В Центральном военном округе приступили к вакцинации личного состава от коронавируса

Эмгузаронӣ алайҳи коронавирус дар Тоҷикистон кай сар мешавад: посухи Вазорати тандурустӣ

628
(Таҷдидшуда 11:03 09.01.2021)
Намояндаи Вазорати тандурустии Тоҷикистон мӯҳлати тахминии оғози эмгузаронӣ алайҳи коронавирусро дар ҷумҳурӣ гуфт

ДУШАНБЕ, 9 янв - Sputnik. Дар Тоҷикистон ваксина алайҳи коронавирус дар доираи механизми байналмилалии COVAX сурат мегирад, гуфт Наврӯз Ҷаъфаров, сардори Раёсати амнияти санитарию эпидемиологӣ, ҳолатҳои фавқулодда ва ёрии таъҷилии Вазорати тандурустии кишвар.

Ба гуфтаи вай, интиқоли ваксинаи COVID-19 ба ҷумҳурӣ метавонад аз нимаи соли 2021 оғоз шавад.

"Тибқи талаботи механизми байналмилалии иттиҳоди ҷаҳонӣ оид ба ваксинаҳо ва эмкунӣ таҳти сарпарастии ТУТ, Тоҷикистон ба 92 кишваре шомил карда шудааст, ки таҳти COVAX кор хоҳанд кард ", - гуфт Ҷаъфаров.

Ба гуфтаи ӯ, COVAX омодагӣ ва интиқоли ваксинаҳои коронавирусро ба ин кишварҳо ройгон ба зиммаи худ мегирад.

"Ваксина 20% аҳолии кишварро фаро хоҳад гирифт. Ваксинаро нахуст кормандони тиб, муаллимон, шахсони аз 50-сола боло, инчунин шахсони гирифтори бемориҳои музмин мегиранд", - шарҳ дод ӯ.

Ҳамин тариқ, пеш аз ҳама, дар Тоҷикистон тақрибан 1 миллиону 800 ҳазор нафар эм карда мешаванд.

Мақомоти Тоҷикистон аллакай барои ваксина ариза фиристодаанд. Пас аз он ки ваксинаҳои гуногун дар сатҳи ТУТ тасдиқ карда мешаванд, дастрас мешаванд, мӯҳлати дақиқи ваксина аз истеҳсолкунандаи ваксина вобаста аст.

Ёдовар мешавем, ки шумораи умумии гирифторони коронавирус дар Тоҷикистон то 8 январ 13305 нафарро ташкил медиҳад.

Шумораи умумии беморони шифоёфта ба 13153 нафар расидааст. Аз нахустин ҳолати гирифторӣ ба ин беморӣ, ки 30 апрел ба қайд гирифта шудааст, дар кишвар 90 нафар фавтидаанд.

628
Барчаспҳо:
вируси корона, эмгузаронӣ, Тоҷикистон
Миристр здравоохранения Таджикистана Джамолиддин Абдуллозода

Вазири тоҷик: табибони кишвар аз имтиҳони бузург дар самти пешгирӣ аз COVID-19 гузаштанд

159
(Таҷдидшуда 19:52 16.01.2021)
Имрӯз, дар ҷаласаи навбатии мушовараи Вазорати тандурустӣ ва ҳифзи иҷтимоии аҳолии Тоҷикистон бо мақсади ҷамъбасти фаъолият дар соли 2020 баргузор гардид

ДУШАНБЕ, 16 янв — Sputnik. Ҷамолиддин Абдуллозода,  вазири тандурустӣ ва ҳифзи иҷтимоии аҳолии Тоҷикистон зимни ҷаласа иброз намудааст, ки соли 2020 барои кормандони соҳаи тандурустии кишвар соли пурмасъулият ва имтиҳони донишу маҳорат будааст.

“Дар соли сипаригашта бо назардошти пайдоиши бемории сироятии коронавируси нави COVID-19 масъулияти табибони кишвар дар ҷомеа бамаротиб бештар гардида, дар чунин як давраи душвор онҳо тавонистанд бо истифода аз донишу маҳорати касбӣ дар пешгирӣ ва табобати ин беморӣ саҳми арзандаи хешро гузоранд”, - қайд кардааст вазир.

Вай афзуд, ки соли 2020 табибони Тоҷикистон аз як имтиҳони бузург дар самти пешгирӣ ва табобати бемории коронавируси нави COVID-19 гузаштанд.

Вазири тандурустӣ қайд кардааст, ки дар ин давра ҷиҳати вусъат бахшидани чорабиниҳои пешгирикунандаю табобатӣ барои ҳифзи солимии аҳолии кишвар, аз ҷумла дар самти пешгирӣ ва табобати бемории коронавируси нави COVID-19 аз тарафи Вазорати тандурустӣ ва ҳифзи иҷтимоии аҳолӣ дар ҳамкорӣ бо дигар сохторҳои давлатӣ  як қатор тадбирҳои муҳиму саривақтӣ амалӣ карда шуданд.

Сардори Раёсати рушди иҷтимоии Дастгоҳи иҷроияи Президенти Тоҷикистон Гулҷаҳон Абдуфаттоҳзода зимни суханрониаш иброз доштааст, ки давлат имрӯзҳо соҳаи тандурустӣ дар кишвар дар ҳоли рушд қарор дошта, аллакай дар ин самт як қатор пешравиҳои муҳиму назаррас  ба даст омадаанд.

Таъкид шудааст, ки дар идомаи ҷаласа роҳбарони хадамоти соҳавӣ, сардорони раёсатҳои зерсохтори вазорат, сардорони раёсатҳои тандурустии шаҳри Душанбе, ВМКБ, вилоятҳои Хатлону Суғд ва роҳбарони як қатор муассисаҳои тандурустӣ низ доир ба фаъолияти хеш дар соли 2020 ҳисобот доданд.

Ҳамзамон, дар охири ҷаласа қарори ҳайати мушовараи Вазорати тандурустӣ қабул гардида, барои бартараф намудани мушкилот ва камбудиҳои мавҷуда ва дар ин замина беҳтар намудани сатҳ ва сифати хизматрасонии тиббӣ ба аҳолӣ аз ҷониби Ҷамолиддин Абдуллозода, вазири тандурустӣ ба тамоми масъулини соҳа дастуру супоришҳои мушаххас дода шуд.

159
Барчаспҳо:
ҷаласа, ҷамъбаст, вируси корона, тандурустӣ, вазир
Медицинские работники в отделении реанимации и интенсивной терапии в госпитале для больных COVID-19

Ҳолатҳои нави сироятёбӣ ба коронавирус дар Чин: мутахассисони СҶБ вориди Вуҳон шуданд

473
(Таҷдидшуда 16:24 16.01.2021)
Созмони ҷаҳонии беҳдошт ахиран омори нави гирифторон ба коронавирус дар ҷаҳонро эълон кард

ДУШАНБЕ, 16 январ – Sputnik. Тибқи иттилои Созмони ҷаҳонии беҳдошт то санаи 15 январ шумори сироятшудагон  ба 91 миллиону  816 ҳазору 91 нафар расид.

Тибқи иттилои манбаъ, ҷонбохтагон ба 1  миллиону 986 ҳазору 871 нафар расидаааст.

Дар ҳамин ҳол, шумори муолиҷашудагон ба беш аз 67 миллиону нафар расидааст.

Кумитаи ҳолатҳои фавқулоддаи Тоҷикистон хабар додааст, ки намояндагони Созмони ҷаҳонии беҳдошт барои муайян кардани ҷойю макони аввали зуҳури вируси корона ба Вуҳони Чин ворид шуданд.

Тибқи иттилои расида ин коршиносон дар ҳайати 14 нафар ба Чин рафтанд, гуфтушуниди дурудароз билохира самар дод ва Чин 14 январи соли равон ба коршиносону мутахассисони байналмилалӣ иҷозаи вуруд дод.

Дар ин ҳайат вирусшиносон аз Амрико, Австралия, Олмон, Ҷопон, Британияи Кабир, Русия, Нидерландия, Қатар ва Ветнам шомиланд.

Ҳамзамон манбаъ иттилоъ додааст, ки дар Чин бори аввал аз моҳи марти соли гузашта то ба имрӯз шумори зиёди гирифторони нав ба коронавирус ба қайд гирифта шуд. Мақомот гуфтанд, ки шабонарӯзи гузашта 144 нафар чун мубталои нав сабт шуд (моҳи марти соли гузашта 202 нафар буд).  Дар қиёс ба мамолики дигар ин омор чандон зиёд ҳам нест, вале ҳукуматдорони Чин онро чун як бонги изтироб қабул мекунанд.

473
Барчаспҳо:
омор, вируси корона, ҷаҳон, вирус, Чин
В московском Музее Востока открылась выставка В тени вершин

Ифтитоҳи намоишгоҳи саноати дастӣ ва маҳсулоти кишоварзии Афғонистон дар Душанбе

0
(Таҷдидшуда 20:10 16.01.2021)
Намоишгоҳи саноати дастӣ ва маҳсулоти кишоварзии Афғонистон дар шаҳри Душанбе баргузор шуд

ДУШАНБЕ, 16 янв — Sputnik. Маҳсулоти 27 ширкати афғонистонӣ ва корҳои дастии афғонҳои муқими Тоҷикистон дар 40 ғурфаи ин намоишгоҳ арза шудааст, иттилоъ додааст АМИТ  “Ховар”.

Бино бар иттилои манбаъ, ширкатҳои афғонистонӣ дар ин намоишгоҳ колоҳое монанди саноати дастӣ, фарши дастбоф, зарфҳои суфолӣ ва мисӣ, либосҳои суннатӣ ва маҳсулоти кишоварзиро дар маърази диди умум қарор додаанд.

Муҳаммадзоҳир Ағбар, сафири Афғонистон дар Душанбе дар маросими ифтитоҳи ин намоишгоҳ гуфт, ки дар ояндаи наздик низ намоишгоҳи сангҳои қимматӣ ва нимақиматии кишвараш дар пойтахти Тоҷикистон баргузор мешавад.

Вай таъкид кард, ки баргузории чунин намоишгоҳҳо мӯҷиби тақвияти ҳамкориҳои иқтисодӣ ва тиҷории Афғонистону Тоҷикистон хоҳад шуд.

Сафирон ва масъулони теъдоде аз кишварҳои хориҷии муқими Душанбе, намояндагони утоқи саноат ва бозаргонии Тоҷикистон ва фаъолони бахши хусусии ин кишвар аз намоишгоҳи саноати дастӣ ва маҳсулоти кишоварзии Афғонистон боздид карданд.

0
Барчаспҳо:
баргузор, саноат, Душанбе, намоишгоҳ, Афғонистон