Студенты медицинского колледжа

Дар Хоруғ филиали Донишгоҳи тиббии Тоҷикистон барои довталабон боз мешавад

287
(Таҷдидшуда 12:46 09.01.2021)
Довталабон аз минтақаҳои кӯҳии ВМКБ, ки мехоҳанд ба донишгоҳи асосии тиббии Тоҷикистон дохил шаванд, метавонанд дар курсҳои омодагӣ дар филиали нави ДДТТ дар Хоруғ ширкат варзанд

ДУШАНБЕ, 9 янв – Sputnik. Дар Вилояти Мухтори Кӯҳистони Бадахшон Филиали маркази омодагии қаблии Донишгоҳи давлатии тиббии Тоҷикистон ба номи Абуалӣ ибни Сино барои довталабон кушода мешавад, хабар медиҳад АМИТ "Ховар".

Ин марказ дар шаҳри Хоруғ нахустин чунин марказ хоҳад буд ва имсол дар заминаи коллеҷи тиббии маҳаллӣ боз мешавад.

Ин масъаларо аллакай муовини раиси ВМКБ Назира Амирбекзода бо намояндагони донишгоҳ ва масъулини системаи тандурустӣ ва маорифи минтақа баррасӣ кардааст.

Ба гуфтаи устоди ДДТТ, Тоҳир Ниятбеков таъсиси филиали мазкурро дар тайёр намудани довталабони соҳаи  тиб ва пешакӣ омода кардани онҳо барои дохил шудан ба донишгоҳи тиббӣ муҳим арзёбӣ намуда, иброз дошт, ки бо кушода шудани он сифати қабули донишҷӯён ба донишгоҳ дар вилоят беҳтар мегардад.

Таҳсил дар марказ тӯли 8 моҳ идома ёфта, дониши андӯхта ба хонандагон ҳангоми қабул ва минбаъд дар ҷараёни таҳсил дар донишгоҳ кумак хоҳад кард.

Ба гуфтаи ӯ, фаъолияти филиали мазкур дар дигар шаҳру ноҳияҳои ҷумҳурӣ нишон дод, ки 90 дарсади хонандагон баъди хатми он ба ДДТТ дохил мегарданд.

Ба гуфтаи муовини раиси ВМКБ, филиали омӯзиши довталабон ба кӯдакон аз ноҳияҳои дурдасти минтақа барои такмили дониши худ кумак хоҳад кард.

Ғайр аз ин, барои қабул ба марказ барои довталабон аз оилаҳои камбизоат имтиёзҳо муқаррар карда шудааст.

 

287
Даст ба дуо, акс аз бойгонӣ

Афзоиши фавти эрониён аз COVID-19

35
(Таҷдидшуда 20:57 19.01.2021)
Вазорати беҳдошт ва дармони Эрон мегӯяд, дар 24 соати гузашта бар асари коронавирус дар ҷумҳурӣ 83 нафар ҷон доданд

ДУШАНБЕ, 17 янв — Sputnik. Шумори қурбониёни коронавирус дар Эрон, ки 83 миллион нафар аҳолӣ дорад, то имрӯз ба 56 ҳазору 973 тан расид. Дар шабонарӯзи гузашта 83 ҳолати фавт аз ин маризӣ сабт шудаанд.

Ба гузориши Вазорати беҳдошт ва дармони Эрон, дар 24 соати гузашта 5 ҳазору 917 бемори ҷадиди мубтало ба COVID-19 дар Эрон шиносоӣ ва аз ин теъдод 518 нафар бистарӣ шуданд, навиштааст сомонаи Парстудей.

Боз 300 ҳазор ваксина "Спутник V" дастраси мардуми Аргентина шуд - видео

Манбаъ афзуд,  маҷмӯи беморони мубтало ба вируси корона дар Эрон ба як миллиону 342 ҳазору 134 нафар расидааст, ки ҳудуди як миллиону 132 ҳазор нафар аз мубталоён ба ин вирус беҳбуд ёфта ва аз бемористонҳо мурраххас шудаанд.

Теъдоди афроди мубтало ба вируси корона дар ҷаҳон низ ба беш аз 96 миллион нафар расидааст, ки аз ин теъдод беш аз ду миллион нафари ҷони худро аз даст дода ва ҳудуди 69 миллион нафар ҳам беҳбуд ёфтаанд.

35
Барчаспҳо:
беморӣ, вируси корона, Эрон
Мошини ёрии таъҷилӣ дар Душанбе, акс аз бойгонӣ

Омори COVID-19: Вазорат мегӯяд нест, табиб мегӯяд як кас ҳанӯз табобат мегирад

106
(Таҷдидшуда 19:30 19.01.2021)
Вазорати тандурустӣ ва ҳифзи иҷтимоии аҳолии Тоҷикистон мегӯяд, шабонарӯзи гузашта чун рӯзҳои қаблӣ дар ҷумҳурӣ ягон ҳолати гирифторӣ ба коронавирус ба қайд гирифта нашудааст

ДУШАНБЕ, 17 янв — Sputnik. Тибқи иттилои Вазорати тандурустӣ ва ҳифзи иҷтимоии аҳолии Тоҷикистон, дар ҷумҳурӣ аз 10 январ то ҳол ягон ҳолати гирифторӣ ба бемории коронавирус сабт нашудааст. Расман бори охир дар Тоҷикистон рӯзи 10 январ ҳолатҳои гирифторӣ ба коронавирус сабт шуда буд, ки се ададро ташкил дод.

Вазорати тандурустии Тоҷикистон беш аз як ҳафтаи охир дар сомонаи расмии covid.tj хабар медиҳад, ки дар маҷмуъ дар ҷумҳурӣ 13 ҳазору 308 нафар гирифтори коронавирус шудаанд, ки 13 ҳазору 218 нафар шифо ёфта, 90 нафар бар асари ин беморӣ ҷон додаанд.

Бар асоси омори ироакардаи Вазорати тандурустӣ, беш аз як ҳафтаи охир дар ҷумҳурӣ ягон кас гирифтори COVID-19 нест.

Вале, Рустамҷон Бӯрибоев, сартабиби Бемористони сироятии Суғд рӯзи гузашта ба Sputnik Тоҷикистон гуфт, ҳоло танҳо як нафар дар дармонгоҳ аз "вируси корона" табобат мегирад.

Ба иттилои манбаъ, ягона нафаре, ки ҳоло дар Бемористони сироятии Суғд табобат мегирад, сокини ноҳияи Бобоҷон Ғафуров буда, синнаш аз 60 - сола боло аст.

Сартабиб сабаби ба дарозо кашидани муҳлати муолиҷаи ин нафарро шарҳ дода гуфт, ки "бемории ҳамрадиф аз ҷумла қанд ба ҷараёни муолиҷаи ин нафар бетаъсир намондааст. Хушбахтона гузашти се ҳафта саломатии ӯ муътадил шуда ва ба хона рухсатшавиаш ҳам наздик омадааст".

106
Барчаспҳо:
Вазорати тандурустӣ ва ҳифзи иҷтимоии аҳолии ҶТ, вируси корона, беморӣ, Тоҷикистон