Школьники в масках

Ҳушдори СҶБ: дар соли нави хониш мактабҳо метавонанд манбаи сирояти COVID-19 шаванд

1269
(Таҷдидшуда 16:25 14.08.2020)
Созмони ҷаҳонии беҳдошт ҳушдор додааст, ки дар оғози соли нави таҳсил муассисаҳои таълимӣ метавонад ба манбаъи хуруҷи бемории коронавирус табдил шавад

ДУШАНБЕ, 14 авг — Sputnik.  Намояндагони Созмони ҷаҳонии беҳдошт гуфтанд, ки бо оғози соли хониш, мактабҳо метавонанд манбаи нави сирояти коронавирус шаванд.

Дар ин бора Майкл Райан, директори барномаи Созмони ҷаҳонии беҳдошт оид ба вазъи фавқулода зимни нишасти матбуотие дар Женева гуфт.

Вай қайд кард, ки аксарияти аҳолии ҷаҳон то ҳол аз коронавирус осебпазиранд.

Майкл Райан аз набудани имконоти гигиенӣ, ҳатто барои тозагии дастон дар бисёр муассисаҳои таълимӣ изҳори нигаронӣ кард.

Тибқи маълумоти СҶБ соли гузашта, 43% мактабҳо дар саросари ҷаҳон таҷҳизоти асосӣ барои шустани дастон бо собун ва об надоштанд, оби равон ва канализатсия як сӯ истад.

"Бидуни ин, кори бехатари мактабҳо дар замони авҷи пандемияи COVID-19 ғайриимкон аст. Мактабҳо метавонанд минтақаҳои хатар бошанд", гуфт Райен.

Аз ин рӯ, СҶБ ба зарурати риояи қатъии чораҳои муҳофизатӣ аз сироятро талаб мекунад.

Олимон гуфтанд, мавҷи дуввуми коронавирус аз куҷо сар мезанад

Ин созмон гуфтааст, шаҳрвандон бояд мисли пештара пӯшидани ниқобҳои тиббиро дар ҷойҳои серодам идома диҳанд ва масофаи иҷтимоӣ риоя намуда аз рафтан ба ҷойҳои серодам худдорӣ кунанд.

1269
Барчаспҳо:
Соли нави хониш, мактабҳо, ТУТ

Теъдоди ҷонбохтагон аз COVID-19 дар Эрон аз 24 ҳазор гузашт

33
(Таҷдидшуда 18:16 19.09.2020)
Вазорати беҳдошт, дармон ва омӯзиши пизишкии Эрон рӯзи шанбе гуфт, теъдоди ҷонбохтагон аз бемории COVID-19 дар ин кишвар аз 24 ҳазор нафар гузашт

ДУШАНБЕ, 19 сен — Sputnik. Симо  Содоти Лорӣ, сухангӯи Вазорати беҳдошти Эрон, изҳор дошт, ки бар асоси меъёрҳои қатъии ташхисӣ дар 24 соати гузашта  2 ҳазору 845 бемори ҷадиди COVID-19  дар Эрон шиносоӣ шуд, хабар дод радиои тоҷикии Садоии Хуросон.

Ба иттилои манбаъ, маҷмӯи беморони COVID-19 дар Эрон ба 419 ҳазору 43 нафар расидааст.

“Аз ин теъдод то кунун 357 ҳазору 632 нафар беҳбуд ёфта ва аз бемористонҳо мурраххас шудаанд”, - омадааст дар иттилоия.

Лорӣ афзудааст, ки муттаассифона дар 24 соати гузашта  166 нафар аз беморони COVID-19  ҷони худро аз даст доданд ва маҷмӯи ҷонбохтагони ин беморӣ дар Эрон ба 24 ҳазору 118 нафари расид.

Теъдоди афроди мубтало ба вируси корона дар ҷаҳон низ ба беш аз 30 миллион нафар расидааст, ки аз ин теъдод  956 ҳазор нафар  ҷони худро аз даст дода ва беш аз 22 миллион нафар  ҳам беҳбуд ёфтаанд.

33
Барчаспҳо:
фавт, беморӣ, Эрон

Беш аз 6 ҳазор ҳолат дар як рӯз: афзоиши мабталошавӣ ба маризии коронавирус дар Русия

117
(Таҷдидшуда 15:45 19.09.2020)
Дар Федератсияи Русия мавориди гирифторшавӣ ба маризии коронавирус боз рӯ ба афзоиш ниҳодааст. Шабонарӯзи гузашта беш аз 6 ҳазор ҳолати нав ба қайд гирифта шуд

Танҳо дар як рӯзи ахир дар Русия 6 065 ҳолати ҷадиди гирифторшавӣ ба маризии сироятии коронавирус сабт гардид, хабар медиҳад РИА Новости.

Ба иттилои манбаъ, шабонарӯзи гузашта дар ин кишвар 144 мариз ҷон аз даст доданд. Инчунин як рӯзи ахир аз дармонгоҳҳои Русия 5 255 бемор мураххас гардиданд.

Манбаъ меафзояд, аз 19 - уми июл то ба ин сӯ, ин нахустин ҳолатест, ки шумораи зиёди одамон ба вируси COVID - 19 гирифтор шудаанд.

Гуфта мешавад, аз ҳама беш дар пойитахт - шаҳри Маскав мубталошавии сокинони ба коронавирус сабт гардидааст.

Мутахассиси ӯзбек: коронавирус сабук мегузарад, агар бемор алайҳи зуком эм гирифта бошад

Шабонарӯзи ахир дар Маскав дасти кам 825 ҳолати ҷадид ба қайд гирифта шуд.

Ба ҳамин минвол, дар Русия шумораи умумии гирифторони коронавирус ба 1 097 251 нафар баробар шудааст.

Гузашта аз ин, 19 339 бемор ба ҳалокат расида, 906 462 нафари дигар шифо ёфтанд.

Бар тибқи маълумоти Созмони ҷаҳонии беҳдошт, дар ҷаҳон беш аз 30 миллион нафар ба коронавирус мубтало гардида, 943 ҳазор мариз ҷон аз даст доданд.

117
Барчаспҳо:
маризӣ, омор, Русия
Мавзуҳо:
Пайомадҳои COVID-19 дар Тоҷикистон ва ҷаҳон
День 20 сентября

Ҷашнҳои рӯзи 20 сентябр дар Тоҷикистон ва ҷаҳон

0
(Таҷдидшуда 19:25 19.09.2020)
Рӯзи бистуми сентябр ҳамчун Рӯзи байналмилалии варзиши донишҷӯён ба ҳисоб меравад. Ҳамчунин Ҷумҳурии Қирғизистон дар ин рӯз аз Рӯзи соҳибкорон ҷашн мегирад

Рӯзи 20 сентябр дар ҷаҳон чӣ рух дод

Соли 1802 дар Россия аввалин маротиба вазоратҳои мудофиа, корҳои хориҷӣ ва корҳои дохилӣ таъсис дода шуданд.

Соли 1902 дар натиҷаи сӯхтор дар калисои шаҳри  Бирмингеми Англия зиёда аз 100 нафар ба ҳалокат расиданд.

День 18 сентября
© Sputnik / Стас Этвеш / Вишнякова Мария

Соли 1917 Парлумони Канада ба модар, ҳамсар ва хоҳари аскари дар майдони ҷанг муборизабаранда ҳуқуқи овоздиҳӣ пешниҳод кард.

Соли 1992 аксарияти аҳолии Фаронса  дар раъйпурсӣ барои шомил шудани кишварашон ба ҳайати Иттиҳоди Аврупо овоз доданд.

Соли 1993 Парлумони Озарбойҷон барои шомил шудан ба Иттиҳоди Давлатҳои Мустақил қарор қабул кард.

Рӯзи 20 сентябр дар Тоҷикистон чӣ рух дод

Соли 2010  Эмомалӣ Раҳмон дар Маҷлиси умумии сатҳи олии Маҷмаи кулли СММ бахшида ба масъалаҳои Ҳадафҳои Рушди Ҳазорсола суханронӣ намуд.

Ҷашнҳои рӯзи 17 сентябр дар Тоҷикистон ва ҷаҳон

Соли 2013 Сарвари давлат ҷиҳати иштирок дар ҷаласаи сарони давлатҳои узви Созмони Аҳдномаи амнияти дастаҷамъӣ ба шаҳри Сочии Федератсияи Русия сафар кард.

Соли 2016 Агентии омори назди Президенти Ҷумҳурии Тоҷикистон аввалин маҷаллаи стратегии "Тоҷикистон: 25 соли истиқлолияти давлатӣ"-ро нашр намуд.

День 15 сентября
© Sputnik / Стас Этвеш / Вишнякова Мария

Соли 2016 узви собиқи дастаи мунтахаби Тоҷикистон оид ба бокс Сергей Харитонов дар рӯйхати навшудаи беҳтарин муборизони ҷаҳон шомил шуд.

Соли 2017 дар шаҳри Ню-Йорк Эмомалӣ Раҳмон дар мубоҳисаҳои умумии Иҷлосияи 72-юми Маҷмаи Умумии Созмони Милали Муттаҳид иштирок намуда, яке аз аввалинҳо шуда, суханронӣ карданд.

Соли 2018 Раисҷумҳури Тоҷикистон Эмомалӣ Раҳмон ва Раиси шаҳри Душанбе Рустами Эмомалӣ дар ноҳияи Шоҳмансури пойтахт Муассисаи таълимии таҳсилоти умумии ғайридавлатии "Академияи умумиҷаҳонии Кембриҷ" - ро дар вазъияти тантанавӣ ифтитоҳ карданд.

Ҷашнҳои рӯзи 20 сентябр

  • Рӯзи байналмилалии варзиши донишҷӯён.
  • Дар Белорус – Рӯзи гумрукчиён.
  • Дар Қирғизистон – Рӯзи соҳибкорон.
  • Дар Осетияи Ҷанубӣ – Рӯзи истиқлолият.

Рӯзи 20 сентябр дар Тоҷикистон кӣ ба дунё омадааст

Солҳои (1909-1993)  Нависандаи халқии Тоҷикистон, дорандаи ҷоизаи ба номи А. Рӯдакӣ Ҷалол Икромӣ.

Солҳои (1916-1986)  Ҳунарманди театр ва халқии Тоҷикистон Тӯтӣ Ғафорова.

Соли 1945 Шоири халқии Тоҷикистон, дорандаи ҷоизаи ба номи А. Рӯдакӣ, муаллифи суруди миллии Тоҷикистон Гулназар Келдӣ.

Солҳои (1946-2010) дорандаи ҷоизаи ба номи А.Рӯдакӣ Музаффар Неъматов.

Соли 1947 Профессори илмҳои иқтисодӣ Амир Катаев.

0
Барчаспҳо:
ҷашн, ҷаҳон, Тоҷикистон