Афзоиши гирифторони COVID - 19 дар Ӯзбекистон: 17 ҳазор шуд

536
(Таҷдидшуда 12:39 20.07.2020)
То 20 июли соли равон шумораи гирифторони бемории коронавируси COVID - 19 дар қаламрави Ӯзбекистон ба 16 966 кас расид

ДУШАНБЕ, 20 июл — Sputnik. Дар қаламрави Ӯзбекистон дар давоми шабонарӯзи гузашта 537 кас мубталои маризии коронавируси COVID - 19 шуда, теъдоди умумии гирифторони ин беморӣ дар ин кишвар ба 16 966 нафар расид. 

Дар ин бора Вазорати беҳдошти Ӯзбекистон хабар медиҳад.

Дар Ӯзбекистон нахустин ҳолати гирифторӣ ба коронавирус рӯзи 15 март сабт шуда буд. То рӯзи якшанбе (19 июл) теъдоди гирифторони коронавирус 16 429 касро ташкил дода 84 нафар аз ин беморӣ ҷон бохтанд ва 9127 шифо ёфтанд.

"То 20 июли соли равон шумораи гирифторони бемории коронавируси COVID - 19 дар қаламрави Ӯзбекистон ба 16 966 кас расид", - омадааст дар хабарномаи Вазорати тандурустӣ.

Ҳамчунин дар давоми 24 соати гузашта чаҳор бемор қурбони ин беморӣ шуда, шумораи умуммии фавтидагон аз COVID-19 ба 88 кас расид.

Тибқи иттилои Вазорат, шумораи умумии шифоёфтагон аз коронавирус ба 9279 расид. Рӯзи якшанбе аз табобатхонаҳои кишвар - 152 нафар, рӯзи шанбе - 124 ва рӯзи ҷумъа- 220 кас мураххас шуд.

Посухи сафорат ба "пайғамбар аз Самарқанд", ки Чинро ватани COVID - 19 хонд - акс

Феълан 7599 гирифтори COVID-19, аз ҷумла 81 кас дар ҳолати вазнин ва 23 нафар ваҳим, таҳти табобати пизишкон қарор доранд.

Ҳукумати кишвар карантинро дар ҳудуди кишвар то 1 августи соли равон тамдид кард.

536
Барчаспҳо:
омор, вируси нав, гирифторони беморӣ, Ӯзбекистон
Мавзуҳо:
Пайомадҳои COVID-19 дар Тоҷикистон ва ҷаҳон (742)
Покупатель в аптеке

"Авифавир" доруе, ки дар 7 рӯз вируси COVID- ро мекушад, ба дорухонаҳои Ӯзбекистон роҳ ёфт

88
(Таҷдидшуда 15:56 26.09.2020)
Ӯзбекистон аз нахустин кишварҳоест, ки Авифавир дору алайҳи маризии коронавирусро аз Русия дастрас намуд

ДУШАНБЕ, 26 сен — Sputnik. Дар дорухонаҳои кишвари Ӯзбекистон доруи "Авифавир" роҳ ёфт ва он тибқи дорухати табибон ба эҳтиёҷмандон фурӯхта мешавад.

Ӯзбекистон акнун аз нахустин кишварҳоест, ки ба ин дору дастрасӣ пайдо кард.

"Авифавир" дар Русия истеҳсол шуда, онро мутахассисони рус дар мубориза алайҳи маризии коронавирус муассир медонанд.

Маводи доруворӣ бо тамғаи иҷоратии "Авифавир" аз ҷониби Фонди сармоягузории мустақими Русия (РФПИ) ва гурӯҳи ширкатҳои "Химрар" таҳия карда шуд.

“Авифавир”: нахустин доруи зидди COVID-19 дар Русия аз сӯи Вазорати тандурустӣ тасдиқ шуд

Гуфта мешавад, "Авифавир" нахустин доруи мустақими вирусии сохти Русия аст, ки дар озмоишҳои клиникӣ самараи худро нишон додааст.

Дору ба паҳншавии коронавирус дар тамоми бадани инсон халал мерасонад.

Қаблан Созмони Ҷаҳонии Беҳдошт гуфта буд, ки бидуни ваксина пандемияро комилан мағлуб кардан, имкон надорад.

" "Авифавир" на танҳо доруи антивирусӣ алайҳи коронавирус дар Русия ба қайд гирифта шудааст, балки мумкин аст, умедворкунандатарин доруи зидди COVID-19 дар ҷаҳон бошад",- гуфта буд директори генералии Фонди сармоягузории мустақими Русия (РФПИ) Кирилл Дмитриев.

Бояд гуфт, ки доруи мазкур дар бозори Русия моҳи июн пайдо шуд. Ба гуфтаи табибон, бо истифода аз ин дору, табобати сирояти коронавирус на зиёда аз як ҳафта тӯл мекашад.

88
Барчаспҳо:
маризӣ, дору, Ӯзбекистон
Мавзуҳо:
Пайомадҳои COVID-19 дар Тоҷикистон ва ҷаҳон (742)
Работники морга погружают гроб с погибшим от коронавируса, архивное фото

Созмони ҷаҳонии беҳдошт: шумори қурбониёни COVD-19 дар ҷаҳон ба 2 миллион нафар мерасад

99
(Таҷдидшуда 15:25 26.09.2020)
Созмони ҷаҳонии беҳдошт ҳушдор дод, агар иқдоми ҷидде сӯрат нагирад, теъдоди қурбониёни вируси корона дар саросари ҷаҳон ба 2 миллион нафар хоҳад расид

ДУШАНБЕ, 26 сен - Sputnik. Ин созмони ҷаҳонӣ ҳамчунин ибрози умедворӣ кардааст, ки Чин барои таҳқиқ дар бораи баррасии маншаи вируси корона дар ин кишвар мувофиқат кунад, иттилоъ додааст, хабаргузории “Парстудей”.

Бар асоси омори сайти Worldometers, теъдоди қурбониёни вируси корона дар саросари ҷаҳон ба беш аз 989 ҳазор нафар расида ва дар остонаи расидан ба якмиллион нафар аст.

Ҳамчунин теъдоди мубталоён ба вируси корона дар ҷаҳон ба беш аз 32 миллиону 500 ҳазор нафар расидааст, ки аз ин теъдод 24 миллионнафар беҳбудии худро бадаст овардаанд.

Амрико бо ҳудӯди 7 миллиону 200 ҳазор мубтало бештарин теъдоди мубталоён ба вируси куруноро дар ҷаҳон дорад.

Пас аз Амрико, Ҳинд бо беш аз 5 миллиону ҳаштсадҳазор ва Бразиля низ бо беш аз 4 миллиону 600 ҳазор нафар мубтало дар ҷойгоҳи дуввум ва сеюм қарор доранд.

99
Барчаспҳо:
миллион, ҷаҳон, вируси корона, вирус, Қурбониён, ҳушдор, Созмони ҷаҳонии беҳдошт