Министр здравоохранения Республики Таджикистан Джамолиддин Абдуллозода

Карантин накардему буридем: вазир панҷ сирри Тоҷикистонро дар пирӯзӣ ба коронавирус гуфт

1741
(Таҷдидшуда 17:53 12.02.2021)
Вазири тандурустӣ ва ҳифзи иҷтимоии Тоҷикистон Ҷамолиддин Абдуллозода тавзеҳ дод, ки чигуна омори коронавирус дар Тоҷикистон ба сифр баробар шуд

ДУШАНБЕ, 12 фев – Sputnik. Ҷамолиддин Абдуллозода дар рафти нишасти матбуотӣ ба суоли рақами яки соҳаи тандурустӣ ҷавоб гуфт: ба ҳар ҳол, чигуна тавонист Тоҷикистон, ба норасоиҳо дар соҳаи тиб нигоҳ накарда, бар коронавирус пирӯз шавад.

Вазир чанд сабабро зикр кард, ки пеш аз ҳамаи ба гуфтаи вай, роҳи пешгирифтаи кишвар дар мубориза бо коронавирус буд. Он аз дигар давлатҳо хело фарқ мекард. 

Ба қавли ӯ, карантин нашудани аҳолӣ ҳам дар ин ҷо як сабаб ба пирӯзӣ буд.

Якум - назорати сахти эпидемиологӣ

Ҳамин тавр, ба гуфтаи Абдуллозода Тоҷикистон вақте ин беморӣ шуюъ кард, назорати эпидемиологиро тақвият бахштид: манбаъҳои беморӣ муайян мешуданд.

"Пеш аз ҳама мо мебинем,  бемор бо кӣ тамос дошт. Мо бо манбаъ кор кардем. Агар нафаре бо коронавирус пайдо шавад, мо ҳамаи он касонеро, ки бо вай алоқа дошт, муайян ва изолятсия мекардем", - гуфт вай ва афзуд, ки марҳилаи беморшавӣ аз 4 то 14 рӯз аст, ки дар ин муддат онҳо таҳти назорати кормандони соҳаи тиб мешуданд.

Дувум - эълон накардани карантин

Дувум усуле, ки мо пеш гирифтекм, ин пеш аз ҳама эълон накардани карантин буд, афзуд Абдуллозода.

Ба гуфтаи вазир, эълони карантин дар баъзе давлатҳо бар зарари худашон буд.

"Карантин эълон мешуд, як муддати муайян мардум дар хонаҳо мемонданд, дар ин вақт агар бемор бошад, дигаронро сироят мекард ва вақте карантин бекор мешуд, якбора беморӣ авҷ мегирифт", - тавзеҳ дод вазир.

Севум: гардиши хонагӣ

Мо бошем, усули гардиши ҳаррӯзаи хонагиро пеш гирифтем, афзуд вай.

Ба қавли вазир гардиши хонагӣ - яъне пизишкон ҳар рӯз хона ба хона гашта, беморонро муайян мекарданд ва сипас роҳи муолиҷаи онҳо муайян карда мешуд.

Фаврӣ: вазир гуфт, ки чанд тобеаш аз коронавирус даргузаштанд

"Агар беморе пайдо мешуд, пеш аз ҳама мо ӯро дар хонаи худаш, агар шароит дошта бошад, инзивоъ (изолятсия) мекардем. Дар беморхонаҳо бошад, агар ҳатто нафаре бо таби баланд пайдо мешуд, мо тамоми беморхонаро бистарӣ мекардем", - мисол овард ҷаноби Ҷамолиддин.

Чорум - усули табобат

Ҳамин тавр, беморони коронавирус дар Тоҷикитсон ба се гурӯҳ ҷудо карда мешуданд. Ин ба вазорат имкон медод, ки ҳама ба бемористон интиқол наёбанд ва аз ҳамин ҳисоб дар беморхонаҳо анбӯҳи беморон ба вуҷуд наояд.

"Мо касалҳоро аз рӯи критерия тақсим кардем: миёна, сабук ва вазнин. Агар ба критерияи миёна ё вазнин дохил мешуданд, бистарӣ мекардем, агар не, дар хона карантин мешуданд", - таъкид кард вай.

Панҷум -ҳисоботи дақиқ, дар сари болини бемор то 12-и шаб ва аз байн бурдани ҳарос

Ҳамин тавр, реҷае ки табибони Тоҷикистон дар давраи пандемӣ кор карданд ва ба гуфтаи вазир, то ҳол кор мекунанд, ин аз соати 7-и субҳ то 18-и бегоҳ гардишҳои хонагӣ буд. Дар натиҷа дар соати 18 ба ситод омори пешниҳод мешуд: чанд нафар ҳарорат доранд, чанд нафар ташхис шуданд ва чанд нафар тасдиқ шуданд.

Баъд аз он аз соати 18 то соати 12-и шаб табибон беморро назорат мекарданд.

"Баъди соати 6 рафта ҳамон беморҳоро назорат мекарданд ва баъди 12-и шаб баромада боз ҳисобот медоданд", - қайд кард ӯ.

Ба гуфтаи Абдуллозода, карантин накардан ба хотири аз бурдани ҳарос ҳам буд. 

"Тамоми бемориҳо аз тарс сарчашма мегиранд. Бештари ҳолатҳои фавте ки аз коронавирус дар натиҷаи таҳлука буд", - таъкид кард ӯ ва афзуд ки нақши раисҷумҳури Тоҷикистон дар аз бурдани ҳарос дар ин давра калидӣ буд.

Бовар накунанд омада бинанд: Абдуллозода гуфт, Тоҷикистон аз коронавирус орӣ аст

"Раисҷумҳур сафарҳои хидматӣ доштанд бо мардум муошират мекарданд", - қайд кард вай.

1741
Барчаспҳо:
пирӯзӣ, вируси корона, Тоҷикистон

Тоҷикистон ваксинаи AstraZeneca - ро тасдиқ кард ва моҳи март онро дастрас мекунад

629
(Таҷдидшуда 12:49 02.03.2021)
Интизор меравад моҳи ҷорӣ Тоҷикистон дар доираи механизми COVAX дасти кам 732 ҳазор вояи ваксинаи AstraZeneca - ро дастрас кунад

ДУШАНБЕ, 2 мар — Sputnik. Тоҷикистон ваксинаи AstraZeneca-ро, ки бояд тибқи механизми COVAX қабул намояд, аллакай тасдиқ кард. Дар ин бора Наврӯз Ҷаъфаров, сардори Раёсати амнияти санитарию эпидемиологии Вазорати тандурустӣ ба хабарнигорон иттилоъ дод.

Ба таъкиди Ҷафаров, ваксини мазкур моҳи ҷорӣ ба Тоҷикистон ворид мешавад.

"Тоҷикистон ваксинаи коронавирусро тасдиқ кард ва онро бояд тибқи механизми COVAX гирем. Ин AstraZeneca аст, ва моҳи март 732 ҳазор вояи он ба Тоҷикистон ворид мешавад. Феълан ҷониби Тоҷикистон шартнома имзо карда, ба истеҳсолкунанда фиристодааст", - гуфт Ҷаъфаров.

Вай гуфт, ки истеҳсолкунандаи асосии ваксинаи AstraZeneca дар Бритониёи Кабир ҷойгир аст, аммо онро дар корхонаҳои Ҳиндустон ва Кореяи Ҷанубӣ, ки созишномаи имзошудаи ҷониби Тоҷикистон ба он ҷо фиристода мешавад, низ истеҳсол мекунанд. 

Наврӯз Ҷаъфаров мегӯяд дар мавриди интиқол ва нигоҳдории ваксин мушкилӣ пеш намеояд, зеро воситаҳои нақлиёт барои интиқол ва ҳамчунин макони нигаҳдории он аллакай омода шудааст.

Ба гуфтаи вай, ҳоло дар Тоҷикистон рӯйхатҳои шахсоне тартиб дода мешавад, ки аввалин шуда бар зидди коронавирус эм карда мешаванд.

Сардори Вазорати тандурустӣ гуфт, ки дар доираи механизми COVAX, эмкунии 20% аҳолии кишвар ба нақша гирифта шудааст. Нахуст гурӯҳҳои осебпазир, ки ба онҳо шаҳрвандони аз 70-сола боло, кормандони соҳаи тандурустӣ, кормандони гумрук ва нерӯҳои марзӣ шомиланд, эм мегиранд.

Ба гуфтаи вай, дар марҳилаи дуввум афроди аз 60-сола боло, баъд аз он - синнашон аз 50 боло эм карда мешаванд. Боқимондаи 42,5% аҳолӣ бо дигар доруҳое, ки Тоҷикистон онро дастрас мекунад, эм хоҳанд шуд.

Қаблан вазири тандурустии Тоҷикистон, Ҷамолиддин Абдуллоев зимни нишасти матбуотӣ гуфта буд, ки дар масъалаи дастрас кардани ваксинаи сохти Русия, "Спутник V" ҳоло намояндагони ҳар ду кишвар машваратҳо баргузор мекунанд ва ба эҳтимоли зиёд ин ваксина низ ба Тоҷикистон ворид мешавад.

629
Барчаспҳо:
тасдиқ, ваксина, бемориҳои сироятӣ, сироят, Тоҷикистон
Люди в масках в Пекине, просматривают свои телефоны

Коронавирус боз авҷ мегирад? СҶБ аз афзоиши сироятшавӣ дар ҷаҳон гуфт

294
(Таҷдидшуда 12:44 02.03.2021)
Танҳо дар як ҳафтаи сипаришуда СҶБ зиёда аз 2,6 миллион ҳолати сироятшавӣ ба коронаиврус дар ҷаҳон сабт намудааст

ДУШАНБЕ, 2 мар — Sputnik. Созмони ҷаҳонии беҳдошт аз зиёд шудани ҳолатҳои сироятшавии одамон ба маризии коронавирус хабар медиҳад. Роҳбари ин созмон Тедрос Гебрейесус зимни брифинги ахир гуфт, давоми муддати тӯлонӣ боз сироятшавӣ ба вирус авҷ гирифта истодааст.

"Бори нахуст давоми 7 ҳафтаи ахир мо шоҳиди афзоиш ёфтани мавориди сироятшавӣ ба коронавирус гардидем. Аз ҷумла дар Амрико, Аврупо, Осиёи Ҷанубу-Шарқӣ ва Баҳри Миёназамин ҳолатҳои гирифторӣ ба ин вирус рӯ ба афзоиш ниҳодааст", - тавзеҳ медиҳад Гебрейесус.

Роҳбари СҶБ иллати афзоиш ёфтани мавориди нави сироятшавиро ба сабук шудани маҳдудиятҳҳо ва фориғболии мардум рабт медиҳад.

Танҳо дар як ҳафтаи сипаришуда созмони мазкур зиёда аз 2,6 миллион ҳолати ҷадиди дардманд шудани одамонро ба қайд гирифт.

Сироятшавӣ аз ҳама беш дар Амрико (28,6) сабт шудааст. Дар Ҳиндустон 11,1 миллион, Бразилия 10,5 миллион сабт гардидааст.

Русия аз миёни кишварҳое, ки сироятшавӣ аз коронавирус афзоиш меёбад, дар мақоми чорум ҷой дорад. Дар муддати зикгардида дар ин Русия 4,2 миллион маризи нави коронавирус ба қайд гирифта шуд.

Маврид ба зикр аст, ки дар ҷаҳон ҳоло беш аз 114 миллион нафар ба коронавирус сироят шуда, ҳамчунин аз ин дард 2,53 миллион нафар фавтиданд.

294
Барчаспҳо:
афзоиш, маризӣ, СҶБ
Мавзуҳо:
Пайомадҳои COVID-19 дар Тоҷикистон ва ҷаҳон
Растительное масло. Архивное фото

Нархи равғани растанӣ дар Тоҷикистон ҳамроҳ бо воридоти он меафзояд

0
Бо вуҷуди афзоиши воридоти равғани растанӣ, асосан аз Русия, нархи ин маҳсулот дар Тоҷикистон афзоиш меёбад

ДУШАНБЕ, 2 мар - Sputnik. Тибқи омори Хадамоти гумруки ҷумҳурӣ, дар Тоҷикистон содироти равғани растанӣ дар тӯли сол афзоиш ёфт.

Маълум аст, ки дар соли 2020 ба ҷумҳурӣ тақрибан 102 ҳазор тонна тонна равғани растанӣ ба маблағи умумии беш аз 89,4 миллион доллар ворид карда шудааст.

Ин 6,6 миллион, ё нисбат ба соли 2019 1,3 ҳазор тонна зиёд аст.

Дар айни замон, маълум аст, ки воридоти шакар дар ин давра, баръакс, кам шудааст.

Ҳамин тавр, соли гузашта беш аз 114,2 ҳазор тонна шакар ба маблағи беш аз 57 миллион доллар харидорӣ карда шудааст, ки ин нисбат ба як соли қаблӣ тақрибан 15,5 миллион доллар ё 18,3 ҳазор тонна камтар аст.

Бо вуҷуди ин, арзиши равғани растанӣ ва шакар боло рафт.

Масалан, панҷ литр равғани офтобпарасти Русия ба ҷои 62 сомонии қаблӣ (5,5 доллар) 95 сомонӣ (8,3 доллар) арзиш дорад, бо овардани нархҳо хабар медиҳад "Авеста".

Аммо як кило шакар - ба ҷои 6,5 сомонии қаблӣ (0,5 доллар) 9 сомонӣ (0,7 доллар) арзиш дорад.

Содирот ва воридоти Тоҷикистон дар соли 2020

Қаблан Хадамоти зиддиинҳисории Тоҷикистон ин афзоишро ба он рабт дод, ки нархи маҳсулоти дар боло зикршуда дар кишварҳои истеҳсолкунанда боло рафтанд ва дар давраи пандемия мушки воридот ба миён омаданд.

0