Сироятёбии наздик ба 91 миллион нафар: шумори гирифторон ба COVID-19 дар ИМА афзоиш ёфт

69
(Таҷдидшуда 14:32 12.01.2021)
Шумори гирифторони COVID-19 дар ҷаҳон ба 90 миллиону 702 ҳазору 906 нафар расид. Бино ба омори охир танҳо шабонарӯзи гузашта дар ИМА 222 900 нафар ба ин вирус гирифтор шуданд

ДУШАНБЕ, 12 янв – Sputnik. Бино ба омори Донишгоҳи Ҷонз Ҳопкинзи Амрико то кунун аз ин беморӣ дар ҷаҳон 1 миллиону 943 ҳазору 432 нафар ҷони худро аз даст доданд, иттилоъ додааст КҲФ-и Тоҷикистон.

Гуфта шудааст, ки дар шабонарӯзи гузашта боз 9 968 нафар фавтиданд. Шумори пурра муолиҷашудагон 64 миллиону 825 ҳазору 048 нафар эълон гардид.

То имрӯз аз ҳама бештар мариз дар Амрико ба қайд гирифта шудааст.  Бино ба омори охир танҳо шабонарӯзи гузашта дар ин кишвар 222 900 нафар ба ин вирус гирифтор шуданд. Аз ин беморӣ зарфи шабонарӯзи гузашта 2 048 нафар ҷон бохтанд. 

Русия дар шохиси кишварҳои гирифтор ба коронавирус дар ҷойи чаҳорум қарор дорад. Дар се ҷойи аввал Амрико, Ҳинд ва Бразилия ҷой гирифтаанд. 

Бояд қайд кард, ки ахиран дар Русия аввалин ҳодисаи мубталоӣ ба гунаи бритониёии коронавирус ба қайд гирифта шуд. Ин нафар ахиран аз Бритониё баргашта буд.

Дар як шабонарӯзи гузашта дар 83 минтақаи Русия 22 851 ҳодисаи нави гирифторӣ ба КОВИД -19 сабт шуд. 11,3 дарсади дардмандон аломат надоштанд. Сироятшудагони бештар дар шаҳрҳои Маскав (4 216), Санкт-Петербург (3 010), вилоятҳои Маскав (1 292), Нижегород (472) ва Воронеж (390) ба қайд гирифта шуданд.

Дар Ҷопон чор ҳодисаи гирифторӣ ба штамми нави коронавирус  COVID-19 сабт шуд. Ин чор нафар рӯзи 6 январ аз Бразилия омада буданд.

Ёдрас мешавем, ки тибқи иттилои Вазорати тандурустӣ ва ҳифзи иҷтимоии Тоҷикистон аз аввали ҳамагирӣ дар кишвар 13 308 нафар чун мубтало ба коронавирус ба қайд гирифта шуданд. Шумори муолиҷашудагон 13 215 нафар ё 99,3% ва фавтидагон 90 нафар эълон шудааст.

69
Барчаспҳо:
гирифторон, қайд, шабонарӯзӣ, ҷаҳон, вируси корона

Ройгон ва ихтиёрӣ: дар Русия эмгузаронии оммавӣ шурӯъ шуд

107
(Таҷдидшуда 13:40 18.01.2021)
Дар Русия сар аз имрӯз эмгузаронии оммавӣ шурӯъ шуд. Чунин супоришро ҳафтаи гузашта Владимир Путин ба мақомотҳои марбута дода буд

ДУШАНБЕ, 18 янв — Sputnik. Шурӯъ аз рӯзи душанбеи 18 январ дар Русия бо супориши Владимир Путин маъракаи эмгузаронии оммавӣ шурӯъ шуд, хабар медиҳад РИА Новости.

Ба иттилои манбаъ, шаҳрвандони Русия метавонанд бевосита аз миёни ду ваксинае, ки дар Русия раcман сабти ном шудаанд якеро интихоб карда, эм гиранд.

Бори нахуст: мубталошавии 20 000 нафар дар Русия ба коронавирус давоми як рӯз

Гуфта мешавад, маъракаи эмгузаронӣ комилан ройгон аст.

Ҳукумати Русия ҳанӯз моҳи декабри соли гузашта эълон намуд, ки нахуст пизишкону муаллимон, кормандони хизматрасонии иҷтимоӣ ва ҳамчунин нафароне, ки маризи қанду дил ва фарбеҳӣ доранд, эм мешаванд.

Рӯзҳои истироҳатӣ ҳам: идомаи эмкунии сартосарӣ аз коронавирус дар Русия - навор

Зимнан, рӯзи 13 январ кишвардори Русия Владимир Путин супориш дод, ки дар минтақаҳо шумораи нуқтаҳои эмгузаронӣ афзун карда шавад.

Бояд таъкид намуд, ки дар Русия расман ваксинаи "Спутник V" аз маркази  Гамалея ва “ЭпиВакКорона"- и ”Вектор” расман сабти ном шуданд.

107
Барчаспҳо:
эмгузаронӣ, Русия

Афзоиши фавтидагон аз COVID-19 дар Эрон

121
Вазорати беҳдошти Эрон мегӯяд, теъдоди ҷонбохтагон аз COVID-19 дар ҷумҳурӣ ба 56 ҳазору 803 нафар расид

ДУШАНБЕ, 17 янв — Sputnik. Тибқи иттилои Вазорати беҳдошт, шабонарӯзи гузашта 86 нафар аз COVID-19 фавтида, теъдоди умумӣ ба 56 ҳазору 803 нафар расид.

Радиои тоҷикии Садои Хуросон аз қавли Вазорати беҳдошт, дармон ва омӯзиши пизишкии Эрон хабар додааст, ки дар 24 соати гузашта 6 ҳазору 16 бемори нави гирифтор ба корона дар Эрон шиносоӣ ва 631 нафар аз онҳо бистарӣ шуданд.

Бар асоси маҷмӯи беморони вируси  COVID-19 дар Эрон ба як миллиону 330 ҳазору 411 нафар расидааст, ки то кунун 1 миллиону 119 ҳазору 137 нафар аз ин беморон беҳбуд ёфта ва ё аз бемористонҳо ҷавоб шудаанд.

Манбаъ афзуд, бемории COVID-19бар асоси омори расмии кишварҳо то кунун беш аз наваду панҷ миллион нафарро дар дунё мубтало карда ва беш аз ду миллион нафар низ бар асари ин беморӣ ҷони худро аз даст додаанд.

121
Барчаспҳо:
Эрон
Марде дар майдони сохтмонӣ, акс аз бойгонӣ

Дастури Путин барои сода кардани ҷалби муҳоҷирон ба сохтмонҳо

0
Владимир Путин, раисиҷумҳури Русия, ба кабинаи вазирон дастур додааст, ки ба масъалаи сода кардани ҷалби муҳоҷирони меҳнатӣ ба сохтмонҳо расидагӣ кунад

ДУШАНБЕ, 18 янв — Sputnik. Раисиҷумҳури Русия ба Кабинаи вазирон супориш додааст, ки то 1 март масъалаи ҷалби содаи муҳоҷирони меҳнатӣ ба сохтмонҳо дар замони пандемияро баррасӣ намояд, хабар додааст РИА Новости.

“Путин ба Ҳукумат супориш дод, то 1 март ба масъалаи ҷалби содаи муҳоҷирон ба соҳаи сохтмон расидагӣ кунад”, - таъкид шудааст дар хабар.

Аз ҷумла баррасии ҷалби муҳоҷирони меҳнатӣ аз кишварҳои узви ИДМ ба сохтмонҳо бо риояи қоидаҳои беҳдоштӣ дар назар аст.

Қаблан Путин дар бораи ин масъала изҳор дошт, ки бояд имкон дод, то ҳам муҳоҷирон маблағ кор кунанду ҳам соҳаи сохтмон рушд ёбад.

Раисиҷумҳури Русия аз камбуди нерӯи корӣ дар бахши сохтмон суҳбат карда, таъкид намуда буд, ки ин мавзуъро бо ноиби сарвазир Марат Хуснуллин баррасӣ карда буд.

Вазорати сохтмони Русия барои вуруди соддаи муҳоҷирони меҳнатӣ бо риояи қоидаҳои беҳдоштӣ пешниҳод карда буд. Зикр гардид, ки ширкатҳои ниёзманд ба нерӯи корӣ метавонанд муҳоҷирони меҳнатиро бо риояи қоидаҳои беҳдоштӣ ва таъмини кору манзили зист ҷалб намоянд.

0
Барчаспҳо:
муҳоҷирон, Русия