Согдийская клиническая больница

Сартабиб: танҳо 3 гирифтори “вируси корона” бистарӣ мондаанд

439
(Таҷдидшуда 20:43 05.01.2021)
Бемористони клиникавии Суғд пурра ба реҷаи фаъоияти муқаррарӣ гузашта, ҳоло омори бистаришавии гирифторони "вируси корона" ба сифр баробар шудааст. Ҳоло танҳо 3 нафар аз COVID-19 табобат мегиранд

ДУШАНБЕ, 5 янв – Sputnik. Баҳодур Муъминов, сартабиби Бемористони клиникавии Суғд ба номи С. Қутфиддинов дар суҳбат ба Sputnik Тоҷикистон омори бистаришавии сокинон аз бемории ҳамагири COVID -19 - ро шарҳ дод.

Сартабиб гуфт, ду ҳафта ба ин тараф ягон ҳолати бистаришавии сокинон аз сироятёбии ин беморӣ ба қайд гирифта нашудааст.

"Бемористони клиникавии Суғд то оғози моҳи декабри соли 2020 ҳудуди ҳафт моҳ пурра ба бистарикунонии беморони каронавируси навъи COVID-19 равона шуда буд. Хушбахтона аз рӯзи 20 декабри соли 2020 пурра ба реҷаи муқаррарӣ гузашт ва ҳоло ҳеҷ яке аз маризони коронавирус боқӣ намондааст", - гуфт Муъминов.

Ҳамсуҳбати Sputnik Тоҷикистон омори бистаришавии сокинон аз "вируси корона" дар бемористонҳои Хуҷандро шарҳ дод.

Сартабиб иброз намуд, ки "ба ҳолати имрӯз танҳо се нафар аз гирифторони бемории ҳамагир дар Бемористони сироятии Суғд воқеъ дар соҳили рости шаҳри Хуҷанд боқӣ мондаанд".

Бемористони сироятии Суғд ва ҳам Бемористони клиникавии Суғд дар Хуҷанд ду бемористони асосӣ дар шимоли Тоҷикистон дониста мешаванд, ки аз замони хуруҷи ин маризӣ барои бистарикунонии гирифторони коронавирус ҷудо шуда буданд.

Бемористони клиникавии ба номи С. Қутфиддинов дар умум аз 26 шуъба ва 680 кат иборат буда, аз калонтарин бемористонҳои Суғд ба ҳисоб меравад.

Ба ҳамин минвол чанд ҳафтаи ахир вазъи коронавирус дар Тоҷикистон рӯ ба беҳбудӣ ниҳодааст.

Аз пневмония фавтиданд: дар Суғд ягон марг аз коронавирус ба қайд гирифта нашудааст

Вазорати тандурустӣ имрӯз бо ироаи омори нав хабар дод, ки дар як шабонарӯзи ахир танҳо 5 мавориди нави сироятшавӣ ба ин вирус сабт гардид.

Ҳоло танҳо 155 нафар, ки бемории мазкурро дар ҳолати сабук мегузаронанд, дар шароити хона ба табобат фаро гирифта шуданд.

439
Барчаспҳо:
маризӣ, омор, Суғд
Кобилчон Гиёев

Қобилҷон Гиёев: “Ҳоло овехтани силоҳ барвақт аст!”

1195
Қобилҷон Гиёев, собиқ сардухтури Шифохонаи марказии ноҳияи Рашт, дар миёни мардум маъруф ба “аҷали коронавирус” мегӯяд, COVID – 19 дар Тоҷикистон ҷазояшро дид, аммо набояд ғафлат кард

ДУШАНБЕ, 15 янв – Sputnik. Ин пизишке, ки аз замони оғози гирудор бо “вируси корона” бо усули ғайримаъмулии табобаташ мавриди таваҷҷӯҳи расонаҳо қарор дошт, ба Sputnik Тоҷикистон гуфт, пирӯзии мардум ва ҳукумати Тоҷикистон, дар навбати аввал, раҳбарияти вазорати тандурустӣ ва тамоми пизишкони кишвар шароитеро ба вуҷуд овардааст, ки “вируси корона” дигар ба он вусъату паҳно сар боло накунад.

“Агарчи дар кишварҳои дигари ҷаҳон ин вирус ҳанӯз бедодгарӣ мекунад, дар Тоҷикистон бо сабабҳои комилан маълум шикаст хӯрдааст. Қабл аз ҳама, дар ҷомеа масъунияти умумӣ ба вуҷуд омад, ки густариши ин маризиро батамом кунд кард. Аз сӯи дигар, боду ҳаво, маҳсулоти аз лиҳози экологӣ тоза ва ҳам гум шудани воҳимаву тарси мардум мӯҷиби ин шикаст шудааст”, - гуфт Қобилҷон Гиёев.

Вазорати тандурустӣ ва ҳифзи иҷтимоии Тоҷикистон дирӯз, 14 январ, эълон кард, ки аз 13 ҳазору 308 гирифтори “вируси корона” 13 ҳазору 218 нафар сиҳат ёфта, 90 нафари дигар ҳам ҷонҳои худро аз даст додаанд.

Ин ба он маънист, ки дар Тоҷикистон дигар касе бо ташхиси гирифторӣ ба “вируси корона” дар шифохонаҳо бистарӣ нест ва касе ҳам сироят наёфтааст.

Омор аз ҳама ҷиҳат ба сифр баробар шудааст. Мантиқан Тоҷикистон аввалин кишваре хоҳад буд, ки бар “вируси корона” пирӯз омадааст.

Собиқ сардухтури Шифохонаи марказии ноҳияи Рашт мегӯяд, воқеан мавориде, ки ӯро барои табобати ин маризӣ даъват мекарданд, коҳиш ёфта, як-ду нафаре боқӣ мондаанд, ки як-ду моҳи қабл ба ӯ муроҷиат намуда, ҳоло мароҳили охирини табобатро тай мекунанд.

Шодихон Ҷамшед: COVID-19 дар фаъолияти муассисаҳои тиббӣ навгониҳои соҳавӣ ворид кард

“Аммо набояд дар ғафлат монд ё ба истилоҳ, силоҳро ба мехи девор овехт. Ин маризӣ он гуна, ки нохост ҷаҳонро ба қабзаи худ гирифт, метавонад нохост дигарбора зуҳур кунад. То он замон, ки хатари он дар тамоми ҷаҳон ба сифр поён намеояд, хатар барои Тоҷикистон боқӣ мемонад”, - гуфт Қобилҷон Гиёев.

Дар ҳамин ҳол, дар расонаҳои ҷаҳонӣ мавзуи “навъи бритониёӣ” – и “вируси корона” чоқ мешавад, ки осори он дар Чину Русия низ ҳувайдо шудааст.

Ба қавли расонаҳо, ин як навъи хатарноктар аз “вируси корона” – ест, ки соли гузашта дар ҳамин шабу рӯзҳо дар вилояти Вуҳани Чин арзи ҳастӣ намуда, баъдтар ҷаҳонро фаро гирифта буд.

"Аҷали вируси корона" куҷост? Қобилҷон Гиёев дар бораи вазъи кунунӣ

Бино ба онҳо, он хеле ба зудӣ густариш меёбад, зуд кушанда аст ва ҳатто ба кӯдакон сироят мекунад. То ба ҳол ҳеҷ кишвари Осиёи Марказӣ аз мавҷудияти он дар ин минтақа дарак надодааст.

Пизишки тоҷик мегӯяд, “навъи бритониёӣ” маълум нест, ки то куҷо реша дар ҳамон вируси пайдошуда дар Чин дорад ва як COVID – 20 хоҳад буд.

“Мутаассифона, созмонҳои ҷаҳоние, ки бо беҳдошт машғуланд, таърифи дурусте аз ин таҳаввулот ва “мутатсия” – ҳои COVID – 19 намедиҳанд. Ин вазъ як гуна воҳимаандозӣ дар ҷаҳонро низ мемонад. Аммо муҳим ин аст, ки акнун Тоҷикистон ва дигар кишварҳои минтақа ҳадди ақал омодагиҳои ибтидоӣ ба ҳама гуна пандемияро доранд. Мо шифохонаҳои махсус таъсис додем. Мардум ҳам аз хеле чизҳо огоҳ аст" – гуфт Қобилҷон Гиёев.

Қобилҷон Гиёев моҳи апрели соли равон дар айни авҷи пандемияи "вируси корона", замоне, ки сардухтури Шифохонаи марказии Рашт буд, ба забони расонаҳо афтод.

Ӯ худ ва даҳҳои нафари дигарро дар ин ноҳияи бо як доруи "Пенстреп", ки барои пневмонияи бузҳо истифода мешуд, табобат кард. Он замон, ки ҳанӯз як реҷаи табобати “вируси корона” дар ҷаҳон вуҷуд надошт, ин дастовардҳои Гиёев таваҷҷӯҳи ҷомиаро ба худ ҷалб кард ва ӯро ба Душанбе овард.

Охирҳои моҳи май дар пайи фурӯкаш шудани гирудори "вируси корона" дар Тоҷикистон ӯ аз вазифаи сардухтурӣ барканор шуд ва то ҳол расман ҷое фаъолият намекунад.

Чигуна Тоҷикистон дар соли 2020 бемории коронавирусро аз сар гузаронд

Вай мегӯяд, дар ин миён бо даъвати маризон ба табобати “вируси корона” машғул буд ва ҳудуди 4 ҳазор нафарро табобат кард. Қобилҷон Гиёев фориғуттаҳсили Донишгоҳи тиббии Тоҷикистон буда, солҳои 2017 то 2020 сардухтури ноҳияи Рашт буд.

1195
Барчаспҳо:
табобат, вируси корона, омор, беморон, табиб, Тоҷикистон
Девушки в защитных масках идут по улице в городе Душанбе

9 рӯз бе коронавирус: дар Тоҷикистон 99,3 фисади дардмандон шифо ёфтанд

116
(Таҷдидшуда 19:15 14.01.2021)
Муддати 9 рӯз мешавад, ки дар Тоҷикистон ягон мавриди гирифторӣ ба маризии коронавирус ба қайд гирифта намешавад

ДУШАНБЕ, 14 январ - Sputnik. Вазорати тандурустӣ хабар медиҳад, ки шабонарӯзи гузашта низ дар Тоҷикистон ягон ҳолати сироятшавӣ ба вируси COVID - 19 сабт нашудааст.

Ба иттилои манбаъ, аз замони авҷ гирифтани ин беморӣ дар Тоҷикистон 13 308 нафар дардманд гардиданд.

На фавт асту на мариз: омори коронавирус дар Тоҷикистон

Ҳоло бошад, аз ин миқдор гирифторон аллакай 13 218 нафар шифо ёфта, аз дармонгоҳҳо мураххас шуданд. Манбаъ меафзояд, дар Тоҷикистон 99,3 дарсади беморон шифо ёфтаанд.

Аммо бояд гуфт, ки аз аввали хуруҷи ин беморӣ то рӯзи 14 январ, дасти кам 90 мариз ҷони худро аз даст доданд.

Бо вуҷуди он ки чанд рӯз пайдаҳам ягон мавриди сироятшавӣ дар кишвар сабт нашудааст, вале маҳдудиятҳое, ки қаблан ҷорӣ буданд, ҳоло ҳам бекор карда нашудаанд.

Пешбинии вазир: коронавирус то тобистон дар Тоҷикистон нест мешавад

Аз ҷумла, дари масоҷид ҳамоно ба рӯи намозгузорон баста аст. Тӯю маъракаҳои дигари хурсандӣ низ бо ҳузури теъдоди ками меҳмонон баргузор мешаванд.

116
Барчаспҳо:
Вазорати тандурустии ҶТ, маризӣ, омор
Мавзуҳо:
Пайомадҳои COVID-19 дар Тоҷикистон ва ҷаҳон

Эмгузаронии оммавӣ алайҳи COVID-19 дар Русия оғоз мешавад-навор

0
Дар Русия аз ҳафтаи оянда, эмгузаронии оммавӣ алайҳи коронависрус оғоз мешавад. Президенти Русия, Владимир Путин дар ин бора ҳукумати кишварашро муваззаф кардааст

Раисиҷумҳури Русия зимни дастури эмгузаронии оммавии аҳолӣ таъкид карда буд, ки ваксинаи русӣ алайҳи коронавирус шароити хоси интиқолро талаб намекунад ва зарур хонд, ки инфрасохтори зарурӣ ҳарчӣ зудтар фароҳам шавад.

Ваксинаи “Sputnik V” аллакай дар бисёр кишварҳои ҳамсоя истифода мешавад. Аз ҷумла дар як пойгоҳи низомии Русия дар Арманистон, ҳайати шахсӣ бо ин ваксина эмгузаронӣ шуданд.

Таъкид мешавад, ки дар ваксинагузаронӣ ҳама чиз ихтиёрӣ, бо розигии хаттии ҳайати низомӣ ва ҳам дигар гуруҳи шаҳрвандон сурат мегирад.

Дар Беларус "Sputnik V"-ро аввалин шуда, табибон гирифтанд.  Баъдтар, дар саросари ҷумҳурӣ беш аз 5,5 миллион нафар эм карда мешаванд.

Дар Қазоқистон ваксинагузаронӣ ҳанӯз оғоз нашудааст, аммо дар Караганда истеҳсоли доруи Русия аллакай дар авҷ аст. 

Дар Украина низ ба "Sputnik V" таваҷҷуҳ доранд. Онҳо аллакай ба ҷамъоварии имзоҳо барои сабти ном ва истеҳсоли ваксинаи Русия шурӯъ кардаанд.

Bloomberg самаранокии ваксинаи русии "Спутник V" -ро тасдиқ кард

Барои онҳое, ки имкони эмгузаронӣ ҳанӯз ба даст наомадааст, хабари хуш низ ҳаст: Озмоишҳои иловагии пӯсти тӯс барои пешгирии коронавирус ба анҷом расиданд. Даво аз ҷониби олимони ёқутистонӣ сохта шудааст. Тадқиқотҳо нишон доданд, ки он хавфи бемориҳоро кам мекунад ва инчунин раванди барқарорсозиро осон месозад.

0
Барчаспҳо:
вируси корона, беморӣ, навор, Русия, Русия