Даъвати роҳбари ТУТ аз давлатҳои истеҳсолкунандаи ваксина: бо дигарон низ тақсим кунед

125
(Таҷдидшуда 14:28 07.02.2021)
Раҳбари Созмони ҷаҳонии тандурустӣ аз омори эмшудаҳо дар ҷаҳон истиқбол карда, кишварҳои истеҳсолкунандаи ваксинаро даъват кард, ки бо дигарон низ тақсим кунанд

ДУШАНБЕ, 7 фев — Sputnik. Шумораи одамоне, ки аз коронавирус эм карда шудаанд, аз шумораи сирояттёфтагон дар саросари ҷаҳон аз оғози пандемия зиёдтар шудааст.

Дар ин бора Тедрос Адан Гебрейесус директори генералии Созмони умумиҷаҳонии Тандурустӣ (ТУТ) зимни як брифинг дар Женева  хабар дод.

"Дар саросари ҷаҳон шумораи эмшудаҳо аз теъдоди сироятҳои гузоришшуда зиёдтар аст", - гуфт ӯ.

"Аз як тараф, ин хабари хуш ва дастоварди назаррас дар ин муддати кӯтоҳ аст. Аммо, аз чор се ҳиссаи эмшудаҳо танҳо ба 10 кишвар рост меояд", - изҳор дошт роҳбари ТУТ.

Дар ин робита, Гебрейесус аз кишварҳое, ки аллакай кормандони соҳаи тиб ва пиронсолони худро эм кардаанд, даъват кард, ки бо давлатҳои дигар "мубодила" кунанд.

Ба гуфтаи ӯ, чунин иқдом "беҳтарин роҳи ҳифзи аҳолии мо" хоҳад буд.

"Ваксинзании онҳое, ки дар ҳама ҷо хавфи бештар доранд, тӯлонитар давом мекунад, мо ба вируси COVID-19 барои мутатсия ва пешгирӣ аз таъсири ваксинаҳо ҳамон қадар бештар имконият медиҳем",- гуфт директор ва таъкид кард, ки қариб дар 130 кишвари ҷаҳон, ки 2,5 миллиард одам зиндагӣ мекунанд то ҳол ягон ваксинаи коронавирус нагирифтааст.

Гебрейесус ба "тавсеаи васеъ" -и истеҳсоли ваксинаи COVID-19 даъват кард.

Ба ақидаи ӯ, ширкатҳои дорусозӣ дар саросари ҷаҳон бояд бо роҳи фароҳам овардани инфрасохтори зарурӣ барои чунин истеҳсолот ба ҳамдигар кумак кунанд.

Вай инчунин ширкатҳои дорусозиро ташвиқ кард, ки барои маҳсулоти худ "литсензияҳои ғайристисноӣ" диҳанд, то ширкатҳои дигар тавонанд дар истеҳсоли ваксинаҳои худ ширкат варзанд.

Роҳбари ТУТ таъкид кард, ки мубодилаи дониш ва маълумот дар бораи ваксинаҳо, "имкон медиҳад, ки фавран иқтидорҳои истифоданашудаи истеҳсолӣ барои фароҳам овардани заминаи иловагии истеҳсолӣ, алахусус дар Осиё, Африка ва Амрикои Лотин",-зиёд карда мешавад.

Тибқи маълумоти охирини ТУТ дар ҷаҳон, зиёда аз 104,9 миллион нафар сироят ёфта, теъдоди фавтидагон ба 2,3 миллион нафар мерасад.

125
Барчаспҳо:
эмгузаронӣ, табобат, вируси корона, Тоҷикистон

Тоҷикистон ваксинаи AstraZeneca - ро тасдиқ кард ва моҳи март онро дастрас мекунад

203
(Таҷдидшуда 12:49 02.03.2021)
Интизор меравад моҳи ҷорӣ Тоҷикистон дар доираи механизми COVAX дасти кам 732 ҳазор вояи ваксинаи AstraZeneca - ро дастрас кунад

ДУШАНБЕ, 2 мар — Sputnik. Тоҷикистон ваксинаи AstraZeneca-ро, ки бояд тибқи механизми COVAX қабул намояд, аллакай тасдиқ кард. Дар ин бора Наврӯз Ҷаъфаров, сардори Раёсати амнияти санитарию эпидемиологии Вазорати тандурустӣ ба хабарнигорон иттилоъ дод.

Ба таъкиди Ҷафаров, ваксини мазкур моҳи ҷорӣ ба Тоҷикистон ворид мешавад.

"Тоҷикистон ваксинаи коронавирусро тасдиқ кард ва онро бояд тибқи механизми COVAX гирем. Ин AstraZeneca аст, ва моҳи март 732 ҳазор вояи он ба Тоҷикистон ворид мешавад. Феълан ҷониби Тоҷикистон шартнома имзо карда, ба истеҳсолкунанда фиристодааст", - гуфт Ҷаъфаров.

Вай гуфт, ки истеҳсолкунандаи асосии ваксинаи AstraZeneca дар Бритониёи Кабир ҷойгир аст, аммо онро дар корхонаҳои Ҳиндустон ва Кореяи Ҷанубӣ, ки созишномаи имзошудаи ҷониби Тоҷикистон ба он ҷо фиристода мешавад, низ истеҳсол мекунанд. 

Наврӯз Ҷаъфаров мегӯяд дар мавриди интиқол ва нигоҳдории ваксин мушкилӣ пеш намеояд, зеро воситаҳои нақлиёт барои интиқол ва ҳамчунин макони нигаҳдории он аллакай омода шудааст.

Ба гуфтаи вай, ҳоло дар Тоҷикистон рӯйхатҳои шахсоне тартиб дода мешавад, ки аввалин шуда бар зидди коронавирус эм карда мешаванд.

Сардори Вазорати тандурустӣ гуфт, ки дар доираи механизми COVAX, эмкунии 20% аҳолии кишвар ба нақша гирифта шудааст. Нахуст гурӯҳҳои осебпазир, ки ба онҳо шаҳрвандони аз 70-сола боло, кормандони соҳаи тандурустӣ, кормандони гумрук ва нерӯҳои марзӣ шомиланд, эм мегиранд.

Ба гуфтаи вай, дар марҳилаи дуввум афроди аз 60-сола боло, баъд аз он - синнашон аз 50 боло эм карда мешаванд. Боқимондаи 42,5% аҳолӣ бо дигар доруҳое, ки Тоҷикистон онро дастрас мекунад, эм хоҳанд шуд.

Қаблан вазири тандурустии Тоҷикистон, Ҷамолиддин Абдуллоев зимни нишасти матбуотӣ гуфта буд, ки дар масъалаи дастрас кардани ваксинаи сохти Русия, "Спутник V" ҳоло намояндагони ҳар ду кишвар машваратҳо баргузор мекунанд ва ба эҳтимоли зиёд ин ваксина низ ба Тоҷикистон ворид мешавад.

203
Барчаспҳо:
тасдиқ, ваксина, бемориҳои сироятӣ, сироят, Тоҷикистон
Люди в масках в Пекине, просматривают свои телефоны

Коронавирус боз авҷ мегирад? СҶБ аз афзоиши сироятшавӣ дар ҷаҳон гуфт

169
(Таҷдидшуда 12:44 02.03.2021)
Танҳо дар як ҳафтаи сипаришуда СҶБ зиёда аз 2,6 миллион ҳолати сироятшавӣ ба коронаиврус дар ҷаҳон сабт намудааст

ДУШАНБЕ, 2 мар — Sputnik. Созмони ҷаҳонии беҳдошт аз зиёд шудани ҳолатҳои сироятшавии одамон ба маризии коронавирус хабар медиҳад. Роҳбари ин созмон Тедрос Гебрейесус зимни брифинги ахир гуфт, давоми муддати тӯлонӣ боз сироятшавӣ ба вирус авҷ гирифта истодааст.

"Бори нахуст давоми 7 ҳафтаи ахир мо шоҳиди афзоиш ёфтани мавориди сироятшавӣ ба коронавирус гардидем. Аз ҷумла дар Амрико, Аврупо, Осиёи Ҷанубу-Шарқӣ ва Баҳри Миёназамин ҳолатҳои гирифторӣ ба ин вирус рӯ ба афзоиш ниҳодааст", - тавзеҳ медиҳад Гебрейесус.

Роҳбари СҶБ иллати афзоиш ёфтани мавориди нави сироятшавиро ба сабук шудани маҳдудиятҳҳо ва фориғболии мардум рабт медиҳад.

Танҳо дар як ҳафтаи сипаришуда созмони мазкур зиёда аз 2,6 миллион ҳолати ҷадиди дардманд шудани одамонро ба қайд гирифт.

Сироятшавӣ аз ҳама беш дар Амрико (28,6) сабт шудааст. Дар Ҳиндустон 11,1 миллион, Бразилия 10,5 миллион сабт гардидааст.

Русия аз миёни кишварҳое, ки сироятшавӣ аз коронавирус афзоиш меёбад, дар мақоми чорум ҷой дорад. Дар муддати зикгардида дар ин Русия 4,2 миллион маризи нави коронавирус ба қайд гирифта шуд.

Маврид ба зикр аст, ки дар ҷаҳон ҳоло беш аз 114 миллион нафар ба коронавирус сироят шуда, ҳамчунин аз ин дард 2,53 миллион нафар фавтиданд.

169
Барчаспҳо:
афзоиш, маризӣ, СҶБ
Мавзуҳо:
Пайомадҳои COVID-19 дар Тоҷикистон ва ҷаҳон
Тасвири офаридаи Азимов Сарваршоҳ, ки дар Маскав соҳиби ҷойи аввал шуд

Тоҷикона: тасвири либосу хони тоҷикии рассоми наврас ғолиби фестивале дар Маскав шуд

0
Дар шаҳри Маскав тариқи фазои маҷозӣ Фестивали байналмилалии истеъдодҳои наврас ҷамъбаст гардид, ки навраси тоҷик соҳиби мақоми аввал шуд

ДУШАНБЕ, 2 мар — Sputnik. Нуҳумин фестивали байналмиллалии истеъдодҳои наврас таҳти унвони "Волшебная сила голубого потока — МОСГАЗ зажигает звезды" дар шаҳри Маскав ҷамъбаст шуд.

Ин озмун дар фазои маҷозӣ баргузор шуд. Дар озмуни мазкур иштирокчиёни беш 70 манотиқи Русия ва ҳамчунин аз 4 давлат бо шумули Тоҷикистон иштирок намуданд.

Тоҷикистонро дар фестивали мазкур донишҷӯёни Муассисаи давлатии "Коллеҷи ҷумҳуриявии рассомии ба номи М. Олимов" намояндагӣ карданд.

Сомонаи "МОСГАЗ зажигает звезды" исми ғолибони фестивалро нашр намудааст, ки миёни ғолибон Азимов Сарваршоҳ Ҳамзалиевич низ зикр гардидааст. Сарваршоҳ дар бахши "Сулҳи хонадони ман" тасвири сирф тоҷиконаро кашидааст, ки ба эҳтимоли зиёд фазои зебои тоҷикона доваронро тасхир намудааст.

Рассоми навраси тоҷик суратеро офаридааст, ки дар он зану марди солхӯрда бо либоси шинами тоҷикӣ сари хон нишастаанд. Ин тасвири Сарваршоҳ ба гирифтани мақом аввал даст ёфт.

Ҷамъан 55 нафар иштирокчиёни фестивал ба гирифтани ҷоиза мушарраф шуданд.

0
Барчаспҳо:
ғолиб, тоҷик, рассом, Маскав, фестивал