Ҷазои 100 тоҷири дору барои қиматфурӯшӣ дар замони пандемия

264
(Таҷдидшуда 13:24 03.02.2021)
Дар Тоҷикистон нисбати 100 фурӯшандаи маводи доруворӣ дар робита ба худсарона қимат намудани арзиши ин навъ мавод санадҳои маъмурӣ тартиб дода шуд

ДУШАНБЕ, 3 феврал - Sputnik. Дар замони пандемия нархи маводи доруворӣ на танҳо дар Тоҷикистон, балки дар кишварҳое, ки истеҳсолкунандаи асосии ин навъ мавод ба ҳисоб мераванд, боло ҷаст, гуфт роҳбари Хадамоти зиддиинҳисории Тоҷикистон зимни нишасти хабарӣ.

Абдулмаҷид Муъминзод дар ҷамъи хабарнигорон аз бешарафии аксар фурӯшандаҳои маводи доруворӣ хабар дода, гуфт "дар шароити мушкили пандемия агар бисёриҳо дар ғами наҷот додани ҷони худу пайвандон қарор доштанд, аксари дигар дар фикри пур кардани ҳамёни худ буданд".

Ӯ мегӯяд, сар аз моҳи апрел, замоне, ки маризии коронаиврус ба Тоҷикистон расид, якбора гарон шудани нархи маводи доруворӣ мушоҳида шуд.  

Раҳбари Хадамоти мазкур аз саҳми кормандони прокуратура, вазорати беҳдошт ва кормандони ниҳоди зердасташ дар мӯътадил овардани қимати маводи доруворӣ таъкид намуда, афзуд, ки ҳудуди 100 фурӯшандаи маводи доруворӣ дар робита ба худсарона гарон кардани арзиши дору муайян ва ҷазо дода шуданд.

Рустами Эмомалӣ аз дорухатҳои "фармоишӣ" гуфт: аз дорухонаҳои алоҳида мехаранд

Абдулмаҷид Муъминзод мегӯяд, нархи маводи дорувориро асосан фурӯшандаҳои мустақил гарон карданд.

Ӯ таъкид намуд, ки ҳоло нархи ин навъ мавод мӯътадил шудааст ва дар самти якнавохт нигоҳ доштани арзиши дору, мақомоти марбута ҳамарӯза санҷишу таҳлилҳо баргузор мекунанд.

Аз гаронии нархи маводи доруворӣ дар шабакаҳои иҷтимоӣ мардум шадидан изҳори нигаронӣ мекарданд.

Доруи "Арбидол", ки пизишкон ҳинни авҷ гирифтани ин маризӣ дар Тоҷикистон бисёр тавсия медоданд, аз 50 сомонии нархи аввала то 250 сомонӣ гарон шуд.

Ба мисли ин дору, номгӯи чандин табҳои дигар низ ба ҳадде гарон шуд, ки мардумро ночор кард.

Ҳоло дар Тоҷикистон беш аз 2 ҳафта мешавад, ки ин маризӣ дигар сабт нашудааст.

264
Барчаспҳо:
гарон, дору, Тоҷикистон
Овощи на сельскохозяйственной выставке в Худжанде

Дар хонаи ҳама ҳаст: маълум шуд, ки кадом сабзавот хатари маргро кам мекунад

488
Олимон аз хусусияти ғайриоддии маҳсулоте, ки дар яхдон ҳама ҳаст, дар тааҷҷуб афтодаанд: он хавфи маргро кам мекунад

ДУШАНБЕ, 28 фев — Sputnik. Олимони Иёлоти Муттаҳида маҳсулотеро номбар карданд, ки истифодаи он дар хӯроки ҳамарӯза ба кам кардани хавфи марг то чоряк мусоидат мекунад, менависад Express.

Ҳамин тавр, мутахассисони Ассотсиатсияи қалби амрикоӣ чунин хосиятҳои ғайриоддиро дар қаламфури чили пайдо карданд. Ин сабзавот метавонад хатари мурдан аз бемориҳои дил ва саратонро коҳиш диҳад.

Барои тасдиқи ин далел, олимон таҳқиқоти васеъ анҷом доданд, ки дар ҷараёни он маълумот дар бораи саломатии беш аз 570 ҳазор нафарро санҷиданд.

Ҳангоми таҳлил коршиносон хусусияти аҷиберо муайян карданд: онҳое, ки  дар хӯроки ҳамарӯзаи қаламфур истеъмол мекунанд, хавфи марг дар онҳо аз патологияи дилу рагҳо 26% ва аз саратон - 23% коҳиш меёбад.

Тибқи гуфтаи олимон, ин хусусияти сабзаҷотро бо мавҷудияти моддае бо номи капсатсин шарҳ додан мумкин аст. Он як қатор таъсири судманд дорад.

Капсатсин дорои хосиятҳои зидди илтиҳобӣ, антиоксидант ва зидди саратон мебошад. Ғайр аз он, он сатҳи глюкозаи хунро танзим мекунад.

Қаблан, олимон дар бораи хосиятҳои судманди чормағз барои занони аз 50-сола боло маълумот доштанд. Онҳо сафедаи сабзавот доранд, ки метавонанд ба марги бармаҳал аз бемориҳои дилу раг ва бемории заъиф таъсир расонанд.

Топ - 5 ғизо, ки инсонро ҷавон нигоҳ медоранд

Ва ғизое, ки хавфи маргро аз сабаби бемории девонагӣ то 20% зиёд мекунад, истеъмоли пайвастаи гӯшти сурх номида мешуд.

Қаблан, олимон дар бораи хосиятҳои судманди чормағз барои занони аз 50-сола боло гуфта буданд.

Чормағз дорои сафедаи растанӣ аст, ки метавонанд марги бармаҳалро аз бемориҳои дилу раг пешгирӣ кунад.

Истеъмоли зиёди гӯшти сурх бошад, хатарнок арзёбӣ мешавад.

488

Таҳиягарони нахустин ваксина гуфтанд, душманони Русия аз пешсафии "Спутник V" меҳаросанд

141
(Таҷдидшуда 20:07 26.02.2021)
Таҳиягарони нахустин ваксина мегӯянд, душманони Русия аз пешсафии "Спутник V" меҳаросанд ва талош доранд бовариро ба он кам кунанд

ДУШАНБЕ, 26 фев - Sputnik. Мухолифони ваксинаи коронавируси "Спутник V"-и Русия кӯшиш мекунанд, ки эътимод ба онро дар ҷаҳон коҳиш диҳанд, зеро ин яке аз беҳтаринҳост ва онҳо аз ин метарсанд, - гуфт Кирилл Дмитриев, роҳбари Фонди сармоягузории мустақими Русия.

"Фикр мекунам, ки мо на танҳо дар бораи эътирофи байналмилалии ваксини "Спутник V", балки дар бораи пешсафии худ дар ҷаҳон низ сӯҳбат карда метавонем... Мо бояд хоксор, вале ростқавл бошем",-гуфт Дмитриев ҳангоми ифтитоҳи намоишгоҳ бахшида ба таърихи роҳбарии Русия дар вирусология дар маҳалли ҷойгиршавии Ҷамъияти таърихии Русия. 

Ӯ таъкид кард, ки мо яке аз беҳтарин ваксинаҳо дар ҷаҳонро дорем, ин як корнамоии бузурги олимони рус аст, мо бояд аз он фахр кунем.

Дар Олмон мегӯянд, ваксинаи "Спутник V" дар воқеъ Ғарбро дар ҳайрат гузошт

"Бисёре аз душманони Русия кӯшиш карданд, ки эътимод ба Русияро коҳиш диҳанд, аммо мо дарк мекунем, ки онҳо барои коҳиш додани эътимод ба ваксини Русия ин қадар кӯшишҳоро сарф мекунанд, зеро ин яке аз беҳтаринҳо дар ҷаҳон аст ва онҳо аз ин метарсанд",-гуфт ӯ.

Маҷаллаи илмии Lancet қаблан натиҷаҳои марҳилаи сеюми озмоишҳои клиникии "Спутник V" -ро нашр карда, самаранокии баланд ва бехатарии онро қайд карда буд.

Дар давоми марҳилаи III озмоишҳои клиникӣ, "Спутник V" сатҳи баланди самаранокӣ, иммуногенӣ ва бехатариро нишон дод, ки самаранокии он ба 91,6%  расид.

Ваксина аз ҳолатҳои вазнини сирояти нави коронавирус муҳофизати пурраро фароҳам меорад.

"Спутник V" барои истифода дар зиёда аз 30 кишвар тасдиқ шудааст.

Эрон: хати тавлиди ваксинаи "Спутник V" дар кишвар эҷод мешавад

Шумораи умумии аҳолии кишварҳое, ки ваксинаи Русия сабти ном шудааст, беш аз 1,1 миллиард нафарро ташкил медиҳад.

141
Барчаспҳо:
вируси корона, душманон, ваксина, Русия
Горы в  Таджикистане, архивное фото

Қарорҳои Ҳукумат барои тағйири номҳо: аз номи нави фурудгоҳи Хоруғ то қуллаи Боми Ҷаҳон

0
(Таҷдидшуда 22:03 28.02.2021)
Ҳукумати ҷумҳурии Тоҷикистон бо қабули як қатор қарорҳо пешниҳоди вакилони маҳаллиро барои тағйири номи муассисаҳо ва мавзеъҳои ҷуғрофӣ дар ВМКБ ҷонибдорӣ кардааст

ДУШАНБЕ, 28 фев – Sputnik. Қарорҳои Ҳукумати Тоҷикистон дар бораи номгузориҳои ҷадид зимни Маҷлиси вакилони халқи ВМКБ қироат карда шуданд.

Тибқи иттилои котиботи ҳукумати ВМКБ, фурудгоҳи шаҳри Хоруғ ба номи собиқ сардори фурудгоҳи мазкур, корманди шоистаи авиатсия ва нақлиёти ҷумҳурӣ, Махсутшоев Дилдорбек гузошта шуд.

Ҳукумати Тоҷикистон инчунин қарори Маҷлиси вакилони халқи ноҳияи Ишкошимро дар бораи тағйир додани номи қуллаи Комсомоли Украина ҷонибдорӣ намудааст. Номи нави ин қулла Боми Ҷаҳон мебошад.

Инчунин Ҳукумат қарори маҷлиси вакилони халқи ноҳияи Дарвоз дар бораи номгузорӣ намудани мактаби №39-и деҳаи Пастироҳи ноҳияи Дарвоз ба номи Сафаров Сафар ва мактаби № 23 –и деҳаи Жаки ноҳияи Дарвоз ба номи Исломов Садриддинро тасдиқ кардааст.

Маҷлиси вакилони халқи ВМКБ дар бораи номгузориҳои ҷадид қарорҳои дахлдорро қабул намудааст.

0
Барчаспҳо:
Хоруғ, фурудгоҳ, Тоҷикистон