Эмомалӣ Раҳмон ва Рустами Эмомалӣ ҳангоми фотиҳахонӣ дар хонаи Ҳоҷӣ Камол

Писари Ҳоҷӣ Камол барои мубориза бо COVID-19 беш аз 2,3 миллион дод

5499
(Таҷдидшуда 13:15 07.09.2020)
Маҳмадамин Камолов, роҳбарии хоҷагии деҳқонии “Ҳоҷӣ Камол” ва писари боғпарвари шинохтаи ҷумҳурӣ марҳум Камол Мадумаров барои мубориза бо коронавирус 2,3 миллион сомонӣ хайр кард

ДУШАНБЕ, 7 сен — Sputnik. Аз ҳисоби даромади софи хоҷагии “Ҳоҷӣ Камол” барои мубориза бо коронавирус ба Фонди хайриявии Тоҷикистон 2 миллиону 300 ҳазор сомонӣ гузаронида шуд, хабар дод котиботи раисиҷумҳури Тоҷикистон.

Манбаъ афзуд, ки аз ҷониби хоҷагӣ инчунин ба беморхонаи марказӣ як мошини муосири ёрии таъҷилӣ туҳфа гардид.

Хайр: боғдорон сарпарастии омӯзгоронро ба ӯҳда гирифтаанд

“Саҳми хоҷагӣ дар бунёди иншооти гуногуни иҷтимоӣ, аз ҷумла мактаб ва бунгоҳҳои тиббӣ назаррас аст. Роҳбарияти хоҷагӣ сарпарастии омӯзгорони деҳаро ба ӯҳда доранд. Бо роҳи бунёди 3 чоҳи амудӣ сокинони 5 деҳа бо оби нӯшокӣ таъмин шуд. Бо дастгирии хоҷагӣ сокинон бо таври ҳашар муассисаҳои таълимӣ ва роҳҳоро аз таъмир бароварданд”, - омадааст дар иттилоия.

Боғи Сомон, ки дар хоҷагии “Ҳоҷӣ Камол” ташкил шудааст, яке аз калонтарин хоҷагиҳои ангурпарварии мамлакат ба шумор меравад.

Роҳбарии Хоҷагии деҳқонии “Ҳоҷӣ Камол”-ро Маҳмадамин Камолов - писари боғпарвари шинохтаи ҷумҳурӣ марҳум Камол Мадумаров ба ӯҳда дорад.

Ҳоҷӣ Камол Мадумаров моҳи октябри соли 2019 дар синни 80-солагӣ даргузашт. Эмомалӣ Раҳмон, раисиҷумҳури Тоҷикистон бо ҳамроҳии мақомдорони дигар ва Саидмукаррам Абдулқодирзода, раиси Шӯрои уламои кишвар ба хонаи Мадумаровҳо рафта, дар ҳаққи марҳум фотиҳахонӣ карда буданд.

5499
Барчаспҳо:
боғ, беморӣ, Эмомалӣ Раҳмон, Тоҷикистон
Медицинские сотрудники перевозят тела в рефрижераторный грузовик

Хабари нохушоянд: фавт аз коронавирус дар ҷаҳон марзи 1 миллион нафарро убур кард

120
(Таҷдидшуда 15:23 29.09.2020)
Натиҷагириҳои оморӣ аз саросари ҷаҳон нишон медиҳад, ки шумори кулли ҷонбохтагон аз маризии коронавирус марзи як миллион нафарро убур кард

ДУШАНБЕ, 29 сен – Sputnik. Донишгоҳи Ҷонз Ҳопкинз гузориши тоза аз шумораи фавти маризони коронавирус дар ҷаҳон нашр намуд.

Бар тибқи маълумоти донишгоҳои мазкур, шумораи қурбониёни вируси COVID - 19 дар сартосари ҷаҳон, бомдоди рӯзи сешанбе аз як миллион нафар бештар ҳисобида шуд.

Зимнан, дар ҷаҳон шумораи умумии гирифторони маризии коронавирус ба  33 273 720 мбаробар шудааст.

42 - сола ва падари 4 фарзанд: даргузашти мақомдори Конибодом аз коронавирус

"Ҳоло дасти кам, 1 миллиону 555 ҳазор бемори коронавирус ҷон аз даст доданд", - таъкид мешавад дар гузориши донишгоҳи мазкур.

Зимнан, гузоришгарон аз шифо ёфтани 23 миллион нафар аз банди бемории коронавирус хабар медиҳанд.

Дар миёни кишварҳои олуда ба ин вирус, Амрико бо беш аз 7 миллион нафар сироятёфта дар ҷаҳон дар мақоми аввал қарор дорад.

120
Барчаспҳо:
ҷаҳон, маризӣ, омор

Дар Қазоқистон 6 толибилми мактаб гирифтори коронавирус шуданд

98
Сар аз оғози соли хониш дар Ҷумҳурии Қазоқистон шаш хонандаи мактаб мубталои маризии коронавирус шуданд

ДУШАНБЕ, 29 сен – Sputnik. Дар Қазоқистон 6 хонанда мубталои маризии коронавирус шуданд, хабар медиҳад сардухтури санитарии Нурсултон Жанна Пралиева.

Ба изҳори ӯ, аз шаш хонандаи сироятёфта, 2 нафараш бидуни аломат мубтало шуда, дар чаҳор кӯдаки дигар нишонаҳои ин маризӣ пайдо шуданд.

61 фавт ва беш аз 8 ҳазор гирифтори ҷадид: омори коронавирус дар Русия

Пралиева мегӯяд, танҳо як кӯдак ба муассисаи таълимӣ меомад ва "шояд дар мактаб мубталои коронавирус шуда бошад".

"Панҷ толибилми дигар бошад, таълими фосилавӣ мегирифтанд ва сарчашмаи ба беморӣ гирифтор шудани онҳо номаълум аст", - изҳор дошт сардухтури санитарии Нурсултон.

Гузашта аз ин, ба маълумоти ин намояндаи тандурустӣ дар Нурсултон се кӯдаки боғчарав низ гирифтори коронавирус шуданд.

Жанна Пралиева мегӯяд, агар аз замони авҷ гирифтани вируси COVID - 19, аксар нафарони аз 45 то 60 сола боло мубтало мешуданд, ҳоло бештар ин вирус кӯдакону мактаббачаҳоро "сайд" мекунад.

Бояд гуфт, ки дар Нурсултон сар аз 13 - уми март то имрӯз, 14 084 ҳолати гирифторшавии шаҳрвандон ба коронавирус сабт гардидааст.

98
Барчаспҳо:
маризӣ, толибилм, Қазоқистон
Мавзуҳо:
Пайомадҳои COVID-19 дар Тоҷикистон ва ҷаҳон

Пешниҳоди Жириновский: Қарабоғи Кӯҳӣ ба ҳайъати Русия ворид шавад

72
(Таҷдидшуда 17:39 29.09.2020)
Раҳбари Ҳизби либерал - демократи Русия Владимир Жириновский ташдиди даргириҳо дар Қарабоғи Кӯҳиро шарҳ дод

ДУШАНБЕ, 29 сен — Sputnik. Қарабоғи Кӯҳиро баргашта ба ҳайъати Русия ворид кардан лозим, изҳор дошт, раҳбари Ҳизби либерал - демократи Русия Владимир Жириновский дар нишасти Думаи давлатӣ.

Раиси ҳизб чанд роҳи ҳаллии ин қазия ва манъи даргириҳои миёни Озарбойҷон ва Арманистонро пешниҳод кард. Аз ҷумла ӯ пешниҳод кард, ки ин минтақа ба ҳайъати Русия ворид шавад.

"Ман дарҳол мегӯям, чӣ кор бояд кард. Роҳи аввал - ворид шудани Қарабоғи Кӯҳӣ ба ҳайъати Русия чун воҳиди мустақили маъмурӣ. Яъне 86-ум. Он замон ҳам озарбойҷониҳо ва ҳам арманиҳо ором мешаванд - на ба инҳо ва на ба онҳо. Розӣ нестед? Он замон ҳама якҷо ба ҳайъати Русия - ҳам Арманистон ва Озарбойҷон ва ҳам Қарабоғи Кӯҳӣ", - гуфт Жириновский.

Ҳамчунин раҳбари ҲЛДР роҳи шоҳӣ пешниҳод кард, вақте подшоҳ ба тарафҳо силоҳ тақсим мекунад ва пас аз хотимаи ҷанг зиндагии осоишта оғоз мешавад.

Идомаи даргириҳо дар Қаробоғи Кӯҳӣ

Жириновский варианти ба Қарабоғи Кӯҳӣ додани мақоми байналмилалиро низ баррасӣ мекунад.

Жириновский варианти ба Қарабоғи Кӯҳӣ додани мақоми байналмилалиро низ баррасӣ дорад.

Дар акси ҳол, ҷанги абадӣ хоҳад шуд ва метавонад бо фалокат хотима ёбад. Сарбандро тарконда, шаҳрҳоро зери об хоҳанд гузошт. Дар ҷое нерӯгоҳи ҳастаӣ - Чернобил месозанд. Ин хеле душвор аст!" - хулоса кард ӯ.

72
Барчаспҳо:
Қарабоғи Кӯҳӣ, пешниҳод, Владимир Жириновский, Русия