Портфели, архивное фото

Тағйироти кадрӣ дар шаҳру ноҳияҳои Суғд: сардорони нави МНДСЭ киҳоянд?

1903
(Таҷдидшуда 14:32 12.08.2020)
Тибқи фармонҳои Хадамоти назорати давлатии санитарию эпидемиологӣ, сардорони ин ниҳод дар шаҳру ноҳияҳои Бӯстон, Зафаробод, Исфара, Хуҷанд, Ҷаббор Расулов ва Шаҳристон таъйин шудаанд

ДУШАНБЕ, 12 авг – Sputnik. Бино ба иттилоъи Пулотзода Акрам Анвар, нозири шуъбаи кадрҳои Маркази назорати давлатии санитарию эпидемиологии Суғд, сардорони идораҳои санитарию эпидемологии вилоят ва шаш шаҳру ноҳияҳо нав шудаанд.

Пулотзода дар суҳбат бо Sputnik Тоҷикистон ному насаби сардорони тозатаъйинро ироа намуд.

Тибқи иттилоъи манбаъ, бо фармонҳои сардори Хадамоти назорати давлатии санитарию эпидемиологӣ, Шералиев Фаридун Бобоҷонович сардори ин ниҳод шаҳри Бӯстон, Раҳмонзода Фрӯзон Фармон дар ноҳияи Зафаробод, Аюбов Султон Муҳитдинович дар шаҳри Исфара, Усмонова Таҳмина Ҳасанована дар шаҳри Хуҷанд, Зокиров Ҷаҳонгир Иброҳимович дар ноҳияи Ҷаббор Расулов ва Юсупов Сиёвуш Миршакарович сардори идораи МНДСЭ дар ноҳияи Шаҳристон таъйин шудаанд.

Ҳамчунин бо фармони Қурбонзода Шамсиддин роҳбари Хадамот, Орипов Маҷнун Мавлонович сардори МНДСЭ дар вилояти Суғд таъйин карда шудааст.

Як манбаъ аз Хадамоти назорати давлатию эпидемиологӣ ба Sputnik Тоҷикистон роҳандозӣ шудани ин тағйироти кадриро ба хотири тоза намудани ашхоси роҳбарикунандаи ғайрисоҳавӣ дар ин соҳаи беҳдоштии кишвар арзёбӣ намуд.

“Дар шароити хуруҷи пандемияи COVID-19 бе иштироки мутахассис, пеш бурдани кори ин соҳа саҳлу содда нест. Бинобар дарки ин масъала аз сӯи Хадамот дар шаҳру ноҳияҳои кишвар таъйиноти кадрӣ роҳандозӣ карда шуд”, гуфт манбаъ.

Хадамоти назорати давлатии санитарию эпидемиологӣ як ниҳоди навтаъсис буда, он дар доираи Барномаи давлатии пешгирӣ ва мубориза бо пандемияи COVID-19, рӯзи 16-уми май дар заминаи қабули қарори Ҳукумати Тоҷикистон таъсис ёфтааст.

1903
Барчаспҳо:
ноҳия, шаҳр, беҳдоштӣ, тағйироти кадрӣ, Суғд, Тоҷикистон

Олимони туркӣ мегӯянд, коронавирус метавонад саратони мағзи сар ба вуҷуд орад

85
Олимони Туркия таҳқиқ намуданд, ки маризии сироятии коронавирус метавонад саратони сарро ба вуҷуд орад

ДУШАНБЕ, 25 сен - Sputnik. Коронавирус метавонад саратони мағзи сарро ба вуҷуд орад ва ё ба рушди омосҳои мавҷуда мусоидат кунад. Ба чунин натиҷа олимони донишгоҳе дар Истамбул расиданд.

"Мувофиқи фарзияи мутахассисон, зарраҳои SARS-Cov-2 қодиранд бо ҳуҷайраҳои бофтаҳои асаб, ки дар рушди онкология иштирок доранд, пайваст шаванд".

Аммо олимон исрор меварзанд, ки ин хулосабарории ниҳоӣ набуда, ҳоло дар ин самт бояд таҳқиқотҳои нав гузаронд.

"Ҳар гуна вируси онкогенӣ, ки ба ҳуҷайра ворид мешавад, онро тағир медиҳад ва дар баъзе ҳолатҳо онро хатарзо мекунад. Аммо ин як раванди хеле тӯлонист, ки ҳатман таъсири омилҳои иловагии муҳити берунӣ ва дохилиро тақозо мекунад", - шарҳ додааст бозёфтҳои олимони туркиро, роҳбари лабораторияи саратоншиносии Блохин Ксения Смирнова ба нашрияи "Известия".

Зимнан, Андрей Васин як намояндаи дигари соҳаи тандурустии Русия изҳор намудааст, ки SARS-Cov-2 вируси РНК аст ва қобилияти ин гурӯҳи патогенҳо барои барангехтани саратон қаблан мушоҳида нашудааст.

85
Барчаспҳо:
саратон, таҳқиқот, олимон, Туркия
Мавзуҳо:
Пайомадҳои COVID-19 дар Тоҷикистон ва ҷаҳон
Вакцина от коронавируса ЭпиВакКорона

Русия ба Ӯзбекистон 35 миллион воя ваксинаи "Sputnik V" ворид мекунад

120
(Таҷдидшуда 14:44 25.09.2020)
Пас аз гирифтани тасдиқи мақомоти танзимкунандаи Ӯзбекистон, дар соли 2020 метавонад ба ҷумҳурӣ то 10 миллион воя (доза) ва дар соли 2021 то 25 миллион доза ваксина ворид кунад

ДУШАНБЕ, 25 сен - Sputnik. Бунёди сармоягузории мустақими Русия (РФПИ) ва ширкати дорусозии Лаксисам ба мувофиқа расиданд, ки ба Узбакистон то 35 миллион воя (доза) ваксинаи коронавирусии “Sputnik V”-ро интиқол хоҳанд дод.

“Пас аз гирифтани тасдиқи мақомоти танзимкунандаи Ӯзбекистон, дар соли 2020 метавонад ба ҷумҳурӣ то 10 миллион воя (доза) ва дар соли 2021 то 25 миллион доза ваксина ворид кунад”,-омадааст дар иттилоия.

Аз Бунёди сармоягузории мустақими Русия гуфтаанд, ки ваксина дар платформаи хубу омӯхташуда, бо бехатарӣ ва самаранокии исботшуда сохта шудааст.

Ёдовар мешавем, ки Русия ба таҳияи ваксинаҳо алайҳи коронавирус моҳи январи соли равон оғоз карда буд.

Аввалин ваксинаи коронавирус дар Русия истеҳсолшуда, моҳи август ба қайд гирифта шуд. Ваксинаи мазкур аз ҷониби Маркази илмии электрохимиявии Гамалея таҳия шуда, дар якҷоягӣ бо Бунёди сармоягузории мустақими Русия истеҳсол карда мешавад.

Мувофиқи натиҷаҳои таҳқиқот, коршиносон ваксинаро бехатар унвон карданд. Созмони Ҷаҳонии Тандурустӣ низ ба Русия барои доруи таҳиякардааш ташаккур гуфт.

Ҳоло Вазорати тандурустии Руссия талош дорад ваксинаи дуюмро бар зидди COVID-19 ба қайд гирад.

120
Чрезвычайный и Полномочный Посол Исламской Республики Иран в Российской Федерации

Сафири Эрон дар Русия дар бораи “худширинкунии” баъзе кишварҳои минтақа назди Амрико гуфт

0
(Таҷдидшуда 16:59 25.09.2020)
Новобаста аз таҳримҳо Эрон кушиш хоҳад кард, ба ҳамаи кишварҳои дустӯ ҳамсоя равобити хуб дошта бошад

ДУШАНБЕ, 25 сен — Sputnik. Козим Ҷалилӣ, сафири Эрон дар Русия имрӯз зимни як нишасти матбуотӣ дар бинои "МИА Россия сегодня" дар шаҳри Маскав таъкид кард, ки Эрон бо бархе аз кишварҳои минтақа на танҳо таърихи муштарак балки чандин барномаҳои иқтисодӣ низ дорад.

Вай афзуд, мусалам аст, ки Русия бузургтарин шарики Эрон аст ва Теҳрон бо ин кишвар дар бахшҳои гуногун ҳамкории зич дорад.

Оқои Козим Ҷалилӣ зикр кард, ки кишвараш бо Русия дар самтҳои низомӣ, амниятӣ, сиёсӣ ва иқтисодӣ ҳамкории бениҳоят зичро ба роҳ мондааст.

Сафири Эрон дар Русия ҳамчунин дар бораи равобити Тоҷикистону Эрон сухан кард.

Вай гуфт, Тоҷикистон кишвари бародари мост ва Эрон ҳамеша мехоҳад, ки бо ин кишвар равобити бисёр хубе дошта бошад.

“Мо бо Тоҷикистон чандин барномаҳои муштарак дорем. Мо бояд барномаҳои худро дар ин кишвар ба анҷом расонем. Ҳамингуна равобитро мо мехоҳем бо дигар кишварҳои минтақа низ дошта бошем. Равобити хуб бо кишварҳои дӯсту ҳамсоя дар мадди аввали ҳукумати Эрон аст”, - гуфт ҷаноби сафир Қозим Ҷалилӣ.

Дар ҳамин ҳол сафири Эрон дар Русия таъкид дошт, ки бархе аз кишварҳои ҳамсоя ба ҷои равобит хуб бо кишвари дӯсти минтақавӣ ҳамкорӣ бо кишвари ғайри минтақавӣ аз ҷумла бо Амрикоро интихоб мекунанд.

“Ин кишварҳо мехоҳанд нишон бидиҳанд, ки бо Эрон чандон равобити хуб надоранд ва имкониятҳои пешомада бо Амрико наздик шаванду аз имкониятҳои вай истифода намоянд”, - қайд кард сафири Эрон дар Русия.

Қозим Ҷалилӣ, илова кард, ки Эрон кушиш хоҳад кард дар оянда низ бо тамоми кишварҳои минтақа равобити хуб дошта бошад.

0
Барчаспҳо:
равобит, дӯстӣ, кишвар, ҳамкорӣ, Русия, Эрон, Тоҷикистон