Медицинская сестра в палате

Мақомоти Хатлон: аксарияти гирифторони бемории COVID-19 шифо ёфтанд

187
(Таҷдидшуда 13:26 07.11.2020)
Мақомоти Хатлон эълон кардааст, ки айни ҳол дар вилоят дар муассисаҳои табобатӣ 4 нафар гирифторони бемории COVID-19 бистарӣ шудаанд ва дар муҳити хона 15 нафари дигар табобат мегиранд ва онҳо таҳти назорати табибон қарор доранд

ДУШАНБЕ, 7 ноя – Sputnik. Ба нақл аз дафтари матбуоти мақомоти вилояти Хатлон ахиран дар толори мақомоти иҷроияи ҳокимияти давлатии вилоят ҷаласаи навбатии Ситоди вилоятӣ оид ба пурзӯр намудани чораҳои зиддиэпидемикӣ барои пешгирии интиқол ва пайдоиши сирояти нави коронавирус (COVID-19) таҳти раёсати муовини раиси вилоят Фирӯза Шарифӣ баргузор гардид.

Дар ин ҷаласа Фирӯза Шарифӣ, таъкид доштааст, ки ба ҳолати 1 ноябри соли равон дар вилоят 7988 нафар шаҳрвандон ба бемории илтиҳоби шуш гирифтор шудаанд.

“Дар ин давра аз 27707 нафар намунаи молишак (тест) гирифта шуда, дар натиҷа 4249 нафар сироятёфтагон бо ташхиси коронавируси нави COVID-19 дарёфт гардидаанд. Ба ҳолати 2 ноябри соли равон дар вилоят 7721 нафар гирифторони бемории илтиҳоби шуш ва ё пневмания шифо ёфтаанд. Аксари нафарони гирифторшуда ба бемории коронавирус низ пурра табобат ёфтаанд”, - қайд кардааст муовини раиси вилоят.

Инчунин вай зикр кардааст, ки айни ҳол дар сатҳи вилоят шумораи гирифторони ин беморӣ дар муассисаҳои табобатӣ 4 нафар ва дар муҳити хона 15 нафар таҳти назорати табибон қарор дошта, муолиҷа гирифта истодаанд.

Ҳамамон дар ҷаласаи мазкур қайд шудааст, ки ҳоло дар муассисаҳои госпиталӣ 2629 нафар бистарӣ гардида, аз ин теъдод 2411 нафар табобат гирифтаанд. Дар муассисаҳои кумаки аввалияи тиббӣ ҳамагӣ 5407 нафар беморон бо илтиҳоби шуш ба қайд гирифта шуда, 5359 нафар нафар ё ин ки 99,1 фоиз беморон солим гаштаанд”.

Гуфта шудааст, ки дар ҷаласаи мазкур барои пурзӯр намудани чораҳои зарурии саривақтӣ вобаста ба паҳн нагардидани бемории илтиҳоби шуш (пневмония), аз ҷумла коронавирус (COVID-19), таҳти назорат қарор додани фаъолияти ситодҳо, иҷрои дастурҳои раиси ситоди вилоятӣ ва тақвият бахшидани фаъолияти аъзои Ситод дар самти пешгирӣ аз интиқоли беморӣ ва пурзӯр намудани корҳои тарғиботию фаҳмондадиҳӣ, таъмини бехатарии кормандони соҳаи тиб, танзими нархи маводи доруворӣ ва молҳои тиббӣ дар ҳудуди вилоят, тақвият бахшидани тадбирҳои беҳдоштӣ миёни аҳолӣ, дар таътили 10-рӯза безарар гардонидани муассисаҳои таълимӣ ба масъулон супоришҳо дода шуд.

187
Барчаспҳо:
мақомот, бистарӣ, табобат, вируси корона, Хатлон, Тоҷикистон
Табибон дар беморхонаи сироятӣ, акс аз бойгонӣ

Ду ҳафта бидуни фавт: охирин омори COVID-19 дар Тоҷикистон

63
(Таҷдидшуда 20:40 30.11.2020)
Вазорати тандурустӣ ва ҳифзи иҷтимоии аҳолии Тоҷикистон мегӯяд, наздики ду ҳафта мешавад, ки дар ҷумҳурӣ ягон ҳолати фавт аз коронавирус ба қайд гирифта нашудааст

ДУШАНБЕ, 30 ноя — Sputnik. Тибқи иттилои Вазорати тандурустӣ ва ҳифзи иҷтимоии аҳолии Тоҷикистон, тайи шабонарӯзи охир дар ҷумҳурӣ 39 ҳолати нави сирояти COVID-19 ба қайд гирифта шуд.

Манбаъ афзуд, дар маҷмӯъ сирояти коронавирус дар муддати аз 30 апрел то 30 ноябр 12 ҳазору 194 ҳолатро ташкил медиҳад.

“Дар як шабонарӯзи охир 40 нафар пас аз табобат ба хонаҳояшон рухсат дода шуда, дар маҷмӯъ шумораи шифоёфтагон аз ин беморӣ дар Тоҷикистон ба 11 ҳазору 599 нафар баробар гардид. Бар асари ин беморӣ 86 нафар фавтидаанд”, - омадааст дар иттилоияи расмӣ.

Охирин ҳолати фавт аз коронавирус дар ҷумҳурӣ 18 ноябр ба қайд гирифта шудааст.

Вазорати тандурустии Тоҷикистон мегӯяд, то ҳол 95,1%-и гирифторони коронавирус дар ҷумҳурӣ шифо ёфта, барои пешгирӣ ва табобати коронавируси нави CОVID-19 тамоми тадбир ва чораҳои зарурӣ андешида шуда истодаанд.

63
Барчаспҳо:
вируси нав, фавт, Тоҷикистон

Директори “Вектор” гуфт, пандемияи COVID-19 кай ба поён мерасад

697
(Таҷдидшуда 17:22 30.11.2020)
Ринат Максютов, директори генералии Маркази давлатии вирусология ва биотехнологияи “Вектор”-и Русия, итминон дорад, ки пандемияи COVID-19 соли 2021 хотима меёбад.

ДУШАНБЕ, 30 ноя — Sputnik. Ба гуфтаи ӯ, амалан дар вирус ягон тағирот вуҷуд надорад ва он на бештар аз 0,1 фисад тағйир меёбадхабар медиҳад РИА Новости.

Пандемияи COVID-19 хотима ёбад ҳам, аммо худи коронавирус боқӣ хоҳад монд, гуфт Ринат Максютов, дар ҷашнвораи онлайнии Science Bar Hopping.

Вай қайд кард, ки вақте шумораи сироятҳо ҳар рӯз меафзояд, баробари ташаккули кофии иммунитети ҳамагонӣ хотима меёбад, зеро барои ин тақрибан нисфи аҳолӣ бояд эм карда шаванд.

Максютов илова намуд, ки аллакай 35 ҳазор вояи ваксинаи коронавируси  “EpiVacCorona”-ро Маркази “Вектор” истеҳсол кардааст. Аз ин шумор, тақрибан 5 ҳазораш барои таҳқиқот фиристода шудаву боқимонда моҳи декабр ба муомилоти шаҳрвандӣ хоҳанд рафт.

Олимони Чин мегӯянд, сарчашмаи COVID -19 Ҳиндустон аст

Тибқи маълумоти ТУТ,  давоми як рӯзи охир дар ҷаҳон шумораи ҳолатҳои тасдиқшудаи сирояти коронавирус беш аз 564 ҳазорро ташкил дода, 8985 нафар фавтидаанд.

Мавҷи дуюми COVID-19 ба шаҳри Истиқлол ҳам расид: 5 нафар сироят шуда, шифо ёфтаанд

Теъдоди рекордии гирифторон рӯзи шанбе (747 082 ҳазор) сабт карда шуд.

 

697
Барчаспҳо:
вирус, табобат, беморӣ, пешгӯӣ, вируси корона, Русия
Интиқоли китоби Тоҷикон ба ноҳияи Ванҷ

Беш аз 4400 дона: туҳфаи Раҳмон ба Ванҷ расид

0
Вазорати маориф ва илми Тоҷикистон мегӯяд, имрӯз дар ноҳияи Ванҷ, тақсими китоби “Тоҷикон”-и Бобоҷон Ғафуров аз номи раисиҷумҳур Эмомалӣ Раҳмон оғоз шуд

ДУШАНБЕ, 30 ноя — Sputnik. Тибқи иттилои Вазорати маорифи Тоҷикистон, бо мақсади омӯзиши амиқи таърихи пурифтихори халқи тоҷик шоҳасари академик Бобоҷон Ғафуров – китоби “Тоҷикон” то ҷашни 30-солагии Истиқлоли давлатӣ ба ҳар оилаи кишвар тақсим мешавад.

Манбаъ афзуд, ки ин туҳфа аз номи раисиҷумҳури Тоҷикистон, бо роҳбарии Нуралӣ Собирзода, муовини вазири маориф ва илми Тоҷикистон ба шаҳру ноҳияҳои ВМКБ фиристода шуд.

Нуралӣ Собирзода, муовини вазири маориф ва илм иттилоъ дод, ки барои мардуми ноҳияи Ванҷ мутаносибан ба теъдоди хонаводаҳо 4408 китоб ҷудо шуда, он ба ҳар як хонавода дастрас карда мешавад.

Ҷаббори Қосим, раиси ноҳияи Ванҷ мегӯяд, тақсимоти китоби “Тоҷикон” имрӯз аз ноҳия оғоз гардида, доир ба масъалаи мазкур комиссияи махсус таъсис дода шудааст. Ин комиссия  раванди супоридани туҳфаи роҳбари давлатро дар ҷамоатҳои шаҳраку деҳот назорат менамояд. 

Чойхонаи тоҷикон дар Амрико ба макони таърихӣ табдил ёфт

Ба иттилои Вазорати маориф, Хушвахт Искандаров, омӯзгори собиқадори ноҳия гуфтааст,  солҳо боз орзу дошт, ки ин китоби пурарзиш китоби рӯйимизии ҳар як фарди тоҷик бошад.

“Боварӣ дорам, ки ин амали нек ва шоиста дар раванди худшиносии миллӣ, арҷгузорӣ ба мероси бою пурғановати гузаштагон саҳми арзанда мегузорад”, - таъкид кардааст омӯзгор.

0
Барчаспҳо:
китоб, фарҳанг, маориф, Тоҷикистон