Министр здравоохранения и социальной защиты Республики Таджикистан Джамолиддин Абдуллозода

Таъйиноти кадрӣ: Абдуллозода, роҳбари КАТС - и ноҳияи Аштро таъйин кард

1005
(Таҷдидшуда 18:52 04.02.2021)
Бо фармони Ҷамолиддин Абдуллозода вазири тандурустӣ, Қурбоналӣ Турдиалиев роҳбари шӯъбаи кӯмаки аввалияи тиббию санитарӣ дар ноҳияи Ашт таъйин шуд

ДУШАНБЕ, 4 фев – Sputnik. Манобеи Sputnik Тоҷикистон дар ҳукумати ноҳияи Ашт бо таъйиди ин хабар гуфтанд, ки роҳбари нави КАТС -ро нимаи дуюми дирӯз Зариф Мирдадо, раиси ноҳияи Ашт дар як ҷаласа бо иштироки масъулини соҳа муаррифӣ намуд.

"Мавҷуда Аслонова, иҷрокунандаи вазифаи менеҷер КАТС-и ноҳия, бинобар сабаби ба кори дигар гузаштанаш аз ин мақом озод ва ба ҷои ӯ, Қурбоналӣ Турдиалиев роҳбари КАТС таъин карда гардид", - гуфт манбаъ.

Мавҷуда Аслонова моҳи октябри соли 2020 бо фармони вазири тандурустӣ ҳамчун иҷрокунанда дар ин мақом ба ҷойи Шуҳрат Имомназаров таъйин шуда буд.

Қурбоналӣ Турдиалиев 25 декабри соли 1974 дар деҳаи Ашти ноҳияи Ашт дар оилаи хизматчӣ ба дунё омадааст. Соли 1992 пас аз хатми мактаби рақами 1-и деҳа, ба Донишгоҳи тиббии Тоҷикистон ба номи Абӯалӣ ибни Сино дохил шуда, онро соли 1998 бо ихтисоси духтури муолиҷавӣ- уролог хатм намудааст.

Барканории ду масъули тиббию санитарии Суғд

Турдиалиев, аз рӯи ихтисосаш дар Беморхонаи клиникаи Суғд ба номи Қутфиддинов курси интернатураро гузаштааст. Ӯ беш аз 20 сол ин ҷониб минҳайси духтури муолиҷавӣ - уролог дар Беморхонаи марказии ноҳияи Ашт фаъолият кардааст.

Ёдовар мешавем, ки соли гузашта, Ҷамолиддин Абдуллозода ду сардори шуъбаи кумаки аввалияи тиббию санитарӣ дар шаҳри Гулистон ва ноҳияи Аштро аз мақом барканор кард.

Он замон сабаби барканории ин ду масъули соҳаи беҳдоштӣ шарҳ дода нашуд. Мадаминова ва Имомназаров ҳарду наздик ба чор солӣ, дар вазифаи сардори КАТС дар шаҳри Гулистон ва ноҳияи Ашт кор карда буданд.

1005
Барчаспҳо:
Ашт, таъйиноти кадрӣ, Ҷамолиддин Абдуллозода

Ҷопон "Спутник V " - ро ваксинаи муассиртарин алайҳи коронавирус номид

135
(Таҷдидшуда 14:20 24.02.2021)
Мутахассисони Ҷопон якбора намуди ваксинаро мавриди омӯзиш қарор дода, муассиртаринҳояшро муайян намуданд

ДУШАНБЕ, 24 фев – Sputnik. Таҳлилгари ҷопонӣ Казухико Фудзи ваксинаҳои сершумори коронавирусро, ки дар бозори ҷаҳонӣ рақобат мекунанд, муқоиса кард. Мақолаи коршинос дар портали Yahoo News Japan нашр шудааст.

Номбурда, ваксинаҳои беҳтаринро номбар кард, ки миёни онҳо ваксинаи сохти Русия "Спутник V " ҳам ҷой дорад.

Фудзи самаранокии ваксинаи Русияро қайд кард ва аз Ҷопон даъват намуд, ки дар эмгузаронии оммавӣ аз ин намуд ваксина истифода намоянд.

Зимнан, нашри мақолаи Фудзе миёни корбарон баҳси гармеро ба бор овард. Онҳо фаъолона мақолаи ӯро мавриди баррасӣ қарор дода, андешаҳои шахсии худро дар бораи ин ё он ваксина иброз доштанд. Маълумот дар бораи "Спутник V" бисёр корбаронро ба худ ҷалб кард.

Аз ҷумла, яке аз онҳо таъкид кард, ки Русия бо буҷаи начандон калон тавонист доруи таъсирбахшро омода кунад.

Ваксинаи сеюми Русия "КовиВак" сабти ном шуд

"Русия бо вуҷуди маҳдуд будани буҷа натиҷаҳои беҳтарин ба даст овард" - гуфт яке аз онҳо.

Илова бар ин, баъзе аз корбарон таҷрибаи Русияро дар истеҳсол кардани маводи доруворӣ ишора карданд. Ба ақидаи онҳо, ҳатто дар давраи Ҷанги Сард, Русия ва Иёлоти Муттаҳида дар соҳаи ҷанги бактериявӣ таҳқиқоти фаъол анҷом додаанд.

"Яке аз вазифаҳои муҳимтарини таҳқиқот таҳияи ваксина барои ҳимояи сарбозонаш мебошад. Аз ин рӯ, Русия дар ин соҳа донишҳои бой дорад", - илова кард корбар.

Зимнан, аксари корбарон аз кишварҳоро даъват карданд, ки бадгумониро канор гузоранд ва бо далелҳои илмӣ ҳидоят кунанд, зеро 92 фисади самараноки ваксинаи Русия собит шудааст.

Ёдовар мешавем, ки "Спутник V " - и Русия нахустин ваксинаи сабтиномшуда дар ҷаҳон алайҳи коронавирус шуд. Акнун ин доруро на танҳо дар Федератсияи Русия, балки сокинони кишварҳои дигар низ метавонанд аз он истифода кунанд.

135
Барчаспҳо:
Русия, Ҷопон
Мавзуҳо:
Пайомадҳои COVID-19 дар Тоҷикистон ва ҷаҳон

Созмони ҷаҳонии беҳдошт гуфт, кай пандемияи коронавирус анҷом меёбад

844
(Таҷдидшуда 10:33 24.02.2021)
Феълан дар ҷаҳон теъдоди дармандони коронаиврус ба 111 миллион нафар баробар аст, ки аз ин миён 2,5 миллион бемор ҷон аз даст доданд

ДУШАНБЕ, 24 фев – Sputnik. Роҳбари дафтари минтақавии Аврупо оид ба Созмони ҷаҳони беҳдошт, Ҳанс Клюге ба РИА Новости гуфтааст, ки кай пандемияи коронавирус анҷом меёбад.

"Пандемияи коронавирус авоили соли 2022 хотима меёбад",- изҳор доштааст Клюге.

Ба таъкиди ӯ, вирус минбаъд аз байн намеравад, танҳо зарурати идома додани маҳдудиятҳо намемонад.

Зимнан, Клюге таъкид кардааст, ки ин танҳо пешгӯӣ аст ва ҳоло ҳеҷ кас намедонад, ки вазъияти минбаъда чӣ гуна рушд хоҳад кард.

Ёдовар мешавем, ки дар ҷаҳон теъдоди маризони коронавирус ба 111 миллион нафар баробар шудааст, ки аз ин миён 2,5 миллион бемор фавтиданд.

Олимон ҷаҳонро боз бо вируси Нипаҳ метарсонанд: аз коронавирус гӯё мудҳиштар аст

Дар Тоҷикистон беш аз як моҳ ягон ҳолати мариз шудани шаҳрвандон ба коронаиврус сабт нагардидааст. Қаблан вазири тандурустӣ Ҷамолиддин Абдуллозода зимни нишасти хабарии ниҳодаш таъкид намуд, Тоҷикистон бар коронаиврус пирӯз омад.

844
Барчаспҳо:
анҷом, маризӣ, СҶБ
Мавзуҳо:
Пайомадҳои COVID-19 дар Тоҷикистон ва ҷаҳон

Мӯъмин Шамсов паҳлавони қазоқро бо зарбаи барқвор ​​нокаут кард: видео

0
Дар мусобиқаи муҳорибаҳои омехта дар Қазоқистон размикори тоҷик мизбонро дар даври аввал шикаст дод

Дар мусобиқаи ҳунарҳои омехтаи OCTAGON 16 дар Алмаато миёни намояндаи Тоҷикистон Муъмин Шамсов ва варзишгари Қазоқистон Давлатбек Абдуқаҳоров муҳориба баргузор шуд.

Барои Мӯъмин Шамсов, ки 32-сола шуд, ин мубориза аввалин дар карераи касбии ӯ буд.

Давлатбек Абдуқаҳоров низ наметавонад бо таҷрибаи кофии варзишӣ фарқ кунад: вай барои мубориза бо тоҷик як ғалаба ва як мағлубият дошт.

Мубориза бо суръати тез оғоз ёфт: варзишгарон зуд ба табодули зарбаҳои сахт шурӯъ карданд.

Размикори қазоқ Шамсовро ба тури майдон ҷасф карда, ӯро маҷбур кард, ки мавқеи номусоидро ишғол кунад ва дар доираи васеъ хаста кунад.

Дар мобайни давр мубориза боздошта шуд: дидаю дониста ё на, қазоқистонӣ ба чашми Мумин зад. Пас аз каме таваққуф, рақибон набардро идома доданд.

Муштзани тоҷик Сангинов Лаваллеро шикаст дод - навори ҷолиби рақобат

Чунин ба назар мерасид, ки Абдуқаҳоров дар даври аввал пешсаф буд ва талоши бештар карда, кӯшиш кард, ки муборизаро ба замин барад. Аммо вақте ки размикори Қазоқистон танҳо як маротиба ҳимояаш кушода шуд, Мӯъмин Шамсов як зарбаи қавии ҳалкунанда зад.

Ҳаминтавр нахустин муборизаи касбии паҳлавони тоҷик бо нахустин пирӯзии боэътимоди ӯ тариқи нокаути техникӣ ба анҷом расид.

0
Барчаспҳо:
нокаут, пирӯзӣ, зӯрозмоии размикорон