Омори охири гирифторӣ, шифо ва фавт аз COVID-19 дар Тоҷикистон

© Sputnik / Кирилл Брага / Гузариш ба медиабонкМедицинские работники в инфекционной больнице
Медицинские работники в инфекционной больнице - Sputnik Тоҷикистон
Обуна шудан
Вазорати тандурустӣ ва ҳифзи иҷтимоии аҳолии Тоҷикистон мегӯяд, шабонарӯзи гузашта дар кишвар ягон ҳолати фавт аз коронавирус сабт нашудааст. Охирон ҳолати фавт аз COVID-19 дар Тоҷикистон ба иттилои расмӣ 18 ноябр сабт шудааст

ДУШАНБЕ, 1 дек — Sputnik. Тибқи иттилои Вазорати тандурустӣ ва ҳифзи иҷтимоии аҳолии Тоҷикистон, шабонарӯзи гузашта дар ҷумҳурӣ 37 ҳолати нави сироятёбӣ ба COVID-19 ошкор гардид.

Коронавирус дар Тоҷикистон: омори ноябрӣ - Sputnik Тоҷикистон
Коронавирус дар Тоҷикистон: омори моҳи ноябр

Ба иттилои манбаъ, шумораи умумии сироятёфтагон ба коронавирус аз 30 апрел то 1 декабр ба 12 ҳазору 231 нафар расид.

Манбаъ таъкид кард, ки давоми шабонарӯзи охир 41 нафар пас аз табобат ба хонаҳояшон рухсат дода шуда, дар маҷмӯъ шумораи шифоёфтагон аз ин беморӣ дар Тоҷикистон ба  11 ҳазору 640 баробар гардид.

Маъракаи ташхиси ройгон аз бемории СПИД дар Хуҷанд – акс

Зикр шудааст, ки ҳамчунин дар муддати аз 30 апрел то 1 декабр бар асари ин беморӣ 86 нафар фавтидаанд. Бар асоси иттилоияи расмӣ, тайи қариб ду ҳафтаи охир ягон ҳолати нави фавт аз коронавирус ба қайд гирифта нашудааст.

Вазорати тандурустӣ таъкид намуд, ки 95,1%-и гирифторони коронавирус дар кишвар то ҳол аз ин беморӣ шифо ёфтаанд.

Лентаи хабарҳо
0