Дар саросари ҷаҳон дар як шабонарӯз беш 233 ҳазор нафар гирифтори коронавирус шуданд

65
(Таҷдидшуда 12:17 13.12.2020)
То 12 декабри соли равон шумори гирифторон ба коронавирус дар ҷаҳон ба 71 миллиону 456 ҳазору 605 нафар расид

ДУШАНБЕ, 13 дек — Sputnik. Бино ба иттилои Созмони ҷаҳонии беҳдошт,  танҳо дар як шабонарӯз боз 233 ҳазору 364 ҳолати нави мубталоӣ ба ин вируси кушанда сабт шудааст.

Созмони ҷаҳонии тандурустӣ таъкид доштааст, ки то кунун дар саросари ҷаҳон аз ин беморӣ 1 миллиону 601 ҳазору 519 нафар ҷон бохтаанд.

Дар ҳамин ҳол, аз КОВИД-19 49 миллиону 656 ҳазору 877 нафар муолиҷа шудаанд. Дар айни замон 106 ҳазору 663 нафар дар ҳоли вазнин қарор доранд.

Бояд гуфт, ки дар Тоҷикистон аз сирояти боз 42 нафар хабар дода шуд. Вазорати тандурустӣ ва ҳифзи иҷтимоии кишвар шумори умумии мубталоён ба КОВИД-19-ро 12 630 нафар эълон намуд.

Дар Русия 28 585 сироятшудаи нав сабт шуд. Танҳо дар Москав 7 215 нафар, дар Санкт-Петербург -3 779, дар вилояти Москав 1 370 нафар сироят шудаанд. Дар саросари Русия шабонарӯзи гузашта 613 нафар фавтидаанд, ки ин болотарин нишондиҳандаи маргумири шабонарӯзӣ аз Covid-19 дар ин кишвар мебошад.

Дар Қазоқистон боз 836 мубталои нав ба коронавирус сабт гардид. Шумори умумии гирифторон ба 139 995 нафар расидааст.

Дар Қирғизистон зарфи як шабонарӯзи гузашта 327 нафар чун мубталои нав сабт шуда, аз аввали ҳамагирӣ 76 718 нафар ба COVID-19 сироят шуданд. 

Шумори гирифторон ба КОВИД-19 дар Ӯзбекистон ба  74 664 (+166) расидааст.

65
Барчаспҳо:
гирифторон, шумор, ҷаҳон, вируси корона
Блокнот ВОЗ, архивное фото

Карриева гирифтори коронавирус шуда, Тоҷикистонро тарк кард: таъйини намояндаи нави СҶБ

106
(Таҷдидшуда 17:20 22.01.2021)
Намояндаи Созмони ҷаҳонии беҳдошт дар Тоҷикистон боз иваз шуд. Ба курсии Бахтигул Карриева, Виктор Олшавский такя зад

ДУШАНБЕ, 22 янв — Sputnik. Таъйин шудани намояндаи нави СҶБ дар Тоҷикистон дар ҳолест,  ки моҳи май Галина Перфилиева аз мақом рафт ва ба ҷойи ӯ Бахтигул Карриева омада буд.

Иллати аз вазифа канор мондани Перфилимеваро ба анҷоми маъмурияти ӯ дар Тоҷикистон рабт дода буданд.

Дар ҳамин ҳол, бо гузашти ҳамагӣ чанд моҳ сару садоҳо дар мавриди барканории Бахтигул паҳн шуд.

Аз намояндагии СҶБ дар Тоҷикистон ба Sputnik Тоҷикистон тасдиқ намуданд, ки Бахтигул бинобар сироят шудан ба маризии коронавирус аз вазифааш канор монд.

Манбаъ меафзояд, Бахтигул Карриева моҳи ноябри соли гузашта дар вилояти Суғд гирифтори коронавирус шуд. Намояндаи СҶБ табобатро нахуст дар хона гирифт, вале пас аз бад шудани вазъаш ӯро дар беморхонаи сироятии шаҳри Душанбе хобонданд. Ахиран ӯ ба Капенгаген кӯчонда шуд.

Чаро муовини вазири тандурустӣ ва намояндаи СҶБ бо раиси вилояти Суғд дидор карданд?

Гуфта мешавад, Карриева бемории музмин дошт ва аз ин рӯ ба гурӯҳи хавф дохил мешавад, вале ҳоло вазъияти собиқ намояндаи СҶБ дар Тоҷикистон хуб арзёбӣ мешавад.

Виктор Олшавский кист?

Виктор Олшавский 61 сол дорад ва аз соли 1997 намояндаи СҶБ дар Босния ва Ҳерзеговина раҳбарӣ мекунад. Ҳангоми кор дар ин кишвар, ӯ инчунин ба намояндагиҳо дар Того, Ҷумҳурии Молдова ва Ӯзбекистон кумак кардааст.

Дар охири моҳи декабри соли 2020, дар натиҷаи интихоби озмун, ӯ ба ҳайси намоянда дар Тоҷикистон таъин шуд.

ТУТ: пӯшидани ниқоб дар Осиёи Марказӣ  ҷони беш аз 200 ҳазор нафарро наҷот медиҳад

Олшавский доктори илмҳои тандурустии ҷамъиятӣ буда, номзади илмияшро дар мавзӯи "Профили ҳамшираҳои шафқат дар Руминия" ҳимоя кардааст.

Солҳои 1981-1987 дар Донишгоҳи тиббӣ таҳсил намуда, солҳои 2001-2002 Донишгоҳи Бухарестро хатм намудааст.Дараҷаи магистр дар соҳаи менеҷменти хидматрасонии иҷтимоӣ дорад.

106
Барчаспҳо:
иваз, намоянда, СҶБ, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон
Проверка температуры у прибывших пассажиров в Тегеран

Дар Эрон беш аз як миллион мубталоёни корона шифо ёфтанд

35
(Таҷдидшуда 12:40 22.01.2021)
То кунун дар Эрон як миллиону 144 ҳазору 549 нафар беморон беҳбуд ёфтаву аз бемористонҳо мурраххас шудаанд

ДУШАНБЕ, 22 январ - Sputnik. Сухангӯи вазорати беҳдошт, дармон ва омӯзиши пизишкии Эрон аз беҳбудии ҳудуди як миллиону 145 ҳазор нафар аз мубталоёни вируси корона дар ин кишвар хабар дод.

Симо Содот Лорӣ - сухангӯии Вазорати беҳдошти Эрон гуфт, дар 24 соъати гузашта 6 ҳазору 204 бемори ҷадиди мубтало ба Ковид-19 дар Эрон шиносоӣ шуд, ки аз ин теъдод 677 нафар бистарӣ шуданд.

Ӯ афзуд, ки маҷмӯи беморони Ковид-19 дар кишвар ба як миллиону 354 ҳазору 520 нафар расида аст.

Лорӣ ҳамчунин хабар дод, ки дар 24 соъати гузашта 93 нафар аз беморони Ковид 19 ҷони худро аз даст доданд. Маҷмӯи ҷонбохтагон бар асари ин беморӣ дар Эрон ба 57 ҳазору 150 нафар расидааст.

Ба гуфти манбаъ, то кунун як миллиону 144 ҳазору 549 нафар аз беморон низ беҳбуд ёфта ва аз бемористонҳо мурраххас шудаанд.

Теъдоди афроди мубтало ба вируси корона дар ҷаҳон низ ба беш аз 97 миллион нафар расида аст, ки аз ин теъдод дастикам ду миллион нафар ҷони худро аз даст доданд ва ҳудуди 70 миллион нафар ҳам беҳбуд ёфтаанд.

Таъсирҳои манфии ваксинаи коронавирус маълум шуд 

Амрико бо ҳудуди 25 миллион мубтало ба вируси корона ва дасти кам 415 ҳазор қурбонӣ , ҳамчунон бештарин теъдоди мубталоёну ҷонбохтагон дар ҷаҳонро ба худ ихтисос додааст.

35
Барчаспҳо:
тандурустӣ, тандурустӣ, беҳбуд бахшидан, вируси корона, Эрон
Дорога Душанбе - Худжанд, архивное фото

Маҳдудияти ҳаракат дар роҳи Душанбе-Чаноқ: шарҳи IRS

0
Вобаста ба шароити ҳаво зарурат пеш омад, ки ҳаракат дар яке аз роҳҳои мушкилгузар дар Тоҷикистон - шоҳроҳи Душанбе-Чаноқ маҳдуд карда шавад

ДУШАНБЕ, 22 янв — Sputnik. Ширкати IRS, ки ба нигаҳобин ва танзими ҳаракат дар шоҳроҳи Душанбе-Чаноқ мутасаддӣ аст, эълон кард, ки дар пайи бад шудани шароити ҳаво дар кишвар дар ин роҳ бархе маҳдудиятҳо ҷорӣ шуданд. Аз ҷумла ҳаракат барои мошинҳои боркашон маҳдуд карда шуд.

Тавре манбаъ тавзеҳ медиҳад, шурӯъ аз шоми дирӯз дар масири роҳи мошингарди Душанбе — Чаноқ бориши барф беист ва пуршиддат буда, баландии барф дар баъзе минтақаҳо ба 50 сантиметр расид.

"Дар робита ба ҳолати баамаломада техникаву механизмҳои филиали Ширкат ба макони зарурӣ сафарбар шуда, фаъолияти шабонарӯзӣ ба роҳ монда шудааст. Ҳоло роҳ кушода буда, вобаста ба зарурат ҳаракати мошинҳои боркаши ядакдор ва "Фура"-ҳо муваққатан маҳдуд карда мешавад", - таъкид мекунад манбаъ.

Ин кор барои эҷод нашудани монеа зимни ҳаракати дигар нақлиёт амалӣ мегардад, меафзояд дафтари матбуотии ширкат.

Аз ронандагон хоҳиш карда мешавад, ки бидуни омодагие, ки ба мавсими сармо хос аст, ба роҳ набароянд. 

0