Прохожие на улице в Душанбе

Хушхабар: дар Тоҷикистон ягон маризи коронавирус намонд

1726
(Таҷдидшуда 22:40 13.01.2021)
Давоми чанд рӯзи охир дар Тоҷикистон ягон мавориди фавт аз маризии коронавирус ба қайд гирифта нашудааст

ДУШАНБЕ, 13 янв – Sputnik. Вазъи коронавирус дар Тоҷикистон рӯ ба беҳбудӣ ниҳодааст. Аллакай чанд рӯз пайдарҳам ягон ҳолати мариз шудани шаҳрвандон ба вируси COVID - 19 сабт нашудааст.

Вазорати тандурустӣ дар омори ахири эълоннамудааш зикр намудааст, ки шабонарӯзи гузашта низ дар Тоҷикистон фавту маризӣ ба қайд гирифта нашудааст.

Теъдоди умумии дардмандон дар кишвар аз замони аввали хуруҷи ин маризӣ то рӯзи 13 январ, ба 13 308 нафар баробар аст, ки аз ин миён аллакай 13 218 нафар комилан шифоӣ ёфта, аз дармонгоҳҳо мураххас шуданд.

Пешбинии вазир: коронавирус то тобистон дар Тоҷикистон нест мешавад

Феълан дар беморхонаҳои Тоҷикистон ягон маризи коронавирус намондааст.

Манбаъ меафзояд, аз аввали хуруҷи беморӣ 90 нафар дардмандони коронавирус ҷон аз даст доданд.

1726
Барчаспҳо:
омор, Вазорати тандурустӣ ва ҳифзи иҷтимоии аҳолии ҶТ, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон (938)
Медицинские работники в отделении реанимации и интенсивной терапии в госпитале для больных COVID-19

Вазорат: дар Тоҷикистон шабонарӯзи гузашта касе гирифтори каронавирус нашуд

43
Вазорати тандурустии Тоҷикистон аз сабт нашудани ягон ҳолати гирифторӣ дар давоми 24 соати гузашта хабар дод

ДУШАНБЕ, 27 янв — Sputnik. Вазорати тандурустӣ ва ҳифзи иҷтимоии аҳолии Тоҷикистон иттилоъ медиҳад, ки дар як шабонарӯзи охир дар ҷумҳурӣ ягон ҳолати нави гирифторшавии шаҳрвандон ба бемории коронавируси нави COVID-19 ба қайд гирифта нашуд.

Бино ба гузориши ин ниҳод, дар маҷмӯъ то имрӯз дар кишвар 13308 нафар гирифторони сирояти коронавируси нави COVID-19 ба қайд гирифта шудааст.

Аз ин теъдод то санаи зикргардида 13218 нафар ё 99,3% шифо ёфта, 90 нафар бар асари ин беморӣ фавтидаанд.

Ёдрас мешавем, ки ахиран Эмомалӣ Раҳмон расҷумҳури Тоҷикистон зимни ироаи паёми солона ба парлумони кишвар аз пирӯзии кишвар бар вируси корона хабар дод.

"Мо имрӯз шукрона мекунем, ки аз оғози моҳи январ дар кишварамон бемории сироятии КОВИД – 19 аз байн рафтааст", - гуфт президент.

Раисиҷумҳур таъкид кард, лекин ин чунин маънӣ надорад, ки мо ба саломатии худ ва атрофиёнамон бепарвоӣ зоҳир намоем, балки чун пештара бояд ҳушёр бошем, ба қоидаҳои беҳдошти шахсиву ҷамъиятӣ эътибори ҷиддӣ диҳем ва ҳамдигарро эҳтиёт кунем.

43
Барчаспҳо:
тандурустӣ, вазорат, гирифторон, вируси корона, Тоҷикистон

Мясников: Тоҷикистон аз сироятёбии сартосарӣ аз коронавирус канор намемонад

1389
(Таҷдидшуда 18:36 27.01.2021)
Пизишки маъруфи Русия ва ровии телевизион Александр Мясников назари худро дар бораи пирӯзии Тоҷикистон бар вируси корона шарҳ дод

ДУШАНБЕ, 27 янв — Sputnik. Пизишки аршади бемористони №71-и ба номи М.Е.Жадкевич, пизишки хизматнишондодаи шаҳри Маскав, ровии телевизион ва нависанда Александр Мясников дар гуфтугӯ бо Sputnik Тоҷикистон гуфт, ки мутаассифона Тоҷикистон аввалин кишвар нест, ки бар вируси корона пирӯзӣ эълон кардааст.

“Барои мисол вазъи Гурҷистон бисёр рушан аст, Ожонсиҳои Ғарб онро ҳамчун як тарзи дурусти мубориза бо коронавирус мисол меоранд, ки дар он ҷо умуман ин беморӣ авҷ наёфта буд", таъкид дошт коршинос.

Ба Тоҷикистон ваксинаи зидди коронавирус расид: барои низомиёни Русия

Дар ҳамин ҳол, Мясников нагуфт, ки кадом омилҳо сабабгори омори пасти сироятёбӣ ба коронавирус будааст.

"Агар дар Тоҷикистон 1 дарсади аҳолӣ воқеан бемор бошад, ин маънои онро дорад, ки коронавирус ба онҷо акнун мерасад – ва онҳо дигар роҳи гурез надоранд. Ҷое набуд, дар онҷо эълон шавад ки “ниқоб пӯшед”, ба қарантина равон кунанду сипас аз пирӯзӣ эълон кунанд", - гуфт бо шубҳа табиб.

Пизишк Мясников гумон мекунад, ки мавҷи воқеии коронавирус то ҳол ба Тоҷикистон нарасидааст.

"То он даме, ки фоизи муайяни аҳолӣ ба COVID-19 гирифтор нашавад, ин вирус нобуд нахоҳад шуд. Сирояёбии як дарсади аҳолӣ, инро ҳатто авҷи беморӣ гуфтан намешавад",- гуфт мутахассис.

Вай қайд кард, ки чунин вазъ, яъне коҳиши назарраси сироятёбӣ ба вирус аллакай дар бархе кишварҳо ва минтақаҳои гуногуни Русия мушоҳида шуда буд. Ин одатан пас аз афзоиши беморӣ ба амал меояд.

"Мо наметавонем бо тӯри моҳигирӣ хомӯшакро нигоҳ дорем. Чиқадар вақт мегузарад маълум нест. Ягона роҳи наҷот ин эмгузаронӣ аст", -  гуфт пизишки машҳури Русия Александр Мясников.

1389
Барчаспҳо:
пизишк, пирӯзӣ, вируси корона, Тоҷикистон, Русия

Таъкиди Раҳмон ба таъйиноти кадрӣ ва ҳисоботи рондани тасодуфиҳо аз гумрук, андоз ва бонк

86
(Таҷдидшуда 22:37 27.01.2021)
Музафффар Ашӯриён, вазири адлияи Тоҷикистон дар ҷаласаи васеи Ҳукумат ба Эмомалӣ Раҳмон гузориш дод, ки мақомоти гумрук, андоз, идораи давлатӣ ва бонкҳо аз шахсони тасдуфию ғайрикасбӣ тоза карда шуданд

ДУШАНБЕ, 27 янв — Sputnik. Тибқи иттилои котиботи раисиҷумҳури Тоҷикистон, имрӯз дар маҷлиси  васеи Ҳукумати мамлакат ҳисоботи вазири адлияи ҷумҳурӣ Музаффар Ашуриён оид ба натиҷаи аттестатсияи кормандон шунида шуд.

Вазир гузориш додааст, ки аттестатсияи корманди сохторҳои молия, андоз, гумрук, сармоягузорӣ ва идораи амволи давлатӣ, бонки миллӣ ва бонки давлатии амонатгузории Тоҷикистон “Амонатбонк”,  аз 3 марти соли 2019 то 7 декабри соли 2020 идома дошт

Вазири адлия таъкид кардааст, ки аз сохторҳои зикршуда 7523 нафар аз аттестатсия гузаштанд.

“Аз руи натиҷаи аттестатсия аз сохторҳои номбаршуда шахсони тасодуфӣ, ғайрикасбӣ ва нафароне, ки ба талабот ҷавобгӯ набуданд, аз вазифа озод ва баъзеашон ба вазифаҳои паст гузаронида шуданд”, - изҳор дошт вазири адлия. Аммо Ашӯриён нагуфтааст, тасодуфиён дар ин мақомот чанд нафарро ташкил додаанд.

Дар посух Эмомалӣ Раҳмон таъкид намудаст, ки минбаъд низ ба хотири ҷобаҷогузории дурусти кадрҳо дар вазорату идораҳои давлатӣ назорат пурзӯр гардида, тадбирҳои мушаххас андешида шавад.

Аттестатсия дар ҳоле сурат гирифтааст, ки Эмомалӣ Раҳмон қаблан аз фасодкории густурда дар мақомоти молия, аз ҷумла андоз, гумрук ва бонкҳо интиқод карда, таъкид намуда буд, ки афроди баландпоя низ дар он даст доранду барои ислоҳи вазъ супориш дод.

86
Барчаспҳо:
тағйироти кадрӣ, тағйироти кадрӣ, Тоҷикистон, Тоҷикистон