Олимзода Насим министр здравоохранения и социальной защиты населения РТ, архивное фото

Аз куҷо ба куҷо? Вазифаи нави Насим Олимзода, собиқ вазири тандурустӣ, пас аз 6 моҳ

1216
Насим Олимзода, собиқ вазири тандурустӣ ва ҳифзи иҷтимоии аҳолӣ, директори Пажўҳишгоҳи гастроэнтерологияи Тоҷикистон, дар миёни мардум маъруф ба “Клиникаи Мансуров” таъин шуд

ДУШАНБЕ, 13 ноя – Sputnik. Эмомалии Мирзо, сухангӯи Вазорати тандурустӣ, ба Sputnik Тоҷикистон дар таъйиди ин хабар гуфт, Насим Олимзода тақрибан як ҳафтаи қабл вазифаи нав гирифт.

“Фармони вазири тандурустӣ дар ин маврид содир шудааст. Насим Олимзода ҳоло сари вазифаи нави худ ҳастанд”,-гуфт Эмомалии Мирзо.

Насим Олимзода 5 майи соли равон дар айни гирудор бо пандемияи “вируси корона” аз вазифааш сабукдӯш шуда, ба ҷои ӯ Ҷамолиддин Абдуллозода, вазири тандурустӣ ва ҳифзи иҷтимоӣ таъин шуд.

Тайи ин муддат вазифаи нави ӯ маълум набуд. Дар нишасти хабарии Вазорати тандурустӣ ва ҳифзи иҷтимоии Тоҷикистон Ҷамолиддин Абдуллозода дар посух ба суоли хабарнигорон дар бораи сарнавишти Насим Олимзода посух дод, ки ӯ аз рӯи касби худ фаъолият мекунад. Аммо дар бораи вазифааш иттилои дақиқ надод.

Вируси сархур: афзоиши марг аз вируси корона дар саросари ҷаҳон

Барканории Насим Олимзода бо иттифоқи се муовинаш - Саида Умарзода (муовини якум), Мирҳамуддин Камолзода ва Азиз Одиназода, ки ҳамагӣ моҳҳои январу феврали соли 2017 ба вазифа таъйин шуда буданд, анҷом гирифта буд.

Моҳи июл Азиз Одиназода директори Маркази ҷумҳуриявии илмии хун таъин шуд. Аммо аз вазифаҳои муовинони дигар хабаре нест.

Насим Олимзода дар вазифаи наваш Саодат Азимзодаро иваз кард, ки аз соли 2013 ба ин сӯ директори Муассисаи давлатии Пажўҳишгоҳи гастроэнтерологияи Тоҷикистон буд. Саодат Азимзода ба курсии муовини директори пажӯҳишгоҳи мазкур дар умури илм такя задааст.

Муассисаи давлатии Пажӯҳишгоҳи гастроэнтерологияи Тоҷикистон аввали солҳои 1960 – и асри гузашта ба хотири расидагӣ ба бемориҳои узвҳои ҳозима ва ҷигар бо сарварии академик Ҳамид Мансуров ёфтааст. Ин пажӯҳишгоҳ маркази илмӣ-тадқиқотӣ, ташкилӣ-методӣ, машваратӣ, клиникавӣ ва омузишӣ буда, сармуассисаи вазорати тандурустии Тоҷикистон дар умури бемориҳои узвҳои ҳозима маҳсуб мешавад.

1216
Барчаспҳо:
таъйиноти кадрӣ, вазир, Тоҷикистон
Врач-инфекционист, Хапизов Шавкат Туланович

Маризони COVID-19-ро табобат мекарду худ аз он даргузашт: фавти табиби тоҷик дар Русия

200
(Таҷдидшуда 13:01 30.11.2020)
Ҳафизов Шавкат Туланович, яке аз табибони сироятшиноси шинохтаи тоҷик дар Русия дар синни 55-солагӣ даргузашт

ДУШАНБЕ, 30 ноя — Sputnik. Дар ин бора хоҳари Шавкат Ҳафизов Азиза Ҳафизова дар суҳбат ба Sputnik Тоҷикистон гуфт, бародараш ду рӯз пеш аз бемории ҳамагирикоронавирус ҷон дод.

Ба иттиллои манбаъ, марҳум аз табибони сироятшиноси шинохта буда, хатмкардаи Донишгоҳи тиббии Тоҷикистон мебошад.

“Бародарам пас аз хатми Донишгоҳи тиббии Тоҷикистон сар аз соли 1993 то 2015 ҳамчун табиби сироятшинос дар Душанбе дар беморхонаҳои “Якум советский” ва беморхонаи сироятии Зарафшон кор кардааст”,-гуфт, хоҳари марҳум.

Ӯ гуфт, бародараш тавассути барномаи кӯчбпндӣ ё “Переселение” соли 2015 ба русия бо оилааш кӯчид ва  то ин замон дар Беморхонаи марказии ноҳияи Сосновскаи вилояти Тамбови Русия кор мекард.

Гуфта мешавад, номбурда яке аз муборизони зидди коронавирус буда, то дами охирин ба гирифторони ин беморӣ кӯмак мекард.

Бисёре аз ҳамкасбон ва он нафароне, ки табиб ба онҳо кӯмак кардааст, аз марги ӯ сахт андуҳгин шудаанд.

Татяна Яковлена, ки модарашро марҳум Ҳафизов табобат кардааст, навиштааст: "Мо ҳама ғамгинему мегирем, зеро беҳтарин табиб аз бари мо рафт. Ӯ модари маро аз бемории илтиҳоби шуш наҷот доду худ аз ин беморӣ даргузашт".

Ҳамкори ӯ Надежда бошад аз ӯ беҳтарин инсон ёдовар шуда, гуфтааст: "Руҳат шод бод, Шавкат. Ту ба бисёр инсонҳо кӯмак кардӣ ва наҷоташон додӣ". 

Ҳафизов Шавкат соли 1965 дар шаҳри Душанбе ба Дунё омада 55-сол дошт.

Врач-инфекционист, Хапизов Шавкат Туланович
из личного семьи Шавката Хапизова
Врач-инфекционист, Хапизов Шавкат Туланович

Дар хона табобат мегирифт: даргузашти табиби маъруф Шарипов аз "илтиҳоби шуш" дар Суғд

“Ман бо бародарам ҳамкурсем. Ҳарду Донишгоҳи тиббиро хатм кардем. Ӯ табиби сироятшинос шуду ман ҳоло дар Колеҷи тибби ҷумҳуриявӣ дарс мегӯям”,-афзуд номбурда.

Даргузашти Ибодуллоев, табиби шинохтаи тоҷик аз "илтиҳоби шуш"

Ба гуфти Азиза Ҳафизова дар оилаашон бештар дар ин ришта кор мекунанд ва падарашон Ахмед Ҳафизо, яке аз табибони саршинос буд, ки солиёни зиёд дар Беморхонаи қарияи боло кор кардааст

 

200
Барчаспҳо:
фавт, табиб, Русия, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон

Олимони Чин мегӯянд, сарчашмаи COVID - 19 Ҳиндустон аст

522
(Таҷдидшуда 21:59 29.11.2020)
Ба фарзияи олимони Ҷин ҳамтоёни аврупоии онҳо чандон ризо нестанд. Ба ақидаи олимони Аврупо далелҳо дар мавриди он ки сарчашмаи ин маризӣ Ҷин аст, бештар мебошад

ДУШАНБЕ, 30 ноя — Sputnik. Олимони Чин муайян намудаанд, ки маризии коронавирус ҳанӯз соли 2019 дар Ҳиндустон буруз кардааст, хабар медиҳад Daily Mail бо такя ба Академияи улуми Чин.

Ба иттилои манбаъ, вирус дар Ҳиндустон аз ҳисоби гармии тоқатфарсо ва набуди оби ошомиданӣ пайдо шудааст. Аниқтараш дар ҳавои тафсон одамону ҳайвонҳо аз як ҷо об истеъмол мекарданд, ки дар натиҷа вируси ҳайвонҳо ба одамон гузашт.

Ба изҳори онҳо, нахустин мавориде, ки дар шаҳри Вуҳани Чин пайдо шуд, маҳз вирусе ҳаст, ки дар Ҳиндустон ба вуҷуд омад.

Вазорат омори навро гуфт: шумораи мубталоёни коронавирус дар Тоҷикистон аз 12 ҳазор гузашт

Аммо ба фарзияи олимони Чин ҳамтоёни аврупоии онҳо шак доранд.

Ҳамин тавр, ба гуфтаи профессори Донишгоҳи Глазго (Шотландия) Дэвид Робинсон, ин тадқиқот барои фаҳмидани табиати коронавирус чизе илова намекунад. Вай нуқтаи назари ҳамкорони чиниро ғаразнок номида, қайд кард, ки муаллифони тадқиқот маълумоти васеъи эпидемиологиро, ки ба сарчашмаи аслии COVID дар Чин ишора мекунанд, нодида гирифтанд.

522
Барчаспҳо:
маризӣ, олимон, Чин
Арест, архивное фото

Либоси зимистонаву телефонашро аз танаш гирифтанд: ғорати ошкорои як мард дар Хуҷанд

0
Вазорати умури дохилиии Тоҷикистон аз боздошти ду марди қаблан судшуда хабар медиҳад, ки дар ғорати ошкорони марди дигар муттаҳам мешаванд

ДУШАНБЕ, 24 ноя — Sputnik. Бино ба иттилои дафтари матбуотии ин ниҳод, ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия ду марди 47 ва 43-солаи сокинони шаҳри Истаравшан, ки қаблан низ суд шудаанд, ҳамчун гумонбар дар содир намудани ҷинояти ғоратгарӣ дастгир карда шуданд.

Ба иттилои манбаъ, номбурдагон, санаи 25-уми ноябри соли 2020, тахминан соати 22:00, дар бозори Панҷшанбе бо роҳи зӯроварӣ ва тариқи ошкоро аз тани марди 38-солаи сокини шаҳри Ваҳдат, болопӯши зимистона, 715-сомонӣ ва 1-адад телефони мобилии тамғаи “Хонор А-7”-ро тасарруф намуда, аз ҷойи ҳодиса ғайб задаанд.

Ҷавони 19-сола барои пинҳон намудани дуздии 10 сомонӣ ва гӯшии бесим мошинро оташ зад

Манбаъ мегӯяд, зарари ба ҷабрдида расонидашуда 1 ҳазору 995 сомониро ташкил медиҳад.

Боздошти ду ноболиғи 15 ва 16-сола барои дуздии мошин

ВУД мегӯяд, нисбати номбурдагон парванди ҷиноятӣ бо моддаи 248 қисми 2 Кодекси ҷиноятии Ҷумҳурии Тоҷикистон оғоз карда шуда, тафтишот идома дорад.

0
Барчаспҳо:
ғорат, Панҷшанбебозор, Хуҷанд, Тоҷикистон