Маленькие дети сидят на траве в Душанбе, архивное фото

Суғд: шифоёбии 125 кӯдак аз бемории илтиҳоби шуш

295
(Таҷдидшуда 17:02 21.08.2020)
Масъулони Беморхонаи кӯдаконаи вилояти Суғд, омори шифоёбӣ аз бемории илтиҳоби шуш байни атфолро шарҳ дода гуфтанд, ки давоми шаш моҳи соли ҷорӣ, 125 кӯдак комилан аз ин маризӣ шифо ёфтаанд

ДУШАНБЕ, 21 авг – Sputnik. Масъулони Бемористони кӯдаконаи Суғд гуфтаанд, ки хуруҷи бемории ҳамагири COVID-19 сабаби кам шудани теъдоди муроҷиатҳо ба бемористон шудааст, вале дар ин давра мавридҳои бо аломати сирояти бемории илтиҳоби шуш бистарӣ шудани наврасон бештар шумурда мешавад.

Фарҳод Икромов, мудири шуъбаи роҳи нафас, шуш ва боди гарм дар суҳбат бо Sputnik Тоҷикистон гуфт, дар шаш моҳи соли ҷорӣ 125 кӯдак аз бемории илтиҳоби шуш пирӯз шуда бо саломатии комил ба хонаҳояшон рухсат шудаанд. Ба таъкиди табиб, ин шумор назар ба соли гузашта бештар аст.

Раъно Ҳошимзода омори сироят ва табобат аз “илтиҳоби шуш” дар Бӯстонро шарҳ дод

“Аз рӯи таҳлилҳои мо дар шаш моҳи соли ҷорӣ 125 кӯдак аз сирояти бемории илтиҳоби шуш муолиҷа гирифтаанд. Дар ин давраи соли гузашта ҳамагӣ 109 нафар бо аломатҳои ин беморӣ бистарӣ шуда буданд”, - гуфт Икромов.

Бино ба иттилоъи манбаъ, хуруҷи бемории коронавирус сабаби кам шудани теъдоди муроҷиати сокинон дар бемористон шуда, дар ин давра бисёре аз волидон ба табобати фарзандони худ дар шароити хонаҳо машғул шудаанд.

 Фарҳод Икромов зикр намуд, ки дар шароити хона табобат намудани атфол хуб аст ба шарте, ки ҷараёни муолиҷа зери назорати табиби оилавӣ қарор бигирад.

Дар акси ҳол истифодаи аз меъёр зиёди дорувориҳо аз ҷумла антибиотикҳо, эҳтимол ба масъунияти наврасон таъсири манфӣ расонида метавонад, афзуд табиб.

Табиби ҳамсуҳбати мо, ҳодисаҳои зиёд табъ кардани кӯдакон ва хаставу нороҳат шудани онҳо дар хонаводаҳоро шарҳ дод.

“Табъи кӯдак худ аз худ баланд намешавад. Вақте дар организм ягон сироят ворид мешавад ва нисбати он мубориза сурат мегирад. Дар ин вақт мубодилаи моддаҳо ҳосил мешавад, ки ба баландшавии ҳарорат оварда мерасонад, яъне организм бо сироят дар мубориза аст”, - таъкид кард Икромов.

Дар шуъбаи амрози роҳи нафас кӯдакони то 18 сола бистарӣ ва табобат карда мешавад. Дар шаш моҳи соли ҷорӣ дар умум 466 дар он бистарӣ ва табобат гирифтаанд.

295
Барчаспҳо:
маризӣ, кӯдак, атфол, беморӣ, Хуҷанд, Тоҷикистон

Вазорати тандурустӣ: боз 45 мавриди ҷадиди гирифторшавӣ ба маризии COVID-19 сабт шуд

187
(Таҷдидшуда 20:23 24.09.2020)
Вазорати тандурустии Тоҷикистон омори нави гирифторшавӣ, фавт ва шифоёбӣ аз маризии сироятии коронавирусро нашр кард

ДУШАНБЕ, 24 сен — Sputnik. Бино бар иттилои Вазорати тандурустии Тоҷикистон шабонарӯзи гузашта боз 45 мавриди ҷадиди гирифторшавӣ ба маризии коронавирус сабт гардид.

Бино бар иттилои манбаъ, дар як шабонарӯзи охир 101 нафар гумонбарон зери назорати табибон қарор дошта, 52 нафар баъд аз муолиҷа ба хонаҳояшон рухсат дода шуданд.

“Инчунин,  дар як шабонарӯзи охир дар ҷумҳурӣ 45 ҳодисаи нави бемории  COVID-19 дарёфт гардида,  дар маҷмӯъ шумораи гирифторони ин беморӣ ба  9520  нафар баробар гардид”, - таъкид доштааст вазорати тандурустӣ.  

Ҳамзамон манбаъ қайд кардааст, ки то санаи  24 сентябр дар кишвар  8296  (87,1%) нафар аз бемории COVID-19 шифо ёфта,  бар асари он 74  нафар фавтидаанд.

Вазорати тандурустии Тоҷикистон бори дигар аз тамоми сокинони кишвар хостааст, ки барои пешгирӣ аз ин беморӣ пеш аз ҳама  қоидаҳои беҳдошти шахсиро қатъиян риоя намоянд.

187
Барчаспҳо:
Вазорати тандурустӣ, вирус, маризӣ, гирифторон, омор, вируси корона, Тоҷикистон
Город Лондон. Великобритания

Мавҷи дуюми коронавирус дар Британия: сарвазир маҳдудиятҳои нав ҷорӣ кард

253
(Таҷдидшуда 20:05 23.09.2020)
Сарвазири Британия дар робита ба авҷ гирифтани мавҷи дуюми маризии коронавирус, маҳдудиятҳои нав ҷорӣ кард

ДУШАНБЕ, 23 сен - Sputnik. Британияро мавҷи дуюми маризи коронавирус фаро гирифтааст, хабар медиҳад РИА Новости.

Дар ин робита, сарвазири ин кишвар Борис Ҷонсон рӯзи сешанбе аснои баромади худ дар парлумон, маҳдудиятҳои нав барои ним соли оянда ҷорӣ кард.

"Коронавирус дар баробари гузариш аз фасли тирамоҳ ба зимистон зудтар паҳн мешавад. Аз ин рӯ, мо бояд аз ҳозир омодагӣ гирем", - таъкид намудаст Ҷонсон.

Бар тибқи қарори сарвазири Британия, коргарҳо бояд аз фосилаи дур кор кунанд, кори тарабхонаю майкадаҳо на дертар аз соати 10 - и бегоҳ тӯл кашад.

Ҳамчунин, Ҷонсон аз тамоми сокинон даъват намуд, ки маросимҳои хурсандӣ, аз ҷумла тӯю маъракаҳо танҳо бо иштироки 15 меҳмон баргузор шаванд. Дар маросими азодорӣ, ҳамоно на беш аз 30 нафар бояд иштирок кунанд.

Қазоқистон ҳам ваксинаи алайҳи коронавирусро сохт: СҶБ онро қабул кард

Қобили зикр аст, ки шабонарӯзи ахир дар Британия 4368 ҳолати ҷадиди гирифторшавӣ ба коронавирус сабт гардид. Инчунин давоми як рӯз аз ин беморӣ дар Британия 11 нафар ҷон бохт.

Дар умум, аз замони авҷ гирифтани коронавирус дар Британия 398 625 нафар мубтало шуда, 41 788 мариз ба ҳалокат расиданд.

253
Барчаспҳо:
маҳдудият, маризӣ, сарвазир, Британия

Амрико ба хотири қатъи сохтмони “Маҷрои шимолӣ-2” шарик меҷуяд

0
(Таҷдидшуда 21:15 24.09.2020)
Мақомоти Амрико эълон кардааст, ки эътилофи зидди “Маҷрои шимолӣ-2”- ро ташкил хоҳад кард

Нашрияи Die Welt  навиштааст, ки Амрико фишорашро бар зидди ширкатҳое, ки дар лоиҳаи “Маҷрои шимолӣ-2” иштирок доранд зиёд кардааст.

Вазири хорҷаи Амрико Майк Помпео, ахиран эълон кардааст, ки кишвараш барои қатъи сохтмони “Маҷрои шимолӣ-2” эътилоф ташкил хоҳад дод.

Ба гуфтаи вай, ин лоиҳа метавонад вобастагии Аврупоро аз Русия зиёд намояд ва ба амнияти Украин хатар ворид кунад. Ба ҳамин хотир амрико набояд гузорад ин лоиҳа иҷро шавад.

Бояд гуфт, ки Русия борҳо таъкид кард, ки тарҳҳои энержии ин кишвар, аз ҷумла "Маҷрои шимолӣ-2" дар Аврупо бо ҳадафҳои сиёсӣ дучори монеа шудаанд.

Лоиҳаи “Маҷрои шимолӣ-2” бунёди ду лӯлаи газ бо иқтидори умумии 55 миллиард метри мукааб газ дар як сол аз соҳили Русия тавассути баҳри Балтика то Олмонро дар бар мегирад.

Владимир Путин борҳо таъкид кардааст, ки Русия ба лӯла танҳо ба унвони як лоиҳаи иқтисодӣ ишора мекунад. Маскав даъват мекунад, ки онро ҳамчун воситаи таъсирот қабул накунед. Сохтмони “Маҷрои шимолӣ-2” аз ҷониби Олмон, Австрия ва Норвегия фаъолона дастгирӣ карда мешавад.

0
Барчаспҳо:
мақомот, ташкил, эътилоф, Амрико, Русия