Миристр здравоохранения Таджикистана Джамолиддин Абдуллозода

Бовар накунанд омада бинанд: Абдуллозода гуфт, Тоҷикистон аз коронавирус орӣ аст

787
Ҷамолиддин Абдуллозода мегӯяд, дар Тоҷикистон феълан ягон маризи коронавирус боқӣ намондааст ва агар ба ин ҳақиқат касе шак дошта бошад, ин назари танҳо ҳамон ҷониб аст ва бигзор дар ақидаи худ устувор монад

ДУШАНБЕ, 12 фев – Sputnik. Ҷамолиддин Абдуллозода Вазири тандурустии Тоҷикистон мегӯяд, эътимоди доштан ё надоштани дигар давлатҳо ба омори расмӣ оиди коронавирус ӯро тамоман ноҳинҷор намекунад, зеро ин фикру назари танҳо ҳамон давлатҳост.

Вазири тоҷик дар ин бора имрӯз зимни посух ба суоли як рӯзноманигор, ки дар мавриди баста боқӣ мондани марзҳо миёни Тоҷикистону Русия пурсид изҳор дошт. Рӯзноманигор суол кард, ки шояд эътимод надоштани Русия ба омори Вазорати тандурустӣ сабаб бошад, ки марзҳо ҳамоно баста ҳастанд.

Вале Абдуллозода ба дурустии омори ниҳоди худ таъкид намуда, гуфт зердастони ӯ новобаста аз он, ки дар кишвар дигар маризи коронавирус намондааст, ҳамоно ҳамарӯза гаштҳои хонагӣ баргузор мекунанд.

"Омори дармонгоҳҳо ва натиҷаи ташхиси маризон, ҳамчунин гаштҳои хонагии ҳамарӯза собит месозад, ки Тоҷикистон аз коронавирус орӣ аст", - мегӯяд вазири тоҷик.

Ӯ таъкид намуд, ки бигзор аз дилхоҳ кишваре, ки ба омори Тоҷикистон шак доранд, ҳайати корӣ таъсис ёбад, ва озими ҷумҳури шаванд ва бо чашмони худ бубинанд, ки дар қаламрави ҷумҳурӣ ягон ҳолати гирифторшавӣ ба ин вирус боқӣ намондааст.

Фаврӣ: вазир гуфт, ки чанд тобеаш аз коронавирус даргузаштанд

Тоҷикистон аз миёни кишварҳои Осиёи Марказӣ ба ҷуз аз Туркманистон, ки он ҷо тамоман ин маризӣ қадам наниҳод, охирон давлате буд, ки домангири коронавирус шуд.

Вазорати тандурустӣ рӯзи 30 апрел, расман мавҷуд будани вируси СOVID - 19 - ро тасдиқ карданд. Аз авохири моҳи апрел то моҳи январ дар мамлакат, 13 308 маризи коронавирус сабт гардиданд, ки аз ин миён 90 бемор фавтида, 13 218 нафар комилан шифо ёфтанд.

787
Барчаспҳо:
маризӣ, Ҷамолиддин Абдуллозода, Тоҷикистон

COVAX даҳҳо кишварро бо ваксин таъмин кард: Тоҷикистон дар навбат аст

172
(Таҷдидшуда 18:41 06.03.2021)
Интизор меравад, ҳафтаи оянда боз 31 кишвари дигар дар доираи механизми COVAX бо ваксин алайҳи коронавирус таъмин шаванд

ДУШАНБЕ, 6 мар – Sputnik. Созмони ҷаҳонии беҳдошт мегӯяд, даҳҳо кишвари олам тибқи барномаи байналмилалии COVAX соҳиби ваксин алайҳи маризии коронавирус шуданд.

Ба иттилои манбаъ, дар доираи ин барнома аз ҷумла кишварҳои африқоӣ ба мисли Нигария, Судон, Гана, Руандо,Лесота ваксинро дастрас карданд.

Илова бар ин, COVAX, Ҳиндустону Комбоҷа, Молдова ва Колумбияро низ бо ваксин таъмин кардааст.

Дар ҳамин ҳол, СҶБ мегӯяд, ҳафтаи оянда боз 31 кишвари дигар соҳиби ваксин алайҳи вируси COVID - 19 мегарданд. Ҷамъан 14,4 миллион воя ваксин миёни 31 давлат таҳсимбандӣ мешавад.

Ёдовар мешавем, ки Тоҷикистон расман ваксини AstraZeneca-ро тасдиқ кард. Чанде пеш, Наврӯз Ҷаъфаров, сардори Раёсати амнияти санитарию эпидемиологии Вазорати тандурустӣ иттилоъ дод, ки моҳи март 732 ҳазор вояи он ба Тоҷикистон ворид мешавад.

Ба таъкиди ӯ, Тоҷикистон барои қаблуи ваксини мазкур тамоми шароит дорад ва ҳоло воситаҳои нақлиёт барои интиқол ва ҳамчунин макони нигаҳдории он омода шудааст.

Таъкид мегардад, ки дар доираи механизми COVAX, эмкунии 20% аҳолии Тоҷикистон ба нақша гирифта шудааст.

172
Мавзуҳо:
Пайомадҳои COVID-19 дар Тоҷикистон ва ҷаҳон
Джамолиддин Абдуллозода встретился с постоянным представителем Всемирного банка в Таджикистане

Сипосгузории Ҷамолиддин Абдуллозода аз Бонки ҷаҳонӣ

145
(Таҷдидшуда 14:12 05.03.2021)
Бонки ҷаҳонӣ дар доираи тарҳи вижа то 1 январи соли 2021  ба Тоҷикистон 11,3 миллион доллар кумак кардааст, ки аз ин маблағ 9,4 миллион доллари он харҷ гардидааст, ки 83,4 фоизи маблағи умумии Лоиҳаро ташкил мекунад

ДУШАНБЕ, 5 мар — Sputnik. Вазири тандурустии Тоҷикистон Ҷамолиддин Абдуллозода бо намояндаи доимии Бонки ҷаҳонӣ дар Тоҷикистон  Ян Петтер Олтерс баргузор гардид.

Ҷамолиддин Абдуллозода аз номи Ҳукумати Тоҷикистон барои дастгириҳои пайваста дар рушд ва пешрафти соҳаи тандурустӣ, махсусан дар давраи пандемияи COVID-19 ҷиҳати пешгирӣ ва табобати бемории сироятии коронавирус ба Бонки ҷаҳонӣ изҳори миннатдорӣ баён кард.

Вазорати тандурустӣ мегӯяд, кумаки Бонки ҷаҳонӣ дар давраи ҳамагирии коронавирус ба Тоҷикистон назаррас мебошад.

Махсусан, бо ин мақсад "Лоиҳаи фавқулоддаи муқовимат ба вируси COVID-19 дар Тоҷикистон"-и назди Вазорати тандурустӣ дар доираи Созишномаи маблағгузорӣ байни Ҳукумати Тоҷикистон ва Бонки ҷаҳонӣ (гранти №D604-TJ) аз 3 апрели соли 2020 ба фаъолият оғоз намуд, ки  ҳадафи  он таъмини омодагӣ ва эътино ба пандемияи сирояти COVID-19 дар Тоҷикистон мебошад.

Дар доираи маблағгузории ин тарҳ то имрӯз як қатор корҳо анҷом дода шудаанд. Махсусан, ҷиҳати таҳкими иқтидори шӯъбаҳои табобатӣ ва эҳёи 10 беморхонаҳои интихобгардида 23 номгӯи таҷҳизоти тиббӣ, 9 номгӯи воситаҳои муҳофизати шахсӣ ва 77 номгӯи доруворӣ харидорӣ ва дастрас карда шуда, инчунин корҳои таъмирӣ дар ин беморхонаҳо гузаронида шудаанд.

Инчунин, бо мақсади тақвият додани сатҳи огоҳонии аҳолӣ аз пешгирӣ ва хавфу оқибатҳои имконпазири пандемияи COVID-19 дар Ҷумҳурии Тоҷикистон тавассути роҳҳои мухталифи иттилоот ва алоқа дар мавриди  пешгирии ин беморӣ 15 номгӯи маводҳои иттилоотӣ (постерҳо, овезаҳо, брошюра ва буклетҳо) бо теъдоди 424 ҳазор нусха,  инчунин, шакли варақаи ҳуҷҷатҳо барои таъйин кардани кӯмакпулии иҷтимоӣ бо теъдоди 800 ҳазор нусха ба табъ расонида шуда, ба ҳамаи шаҳру ноҳияҳои кишвар дастрас карда шуданд.

Ҳамзамон, ҷиҳати баланд бардоштани заминаи техникии Маркази матбуоти Вазорати тандурустӣ дар доираи лоиҳаи мазкур 12 номгӯи таҷҳизоти техникӣ, аз ҷумла дастгоҳи рақамии наворбардор ва пахшкунанда, компютер, асбобҳои аксбардор, принтери ранга ва дигар воситаҳои техникӣ харидорӣ  ва ба маркази  мазкур супорида шуданд.

Бо мақсади дастгирии табақаҳои ниёзманди аҳолӣ, ки дар давраи паҳншавии сирояти COVID-19 аз нуқтаи назари амнияти озуқаворӣ осебпазир ба шумор мерафтанд, ба 64 469 оилаҳои камбизоати Тоҷикистон кӯмакпулии яквақтаи иҷтимоӣ расонида шуд.

Кӯмакпулии якдафъаина ба андозаи 500 сомонӣ ба як оилаи камбизоати дорои кӯдакони то синни 3-сола як маротиба ҳамчун дастгирии иҷтимоии иловагӣ аз тарафи  Ҳукумати Ҷумҳурии Тоҷикистон расонида шудааст. То имрӯз барои  пардохти кӯмакпулии яквақтаи иҷтимоӣ ба оилаҳои камбизоати кӯдакони то 3 сола дошта дар ҳаҷми 32 234 500 сомонӣ ё зиёда аз 3,0 миллион доллари ИМА маблағ сарф карда шудааст.

Дар доираи амалисозии лоиҳаи мазкур ҳамзамон барои нигаҳдории ҳайати кормандон, анҷом додани чорабиниҳои хариди мол, кор ва хизматрасониҳо, таҳияи ҳисоботҳои молиявӣ, муҳосибӣ, мониторинг ва арзёбии рафти татбиқи Лоиҳа хароҷоти муайян пешбинӣ шудааст.

Бояд гуфт, ки мониторинги рафти татбиқи лоиҳа, аз ҷумла дастраснамоии таҷҳизотҳои тиббӣ, воситаҳои муҳофизати шахсӣ ва дорувории харидоригардида ба беморхонаҳо, инчунин сифати корҳои таъмирӣ дар муассисаҳои тандурустӣ аз ҷониби кормандони Гурӯҳи татбиқи Лоиҳа гузаронида шудааст.

Манбаъ афзуда, ки дар маҷмӯъ, то 1 январи соли 2021  аз 11,3 миллион доллар маблағи пешбинигардида 9,4 миллион доллари он харҷ гардидааст, ки 83,4 фоизи маблағи умумии Лоиҳаро ташкил мекунад.

145
Барчаспҳо:
Бонки ҷаҳонӣ, тандурустӣ, Ҷамолиддин Абдуллоев, Вазорати тандурустии ҶТ
Тарма дар роҳи Душанбе - Чаноқ

Дар Бадахшони Афғонистон 15 нафар зери тарма ҷон доданд

0
Тарма дар як гӯшаи дурдасти вилояти Бадахшони Афғонистон фаромадаст, ки зери назорати толибон қарор дорад

ДУШАНБЕ, 6 мар – Sputnik. Дар Афғонистон 15 нафар бар асари фаромадани баҳман ва ё тарма ҷон аз даст доданд.

Ба иттилои мақомоти Афғонистон, тарма рӯзи 4 март дар як гӯшаи дурдасти вилояти Бадахшони Афғонистон фаромад, ки он зери назорати толибон қарор дорад.

Макони фаромадани тарма рустои Зарандоб, ки дар ноҳияи Роғистон ҷойгир аст, гуфта мешавад. Дар ин макон кони тилло ҷойгир аст.

Масъулони Кумитаи ҳолатҳои фавқулодаи он кишвар хабар доданд, ки нахуст ҷасади 12 нафар аз зери тарма берун оварда шуд.

Сипас теъдоди қурбониёни ин офати табиӣ ба 15 нафар расид. Ҳамзамон панҷ нафари дигар бар асари фаромадани баҳман маҷрӯҳ шудаанд.

Дар Бадахшони Тоҷикистон бошад, рӯзи 24 феврал якбора 16 тарма дар масири Хоруғ - Ишкошим фаромад ва хушбахтона талафоти ҷонӣ дар пай надошт. Тарма танҳо барои чанд муддат баста шуд ва сипас бо талоши поксозони роҳ ин мушкилӣ бартарафгардид.

0
Барчаспҳо:
тарма, Афғонистон