Всемирный банк, офис в Вашингтоне

Бонки ҷаҳонӣ ба Тоҷикистон барои хариди ваксина 8 миллион доллар ихтисос медиҳад

412
Интизор меравад, Бонки ҷаҳонӣ ба Тоҷикистон дар масъалаи хариди ваксина алайҳи коронаиврус кӯмаки пулӣ расонад

ДУШАНБЕ, 13 фев – Sputnik. Бонки ҷаҳонӣ ба Тоҷикистон барои харид кардани ваксина алайҳи маризии коронавирус 8,63 миллион доллар ихтисос медиҳад, гуфт Нигина Алиева котиби намояндагии бонки мазкур дар Тоҷикистон.

"Маблағгузории изофии 8.63 миллион доллар барои вокуниши изтирорӣ ба таҳдиди пандемияи COVID-19 дар Тоҷикистон, ки аз ҷониби Бонки Ҷаҳонӣ тасдиқ шудааст, барои харид ва таъмини ваксинаҳои дар сатҳи байналмилалӣ тасдиқшуда алайҳи COVID-19 равона карда мешавад", - изҳор дошт намояндаи бонки мазкур.

Ба гуфтаи Алиева, лоиҳаи вокуниши изтирорӣ ба таҳдиди пандемияи СOVID-19 ба Тоҷикистон имкон медиҳад, ки барномаи эмгузаронии доираи муайяни одамонро пиёда кунад ва ҳамзамон шароити муассисаҳое, ки дар он ҷо эмгузаронии оммавӣ сурат мегирад, беҳтар кунад.

Гуфта мешавад, дар ҳамдастии ин лоиҳа, Тоҷикистон имкон дорад 4 дарсади шаҳрвандонро алайҳи коронавирус эм кунад.

Гузашта аз ин, ҳудуди 16 фисади шаҳрвандон дар доираи механизми COVAX бо ваксин таъмин мешаванд.

Намояндаи Бонки ҷаҳонӣ бо истинод ба Вазорати тандурустӣ гуфт, дар марҳилаи аввал пизишкону кормандони соҳаи хизматрасонӣ, нафароне, ки бемориҳои музмин доранд ва ҳамчунин шаҳрвандони аз 50 - сола боло эм мешаванд.

Дар ҳамин ҳол, вазири тандурустӣ Ҷамолиддин Абдуллозода низ зимни нишасти матбуотӣ хабар дод, ки 20 дарсади шаҳрвандони мамлакат аз ҳисоби ваксинае, ки дар доираи СOVAX ба Тоҷикистон интиқол меёбад, эм мешаванд.

Бовар накунанд омада бинанд: Абдуллозода гуфт, Тоҷикистон аз коронавирус орӣ аст

Ба гуфтаи вазир, танҳо 8 фисади сокинони Тоҷикистон аз ҳисоби ваксинае, ки худи давлат онро харидорӣ мекунад, таъмин мешавад.

Вазири тоҷик тавзеҳ дод, ки Тоҷикистон дар доираи механизми COVAX ҳудуди 1 миллиону 800 ҳазор шаҳрванданро эм мекунад. Дар маҷмӯъ бошад, 6 миллиону  714 ҳазор тоҷикистонӣ бояд алайҳи маризии коронаиврус ваксин гиранд.

 

412
Барчаспҳо:
кӯмак, маблағ, Тоҷикистон, Бонки ҷаҳонӣ
Мавзуҳо:
Пайомадҳои COVID-19 дар Тоҷикистон ва ҷаҳон (978)

Аввалин ваксинаи зидди COVID-19 ба Тоҷикистон расид: дақиқ шуд киҳо нахуст эм мешаванд

291
(Таҷдидшуда 10:21 09.03.2021)
Дар доираи барномаи COVAX ба Тоҷикистон аввалин бастаи ваксинаи аврупоӣ алайҳи коронавирус AstraZeneca ворид карда шуд

ДУШАНБЕ, 9 мар — Sputnik. Вазорати тандурустӣ ва ҳифзи иҷтимоии аҳолии Тоҷикистон хабар дод, ки нахустин бастаи ваксинаи коронавируси AstraZeneca ба Душанбе шоми гузашта оварда шуд.

"Шоми 8 марти 2021 дар чаҳорчӯби ин механизм қисми якум дар ҳаҷми 192 000 воя ваксина тавассути парвози махсуси Сомон-Эйр аз Деҳлӣ ба Душанбе интиқол дода шуд. Бояд тазаккур дод, ки бақияи ваксинаҳо дар ояндаи наздик марҳила ба марҳила ба Тоҷикистон интиқол дода мешаванд",-иттилоъ додааст, вазорат.

Ба иттилои манбаъ, кишвар мувофики барномаи COVAX бастаи якуми ваксинаи аврупоиро зидди COVID-19-ро гирифт.

Ба таъкиди вазорат, дар марҳилаи аввал тибқи Нақшаи миллӣ ваксинаҳои тавассути механизми Ташкилоти умумиҷаҳонии тандурустӣ/COVAX воридшуда барои фарогирии гурӯҳҳои осебпазири аҳолӣ, дар асоси принсипҳои ихтиёрӣ, аз ҷумла кормандони соҳаи тандурустӣ, соҳаҳои стратегии хоҷагии халқ, шаҳрвандони синну соли аз 60 сола боло, нафарони дорои бемориҳои музмини ғайрисироятӣ ва кормандони соҳаи маориф ва илм нигаронида шудааст.

Қарор дар бораи омодагӣ ба эмгузаронӣ ва дастур ба вазоратхонаҳои Тоҷикистон

Манбаъ мегӯяд, дар баробари ин, аз ҷониби ҳукумати Тоҷикистон ҷиҳати фарогирии бештари аҳолӣ бо иммунизатсия бар зидди бемории COVID-19 дар ҳамкорӣ бо шарикон оид ба рушд ва вазорату идораҳои дахлдор чораҷӯиҳо вусъат дода шудаанд.

Қаблан масъулини Вазорати тандурустии кишвар гуфта буданд, ки дар маҷмӯъ, дар Тоҷикистон 5,8 миллион нафар бояд алайҳи коронавирус эм карда шаванд.

291
Люди в масках в районе Рудаки, архивное фото

Қарор дар бораи омодагӣ ба эмгузаронӣ ва дастур ба вазоратхонаҳои Тоҷикистон

289
(Таҷдидшуда 16:53 07.03.2021)
Ситоди ҷумҳуриявӣ оид ба пурзўр намудани чораҳои зиддиэпидемӣ барои пешгирии интиқол ва пайдоиши сирояти нави коронавирус дар кишвар ба тамоми ниҳодҳои дахлдор дастур додааст, ки барои эмгузаронӣ пурра омодагӣ гиранд

ДУШАНБЕ, 7 мар — Sputnik. Бо мақсади минбаъд низ муътадил нигоҳ доштани вазъи беҳдоштӣ дар қаламрави мамлакат вобаста ба сирояти коронавирус Ситоди ҷумҳуриявӣ оид ба пешгирӣ аз паҳншавии коронавирус қарор қабул намудааст.

Бар асоси қарори ситод, Вазорати тандурустӣ ва ҳифзи иҷтимоии аҳолӣ ҷиҳати таъмин намудани ҳифзи солимии гурўҳҳои осебпазири аҳолӣ,  барои гузаронидани ваксинатсияи аҳолӣ бар зидди сирояти нави коронавирус (COVID-19) чорабиниҳои омодагиро ба роҳ монад.

Вазора уҳдадор шудааст, ки банақшагирии аҳолиро аз рўи синну сол бо дарназардошти марҳалаҳои дуюм ва сеюми иммунизатсия анҷом диҳад ва ҳарчи зудтар лоиҳаи санади меъёрии ҳуқуқии дахлдорро оид ба гузаронидани иммунизатсия бар зидди сирояти нави коронавирус (COVID-19) дар Ҷумҳурии Тоҷикистон таҳия намуда, барои тасдиқ ба Ҳукумати мамлакат пешниҳод намояд.

"Вазоратҳои корҳои хориҷӣ, молия, рушди иқтисод ва савдо, Кумитаи давлатии сармоягузорӣ ва идораи амволи давлатии Ҷумҳурии Тоҷикистон бо мақсади таъмин намудани дастрасии васеи аҳолӣ ба ваксина бар зидди сирояти нави коронавирус (COVID-19) ҷиҳати дарёфти манбаъҳои иловагии маблағгузорӣ тадбирҳои мушаххас андешанд",- омадааст дар қарор.

Вазорати тандурустӣ вазифадор гаштааст, ки якҷо бо мақомоти иҷроияи маҳаллии ҳокимияти давлатӣ ҷиҳати таъмин ва риоя намудани чорабиниҳои беҳдоштӣ ва зиддиэпидемӣ чораҳои заруриро роҳандозӣ намоянд.

Тоҷикистон ваксинаи AstraZeneca - ро тасдиқ кард ва моҳи март онро дастрас мекунад

Ситод инчунин Вазоратҳои тандурустӣ, фарҳанг, Кумитаи телевизион ва радиоро маваззаф гардонидааст, ки бо ҷалби васеи воситаҳои ахбори омма тадбирҳои фаҳмондадиҳиро байни аҳолӣ оид ба масъалаҳои пешгирӣ намудани пайдоиш, паҳншавии сирояти нави коронавирус (COVID-19) ва моҳияти ваксинатсия вусъат диҳанд.

Ёдовар мешавем, Тоҷикистон ваксинаи AstraZeneca-ро, ки бояд тибқи механизми COVAX қабул намояд, аллакай тасдиқ кард ва интизор меравад он мои ҷорӣ вориди кишвар шавад.

"Спутник V" дуввумин ваксинаи маъмултарини ҷаҳон шуд

Қаблан Чин низ пешниҳоди ваксинаи ройгон карда буд ва ҷониби Тоҷикистон гуфтанд, нахуст онро меомӯзанд.

289
Мужчина плачет, архивное фото

Барои рафтан ба Латвия раводид мекунам гуфт: боздошти сокини пойтахт барои қаллобӣ

0
Вазорати умури дохилии Тоҷикистон аз боздошти як сокини пойтахт хабар медиҳад, ки дар қаллобӣ меттаҳам мешавад

ДУШАНБЕ, 9 мар – Sputnik.  Бино ба иттилои дафтари матбуотии ин ниҳод, марди 34-солаи сокини пойтахт дар пайи аризаи шикоятии сокини дигари 32-солаи пойтахт боздошт шудааст.

Ба иттилои манбаъ, марди 32-сола 18-уми декабри соли 2020, бо роҳи фиреб ба боварии марди 34-солаи дигари пойтахт даромада, барои гирифтани раводиди корт ба давлати Латвия аз ӯ 33 ҳазору 600 сомонӣ гирифтааст.

Манбаъ мегӯяд, на раводит гирифтаасут на маблағашро барнагардонидааст.

Қаллобӣ бо кӯмаки собиқ раиси идораи замин: 13 ҳазор доллари корафтодаро азхуд карданд

Ҳамзамон, гумонбар бо ҳамин роҳ рӯзи 19-уми декабри соли 2020, бо роҳи фиреб ба боварии ҷавони 26-солаи сокини шаҳри Душанбе даромада, барои гирифтани раводиди корт ба давлати Латвия аз ӯ 3 ҳазору 870-доллари амрикоӣ гирифта, то ҳол маблағашро барнагардонидааст.

ВУД мегӯяд, аз рӯи ин ҳодисаҳо тафтишот идома дорад.

0
Барчаспҳо:
ВКД, раводид, қаллобӣ, сокини пойтахт, боздошт