ДУШАНБЕ, 13 окт – Sputnik. Вазорати тандурустӣ омори нави сироятёфтагон ба маризии коронавирусро нашр намуд. Ба иттилои манбаъ, рӯзи гузашта дар ҷумҳурӣ 37 ҳолати нави гирифторшавии сокинон ба ин дард ба қайд гирифта шуд.
Ҳамин тариқ шумораи умумии гирифторони вируси COVID-19 ба 10297 нафар баробар гардид.
Ҳамзамон, дар як шабонарӯзи охир 74 нафар пас аз табобат ба хонҳояшон рухсат дода шуда, дар маҷмӯъ, шумораи шифоёфтагон аз ин беморӣ дар Тоҷикистон ба 9177 (89,1%) баробар гардид.
Эълони омори тозаи сироят, фавт ва шифоёбӣ аз коронавирус дар Тоҷикистон
Ҳукумати Ҷумҳурии Тоҷикистон ва Вазорати тандурустӣ аз тамоми сокинони кишвар даъват ба амал меоранд, ки ҷиҳати пешгирии сирояти мазкур пеш аз ҳама қоидаҳои беҳдошти шахсиро қатъиян риоя намоянд.
