Школьница в медицинской маске на улице Душанбе

Дидаю дониста ба мактаб мефиристанд: ташвиши мақомоти тоҷик аз афзоиши COVID-19

3713
(Таҷдидшуда 18:06 24.08.2020)
Мақомоти беҳдоштӣ дар Тоҷикистон бо ташвиш аз афзоиши гирифторшавӣ ба коронавирус бидуни нишонаҳои хос, аз мардуми кишвар хостааст, ки тавсияҳоро ҷиддан риоя намоянд

ДУШАНБЕ, 24 авг— Sputnik. Идораи назорати давлатии санитарию эпидемиологии шаҳри Хуҷанд бо нашри як муроҷиатнома аз афзоиши  сирояти бемории коронавирус бидуни нишонаҳои хос хабар дода, аз сокинон риояи қатъии қоидаҳои беҳдоштиро тақозо намудааст.

Дар муроҷиатномаи мақомоти беҳдоштии Хуҷанд, таъкид шудааст, ки рӯзҳои охир бидуни нишонаҳои хос пайдо шудани бемории коронавирус бештар шудаст, ки ба гуфтаи табибон ташвишовар мебошад.

“Риоя нашудани қоидаҳои беҳдоштӣ дар ҷойҳои ҷамъиятӣ ба афзоиши сирояти беморӣ боис гардидааст. Воқеан ҳам бархе шаҳрвандоне, ки аз миёни хонавода ва пайвандонашон бемории сироятии короновирус дарёфт шудааст, бо вуҷуди огоҳии чандкарата ҳамарӯза ба кор ва ҷойҳои ҷамъиятӣ ҳозир шуда, ба саломатии дигар шаҳрвандон низ хатар эҷод намуда истодаанд”, - таъкид шудааст дар муроҷиатнома.

Мактабравӣ аз оилаҳои дорои бемор: ташвиши мақомот аз COVID-19 бидуни нишона

Дар идома зикр шудааст, ки дар як оила зан ё мард гирифтори бемории короновирус шудааст, дидаву дониста фарзандҳояшонро ба мактаб гусел мекунанд.

“Ё нафари солим бо бемор дар як хона зиндагӣ намуда, худро дар фосила нигоҳ надошта, нисбати пешниҳодоти духтурони оилавӣ ва мутахасисони соҳаи тиб бепарвогӣ зоҳир намуда истодаанд, ки натиҷа теъдоди беморон зиёд шудаистодааст”, - изҳори нигаронӣ кардаанд мақомоти беҳдоштии Хуҷанд.

Дар муроҷиатномаи ин идора, ки онро котиби матбуотии ҳукумати Хуҷанд нашр намудааст гуфта шудааст, ки сокинони шаҳр то ҳанӯз дар тӯю маъракаҳо, ҷойҳои дилхушӣ, бозору мағоза, боғҳои фарҳангӣ, майдончаҳои назди хонаҳои баландошёна бепарвоёна бидуни ниқоб ва фосилагирӣ ҷамъ шуда ва барои паҳни эҳтимолии сирояти беморӣ боис мегарданд.

Идораи беҳдоштии Хуҷанд бо нашри муроҷиатнома аз сокинон қатъиян талаб кардааст, ки қоидаҳои беҳдоштӣ ва тавсияҳои Вазорати тандурустиро риоя намуда, дар ҷойҳои ҷамъиятӣ бастани ниқоб ва нигоҳдории масофаи иҷтимоиро ҷиддӣ бигиранд.

3713
Барчаспҳо:
беморӣ, Тоҷикистон
Мужчина в защитной маске

Омори коронавирус дар Тоҷикистон: 45 нафар шифо ёфтанду 41 тани дигар бемор шуданд

186
Вазорати тандурустии Тоҷикистон омори як рӯзи ахир аз фавту шифоёбӣ ва мубталошавии сокинон ба коронавирусро нашр намуд

ДУШАНБЕ, 27 сен — Sputnik. Шабонарӯзи гузашта дар Ҷумҳурии Тоҷикистон боз 41 ҳолати ҷадиди сироятшавӣ ба маризии коронавирус сабт гардид, хабар медиҳад Вазорати тандурустӣ.

Ба иттилои манбаъ, дар як шабонарӯзи охир 93 нафар гумонбарон зери назорати табибон қарор дошта, 45 нафар баъд аз муолиҷа ба хонаҳояшон рухсат дода шуданд.

Вазорат теъдоди умумии гирифторони маризии коронавирусро ба 9 646 нафар арзёбӣ кард.

1 фавт ва 43 ҳолати ҷадиди гирифторшави ба коронавирус дар Тоҷикистон: вазорат тасдиқ кард

Ҳамзамон, то санаи  27 сентябр дар мамлакат  8430 ё 87, 4 дарсади беморон аз COVID-19 шифо ёфта,  бар асари он 75 нафар фавтидаанд.

Зимнан, Вазорати тандурустӣ аз тамоми сокинони кишвар даъват ба амал меорад, ки ҷиҳати пешгирии сирояти мазкур пеш аз ҳама  қоидаҳои беҳдошти шахсиро қатъиян риоя намоянд.

186
Мавзуҳо:
Пайомадҳои COVID-19 дар Тоҷикистон ва ҷаҳон
Вакцинация против COVID-19 в Москве

Гирифторони COVID-19 дар ҷаҳон аз 33 миллион нафар бештар шуд

30
(Таҷдидшуда 18:02 27.09.2020)
Теъдоди гирифторони коронавирус дар ҷаҳон аз ҳадди 33 миллион нафар гузашта, наздики як миллион нафар бар асари ин беморӣ ҷон доданд

ДУШАНБЕ, 27 сен — Sputnik. Оморҳои марокизи расмии теъдоди мубталоён ба COVID-19, нишон медиҳад, ки шумори мубталоён дар рӯзи якшанбе ба 33 миллиону 35 ҳазор нафар расидааст, хабар дод сомонаи Парстудей.

Манбаъ бо такя ба гузориши вебсайти омории “Worldometers”, ки охирин омори мубталоён ба куруноро ба сурати лаҳзаӣ гузориш медиҳад, шумори маргу мири ҷаҳонӣ бар асари ин беморӣ ба 988 ҳазору 88 нафар расидааст.

Бештарин  омори маргу мир низ дар 24 соати гузашта мутааллиқ ба Ҳинд, Амрико ва Бразилия будааст.

“Дар Ҳинд 1 ҳазору 123 нафар, дар Амрико 717 ва дар Бразилия 697 нафар ҷони худро ба далели бемории COVID-19 аз даст доданд”, - омадааст дар иттилоияи расмӣ.

"Форел" бо шиногоҳ - яке аз иншооти ҷашнӣ дар Хуҷанд

Таъкид шудааст, ки Русия ва Колумбия низ ба тартиб дар зинаҳои чаҳорум ва панҷуми бештарин мавориди ибтило ба куруно дар ҷаҳон ҳастанд.

30
Барчаспҳо:
беморӣ, Ҷаҳон, Тоҷикистон
Сангҳои сари роҳ, акс аз бойгонӣ

Раҳмон аз бошишгоҳи одамони асри санг ва шаҳри Мунк дар Ховалинг гуфт

0
Эмомалӣ Раҳмон, раисиҷумҳури Тоҷикистон, аз мавзеъҳои таърихӣ дар ноҳияи Ховалинг гуфта, дастур дод, ки сайёҳони дохилию хориҷӣ ба онҳо бештар ҷалб карда шаванд

ДУШАНБЕ, 27 сен — Sputnik. Тибқи иттилои котиботи раисҷумҳури Тоҷикистон, Эмомалӣ Раҳмон гуфт, ноҳияи Ховалинг бо таърихи бостонӣ ва фарҳанги ғании худ маълуму машҳур мебошад.

Ӯ афзуд, дар ҳудуди он шумораи зиёди ёдгориҳои таърихиву фарҳангӣ, аз қабили мазори Султон Увайси Қаранӣ, Боғ – осорхонаи Восеъ, шаҳри Мунки қадим, бошишгоҳҳои одамони асри санг ва маъбади буддоии Чепол мавҷуданд, ки барои сайёҳони дохиливу хориҷӣ бисёр ҷолиб мебошанд.

“Аз ин лиҳоз, обод нигоҳ доштани мавзеъҳои табииву таърихӣ ва ҳарчи бештар ҷалб кардани сайёҳони дохиливу хориҷӣ аз ҷумлаи вазифаҳои муҳимтарини роҳбарону масъулони ноҳия ва Кумитаи рушди сайёҳӣ ба ҳисоб меравад.”, - омадааст дар матни суханронии раисиҷумҳур.

Ба гуфтаи Раҳмон, илова ба ёдгориҳои нодири таърихӣ ва табиати зебои ин диёр муҳайё сохтани инфрасохтори зарурӣ барои рушди сайёҳӣ, бахусус, сайёҳии табобативу экологӣ ва ҷалби сайёҳони дохиливу хориҷӣ яке аз воситаҳои асосии бо ҷойи кор таъмин намудани аҳолӣ ва беҳтар гардонидани сатҳи зиндагии сокинони ноҳия мебошад.

Ӯ таъкид кард, ки ин раванд бояд дар доираи чорабиниҳои солҳои рушди деҳот, сайёҳӣ ва ҳунарҳои мардумӣ вусъат дода шавад.

0