Вакцинация против COVID-19 в Москве

Путин дар бораи 2 ваксинаи русии зидди COVID-19: сеюмаш дар ҳоли омодашавист

99
(Таҷдидшуда 18:34 29.10.2020)
Владимир Путин, раисиҷумҳури Русия, аз ду ваксинаи омодашуда алайҳи коронавирус дар кишвар тавсиф карда, изҳор дошт, ки ба зудӣ ваксинаи сеюм низ омода мешавад

ДУШАНБЕ, 29 окт — Sputnik. Путин имрӯз зимни як ҳамоиш гуфт, Русия фаъолона ва самаранок роҳи таҳияи ваксина алайҳи коронавирусро тай кард, ки ба гуфтаи ӯ далели ҳифз ва рушди макотиби таъсисдода ҳанӯз дар замони шӯравӣ мебошад.

Путин дар анҷумани сармоягузории XII, зери унвони "Россия зовет", ки ширкати "ВТБ Капитал" ташкил кард, таъкид намуд, ки аз ваксинаҳо ду талаботи асосӣ ҷой дорад, ки яке бехатарӣ ва дигаре самаранокӣ мебошад. Ӯ афзуд, дар ваксинаҳое, ки истеҳсол шудаанд, ин ду меъёр риоя гардидаанд.

 Ба гуфтаи раисиҷумҳури Русия, феълан суол дар бораи муҳайё кардани истеҳсоли саноатию оммавии ин ваксинаҳо мебошад.  Ӯ изҳори умед кард, ки то охири сол истеҳсоли саноатии ваксинаҳо роҳандозӣ мегардад.

Путин таъкид кард, ки дар марҳилаи аввал эмгузаронии худи шаҳрвандони Русия муҳим мебошад ва имкон дорад ба бозори хориҷӣ низ содир карда шавад.

“Мо аллакай дар бозорҳои хориҷии низ кор мекунем, ҳаҷми солонаи ин бозор тақрибан 100 миллиард доллар арзёбӣ мешавад. Омодаем, ҳамкориро зич намоем, то ҳатто омодаем, ин ваксинаро дар корхонаҳои шарикони хориҷӣ истеҳсол кунем, аммо ин ҳама бояд на бар зиёни эмгузаронӣ дар дохили  Русия роҳандозӣ гардад”, - илова намуд Путин.

Ба гуфтаи Путин, Белорус ин нахустин шарик мебошад, ки ба он ваксинаҳои русиягӣ ироа шудаанд ва он ҷо кор бо ин ваксина самаранок пеш рафта истодааст.

99
Барчаспҳо:
истеҳсолӣ, Путин, Русия
Врач-инфекционист, Хапизов Шавкат Туланович

Маризони COVID-19-ро табобат мекарду худ аз он даргузашт: фавти табиби тоҷик дар Русия

244
(Таҷдидшуда 13:01 30.11.2020)
Ҳафизов Шавкат Туланович, яке аз табибони сироятшиноси шинохтаи тоҷик дар Русия дар синни 55-солагӣ даргузашт

ДУШАНБЕ, 30 ноя — Sputnik. Дар ин бора хоҳари Шавкат Ҳафизов Азиза Ҳафизова дар суҳбат ба Sputnik Тоҷикистон гуфт, бародараш ду рӯз пеш аз бемории ҳамагирикоронавирус ҷон дод.

Ба иттиллои манбаъ, марҳум аз табибони сироятшиноси шинохта буда, хатмкардаи Донишгоҳи тиббии Тоҷикистон мебошад.

“Бародарам пас аз хатми Донишгоҳи тиббии Тоҷикистон сар аз соли 1993 то 2015 ҳамчун табиби сироятшинос дар Душанбе дар беморхонаҳои “Якум советский” ва беморхонаи сироятии Зарафшон кор кардааст”,-гуфт, хоҳари марҳум.

Ӯ гуфт, бародараш тавассути барномаи кӯчбпндӣ ё “Переселение” соли 2015 ба русия бо оилааш кӯчид ва  то ин замон дар Беморхонаи марказии ноҳияи Сосновскаи вилояти Тамбови Русия кор мекард.

Гуфта мешавад, номбурда яке аз муборизони зидди коронавирус буда, то дами охирин ба гирифторони ин беморӣ кӯмак мекард.

Бисёре аз ҳамкасбон ва он нафароне, ки табиб ба онҳо кӯмак кардааст, аз марги ӯ сахт андуҳгин шудаанд.

Татяна Яковлена, ки модарашро марҳум Ҳафизов табобат кардааст, навиштааст: "Мо ҳама ғамгинему мегирем, зеро беҳтарин табиб аз бари мо рафт. Ӯ модари маро аз бемории илтиҳоби шуш наҷот доду худ аз ин беморӣ даргузашт".

Ҳамкори ӯ Надежда бошад аз ӯ беҳтарин инсон ёдовар шуда, гуфтааст: "Руҳат шод бод, Шавкат. Ту ба бисёр инсонҳо кӯмак кардӣ ва наҷоташон додӣ". 

Ҳафизов Шавкат соли 1965 дар шаҳри Душанбе ба Дунё омада 55-сол дошт.

Врач-инфекционист, Хапизов Шавкат Туланович
из личного семьи Шавката Хапизова
Врач-инфекционист, Хапизов Шавкат Туланович

Дар хона табобат мегирифт: даргузашти табиби маъруф Шарипов аз "илтиҳоби шуш" дар Суғд

“Ман бо бародарам ҳамкурсем. Ҳарду Донишгоҳи тиббиро хатм кардем. Ӯ табиби сироятшинос шуду ман ҳоло дар Колеҷи тибби ҷумҳуриявӣ дарс мегӯям”,-афзуд номбурда.

Даргузашти Ибодуллоев, табиби шинохтаи тоҷик аз "илтиҳоби шуш"

Ба гуфти Азиза Ҳафизова дар оилаашон бештар дар ин ришта кор мекунанд ва падарашон Ахмед Ҳафизо, яке аз табибони саршинос буд, ки солиёни зиёд дар Беморхонаи қарияи боло кор кардааст

 

244
Барчаспҳо:
фавт, табиб, Русия, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон

Олимони Чин мегӯянд, сарчашмаи COVID -19 Ҳиндустон аст

532
(Таҷдидшуда 13:21 30.11.2020)
Ба фарзияи олимони Ҷин ҳамтоёни аврупоии онҳо чандон ризо нестанд. Ба ақидаи олимони Аврупо далелҳо дар мавриди он ки сарчашмаи ин маризӣ Ҷин аст, бештар мебошад

ДУШАНБЕ, 30 ноя — Sputnik. Олимони Чин муайян намудаанд, ки маризии коронавирус ҳанӯз соли 2019 дар Ҳиндустон буруз кардааст, хабар медиҳад Daily Mail бо такя ба Академияи улуми Чин.

Ба иттилои манбаъ, вирус дар Ҳиндустон аз ҳисоби гармии тоқатфарсо ва набуди оби ошомиданӣ пайдо шудааст. Аниқтараш дар ҳавои тафсон одамону ҳайвонҳо аз як ҷо об истеъмол мекарданд, ки дар натиҷа вируси ҳайвонҳо ба одамон гузашт.

Ба изҳори онҳо, нахустин мавориде, ки дар шаҳри Вуҳани Чин пайдо шуд, маҳз вирусе ҳаст, ки дар Ҳиндустон ба вуҷуд омад.

Вазорат омори навро гуфт: шумораи мубталоёни коронавирус дар Тоҷикистон аз 12 ҳазор гузашт

Аммо ба фарзияи олимони Чин ҳамтоёни аврупоии онҳо шак доранд.

Ҳамин тавр, ба гуфтаи профессори Донишгоҳи Глазго (Шотландия) Дэвид Робинсон, ин тадқиқот барои фаҳмидани табиати коронавирус чизе илова намекунад. Вай нуқтаи назари ҳамкорони чиниро ғаразнок номида, қайд кард, ки муаллифони тадқиқот маълумоти васеъи эпидемиологиро, ки ба сарчашмаи аслии COVID дар Чин ишора мекунанд, нодида гирифтанд.

532
Барчаспҳо:
маризӣ, олимон, Чин
Арест, архивное фото

Либоси зимистонаву телефонашро аз танаш гирифтанд: ғорати ошкорои як мард дар Хуҷанд

0
Вазорати умури дохилиии Тоҷикистон аз боздошти ду марди қаблан судшуда хабар медиҳад, ки дар ғорати ошкорони марди дигар муттаҳам мешаванд

ДУШАНБЕ, 24 ноя — Sputnik. Бино ба иттилои дафтари матбуотии ин ниҳод, ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия ду марди 47 ва 43-солаи сокинони шаҳри Истаравшан, ки қаблан низ суд шудаанд, ҳамчун гумонбар дар содир намудани ҷинояти ғоратгарӣ дастгир карда шуданд.

Ба иттилои манбаъ, номбурдагон, санаи 25-уми ноябри соли 2020, тахминан соати 22:00, дар бозори Панҷшанбе бо роҳи зӯроварӣ ва тариқи ошкоро аз тани марди 38-солаи сокини шаҳри Ваҳдат, болопӯши зимистона, 715-сомонӣ ва 1-адад телефони мобилии тамғаи “Хонор А-7”-ро тасарруф намуда, аз ҷойи ҳодиса ғайб задаанд.

Ҷавони 19-сола барои пинҳон намудани дуздии 10 сомонӣ ва гӯшии бесим мошинро оташ зад

Манбаъ мегӯяд, зарари ба ҷабрдида расонидашуда 1 ҳазору 995 сомониро ташкил медиҳад.

Боздошти ду ноболиғи 15 ва 16-сола барои дуздии мошин

ВУД мегӯяд, нисбати номбурдагон парванди ҷиноятӣ бо моддаи 248 қисми 2 Кодекси ҷиноятии Ҷумҳурии Тоҷикистон оғоз карда шуда, тафтишот идома дорад.

0
Барчаспҳо:
ғорат, Панҷшанбебозор, Хуҷанд, Тоҷикистон