Пошив обуви, архивное фото

Табиб хатарноктарин пойафзолҳои тобистонаро барои пой гуфт

633
Пойафзолҳое, ки дар бораи онҳо травматологи рус сухан мегӯяд, метавонад ба инкишофи нодурусти (деформатсия) ҷиддии пой оварда расонад

ДУШАНБЕ, 27  июн — Sputnik. Травматолог-ортопеди маркази Пирогов Михаил Виктор гуфт, ки тобистон пӯшидани кадом пойафзол барои саломатӣ хатарнок аст, хабар медиҳад "Комсомольская правда".

Ба гуфтаи ӯ, пойафзоли ҳамвор метавонанд ба инкишофи нодурусти (деформатсия) ҷиддии пой оварда расонанд. Аз ин лиҳоз, кафши сарипоӣ (шиппак) аз ҳама хатарнок аст.

"Хеле хуб мебуд, дар тобистон берун аз шаҳр ё дар боғҳо пойлуч гарданд" гуфт Вихтар.

Ӯ тавсия медиҳад, ки ба таҳияи чаҳорчӯбаи пойафзол диққат диҳед. Зарур аст, пой аз дарун, дар самти ҷойгиршавии ангушти калони такягоҳ дошта бошад. Дар ин ҳолат, набояд тагчарми пойафзол аз ҳад сахт бошанд. Барои ин табиб таҳмонҳои ортопедиро (ортопедические стельки)  тавсия додааст.

“Идеяи ҷолиб- ба варзиш машғул шавед, ки он имкон медиҳад, пойҳо дар ҳолати табиӣ қарор гиранд",-гуфт духтур.

Ҳамчун намуна, травматолог-ортопед  машғулият бо йогаро мисол овард.

633

Омори тозаи сироят, фавт ва шифоёбӣ аз COVID-19 дар Тоҷикистон

648
(Таҷдидшуда 20:18 04.07.2020)
Шабонарӯзи гузашта дар Ҷумҳурии Тоҷикистон 51 ҳолати нави сироятёбӣ ба коронавируси навъи COVID-19 ошкор гардид

ДУШАНБЕ, 4 июл – Sputnik. Дар давоми 24 соати гузашта дар Тоҷикистон 51 ҳолати нави сироятёбӣ ба COVID-19 ошкор гардида, шумораи онҳо дар муддати аз 30 апрел то 4 июл ба 6159 нафар расид, хабар медиҳад Вазорати тандурустӣ ва ҳифзи иҷтимоии аҳолии Ҷумҳурии Тоҷикистон.

Тибқи иттилои манбаъ, то имрӯз дар кишвар 4809 нафар ё худ 78,1%-и гирифторони COVID-19 шифо ёфта, аз ин беморӣ 52 нафар фавтидаанд.

"Шабонарӯзи охир 220 нафар гумонбарон зери назорати табибон қарор дошта, 47 нафар баъд аз муолиҷа ба хонаҳояшон рухсат дода шуданд", — омадааст дар хабарнома.

Мавриди зикр аст, ки Ҳукумати Ҷумҳурии Тоҷикистон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ менамояд.

Вазорати беҳдошт мегӯяд, дар 85 беморхонаи ҷумҳурӣ беш аз 7 ҳазору 500 табиб ва 25 ҳазор корманди миёнаи тиб сафарбар шудаанд. Ба ғайр аз ин, дар муассисаҳои кумаки аввалияи тиббию санитарии ҷумҳурӣ 7 ҳазору 600 табиб ва зиёда аз 24 ҳазор корманди миёнаи соҳаи тиб бо мақсади дарёфт, пешгирӣ ва расонидани кумаки аввалия ба мардум хизмат мерасонанд.

648
Барчаспҳо:
вируси нав, фавт, омор, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон

Фавти 10 мариз ва олуда шудани 506 нафар ба коронавирус дар Қирғизистон давоми як рӯз

481
(Таҷдидшуда 18:14 03.07.2020)
Дар Қирғизистон ҳамарӯза теъдоди сироятёфтагон ва қурбониёни вируси COVID - 19 рӯ ба афзоиш мениҳад

ДУШАНБЕ, 3 июл — Sputnik. Шабонарӯзи гузашта дар қаламрави ин кишвар 10 маризи коронавирус ба ҳалокат расиданд, ки ин нишондиҳандаи рекордӣ аз замони хуруҷи вируси COVID - 19 дар Қирғизистон мебошад.

Бар хабари Sputnik Қирғизистон, шабонарӯзи ахир 506 ҳолати нави сироятшавӣ ба коронавирус сабт гардид.

Чанд рӯз қабл, нишондиҳандаи рекордии мубталошавӣ ба ин беморӣ ба қайд гирифта шуд, ки 526 ҳолат дар як рӯзро дарбар гирифт.

Зимнан, теъдоди умумии дардмандони коронавирус дар ин кишвар ба 6767 нафар расидааст.

Афзоиши фавт аз коронавирус дар Қирғизистон: 45 мариз дар ҳолати вазнин қарор доранд

Бо илова шудани 10 қурбонии ҷадид, теъдоди ҳалокшудагон аз ин вирус ба 76 нафар баробар шуд.

Ҳамчунин давоми як рӯз 73 корманди соҳаи тиб низ ба ин маризӣ гирифтор шудаанд. Ҷамъан дар Қирғизистон 994 табиб олудаи коронавирус гардидаанд.

Ба иттилои ситоди фаврӣ, феълан дар дармонгоҳҳои Қирғизистон 638 мариз қарор доранд, ки 99 бемор дар ҳолати вазнин буда, ҳамчунин 19 нафар дар шӯъбаи эҳёгарӣ қарор доранд.

Гузашта аз ин, ҳудуди 3 398 нафари дигар, ки бидуни аломат мубталои ин беморӣ ҳастанд, ба қарантини хонагӣ фаро гирифта шуданд.

481
Барчаспҳо:
фавт, маризӣ, Қирғизистон
Мавзуҳо:
Пайомадҳои COVID-19 дар Тоҷикистон ва ҷаҳон

Бозорҳои Тоҷикистон дар давраи ҳамагирии COVID - 19: гузориши аксӣ

0
(Таҷдидшуда 20:08 04.07.2020)
  • Посбон дар бозори Меҳргон ҳарорати бадани муштариёнро месанҷад
  • Аробакашон дар бозори Меҳргон
  • Бозори Меҳргон
  • Фурӯшанда дар бозори Меҳргон
  • Кормандони мақомот ҳарорати бадани муштариёнро месанҷанд.
  • Меваҳо дар бозори Меҳргон
  • Меваҳои қоқ дар бозори Меҳргон
  • Фурӯшанда дар бозори Меҳргон
  • Муштариён дар бозори Меҳргон
  • Фурӯшандаи бозори Меҳргон
  • Фурӯшандаи бозори Меҳргон
Зиндагии мардуми Тоҷикистон бо тадриҷ ба шакли маъмулӣ бозмегардад. Фаъолияти бозорҳои кишварро дар замони ҳамагирии COVID - 19 дар гузориши Sputnik Тоҷикистон тамошо кунед

Бозорҳои Тоҷикистон имрӯзҳо бо риояи ҳамаи қоидаҳои беҳдоштӣ ба фаъолият оғоз карданд. 

Дар дари даромади бозор ҳарорати бадани ҳар як муштарӣ санҷида мешавад.

Маъмулан дар назди даромади бозорҳо "кунҷи беҳдоштӣ" ташкил шудааст.

Бидуни ниқоб ба бозор ворид шудан мумкин нест, танҳо барои кӯдакон ин қоида истисно мешавад.

“Корвон” боз баста мешавад? – шарҳи мақомот

Ҳамаи фурӯшандагон низ бо ниқоб ҳастанд. Ҳамаи рафҳои савдо ҳамарӯза безарар гардонида мешаванд.

Зиёда аз ин ҳамаи бозорҳои бузурги кишварро кормандони мақомот ҳамарӯза тафтиш мекунанд.

0
  • Посбон дар бозори Меҳргон ҳарорати бадани муштариёнро месанҷад
    © Sputnik / Амир Исаев

    Посбон дар бозори Меҳргон ҳарорати бадани муштариёнро месанҷад.

  • Аробакашон дар бозори Меҳргон
    © Sputnik / Амир Исаев

    Аробакашон дар бозори Меҳргон.

  • Бозори Меҳргон
    © Sputnik / Амир Исаев

    Бозори Меҳргон имрӯзҳо боз пур аз муштарӣ аст.

  • Фурӯшанда дар бозори Меҳргон
    © Sputnik / Амир Исаев

    Фурӯшанда дар бозори Меҳргон. Ҳамаи фурӯшандагон низ бо ниқоб ҳастанд.

  • Кормандони мақомот ҳарорати бадани муштариёнро месанҷанд.
    © Sputnik / Амир Исаев

    Кормандони мақомот ҳарорати бадани муштариёнро месанҷанд. Ҳамаи рафҳои савдо ҳамарӯза безарар гардонида мешаванд.

  • Меваҳо дар бозори Меҳргон
    © Sputnik / Амир Исаев

    Меваҳо дар бозори Меҳргон. Рафъҳо аз меваҳои мавсимӣ пур шудааст.

  • Меваҳои қоқ дар бозори Меҳргон
    © Sputnik / Амир Исаев

    Меваҳои қоқ дар бозори Меҳргон.

  • Фурӯшанда дар бозори Меҳргон
    © Sputnik / Амир Исаев

    Фурӯшанда дар бозори Меҳргон. Бозорҳои Тоҷикистон имрӯзҳо бо риояи ҳамаи қоидаҳои беҳдоштӣ ба фаъолият оғоз карданд. 

  • Муштариён дар бозори Меҳргон
    © Sputnik / Амир Исаев

    Муштариён дар бозори Меҳргон. Бидуни ниқоб ба бозор ворид шудан мумкин нест, танҳо барои кӯдакон ин қоида истисно мешавад.

  • Фурӯшандаи бозори Меҳргон
    © Sputnik / Амир Исаев

    Фурӯшандаи бозори Меҳргон. Фурӯшандагон низ ҳатман ниқоб мепӯшанд.

  • Фурӯшандаи бозори Меҳргон
    © Sputnik / Амир Исаев

    Фурӯшандаи бозори Меҳргон. Барои фурӯшандагон низ пӯшидани ниқоб ҳатмӣ мебошад.

Барчаспҳо:
вируси нав, фаъолият, бозор, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон