Пробирки с биоматериалом в лабораторном комплексе

Мурашко: Русия омода аст, ваксинаҳои коронавирусро ба бозори ҷаҳонӣ ворид созад

441
Русия аз рӯзҳои аввали пандемияи коронавирус ба кишварҳои хориҷӣ кумак мекунад, гуфт вазири тандурустӣ Михаил Мурашко

ДУШАНБЕ, 29 июн — Sputnik. Русия омодааст ваксинаҳо барои коронавируси навро ба бозори ҷаҳонӣ ворид кунад, гуфт Михаил Мурашко, сардори Вазорати тандурустии кишвар зимни саммити “Ҳадафи глобалӣ - Иттиҳод барои оянда”.

Мурашко хотирнишон кард, ки аз рӯзҳои аввали пандемияи коронавирус Русия ба кишварҳои хориҷӣ кӯмак расонидааст ва омода аст, ки дар оянда низ ин корро идома диҳад.

Аз ҷумла, кишвар иштирокчиёни СҲШ, Иттиҳоди иқтисодии Авруосиё ва Созмони умумиҷаҳонии тандурустиро дастгирӣ мекунад.

"Бо назардошти хатари мавҷи дуюми пандемия, Русия омода аст, ки ба бозори ҷаҳонӣ имкононти зиддивирусӣ, аз ҷумла доруҳо, системаҳои озмоишӣ ва ваксинаҳоро таъмин кунад" гуфт вазири тандурустӣ.

Ёдовар мешавем, ки 17 июн дар Русия озмоишҳои клиникии ваксина бар зидди коронавируси нав SARS-CoV-2 оғоз ёфт. Мутахассисон самаранокӣ ва бехатарии шаклҳои моеъ ва сахти доруи таҳияшударо таҳлил мекунанд.

Тибқи охирин оморҳо, теъдоди гирифторони коронавирус дар Русия ба 634,4 ҳазор нафар расида, зиёда аз 9 ҳазор беморон қурбонии ин маризӣ шудаанд.

 

441
Пробирки с биоматериалом в лабораторном комплексе

“Ковипир”: Ӯзбекистон тасмим дорад истеҳсоли доруи зидди коронавирусро ба роҳ монад

1
Қайд карда мешавад, ки доруи "Ковипир" пеш аз ҳама барои эҳтиёҷоти Ӯзбекистон истеҳсол карда мешавад

ДУШАНБЕ, 7 июл — Sputnik. Дар Ӯзбекистон тасимим доранд истеҳсоли доруи муассирри зидди коронавирус таҳти унвони “Ковипир” -ро роҳандозӣ кунанд, дар ин бора Kun.uz бо истинод ба мушовири вазири рушди инноватсия Исоҷон Султонов хабар медиҳад.

Ба гуфтаи Султонов, ширкати дорусозии Nobel Pharmsanoat, ки дар Ӯзбекистон фаъолият мекунад, ба қайди давлатӣ гирифтани доруи дорои фавипиравирро оғоз кардааст.

Ба гуфтаи директори сифати ширкат Шамшод Шарипов, патент барои ин дору ба ширкати японии Toyama Chemical тааллуқ дорад.

"Исбот шудааст, ки ин дору дорои доираи васеи зидди вирусҳо мебошад, ки кислотаи рибонуклеиро нигоҳ медорад (зуком, риновирус, вирусҳои роҳи нафас ғайра) ва таъсири мусбати зидди коронавирус дорад. Он аз моҳи феврали соли 2020 дар Ҷопон барои табобати беморони гирифтори коронавирус истифода шудааст. Аз ин моҳ сар карда, ширкати чинии Zhejiang Hisun Pharmaceutical ба истеҳсоли он таҳти бренди "Фавилавир" шурӯъ кард. Дар Русия Авифавирро моҳи майи соли равон аз ҷониби аз ҷониби Фонди сармоягузории мустақими Русия (РФПИ) ва гурӯҳи ширкатҳои "Химрар" таҳия карда карданд ва барои истеҳсол иҷозат дода шуд",-гуфт Шарипов.

Қайд карда мешавад, ки доруи "Ковипир" пеш аз ҳама барои эҳтиёҷоти Ӯзбекистон истеҳсол карда мешавад.

1
Люди в защитных масках на улице Душанбе

Сартабиби тоҷик аз камшавии "илтиҳоби шуш" хабар дод : ӯ гуфт, сокинон бепарвоӣ накунанд

710
(Таҷдидшуда 19:16 06.07.2020)
Сартабиби Маркази ёрии таъҷилии тиббии шаҳри Хуҷанд, омори як ҳафтаи охир дар бораи қайди бемориҳои таб ва “илтиҳоби шуш” ро шарҳ дод

ДУШАНБЕ, 6 июл – Sputnik. Мирзонабӣ Мирзоҳошимов, сартабиби Маркази ёрии таъҷилии тиббии Хуҷанд дар суҳбат ба Sputnik Тоҷикистон гуфт, дар пайи муроҷиати сокинон дар як ҳафтаи охир дар умум 58 мавриди табдорӣ ва 7 ҳолати монанд ба "илтиҳоби шуш" ба қайд гирифта шудааст.

"Давоми як ҳафта, яъне аз рӯзи 29 уми июн то 5 уми июл ба сататсияҳои Маркази ёрии таъҷилии тиббии шаҳри Хуҷанд дар умум 58 даъват ё муроҷиати сокинон бо аломати баландшавии ҳарорат ба қайд гирифта шуд. Муайян гардид, ки сабаби баландшавии 7 нафар аз ин теъдод, хуруҷи ҳамшабеҳи "илтиҳоби шуш" аст ва ҳамаи онҳо барои табобат ба беморхонаи клиникавии вилояти Суғд бистарӣ карда шуданд", - гуфт сартабиб.

Бино ба оморе, ки ин Марказ дар ихтиёри Sputnik Тоҷикистон қарор дод, давоми як ҳафтаи охир дар умум 613 сокини Хуҷанд аз ду тарафи соҳили руди Сир ба аломати бемориҳои мухталиф аз ҷумла фишорбаландӣ, дарунравӣ (диарея), баланшавии меъёри диабети қанд ва бемориҳои қалбӣ бо шумораи телефони 03, ҷиҳати расонидани ёрии тиббӣ ба табибон муроҷиат намудаанд.

Мирзонабӣ Мирзоҳошимов мегӯяд бино ба таҳлили муроҷиатӣ, ҳоло ҳодисаҳои сироятёбӣ ба "илтиҳоби шуш" назар ба аваллҳои моҳи июн ба 7 ҳолат ва беш аз 65 % кам шудааст.

Сартабиби Маркази ёрии таъҷилии тиббӣ дар Хуҷанд, чанде пеш омори таб ва "илтиҳоби шуш" дар ҳафтаи аввали фасли тобистонро ба Sputnik Тоҷикистон ироа кард буд ва дар он аз 27 ҳолат сабти "илтиҳоби шуш" дар миёни сокинони Хуҷанд иттилоъ дода мешуд.

Бар пояи иттилоъи ироашуда, ҳоло гуфта мешавад, ки суръати сироятёбӣ ба "илтиҳоби шуш" назар ба моҳҳои фасли баҳор хеле поён рафтааст.

Аммо Мирзоҳошимов таъкид намуд, ки аз поёнравии рақамҳои оморӣ, сокинон набояд нисбати пешгирии бемориҳои сироятӣ камтаваҷҷӯҳу бепарвоӣ зоҳир карда, аз баҳри бастани ниқобу риояи дигар қоидаҳои беҳдоштӣ даст кашанд.

Ӯ афзуд, эҳтимол хави гирифторӣ ба чунин бемориҳо ҳар лаҳза вуҷуд дошта метавонад.

Бино ба иттилои сартабиб, Маркази ёрии таъҷилии тиббии Хуҷанд ҳоло аз 15 бригада ва беш аз 80 табибу ҳамшираву ронанда иборат буда, онҳо ба аҳолии наздик ба 185 ҳазор нафараи маркази вилояти Суғд ёрии тиббӣ мерасонанд.

710
Барчаспҳо:
коҳиш, табиб, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон