Строительство аквапарка в Варзобе

Дар вилояти Хатлон 57 бунгоҳи тиббӣ дар ҷойҳои номувофиқ қарор доранд

60
(Таҷдидшуда 12:48 17.10.2020)
Дар вилояти Хатлон то ҳол 57 бунгоҳи тиббӣ ва марказҳои саломатӣ дар хонаҳои шахсӣ, мактабу масҷид, бошишгоҳу дигар макон ҷойгир буда, барои қабули беморон ҷавобгӯ нестанд

ДУШАНБЕ, 17 окт — Sputnik.  Муовини  сардори Раёсати тандурустии вилояти Хатлон Ҷурабой Саидов қайд кардааст, ки ҳоло дар шаҳру ноҳияҳои вилоят 57 муассисаи тиббӣ дар масҷид, хирман, хонаҳои шахсӣ, вагон, мактаб, бошишгоҳҳои саҳроӣ ва дигар ҷой гирифтааанд, ки инҳо 3 маркази саломатӣ ва 54 бунгоҳи тиббӣ мебошанд, иттилоъ додааст сомонаи рӯзномаи “Фараж”.

Бино бар иттилои манбаъ, чунин муасссисаҳо бештар дар ноҳияҳои Муъминобод - 10 адад, Мир Сайид Алии Ҳамадонӣ - 8, Балҷувон  - 6, Қубодиён - 6, Панҷ - 5, Кӯшониён - 5, Кӯлоб - 4, Ҷалолиддини Балхӣ - 3 Ховалинг - 2, Дӯстӣ - 2 ва ноҳияи Восеъ - 3-ададӣ мебошанд.

Ҷурабой Саидов таъкид доштааст, ки мардум имрӯз аз ноилоҷӣ аз ҳамин бунгоҳҳои тиббӣ ва марказҳои саломатӣ истифода мебаранд, ки онҳо ба сатҳу сифати хизматрасонии тиббӣ ҷавобгӣ нестанд.

Дар ҳамин ҳол, муовини  сардори Раёсати тандурустии вилояти Хатлон қайд кард, ки бояд ин бунгоҳу марказҳо то соли 2021 пурра бо биноҳои нав дар ҷойҳои мувофиқ таъмин гарданд.

60
Барчаспҳо:
беморон, масҷид, Маркази саломатӣ, Хатлон, Тоҷикистон

Эълони омори тозаи сироят, фавт ва шифоёбӣ аз коронавирус дар Тоҷикистон

493
Аз аввали ҳамагирии коронавируси навъи COVID - 19 то кунун гирифторони ин беморӣ дар Тоҷикистон ба 10819 нафар баробар шуд, хабар медиҳад Вазорати тандурустӣ

ДУШАНБЕ, 26 окт — Sputnik. Вазорати тандурустии Тоҷикистон омори тозаи сироят, фавт ва шифоёбӣ аз коронавирусро  дар Тоҷикистон эълон кард.

Тибқи иттилои ин ниҳод, шабонарӯзи гузашта дар Тоҷикистон 43 ҳолати нави сироятёбӣ ба COVID-19 ошкор гардида, шумораи онҳо дар муддати аз 30 апрел то 26 октябр ба 10819 нафар расид.

Зарбаи сеюм ба пандемия: Русия озмоиши ваксинаи сеюм алайҳи COVID - ро шурӯъ кард - навор

Ба иттилои манбаъ, дар як шабонарӯзи охир 62  нафар пас аз табобат ба хонҳояшон рухсат дода шуда, дар маҷмӯъ шумораи шифоёфтагон аз ин беморӣ дар Тоҷикистон ба 9951 (92,0%)  баробар гардид.

"Бар асари ин беморӣ  81 нафар фавтидаанд", - омадааст дар гузориши Вазорати тандурустӣ.

Дод аз дасти коронавирус: афзоиши бесобиқаи гирифторони COVID-19 дар Осиёи Марказӣ

Манбаъ афзуда, ки ҲукуматиТоҷикистон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ менамояд.

493
Барчаспҳо:
вируси корона, омор, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон

Омори ҷадиди гирифторӣ, шифо ва фавт аз коронавирус дар Тоҷикистон

542
(Таҷдидшуда 19:19 25.10.2020)
Вазорати тандурустӣ ва ҳифзи иҷтимоии аҳолии Тоҷикистон омори ҷадиди паҳншавии коронавирус дар ҷумҳуриро нашр кард

ДУШАНБЕ, 25 окт — Sputnik. Теъдоди гирифторони коронавирус дар Тоҷикистон афзоиш ёфтааст, хабар дод Вазорати тандурустӣ ва ҳифзи иҷтимоии аҳолии ҷумҳурӣ.

Ба иттилои ин ниҳод, тайи шабонарӯзи гузашта дар Тоҷикистон 40 ҳолати нави гирифторӣ сабт шудааст.

Теъдоди умумии гирифторони коронавирус дар Тоҷикистон ба ҳолати шоми 25 октябр ба 10 ҳазору 776 нафар расидааст.

Таъкид шудааст, ки аз теъдоди умумии гирифторшудагон то имрӯз 9 ҳазору 889 нафар шифо ёфта аз беморхонаҳо мураххас шудаанд.  Таносуби шифоёфтагон аз маризии каронавирус дар кишвар наздики 92 дарсадро ташкил медиҳад.

Ба иттилои Вазорати тандурустӣ ва ҳифзи иҷтимоии аҳолии Тоҷикистон тайи шабонарӯзи гузашта дар ҷумҳурӣ ягон ҳолати фавт аз коронавирус сабт шудааст. Теъдоди умумии фавтидагон аз  22 октябр то имрӯз бетағйир боқӣ монда, ҳамоно 81 ҳолатро ташкил медиҳад.

542
Эмомали Рахмон в Мекке, архивное фото

Раҳмон ва Абдулқодирзода дар феҳрасти 500 мусалмони таъсиргузори дунё

204
(Таҷдидшуда 10:55 27.10.2020)
Пажуҳишгоҳи исломии Уммон исми Эмомалӣ Раҳмон, раисиҷумҳур ва Саидмукаррам Абдулқодирзода, раиси Шӯрои уламои Маркази исломии Тоҷикистонро ба феҳрасти “500 мусулмони таъсиргузор барои соли 2021” шомил кардааст.

ДУШАНБЕ, 27 окт — Sputnik. Рейтинги таъсирузортарин мусалмонони ҷаҳон, рӯзи гузашта нашр шуд, ки раисиҷумҳури кишвар бори шашум шомили он гаштааст.

Исми Эмомалӣ раҳмон аз соли 2012 ва номи Саидмукаррам Абдулқодирзода бошад аз соли 2015 ба феҳрасти 500 мусалмони таъсиргузор роҳ ёфтаанд.

Дар сархати ин феҳрист дар соли ҷорӣ раисиҷумҳури Туркия Раҷаб Тайиб Эрдуғон қарор дорад. Пас аз ӯ шоҳи Арабистони Саудӣ Салмон ибни Абдул-Азиз ва Оятуллоҳ Сайид Алии Хоманаӣ, роҳбари аъзами Эрон ҷой гирифтаанд.

Оқохони IV Шоҳ Карим ал-Ҳусайнӣ, имоми 49-умини исмоилиён дар зинаи 39-ум мақом гирифтааст. Гузоришгарон мегӯянд, аз Оқохони IV беш 15 миллион нафар дар саросари ҷаҳон пайравӣ мекунанд, ки қисме аз онҳо дар Бадахшони Тоҷикистон иқомат доранд.

Ба панҷгонаи аввал щамзамон шоҳи Урдун Абдуллоҳи II ибни Ҳусейн ал-Ҳошимӣ ва Шайх Муҳаммад Тақӣ Усмонӣ, ки яке аз олимони машҳури ислом мебошад, шомил шудаанд.

Ба TOP-50 инчунин сарвазири Покистон Имрон Хон, валиаҳди Арабистони Саудӣ Муҳаммад бин Салмон, футболбози мисрии клуби англисии Ливерпул Муҳаммад Салоҳ ва ҳамзамон размикори шинохтаи доғистони Ҳабиб Нурмуҳаммадов шомил шудаанд .

Фардо дер мешавад: 5 пешниҳоди Шӯрои уламо ба мардуми Тоҷикистон

Дар ин рӯйхат инчунин Раҷаб Тайиб Эрдуғон, раисиҷумҳури Туркия, Ашраф Ғанӣ Аҳмадзай, раисиҷумҳури Афғонистон, Илҳом Алиев, раисиҷумҳури Озарбойҷон, Қурбонгулӣ Бердимуҳаммедов, раисиҷумҳури Туркманистон ворид шудаанд.

Ёдовар мешавем, ки TOP-500 аз бонуфузтарин мусалмонони ҷаҳон сар аз соли 2009 ҳамасола нашр мешавад.

204