Люди в защитных масках в Душанбе, архивное фото

Мақомоти Хуҷанд сабаби баста шудани як қатор тарабхонаву каҳвахона ва тўйхонаҳоро гуфт

1716
(Таҷдидшуда 15:03 10.10.2020)
Маркази назорати давлатии санитарию эпидемологии шаҳри Хуҷанд таъкид доштааст, ки дар як қатор тарабхонаву каҳвахона ва тўйхонаҳои шаҳр қоидаҳои беҳдоштӣ риоя намешаванд ва ба ҳамин хотир фаъолияти баъзе нуқтаҳои хизматрасонӣ муваққатан манъ карда шуданд

ДУШАНБЕ, 10 окт — Sputnik. Маркази назорати давлатии санитарию эпидемологии шаҳри Хуҷанд, қайд кардааст, ки ҳангоми баргузории маросими тӯй дар як қатор тарабхонаву каҳвахона ва тӯйхонаҳои шаҳр қоидаҳои беҳдоштӣ риоя намешаванд ва ҳамаи ин боис гардид, ки фаъолияти ин нуқтаҳои хизматрасонӣ то бартараф намудани камбудиҳо муваққатан манъ карда шуданд.

Бино бар иттилои дафтари матбуоти мақомоти шаҳри Хуҷанд, зимни баргузории як рейд аз ҷониби Маркази назорати давлатии санитарию эпидемологии шаҳри Хуҷанд айнан чунин камбудиҳо дар бозору марказҳои савдо, ошхонаву муассисаҳои хўроки умум ба чашм расид.

“Дар ин мавзеъҳо бидуни ченкунии таб, фосилаи иҷтимоӣ, набудани монеаи дезинфексионӣ фаъолият ба роҳ монда шудааст. Аз маъмурият то хизматрасонҳо дар марказҳои хӯроки умум бидуни ниқоб хизматрасонӣ ба роҳ монда шудааст, ки омили асосии хатари сирояти беморӣ ба мизољон шуда метавонад. То ҳол дар бозорҳо фосила риоя нашуда, савдои кўчагӣ дар роҳравҳо низ ташкил шудаанд, ки берун аз назорати масъулини дахлдор қарор гирифтааст”, - зикр кардааст манбаъ.

Инчунин манбаъ таъкид доштааст, ки дар шароити феълӣ то ҳол масъулини бозорҳо ва соҳибони ин марказҳои хизматрасониро ба ташвиш водор накардааст.

“Баръакс аз рўйи мақоли “Худам шоҳу табъам вазир” фаъолият намуда, зимни бурдани корҳои назоратӣ уҳдадориҳои беҳдоштиро маҷбуран иҷро намуда, баъдан сарфи назар намуда истодаанд, ки боиси нигаронии Маркази назорати давлатии санитарию эпидемологии шаҳри Хуҷанд гардидааст”, - илова кард манбаъ.

Гуфта шудааст, ки ҳарчанд рӯзҳои охир ҳолатҳои сироятёбӣ коҳиш ёфта бошад ҳам, мақомоти шаҳри Хуҷандро хушбин накардааст, зеро дар як қатор кишварҳои Аврупо ва минтақа аз хуруҷи мавҷи дуюми бемории короновирус хушдор медиҳанд, ки сироятшиносон омили асосии онро дар риоя нашудани қоидаҳои беҳдоштӣ, бидуни ниқоб ба кӯча баромадан ва масофаро риоя накардан дар мавзеъҳои ҷамъиятӣ медонанд.

1716
Барчаспҳо:
Аҷман, манъ, тӯй, тарабхонаи беҳтарин, беҳдошт, Хуҷанд, Тоҷикистон

Беш аз 5,6 ҳазор бемор дар 24 соати гузашта: омори охири коронавирус дар Эрон

29
(Таҷдидшуда 19:54 21.10.2020)
Вазорати беҳдошт ва дармони Эрон гузориш дод, ки тайи 24 соати гузашта дар кишвар 5 ҳазору 616 бемори ҷадиди мубтало ба коронавирус шиносоӣ шуданд

ДУШАНБЕ, 21 окт - Sputnik. Вазорати беҳдошт ва дармони Эрон гуфт, аз панҷ ҳазору 616 беморе, ки дар шабонарӯзи гузашта дар Эрон шиносоӣ шуданд, ду ҳазору 340 нафар бистарӣ шуданд.

Ба гузориши радиои тоҷикии Садои Хуросон ба нақл аз Вазорати беҳдошти Эрон, маҷмӯи беморони Ковид -19 дар ин ҷумҳурӣ ба 545 ҳазору 286 нафар расидааст.

Зарбаи сеюм ба пандемия: Русия озмоиши ваксинаи сеюм алайҳи COVID - ро шурӯъ кард - навор

“Ҳамчунин дар 24 соати гузашта 312 нафар аз беморони Ковид -19 ҷони худро аз даст доданд ва маҷмӯи ҷонбохтагони ин беморӣ дар Эрон ба 31 ҳазору 346 нафар расидааст”, - омадааст дар иттилоия.

Манбаъ таъкид кард, то кунун 438 ҳазору 709 нафар аз ин беморони коронаии Эрон низ беҳбуд ёфта ва аз бемористонҳо мураххас шудаанд.

29
Барчаспҳо:
вируси корона, бемор, Эрон
Женщина в защитной маске в городе Душанбе

Омори коронавирус дар Тоҷикистон барои имрӯз: 51 кас шифо ёфту 39 нафар мариз шуд

256
(Таҷдидшуда 19:06 21.10.2020)
Дар Тоҷикистон сафи мубталоёни маризии сироятии коронавирус аллакай ба 10 613 нафар расид. Ҳамчунин аз ин маризӣ 80 нафар ҷон бохтанд

ДУШАНБЕ, 21 окт — Sputnik. Шабонарӯзи гузашта дар Ҷумҳурии Тоҷикистон 39 ҳолати нави сироятёбӣ ба COVID-19 ошкор гардид, хабар медиҳад Вазорати тандурустии Тоҷикистон.

Ба иттилои манбаъ, аз 30 апрел то 20 октябр сафи муталоёни коронавирус ба 10613 нафар расид.

Марги 332 маризи коронавирус дар Эрон давоми як рӯз

Зимнан, дар як шабонарӯзи охир 51 нафар пас аз табобат ба хонҳояшон рухсат дода шуда, дар маҷмӯъ шумораи шифоёфтагон аз ин беморӣ дар Тоҷикистон ба 9668 нафар баробар гардид. Ҳамчунин табибон ҷони 80 маризи коронавирусро натавонистанд наҷот диҳанд.

Дар ҳамин ҳол, Ҳукумати Тоҷикистон ва Вазорати тандурустӣ аз тамоми шаҳрвандон дархост менамоянд, ки ба риоя нам удани чораҳои пешгирикунанда аз ин беморӣ диқати ҷиддӣ равона созанд.

256
Барчаспҳо:
маризӣ, омор, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон
День 22 октября

Ҷашнҳои рӯзи 22 октябр дар Тоҷикистон ва ҷаҳон

0
(Таҷдидшуда 18:10 21.10.2020)
Рӯзи 22 октябр рӯзи байналмилалии нафароне, ки лакнати забон доранд ва ҷашни турнаҳои сафед дар Доғистон мебошад

Рӯзи 22 октябр дар ҷаҳон чӣ рух дод

Соли 1797 ҳавонаварди фаронсавӣ Андре Жак Гарнерен бори аввал дар ҷаҳон тавассути кураи ҳавоӣ аз баландии 1000 м ба замин фуруд омад.

© Sputnik / Стас Этвеш / Вишнякова Мария

Соли 1938 ихтироъкори амрикоӣ Честер Карлсон дастгоҳи ихтироънамудаи худро барои нусхабардории ҳуҷҷатҳо ба намоиш гузошт.

Соли 1966 Иттиҳоди Шӯравӣ моҳвораи "Луна-12"-ро ба кайҳон фиристод.

Соли 1993 Гурҷистон ба Иттиҳоди Давлатҳои Мустақил шомил шуд.

Соли 2001 олими рус магнити органикӣ ихтироъ намуд.

Соли 2007 дар фабрикаи пойафзол дар Чин  сӯхтор ба амал омад, ки дар натиҷаи он 34 нафар ҳалок ва  21 нафари дигар  захмӣ шуданд.

 

Тушение пожаров в Якутии
© Фото предоставлено министром охраны природы Якутии Сахамином Афанасьевым
Тушение пожаров в Якутии

 

Рӯзи 22 октябр дар Тоҷикистон чӣ рух дод

Соли 2001 дар Душанбе гуфтугӯи сеҷонибаи раҳбарони Тоҷикистон Русия ва Афғонистон - Эмомалӣ Рҳмон, Владимир Путин ва И. Раббонӣ баргузор шуд.

Ҷашнҳои рӯзи 20 октябр дар Тоҷикистон ва ҷаҳон

Соли 2011 Эмомалӣ Раҳмон ва котиби давлатии вақти Иёлоти Муттаҳидаи Амрико Ҳиллари Клинтон доир ба маҷмўи васеи масоили ҳамкории дуҷониба, минтақавӣ ва байналмилалии Тоҷикистону Амрико ва ҳамгироии судбахш доир ба таъмини эътидол дар Афғонистон табодули назар карданд.

 

© AP / Jim Cole
Кандидат в президенты от Демократической партии Хиллари Клинтон ест шоколадное мороженое с арахисовым маслом во время остановки в Moo's Place

 

Соли 2012 дар ҷаласаи Шӯрои Маҷлиси намояндагони Маҷлиси Олии Ҷумҳурии Тоҷикистон лоиҳаи Кодекси шаҳрсозии Ҷумҳурии Тоҷикистон муҳокима гардид.

Соли 2013 — Ҳукумати Русия дароз кардани муҳлати будубоши муҳоҷирони корӣ аз Тоҷикистонро маъқул шуморид.

 

Лагерь трудовых мигрантов на станции Лихая под Ростовом
Киемхон Бобоев специально для Sputnik
Лагерь трудовых мигрантов на станции Лихая под Ростовом

 

Соли 2014 дар шаҳри Душанбе  ба муносибати 65-солагии таъсиси радиои бурунмарзии Тоҷикистон – "Овози тоҷик" ҷамъомад доир шуд.

© Sputnik / Стас Этвеш / Вишнякова Мария

Соли 2015 Президенти Ҷумҳурии Тоҷикистон Эмомалӣ Раҳмон ва Президенти собиқи Ҷумҳурии Исломии Афғонистон Ҳомид Карзай масоили вобаста ба рушду густариши муносиботи дӯстӣ ва ҳамсоягии накуи Тоҷикистону Афғонистонро баррасӣ намуданд.

Соли 2018 — Президент қитъаи роҳи таъмиру навсозишудаи Хуҷанд - Исфараро дар вилояти Суғд ба истифода дод.

Ҷашнҳои рӯзи 22 октябр

Рӯзи байналмилалии нафароне, ки лакнати забон доранд.
Ҷашни турнаҳои сафед дар Доғистон.

Рӯзи 22 октябр дар Тоҷикистон кӣ ба дунё омадааст

Соли 1903-1981 Ҳунарпешаи шоистаи Тоҷикистон Сангалӣ Хоҷаев.

Соли 1937 года – дирижёр, Ҳунарпешаи шоистаи Тоҷикистон Азиз Неёзмамадов.

0
Барчаспҳо:
Ҷаҳон, Тоҷикистон, ҷашн
Мавзуъ
Ҷашнҳои рӯзи 14 октябр дар Тоҷикистон ва ҷаҳон
Ҷашнҳои рӯзи 15 октябр дар Тоҷикистон ва ҷаҳон
Ҷашнҳои рӯзи 16 октябр дар Тоҷикистон ва ҷаҳон
Ҷашнҳои рӯзи 17 октябр дар Тоҷикистон ва ҷаҳон
Ҷашнҳои рӯзи 18 октябр дар Тоҷикистон ва ҷаҳон
Ҷашнҳои рӯзи 19 октябр дар Тоҷикистон ва ҷаҳон
Ҷашнҳои рӯзи 20 октябр дар Тоҷикистон ва ҷаҳон