond Princess" ва "MS Zaandam", ки дар онҳо ҳолатҳои сироятёбӣ ба қайд гирифта шудаанд, гузориш медиҳад.

Ба даҳгонаи кишварҳое, ки дар онҳо теъдоди зиёди гирифторони коронавирус ба қайд гирифта шудааст, ИМА (3 479 483 нафар), Бразилия (1 887 959), Ҳиндустон (907 645), Русия (733 699), Перу (330 123), Чили (317 657), Мексика (304 435), Испания (303 033), Британияи Кабир (290 133) ва Африқои Ҷанубӣ (287 796) дохил мешаванд.

85
Барчаспҳо:
маризӣ, омор, ҷаҳон
Мавзуҳо:
Пайомадҳои COVID-19 дар Тоҷикистон ва ҷаҳон (628)
Руки в наручниках, архивное фото

Боздошти зани 43-солаи сокини Хуҷанд ба иттиҳоми ташкили фоҳишахона: 200 сомонӣ мегирифт

0
Вазорати умури дохилаи Тоҷикистон навиштааст, ин зан барои муносибатҳои маҳрамона зане мардеро шинос карда, барои ин "хидматаш" 200 сомонӣ "мукофотпулӣ" гирифтааст

ДУШАНБЕ, 14 июл — Sputnik. Вазорати умури дохилаи Тоҷикистон зани 43-солеро дар Хуҷанд ба иттиҳоми ташкили фоҳишахона дастгир кардааст. Дар ин бора вебгоҳи вазорати мазкур хабар медиҳад.

"Зимни баргузор намудани чорабиниҳои оперативӣ-ҷустуҷуӣ аз ҷониби кормандони милитсия зани 43-солаи сокини шаҳри Хуҷанд, ҳамчун гумонбар дар ташкил ва нигаҳдошти фоҳишахона дастгир карда шуд", - менависад манбаъ.

Гуфта мешавад,  ин зан санаи 13-уми июли соли 2020, тахминан соати 16:30-дақиқа дар кӯчаи Ленини шаҳри мазкур марди 38-солаи сокини шаҳраки Ғафуров ва зани 25-солаи сокини ҷамоати деҳоти Хистеварзро барои муносибатҳои маҳрамона шинос намуда, аз онҳо ҳақи хизмат 200-сомони муқофотпулӣ гирифтааст.

Боздошти марди 33 - сола барои ташкили фоҳишахона: аз муштариёни худ 150 сомонӣ мегирифт

Нисбати гумонбаршаванда парвандаи ҷиноятӣ бо моддаи 239 Кодекси ҷиноятии Ҷумҳурии Тоҷикистон оғоз карда шуд.

Тафтишоти қазия идома дорад.

 

0