Миристр здравоохранения Таджикистана Джамолиддин Абдуллозода

Пешбинии вазир: коронавирус то тобистон дар Тоҷикистон нест мешавад

1180
(Таҷдидшуда 20:29 11.01.2021)
Вазири тандурустии Тоҷикистон омилҳои асосиеро номбар кард, ки боис ба коҳиш ёфтани маризии сироятии коронавирус дар кишвар гардиданд

ДУШАНБЕ, 11 янв — Sputnik. Ҷамолиддин Абдуллозода вазири тандурустии Тоҷикистон мегӯяд, маризии коронавирус дар ҷумҳурӣ майли коҳишёбӣ дорад.

Вазири тоҷик дар мусоҳиба бо агентии "Ховар" изҳор доштааст, ки дар Тоҷикистон сироятиёбӣ ба COVID - 19 метавонад дар соли оянда коҳиш ёбад.

Эмгузаронӣ алайҳи коронавирус дар Тоҷикистон кай сар мешавад: посухи Вазорати тандурустӣ

Ба боварии ӯ ин маризӣ дар Тоҷикистон то авоили фасли тобистон шояд тамоман нест шавад.

Зимнан, Абдуллозода омилҳоеро номбар кард, ки роҳи паҳншавии даҳшатбори ин маризиро дар Тоҷикистон боздоштанд.

Омили асосӣ дар пешгирӣ кардан аз авҷи ин беморӣ ин ба карантин фаро гирифтани шаҳрвандоне, ки аз кишварҳои хориҷ ба мамлакат ворид шудаанд, ба ҳисоб меравад.

"Омили дигаре, ки ба коҳиш ёфтани шумораи гирифторони бемории коронавирус дар кишвар сабаб гардид, қарори Ситоди ҷумҳуриявӣ оид ба пурзӯр намудани чораҳои зиддиэпидемикӣ барои пешгирии интиқоли минбаъдаи он Тоҷикистон мебошад", - мегӯяд Абдуллозода.

Зимнан, манъ шудани баргузории ҳама гуна чорабиниҳои тантанавӣ, аз ҷумла ташкили арчаи солинавӣ, чорабиниҳои фарҳангии оммавӣ, нишастҳои ҷашнӣ, шабнишиниҳо ва дигар чорабиниҳои оммавӣ аз сабабҳои дигари коҳиш ёфтани коронавирус дар Тоҷикистон мебошад.

Вазири тоҷик мегӯяд, тарс ва таҳлука аз беморӣ яке аз сабабҳои фавти гирифторони коронавирус ба ҳисоб меравад.

Ҳамагӣ 5 маризи нав: омори коронавирус дар Тоҷикистон

Бояд изҳор намуд, ки маризии сироятии коронавирус ҳоло дар аксар кишварҳои ҷаҳон ҳамоно нигаронкунанда боқӣ мемонад.

Дар Русия алайҳи ин маризӣ ду ваксина истеҳсол шуд ва шумораи зиёди хоҳишмандон бар зидди COVID - 19 эм мегиранд.

1180
Барчаспҳо:
пешгӯӣ, Тоҷикистон, тандурустӣ, вазир
Мавзуҳо:
Пайомадҳои COVID-19 дар Тоҷикистон ва ҷаҳон (921)

Ройгон ва ихтиёрӣ: дар Русия эмгузаронии оммавӣ шурӯъ шуд

137
(Таҷдидшуда 13:40 18.01.2021)
Дар Русия сар аз имрӯз эмгузаронии оммавӣ шурӯъ шуд. Чунин супоришро ҳафтаи гузашта Владимир Путин ба мақомотҳои марбута дода буд

ДУШАНБЕ, 18 янв — Sputnik. Шурӯъ аз рӯзи душанбеи 18 январ дар Русия бо супориши Владимир Путин маъракаи эмгузаронии оммавӣ шурӯъ шуд, хабар медиҳад РИА Новости.

Ба иттилои манбаъ, шаҳрвандони Русия метавонанд бевосита аз миёни ду ваксинае, ки дар Русия раcман сабти ном шудаанд якеро интихоб карда, эм гиранд.

Бори нахуст: мубталошавии 20 000 нафар дар Русия ба коронавирус давоми як рӯз

Гуфта мешавад, маъракаи эмгузаронӣ комилан ройгон аст.

Ҳукумати Русия ҳанӯз моҳи декабри соли гузашта эълон намуд, ки нахуст пизишкону муаллимон, кормандони хизматрасонии иҷтимоӣ ва ҳамчунин нафароне, ки маризи қанду дил ва фарбеҳӣ доранд, эм мешаванд.

Рӯзҳои истироҳатӣ ҳам: идомаи эмкунии сартосарӣ аз коронавирус дар Русия - навор

Зимнан, рӯзи 13 январ кишвардори Русия Владимир Путин супориш дод, ки дар минтақаҳо шумораи нуқтаҳои эмгузаронӣ афзун карда шавад.

Бояд таъкид намуд, ки дар Русия расман ваксинаи "Спутник V" аз маркази  Гамалея ва “ЭпиВакКорона"- и ”Вектор” расман сабти ном шуданд.

137
Барчаспҳо:
эмгузаронӣ, Русия

Афзоиши фавтидагон аз COVID-19 дар Эрон

122
Вазорати беҳдошти Эрон мегӯяд, теъдоди ҷонбохтагон аз COVID-19 дар ҷумҳурӣ ба 56 ҳазору 803 нафар расид

ДУШАНБЕ, 17 янв — Sputnik. Тибқи иттилои Вазорати беҳдошт, шабонарӯзи гузашта 86 нафар аз COVID-19 фавтида, теъдоди умумӣ ба 56 ҳазору 803 нафар расид.

Радиои тоҷикии Садои Хуросон аз қавли Вазорати беҳдошт, дармон ва омӯзиши пизишкии Эрон хабар додааст, ки дар 24 соати гузашта 6 ҳазору 16 бемори нави гирифтор ба корона дар Эрон шиносоӣ ва 631 нафар аз онҳо бистарӣ шуданд.

Бар асоси маҷмӯи беморони вируси  COVID-19 дар Эрон ба як миллиону 330 ҳазору 411 нафар расидааст, ки то кунун 1 миллиону 119 ҳазору 137 нафар аз ин беморон беҳбуд ёфта ва ё аз бемористонҳо ҷавоб шудаанд.

Манбаъ афзуд, бемории COVID-19бар асоси омори расмии кишварҳо то кунун беш аз наваду панҷ миллион нафарро дар дунё мубтало карда ва беш аз ду миллион нафар низ бар асари ин беморӣ ҷони худро аз даст додаанд.

122
Барчаспҳо:
Эрон
Президент Республики Таджикистан Эмомали Рахмон

Таъиноти кадрӣ аз Бонки миллӣ то Прокуратураи генералӣ: президент кадрҳоро ҷобаҷо кард

108
Эмомалӣ Раҳмон, раисҷумҳури Тоҷикистон дар як қатор ниҳодҳои кишвар тағйироти кадрӣ анҷом дода, кадрҳоро ҷобаҷо кард

ДУШАНБЕ, 18 янв — Sputnik. Тавре дафтари матбуоти президенти Тоҷикистон гузориш медиҳад, Эмомалӣ Раҳмон  дар соҳаҳои мақомоти ҳифзи ҳуқуқ — Прокуратураи генералӣ, Агентии назорати давлатии молиявӣ ва мубориза бо коррупсия, Сарраёсати иҷрои ҷазои ҷиноятии Вазорати адлия, Бонки миллӣ, Вазорати рушди иқтисод ва савдо тағйироти кадрӣ анҷом дод.

Презиндент кадрҳои таъингардидаро имрӯз ба ҳузур пазируфтааст.

"Бо Фармонҳои Президенти Ҷумҳурии Тоҷикистон Толибзода Фирдавс ва Ёқубзода Мирҳаёт ба вазифаҳои муовинони Раиси Бонки миллии Тоҷикистон таъин гардиданд. Восидиён Фарҳод бо Қарори Ҳукумати Ҷумҳурии Тоҷикистон муовини вазири рушди иқтисод ва савдо таъин карда шуд", - менависад манбаъ.

Гуфта мешавад, сардорони Раёсатҳои Агентии назорати давлатии молиявӣ ва мубориза бо коррупсия дар Вилояти Мухтори Кӯҳистони Бадахшон, вилояти Хатлон ва дигар Раёсатҳои дастгоҳи марказии Агентии мазкур аз ҳисоби кадрҳои ҷавону ботаҷриба таъин гардиданд.

Бо фармони Раҳмон ваколати судяи суди вилояти Хатлон қатъ шуд

"Ба вазифаи прокурори Вилояти Мухтори Кӯҳистони Бадахшон, прокуророни ноҳияҳои Рашт, Сангвор, Ховалинг, Мир Саид Алии Ҳамадонӣ, Бобоҷон Ғафуров ва ноҳияи Шоҳмансури шаҳри Душанбе кормандони собиқадору соҳибтаҷриба таъин шуданд", - меафзояд манбаъ.

 Эмомалӣ Раҳмон зимни сӯҳбат бо кадрҳо аз мушкилоту камбудӣ ва қонуншиканиҳо дар сохторҳои зикргардида ёдовар шуда, барои ислоҳи камбудиҳои ҷойдошта дар системаи идораи бонкӣ, бурдани назорати ҷиддии прокурорӣ ва пешгирии қонуншиканиҳо дар самти замин, роҳ надодан ба қочоқи молу маҳсулот, мубориза бар зидди ҷиноятҳои дорои хусусияти коррупсионӣ ва дигар масъалаҳои ҳалталаб мисолҳои мушаххас оварда, иҷрои ҳатмии камбудиҳоро дар муҳлатҳои майян талаб намуданд.

108