Джамолиддин Абдуллозода, министр здравоохранения и социальной защиты Таджикистан

Миннатдорӣ ва ваъдаи вазири тандурустӣ баъди таъйини дигарборааш ба мақом

464
(Таҷдидшуда 13:41 04.11.2020)
Ҷамолиддин Абдуллозода, ки дигарбора ба мақоми вазири тандурустӣ ва ҳифзи иҷтимоии аҳолии Тоҷикистон таъйин гардид, зимни муаррифияш ваъда дод, ки барои беҳбуди сифати хизматрасонӣ тамоми талошро мекунад

ДУШАНБЕ, 4 ноя – Sputnik. Маросими муаррифии вазири тандурустӣ ва ҳифзи иҷтимоии аҳолии Ҷумҳурии Тоҷикистон 3 ноябр бо иштироки Абдуҷаббор Раҳмонзода, ёвари раисиҷумҳури Тоҷикистон оид ба масъалаҳои  рушди иҷтимоӣ ва робита бо ҷомеа баргузор шуд.

Тибқи иттилои котиботи Вазорати тандурустӣ, Абдуллозода Ҷамолиддин Абдулло барои бори дигар ба ин вазифаи пурмасъул таъин гардиданаш ба Эмомалӣ Раҳмон, раисиҷумҳури Тоҷикистон изҳори миннатдорӣ баён намуда, таъкид доштаст, ки ҷиҳати боз ҳам беҳтар намудани сатҳ ва сифати хизматрасонии тиббӣ  ба аҳолии кишвар минбаъд низ тамоми кӯшиш ва талоши хешро равона хоҳад сохт.

"Номбурда дар идомаи суханронии хеш иброз намуд, ки дар ин рӯзҳои душвор, ки пандемияи COVID-19  ҷомеаи ҷаҳониро нигарон намудааст ва Тоҷикистон низ аз ин мушкилот истисно нест, кулли кормандони соҳаи тандурустии кишвар ҳар лаҳза дастгирӣ ва пуштибонии Сарвари давлатро ҷиҳати мубориза бо ин беморӣ эҳсос менамоянд", - омадааст дар иттилоияи котиботи Вазорати тандурустӣ.

Манбаъ зикр кард, ки Абдуллозода Ҷамолиддин Абдулло бо фармони раисиҷумҳури Тоҷикистон 5 майи соли 2020  вазири тандурустӣ ва ҳифзи иҷтимоии аҳолии Тоҷикистон таъйин гардида буд ва 3 ноябр дигарбора ба ин мақом таъйин гардид.

464
Барчаспҳо:
ваъда, таъин, вазир, Вазорати тандурустӣ, Тоҷикистон
Первая в мире вакцина от коронавируса

Русия гуфт, ки ваксинааашро чандпулӣ мефурӯшад

295
(Таҷдидшуда 11:19 04.12.2020)
Арзиши ваксинаи коронавируси “Спутник V”- и Россия барои як воя на кам аз 10 доллар хоҳад буд

ДУШАНБЕ, 4 дек – Sputnik. Дар ин бора зимни Кирилл Дмитриев, роҳбари Фонди сармоягузории мустақими Россия (ФСМР) зимни рӯнамоии ваксинаи нав дар иҷлосияи махсуси Ассамблеяи генералии СММ хабар дод.

Кирилл Дмитриев гуфтааст, ваксинаи сохти Россия дар муқоиса бо дигар ваксинаҳо яке аз арзонтаринҳо хоҳад буд ва қарор аст он ба тамоми кишварҳо бо як нарх настрас гардад.

Номбурда гуфт, ҳамзамони имкони истеҳсоли ин ваксина дар Миср ва Нигерия низ ҳаст.

Ба гуфтаи Фонди сармоягузории мустақими Россия, шурӯъ аз моҳи марти соли оянд Россия нақша дорад, ҳар моҳ 30 миллион вояи ваксинаи “Спутник V”-ро ба хориҷ содир намояд.

“Мо бо теъдоди зиёди шарикони саноатӣ кор карда истодаем, то истеҳсолотро ба таври назаррас зиёд намоем. Пас аз қонеъ гардонидани талабот дар Россия, мо онро барои истеҳсоли ваксинаҳое, ки ба дигар кишварҳо интиқол дода мешаванд, истифода мебарем”,- афзудааст, Кирилл Дмитриев.

Гуфта мешавад, то кунун зиёда аз 40 кишвар, ки дар онҳо зиёда аз 50% аҳолии ҷаҳон зиндагӣ мекунанд, ба ваксина таваҷҷуҳ зоҳир кардаанд ва  фонд барои зиёда аз 1 миллиарду 200 миллион воя ваксина дархост гирифтааст.

Хадамоти федералии зиддиинҳисории Русия қаблан низ эълом кард, ки нархи ҳадди аксари як вояи (доза) ваксина алайҳи COVID-19 аз ҳазор рубл зиёд нахоҳад шуд.

Моҳи август Вазорати тандурустии Русия нахустин ваксини зидди коронавирус дар ҷаҳонро ба қайд гирифт, ки онро Маркази илмиву тадқиқотии эпидемиологӣ ва микробиологии ба номи Гамалеи якҷо бо Бунёди маблағгузориҳои мустақими Русия коркард кардааст. Ба он номи "Спутник V"-ро доданд. Доруро дар ду марҳила бо фосилаи се ҳафта мегузаронанд. 

Вирусшинос гуфт, ваксинаи зидди COVID-19 ба кӣ кумак намекунад

Гуфта мешавад, ваксина аз санҷиш пурра гузашта, афзалиятҳои асосии он, бехатарӣ, самаранокӣ ва набудани оқибатҳои манфии дарозмуддат мебошанд.

Русия арзиши як вояи ваксинаи зидди коронавирусро гуфт

Ёдовар мешавем қаблан раисиҷумҳури Русия гуфт, ҳамзамон ваксинаи дуввуми Русия низ омода шуда, сеюмаш дар роҳ аст.

 

295
Барчаспҳо:
вируси корона, истеҳсол, дору, рӯнамоӣ, СММ, Русия
Согдийская клиническая больница

Коронавирус кам шуд: калонтарин бемористони Суғд баъди 7 моҳ ба реҷаи муқаррарӣ мегузарад

1207
(Таҷдидшуда 16:22 03.12.2020)
Баъд аз ҳафт моҳи давраи қарантин ва инак кам шудани ҳолатҳои сироятёбӣ ба бемории каронавирус ё “вируси тоҷдор” Бемористони клиникавии Суғд ба реҷаи муқаррарӣ бармегардад

ДУШАНЕБ, 3 дек – Sputnik. Баҳодур Мӯъминов, сартабиби Бемористони клиникавии Суғд ба номи Сангин Қутфиддинов дар шарҳи ин хабар ба Sputnik Тоҷикистон гуфт, мавридҳои сироятёбӣ ба COVID-19, кам шудааст ва хушбахтона зарурати бозгашт ба реҷаи маъмулӣ ба вуҷуд омадааст.

Бино ба гуфти сартабиб қарор аст, сар аз ҳафтаи оянд, 7 декабр қисмате аз бахшҳои ин бемористон ба реҷаи маъмулӣ баргардонида шавад.

“Дар марҳилаи аввал, мо қисмати Б ро, ки асосан аз шуъбаҳои ҷарроҳӣ иборат аст ба реҷаи муқаррарӣ мегузаронем. Ҳоло барои ин корҳои безараргардонӣ гузаронида шудааст. Аз ҳар як шахси масъули он, ташхис гирифта шудааст”, изҳор намуд сартабиб.

Бино ба гуфти Мӯъминов, барои баромадан аз реҷаи қарантинии қисме аз шуъбаҳои Бемористони клиникавии Суғд, вазири тандурустӣ ва раиси вилояти Суғд рухсат додаанд.

Бемористони клиникавии Суғд ба номи С. Қутфиддинов дар умум аз 26 шуъба ва 680 койка иборат буда, аз калонтарин бемористонҳо дар шимоли Тоҷикистон ба ҳисоб меравад.

Дар моҳи апрели соли ҷорӣ аз замони сабти нахустин мавриди бемории “вируси карона” ин бемористон ба қарантин (красная зонна) гирифта шуд ва сироятшудагони COVID-19 ба ҳисоби Бемористони сироятии Суғд, асосан барои табобат ба ин ҷо интиқол дода мешуданд.

Баҳодур Мӯъминов дар шарҳи омори гирифторони бемории каронавирус худдорӣ варзиду танҳо ҳамин қадар гуфт, ки “кам шуд”.

Афзоиши фавт дар Суғд: аз ҳама бештар дар Хуҷанд

Омори расмии вазорати тандурустӣ ва ҳифзи иҷтимоии аҳолии Тоҷикистон низ ҳокӣ аз он аст, ки шумори гирифторони COVID-19 дар кишвар кам шудааст.

Бегоҳии дирӯз 2 декабр, ин вазорат аз 38 ҳолати нави дарёфти сироятшавӣ ба COVID-19 хабар дод, ки дар умум шумори сабти беморон ба 12 ҳазору 269 нафар рақам зада мешавад.

Киҳо такроран мубталои коронавирус мешаванд? ҷавоби пизишк

Аз ин теъдод то имрӯз 11 ҳазору 677 нафар ё 95, 2% шифо ёфтаанд. Ба иттилоъи вазорати тандурустӣ то имрӯз бар асари хуруҷи ин беморӣ 87 нафар фавтидаанд.

1207
Барчаспҳо:
омор, табобат, Беморхонаи марказии вилоят, вируси корона, Тоҷикистон, Суғд
Джо Байден

Байден гуфт, дар давраи ҳукмронияш бо Русия чӣ гуна муносибат хоҳад дошт

0
(Таҷдидшуда 12:15 04.12.2020)
Раҳбари тозаинтихоби Амрико Ҷо Байден, ки тибқи маълумоти пешакӣ, президенти Иёлоти Муттаҳида интихоб шуд, гуфт, дар давраи ҳукрмронияш бо Русия чӣ гуна муносибат хоҳад дод

ДУШАНБЕ, 4 дек – Sputnik. Ҷо Байден зимни як мусоҳибаи телевизионӣ бо шабакаи CNN нақшаҳои "муносибати бисёрҷониба" -ро нисбат ба Русия, Эрон, Чин ва дигар кишварҳо эълон кардааст, хабар медиҳад РИА Новости.

"Мо бояд узви як гурӯҳи калон бошем, ин на танҳо бо Эрон, балки бо Русия, Чин ва дигарон муносибат кунем",- гуфт сиёсатмадор.

Ҳамзамон Байден гуфт, ки қабл аз ба вазифа расидан ӯ наметавонист сиёсати ИМА-ро таҳия кунад. "Аммо ман мехоҳам муносибатҳои  наздики иттиҳодиро ҳам дар Аврупо ва ҳам дар минтақаи Ҳинд ва Уқёнуси Ором барқарор кунам", - илова кардааст ӯ.

Ҳамзамон, сиёсатмадор иқрор кард, ки "музокироти душвор" бо Иттиҳоди Аврупо ӯро интизор аст ва ӯ дар ин бора ҳеҷ гуна хаёле надошт.

Раисиҷумҳури ИМА-ро таъйин карданд: кӣ воқеан қудрат дар ИМА-ро ғасб намуд?

Қаблан сафири Русия дар ИМА Анатолий Антонов гуфта буд, ки Маскав метавонад ҳамкориҳоро бо маъмурияти нав дар Вашингтон ҳадди аққал дар панҷ самт: суботи стратегӣ, паҳн нашудани силоҳи ҳастаӣ, ҳамкорӣ дар кайҳон, мубориза бо терроризм ва пандемияи коронавирус тавсеа диҳад.

 Ҳамзамон, дипломат изҳори шубҳа кард, ки Маскав метавонад бо Вашингтон дар мавриди назорати силоҳ мувофиқат кунад.

Сафир ҳангоми суханронӣ дар бораи натиҷаҳои интихобот дар Иёлоти Муттаҳида қайд кард, ки Русия ҳама гуна интихоби амрикоиҳоро эътироф мекунад, аммо мунтазири эълони расмии натиҷаҳо пеш аз вокуниш дар доираи протоколи дипломатӣ мебошад.

Интихоботи президентии ИМА рӯзи 3 ноябр баргузор шуд.

Номзади демократҳо Ҷо Байден, тибқи маълумоти пешакӣ, аз иёлотҳо то 306 раъйи интихобкунандагон бар даст овард.

Путин шарҳ дод, ки чаро то ҳол Ҷо Байденро табрик накардааст

Президенти феълӣ Доналд Трамп шикастро эътироф намекунад ва натоиҷро дар чанд иёлат зери шубҳа мегузорад.

0
Барчаспҳо:
ҳамкорӣ, муносибат, президент, Русия, ИМА