Мансурджон Умаров, глава Главного управления исполнения уголовных наказаний Министерства юстиции Таджикистан

Генерал Мансурҷон Умаров бар “илтиҳоби шуш” пирӯз омад

2017
(Таҷдидшуда 14:19 03.09.2020)
Генерал-майор Мансурҷон Умаров, сардори Раёсати зиндонҳои вазорати адлияи Тоҷикистон, аз шифохона рухсат шудааст

ДУШАНБЕ, 3 сен — Sputnik. Як манбаъ дар Шифохонаи клиникии шаҳрии бемориҳои сироятии кӯдаконаи Душанбе, ки дар шафати Маҷмааи тандурустии "Истиқлол” ҷойгир аст, ба Sputnik Тоҷикистон гуфт, Мансурҷон Умаров бо ташхиси “илтиҳоби шуш” бистарӣ шуда буд, ҳоло сиҳат ёфта, ба хона рухсат шудааст.

“Он кас 21 рӯз дар шифохона таҳти табобат қарор дошт. Ду ҳафтаи дигар бояд дар манзили худ таҳти назорати табибон бошад. Вазъи саломатиаш хуб аст. Пас аз он метавонад сари вазифа баргардад”, - гуфт ин манбаъ.

Ду ҳафтаи қабл расонаҳо аз гирифтории Мансурҷон Умаров, сардори Раёсати зиндонҳои вазорати адлияи Тоҷикистон, ба “илтиҳоби шуш” хабар дода, гуфта буданд, ки ӯ нахуст ба шифохонаи “Истиқлол”, сипас, Шифохонаи маризиҳои сироятии Душанбе, маъруф ба “Шифохонаи Чапаев” интиқол ёфтааст.

Аммо манбаъи Sputnik Тоҷикистон мегӯяд, ӯ марҳалаи табобатиро пурра дар Шифохонаи клиникии шаҳрии бемориҳои сироятии кӯдаконаи пойтахт воқеъ дар кӯчаи Соҳилӣ (ҳамон собиқ Чапаев) гузаштааст.

Мансурҷон Умаров соли 1967 дар ноҳияи Фархор тавуллуд шуда, хатмкардаи факултаи ҳуқуқшиносии Донишгоҳи давлатии Тоҷикистон (ҳоло Донишгоҳи миллии Тоҷикистон) аст.

Замоне муфаттиш, корманди бозрасии назди раиси Кумитаи давлатии амнияти миллии Тоҷикистон (КДАМ) ва муовини сардори Раёсати КДАМ дар шаҳри Душанбе буд. Ҳудуди 10 сол раҳбарии раёсати амнияти раисҷумҳури Тоҷикистонро ба уҳда дошт. Соли 2010 муовини аввали раиси КДАМ таъин шуд.

Соли 2018 дар пайи чанд шӯриш дар зиндонҳо ва барканор шудани Иззатулло Шарифзода, сардори қаблии Раёсати зиндонҳои Тоҷикистон, Мансурҷон Умаров ба раҳбарии ин идора таъин гардид. Истиқрори назму низом ва қонун дар зиндонҳои Тоҷикистон ба номи ӯ рабт дода мешавад.

Суғд: шифоёбии 125 кӯдак аз бемории илтиҳоби шуш

4 майи соли равон дар айни авҷи густариши “вируси корона” дар Тоҷикистон бародари Мансурҷон Умаров - Носир Умаров, ки дар ширкати "Барқи тоҷик" кор мекард, дар Шифохонаи маризиҳои сироятии шаҳри Душанбе, воқеъ дар маҳаллаи Зарафшон, ба қавли наздиконаш, аз “илтиҳоби шуш” фавтид, аммо ҷасади ӯро ба пайвандон надода буданд.

2017
Врач у постели пациента во время обхода в госпитале

Пизишки рус иштибоҳи нафароне, ки мубталои коронавирус ҳастанд, ифшо кард

355
(Таҷдидшуда 15:24 01.10.2020)
Мутахассиси рус мегӯяд, мубталоёни маризии коронавирус набояд ба худдавоӣ машғул шаванд, балки ҳатман барои гирифтани табобати сареҳ, ба пизишк муроҷиат кунанд

ДУШАНБЕ, 1 окт – Sputnik. Умдатарин иштибоҳи нафарони гирифтор ба маризии коронавирус, ин сари вақт муроҷиат накардан ба духтур мебошад, мегӯяд Виктор Зуев, мудири шӯъбаи микробиологияи сироятҳои ниҳонии Институти Гамалея.

Зуев ба тамоми шаҳрвандон муроҷиат намуда, дархост кард, ки ба ҳеҷ ваҷҳ ба худдармонӣ машғул нашаванд, балки баръакс ҳар чӣ зудтар бояд ба мутахассис муроҷиат кунанд.

"Агар вазъи саломатиятон беҳад вазнин аст ва мадори то беморхона рафтанро надоред, зуд мошини Ёрии таъҷилиро даъват кунед", - афзудааст Зуев.

41 нафар мариз шуданду 48 кас шифо ёфтанд: омори нави коронавирус дар Тоҷикистон

Зимнан, намояндаи Роспотребнадзор Наталя Пшеничная мегӯяд, Русия пас аз чанд ҳафтаи оянда, ба баландтарин қуллаи авҷи маризии коронавирус мерасад.

Номбурда изҳори умедворӣ кард, ки мавориди нави сироятшавӣ ба COVID - 19 аз 9 000 ҳолат дар як рӯз, зиёдтар сурат намегирад.

Зимнан, ӯ қайд кард, ки сатҳи афзуншавии теъдоди мавридҳои нави гирифторшавӣ ба ин дард, аз худи сокинон вобаста аст.

Пшеничная мегӯяд, риояи фосилаи иҷтимоӣ ва оддитарин қоидаҳои санитарӣ, метавонанд ин ададро коҳиш диҳанд.

355
Барчаспҳо:
иштибоҳ, маризӣ, пизишк
Мавзуҳо:
Пайомадҳои COVID-19 дар Тоҷикистон ва ҷаҳон

Тоҷикистон шарҳ дод, ки чаро то ҳол аз Русия воксинаи зидди коронавирус дархост накардааст

414
Сабаби асосии аз Русия дархост накардани ваксинаи коронавирус дар он аст, ки он аз тамоми озмоишҳо нагузаштааст

ДУШАНБЕ, 1 окт – Sputnik. Тоҷикистон ҳоло аз Русия аввалин ваксинаи алайҳи коронавируро дархост намекунад, гуфт муовини вазири тандурустӣ ва ҳифзи иҷтимоии аҳолӣ Самариддин Ализода зимни як нишасти хабарӣ пас аз поёни миссияи мутахассисони ТУТ-GOARN аз Роспотребнадзор.

"Тоҷикистон ҳанӯз аз Русия ваксинаи коронавирус дархост накардааст, зеро он ҳанӯз ҳам аз озмоишҳои клиникӣ мегузарад",- гуфт ӯ.

Ба гуфтаи ин намояндаи Вазорати тандурустӣ, дар бораи таъмини ваксина ба Тоҷикистон вақте гуфтан имконпазир хоҳад буд, ки он ҳамаи озмоишҳоро гузарад ва ба истифодаи фаъол шурӯъ кунад.

Семёнов гуфт, ки мӯҳлати интиқоли ваксина аз Русия ба Тоҷикистон аз чӣ вобаста аст

Ёдовар мешавем, қаблан хабарҳо шуда буд, ки Вазорати тандурустӣ ва ҳифзи иҷтимоии аҳолии Тоҷикистон бо Вазорати тандурустии Русия дар бораи хариди ваксина алайҳи коронавирус гуфтушунид мекунад.

Русия ба кишварҳои ИДМ ваксинаи тайёр медиҳаду ба дигарон истеҳсолашро меомӯзад-видео

Ба ҷуз аз Тоҷикистон, 26 давлати дигар барои харидории ваксина дар навбат истодаанд.

414
Барчаспҳо:
Вазорати тандурустӣ, Русия, Тоҷикистон
Спичка, архивное фото

Пулро гирифту хонаро оташ зад: боздошти хонандаи синфи 10 дар Истаравшан

0
Мақомоти милитсия аз боздошти як ноболиғи 16 - сола, хонандаи синфи 10, сокини шаҳри Истаравшан хабар медиҳад, ки ба содир намудани ҷинояти дуздӣ ва сӯзонидани хона даст задааст

ДУШАНБЕ, 1 окт – Sputnik. Акбар Шарифӣ, сухангӯи РВКД дар вилояти Суғд рухдоди ин ҳодисаро ба Sputnik Тоҷикистон шарҳ дод.

"Сокини 16 - солаи шаҳри Истаравшан, хонандаи синфи 10, ки ҳоло танҳо аз вай Д. Б. ном бурда мешавад, санаи 10 - уми сентябр, соати 07: 30 ба манзили соҳибкор, марди 38 - солаи сокини ин шаҳр воқеъ дар кӯчаи Ҳакимова дохил шуда, 4 ҳазору 400 доллари амрикоиро тасарруф намуд", - шарщ дод Шарифӣ.

Ба изҳори ӯ, ноболиғ барои рӯйпуш кардани изи ҷинояти содиркардааш, хонаи соҳибкорро оташ зад.

Дар асоси муроҷиатномаи соҳибкор, кормандони милитсия хонандаи синфи 10 - и яке аз макотиби Истаравшанро боздошт намуданд, ки дар содир намудани ҷинояти мазкур муттаҳам дониста мешавад.

Боздошти сокини Вахш барои дуздӣ дар даҳ масҷиди ду ноҳия-видео

Гуфта мешавад, навраси 16 - сола, ба ҷузъ аз дузди маблағ, аз ҳисоби оташ задани манзили истиқоматӣ ба соҳибхона боз 30 ҳазор сомонӣ зарар расонидааст.

Ҳоло аз рӯи ин ҳодиса бо моддаи 244 (дуздӣ) ва 255 (қасдан несту нобуд кардани молу амвол) - и Кодекси ҷиноятӣ парванда оғоз карда шуда, ноболиғ ба ҳабс гирифта шудааст.

0
Барчаспҳо:
боздошт, ноболиғ, дуздӣ, Истаравшан