Истеҳсоли ваксинаи русии "Sputnik V" дар Қазоқистон оғоз ёфт

103
(Таҷдидшуда 17:37 21.12.2020)
Ваксинаи зиди коронавируси Sputnik V-и Русияро дар Қазоқистон маҷмааи дорусозии Караганда истеҳсол мекунад

ДУШАНБЕ, 21 дек — Sputnik. Дар Қазоқистон истеҳсоли ваксинаи коронавируси Sputnik V-и Русия оғоз ёфт, хабар медиҳад хадамоти матбуоти сарвари ҳукумати ҷумҳурӣ.

Қайд карда мешавад, ки ваксина аз ҷониби маҷмааи фармасевтии Караганда истеҳсол карда мешавад.

Оғози истеҳсоли ваксина бо ҳузури сарвазири Қазоқистон, Аскар Мамин шурӯъ шуд.

Тибқи иттилои хадамоти матбуот, дар заминаи маҷмаа марҳила ба марҳила ду миллион дона вояи (доза) ваксинаҳо истеҳсол карда мешаванд.

Созишнома оид ба истеҳсоли ваксина, ки онро Маркази Гамалеяи Русия дар якҷоягӣ бо Бунёди сармоягузориҳои мустақим таҳия кардааст, аз ҷониби президентҳои Қазоқистон ва Русия Қосим Ҷомарт Тоқаев ва Владимир Путин ба имзо расид.

Мувофиқи натиҷаҳои таҳқиқот, коршиносон ваксинаро бехатар дониста, гуфтаанд, он имкон медиҳад, ки ба коронавирус иммунитет ташаккул ёбад.

Эмгузаронии оммавӣ бо "Sputnik V", ки дар Қазоқистон бароварда мешавад, моҳи феврали соли оянда оғоз меёбад.

Ваксинаи сохти русии алайҳи коронавирус бехатарии дусоларо таъмин мекунад

Эмкунӣ ихтиёрӣ хоҳад буд. Пеш аз ҳама, табибон, муаллимон, донишҷӯён, кормандони мақомоти ҳифзи ҳуқуқ метавонанд эм карда шаванд.

103
Барчаспҳо:
истеҳсол, Қазоқистон, Русия
Зима в Душанбе

Коронавирус дар Тоҷикистон: охирин омори вазорат

155
(Таҷдидшуда 19:37 20.01.2021)
Вазорати тандурустӣ мегӯяд, дар мамлакат ҳамоно ягон мавриди сироятшавӣ ба вируси COVID - 19 сабт нашудааст

ДУШАНБЕ, 20 янв — Sputnik. Ҳамакнун давоми 10 шабонарӯз мешавад, ки дар Тоҷикистон сироятшавӣ ба коронаиврус сабт намешавад.

Вазорати тандурустӣ бошад, ҳамарӯза омори ҷадиди коронавирусро нашр мекунад ва рақамҳои сирояту шифоёбӣ ва ҳамчунин фавт аз ин беморӣ  бидуни тағйир, такрор меёбанд.

Охирин мавриде, ки сироятшавии се нафар ба коронаиврус сабт гардида буд, рӯзи 10 январ сурат гирифт. Вале вазорат мегӯяд, ки дар ҷумҳурӣ ягон мубталои коронавирус боқӣ намондааст, дар ҳоле, ки аз мариз шудани се нафари охирин ҳамагт 11 рӯз сипарӣ шуд.

Бар тибқи маълумоти Вазорати тандурустӣ дар Тоҷикистон ҷамъан 13 308 нафар гирифтори коронаиврус шуданд, ки аз ин миён аллакай 13 218 нафар шифо ёфтанд.

Аз 13 308 маризи коронавирус дар Тоҷикистон 90 кас фавтида, дигарон шифо ёфтанд

"Аз оғози бурузи коронавирус дар Тоҷикистон 90 нафар ба ҳалокат расиданд", - таъкид мешавад дар хабари манбаъ.

Дар ҳамин ҳол, имрӯз - 20 январ Ситоди ҷумҳуриявӣ расман эълон кард, ки сар аз 1 феврал дари масоҷид ба рӯи намозгузорон боз мешавад.

"Аз 1-уми феврали соли 2021 дар Тоҷикистон баргузории ибодати дастаҷамъона дар иттиҳодияҳои динӣ, аз ҷумла намозҳои ҷумъа дар масҷидҳо бо риояи қатъии қоидаҳои беҳдоштии шахсию чамъиятӣ иҷозат дода мешавад", - омадааст дар хабари Ситоди ҷумҳуриявӣ.

Манбаъ меафзояд, дар сурати риоя нашудани талаботи гигиенаи шахсию ҷамъиятӣ вобаста ба пешгирии бемориҳои сироятӣ, фаъолияти масҷидҳо метавонад масдуд шавад.

155
Барчаспҳо:
омор, маризӣ, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон
Даст ба дуо, акс аз бойгонӣ

Афзоиши фавти эрониён аз COVID-19

131
(Таҷдидшуда 12:29 20.01.2021)
Вазорати беҳдошт ва дармони Эрон мегӯяд, дар 24 соати гузашта бар асари коронавирус дар ҷумҳурӣ 83 нафар ҷон доданд

ДУШАНБЕ, 19 янв — Sputnik. Шумори қурбониёни коронавирус дар Эрон, ки 83 миллион нафар аҳолӣ дорад, то имрӯз ба 56 ҳазору 973 тан расид. Дар шабонарӯзи гузашта 83 ҳолати фавт аз ин маризӣ сабт шудаанд.

Ба гузориши Вазорати беҳдошт ва дармони Эрон, дар 24 соати гузашта 5 ҳазору 917 бемори ҷадиди мубтало ба COVID-19 дар Эрон шиносоӣ ва аз ин теъдод 518 нафар бистарӣ шуданд, навиштааст сомонаи Парстудей.

Боз 300 ҳазор ваксина "Спутник V" дастраси мардуми Аргентина шуд - видео

Манбаъ афзуд,  маҷмӯи беморони мубтало ба вируси корона дар Эрон ба як миллиону 342 ҳазору 134 нафар расидааст, ки ҳудуди як миллиону 132 ҳазор нафар аз мубталоён ба ин вирус беҳбуд ёфта ва аз бемористонҳо мурраххас шудаанд.

Теъдоди афроди мубтало ба вируси корона дар ҷаҳон низ ба беш аз 96 миллион нафар расидааст, ки аз ин теъдод беш аз ду миллион нафари ҷони худро аз даст дода ва ҳудуди 69 миллион нафар ҳам беҳбуд ёфтаанд.

131
Барчаспҳо:
беморӣ, вируси корона, Эрон

Ҳукумати Қирғизистон боз истеъфо дод

0
(Таҷдидшуда 13:49 21.01.2021)
Тасмими истеъфои кабинаи вазирони Қирғизистон баъд аз эълони натиҷаҳои интихобот сурат гирифтааст

ДУШАНБЕ, 21 янв — Sputnik. Ҳукумати Қирғизистон бо роҳбарии Содир Ҷабборов дубора ба истеъфо рафт, иттилоъ додааст ба хабарнигорон роҳбари дастгоҳи президент Суюнбек Касмамбетов.

Ин тасмимро кабинаи вазирони Қирғизистон дар робита ба эълони натиҷаҳои интихоботи президентӣ гирифтааст.

"Ҳамин ки натиҷаҳои интихобот эълом шуданд, Содир Нургожоевич аз мақоми сарвазир истеъфо дод. Ҳукумат истеъфо дод ва аъзои кабинаи вазирон вазифаҳои худро то ташкили ҳайати нави ҳукумат иҷро хоҳанд кард", - таъкид дошт Касмамбетов.

Ёдрас мешавем, ки Ҷабборов дар ҷараёни тазоҳуротҳо, ки пас аз интихоботи парлумонии моҳи октябр сар зада буд, нахуствазир интихоб шуд.

Дар интихобот ҳузури райдиҳандагон ба 56,5 дарсад расида буд.

Тибқи маълумоти Комиссияи марказии интихоботии Қирғизистон, дар интихобот ду ҳизби ҷонибдори давлат "Биримдик" ("Ваҳдат") ва "Мекеним Қирғизистон" ("Ватани Қирғизистон") раъйи бештарро ба даст оварданд. Инчунин дар интихобот ду ҳизби марказгаро - "Қирғизистон" ва "Бутун Қирғизистон" низ пирӯз шуданд. Қисми боқимондаи фраксияҳо ҳатто то 7 дарсад раъй ба даст наоварданд.

Пас аз эълони натиҷаҳо, дар Бишкек эътирозҳои тарафдорони ҳизбҳое, ки ба парлумон роҳ наёфтанд, оғоз ёфт. Баъдтар, КМИ Қирғизистон натиҷаҳои интихоботи гузаштаро бекор кард ва овоздиҳии нав эълон кард ва Сооронбай Жээнбеков аз вазифаи президентӣ истеъфо дод.

Баъд аз истеъфои Жээнбеков Ҷабборов иҷрокунандаи вазифаи раисҷумҳур интихоб шуд.

0
Барчаспҳо:
Кабинаи вазирони Қирғизистон, интихобот, истеъфо, Ҳукумат, Қирғизистон