Тасдиқи фавти дигар аз COVID-19 дар Тоҷикистон: Вазорат омори навро нашр кард

827
(Таҷдидшуда 19:43 10.09.2020)
Вазорати тандурустӣ ва ҳифзи иҷтимоии аҳолии Тоҷикистон аз сабти боз як ҳолати фавт бар асари коронавирус дар ҷумҳурӣ тайи шабонарӯзи гузашта хабар дод

ДУШАНБЕ, 10 сен — Sputnik. ибқи иттилои Вазорати тандурустӣ, теъдоди умумии фавтидагон дар кишвар бар асари COVID-19 то имрӯз ба 72 нафар расид.

Бино ба иттилои манбаъ, дар маҷмуъ аз 30 апрел то 10 сентябр 8 ҳазору 939 нафар гирифтори коронавирус шудаанд, ки аз ин  7  ҳазору 714 нафар шифо ёфтаанд. Вазорат таъкид намуд, ки теъдоди шифоёфтагон беш аз 86,3 дарсадро ташкил медиҳад.

“Шабонарӯзи охир 102 нафар гумонбарон зери назорати табибон қарор дошта, 31 нафар баъд аз муолиҷа ба хонаҳояшон рухсат дода шуданд”, — афзудааст вазорат.

Ахиран Созмони Миллал гузориш дод, ки коҳиши теъдоди беморон дар Тоҷикистон метавонад ба далели "камбуди зарфияти озмоиш дар ин кишвар" бошад. Аммо Вазорати тандурустии Тоҷикистон ин иддаоро рад намуда, таъкид кардааст, ки тавони кофии ташхис дар кишвар фароҳам аст.

Бархе дар Тоҷикистон омори вазорати тандурустии ин кишвар марбут ба “вируси корона” - ро ба боди интиқод кашида, онро ғалат ва ғайривоқеӣ мехонанд. Ба иддаои онҳо, теъдоди гирифторону фавтидагон аз ин маризӣ аз он чӣ дар омори вазорат оварда мешавад, зиёд аст. Сабаби марги аксари онҳое, ки дар замони мубориза бо “вируси корона” дар Тоҷикистон фавтидаанд, расман илтиҳоби шуш, ишемияи дил, қанд ва дигар маризиҳои ҳамроҳ гуфта мешавад.

Аммо Александр Семёнов, раҳбари ҳайати “Роспотребнадзор” – и Русия, ки ба намояндагӣ аз Созмони ҷаҳонии тандурустӣ дар Тоҷикистон якуним моҳ ба ин сӯ қарор дорад, мегӯяд, усули ҳисобдорӣ ё сабти мавридҳои “вируси корона” дар ин кишвар дуруст роҳандозӣ шудааст.

827
Барчаспҳо:
вирус, омор, вазорат, Тоҷикистон
Покупатель в аптеке

"Авифавир" доруе, ки дар 7 рӯз вируси COVID- ро мекушад, ба дорухонаҳои Ӯзбекистон роҳ ёфт

71
(Таҷдидшуда 15:56 26.09.2020)
Ӯзбекистон аз нахустин кишварҳоест, ки Авифавир дору алайҳи маризии коронавирусро аз Русия дастрас намуд

ДУШАНБЕ, 26 сен — Sputnik. Дар дорухонаҳои кишвари Ӯзбекистон доруи "Авифавир" роҳ ёфт ва он тибқи дорухати табибон ба эҳтиёҷмандон фурӯхта мешавад.

Ӯзбекистон акнун аз нахустин кишварҳоест, ки ба ин дору дастрасӣ пайдо кард.

"Авифавир" дар Русия истеҳсол шуда, онро мутахассисони рус дар мубориза алайҳи маризии коронавирус муассир медонанд.

Маводи доруворӣ бо тамғаи иҷоратии "Авифавир" аз ҷониби Фонди сармоягузории мустақими Русия (РФПИ) ва гурӯҳи ширкатҳои "Химрар" таҳия карда шуд.

“Авифавир”: нахустин доруи зидди COVID-19 дар Русия аз сӯи Вазорати тандурустӣ тасдиқ шуд

Гуфта мешавад, "Авифавир" нахустин доруи мустақими вирусии сохти Русия аст, ки дар озмоишҳои клиникӣ самараи худро нишон додааст.

Дору ба паҳншавии коронавирус дар тамоми бадани инсон халал мерасонад.

Қаблан Созмони Ҷаҳонии Беҳдошт гуфта буд, ки бидуни ваксина пандемияро комилан мағлуб кардан, имкон надорад.

" "Авифавир" на танҳо доруи антивирусӣ алайҳи коронавирус дар Русия ба қайд гирифта шудааст, балки мумкин аст, умедворкунандатарин доруи зидди COVID-19 дар ҷаҳон бошад",- гуфта буд директори генералии Фонди сармоягузории мустақими Русия (РФПИ) Кирилл Дмитриев.

Бояд гуфт, ки доруи мазкур дар бозори Русия моҳи июн пайдо шуд. Ба гуфтаи табибон, бо истифода аз ин дору, табобати сирояти коронавирус на зиёда аз як ҳафта тӯл мекашад.

71
Барчаспҳо:
маризӣ, дору, Ӯзбекистон
Мавзуҳо:
Пайомадҳои COVID-19 дар Тоҷикистон ва ҷаҳон
Работники морга погружают гроб с погибшим от коронавируса, архивное фото

Созмони ҷаҳонии беҳдошт: шумори қурбониёни COVD-19 дар ҷаҳон ба 2 миллион нафар мерасад

92
(Таҷдидшуда 15:25 26.09.2020)
Созмони ҷаҳонии беҳдошт ҳушдор дод, агар иқдоми ҷидде сӯрат нагирад, теъдоди қурбониёни вируси корона дар саросари ҷаҳон ба 2 миллион нафар хоҳад расид

ДУШАНБЕ, 26 сен - Sputnik. Ин созмони ҷаҳонӣ ҳамчунин ибрози умедворӣ кардааст, ки Чин барои таҳқиқ дар бораи баррасии маншаи вируси корона дар ин кишвар мувофиқат кунад, иттилоъ додааст, хабаргузории “Парстудей”.

Бар асоси омори сайти Worldometers, теъдоди қурбониёни вируси корона дар саросари ҷаҳон ба беш аз 989 ҳазор нафар расида ва дар остонаи расидан ба якмиллион нафар аст.

Ҳамчунин теъдоди мубталоён ба вируси корона дар ҷаҳон ба беш аз 32 миллиону 500 ҳазор нафар расидааст, ки аз ин теъдод 24 миллионнафар беҳбудии худро бадаст овардаанд.

Амрико бо ҳудӯди 7 миллиону 200 ҳазор мубтало бештарин теъдоди мубталоён ба вируси куруноро дар ҷаҳон дорад.

Пас аз Амрико, Ҳинд бо беш аз 5 миллиону ҳаштсадҳазор ва Бразиля низ бо беш аз 4 миллиону 600 ҳазор нафар мубтало дар ҷойгоҳи дуввум ва сеюм қарор доранд.

92
Барчаспҳо:
миллион, ҷаҳон, вируси корона, вирус, Қурбониён, ҳушдор, Созмони ҷаҳонии беҳдошт