Врач в палате, архивное фото

Нагузоштем аз 50-сола боло берун равад: сартабиб “сирр”-и эмин аз каронавирусро гуфт

380
(Таҷдидшуда 10:58 14.02.2021)
Масъулони шаҳри Истиқлол дар шимоли Тоҷикистон мегуянд, дар замони хуруҷи бемории ҳамагир, ягон нафар ба каронавирус сироят нашудааст. Аммо дар бораи афзудани илтиҳоби шуш иброз намуданд

ДУШАНБЕ, 14 фев – Sputnik. Шаҳри Истиқлол (собиқ Табошар) шояд аз ягона шаҳрҳои Тоҷикистон аст, ки ба гуфтаи масъулин то имрӯз ягон мавриди сироятёбӣ ба каронавирус ба қайд гирифта нашудааст.

Валиназар Ғоибов, сартабиби шаҳри Истиқлол зимни нишасти матбуотӣ гуфт, ҳарчанд ин ҳол тааҷубовар мебошад, вале омори гирифторӣ ба каронавирус сифр аст.

“То имрӯз ягон мавриди гирифторӣ ба каронавируси навъи COVID-19 дар шаҳри Истиқлол дарёфт нашудааст”, -зикр кард сартабиб.

Ғоибов ба суоли рӯзноманигорон дар бораи чи гуна эмин мондани ин шаҳр аз каронавирус дар Тоҷикистон посух дод.

Бино ба гуфти ӯ, шаҳри Истиқлолро танҳо як шоҳроҳ бо маркзи Суғд, шаҳри Хуҷанд мепайвандад ва аз замони хуруҷи беморӣ ба кишвар он таҳти назорати доимии кормандони беҳдоштӣ ва мақомотҳои ҳифзи ҳуқуқ қарор дода шудааст.

 “Мо омаду рафти сокинонро таҳти назорати қатъӣ гирифтем. Рафтани сокинони аз 50 сола болоро, ба шаҳри Хуҷанд манъ намудем”, -гуфт Ғоибов.

 Ҳарчанд дар ин шаҳр ҳолати сироятёбӣ ба COVID-19 қайд нашудааст, аммо шумори гирифторони маризи илтиҳоби шуш дар соли 2020 ба 43 нафар рақам зада мешавад, ки дар муқоиса ба як соли пеш (2019 -11 бемор) 32 ҳолат афзудааст.

Бино ба гуфти сартабиб соли гузашта 61 нафар аз ҷамъи бемориҳо фавтидаанд, ки дар ин миён ду ҳолат аз сирояти илтиҳоби шуш будааст. Соли 2019 теъдоди фавт аз бемориҳо 57 ҳолат қайд шудааст.

Бар пояи маълумоти расмӣ зимнан дар шаҳри Истиқлол 18 ҳазор аҳолӣ зиндагӣ мекунад.

380
Барчаспҳо:
сироят, вируси корона, беморӣ, вирус, Истиқлол, Тоҷикистон

Аввалин ваксинаи зидди COVID-19 ба Тоҷикистон расид: дақиқ шуд киҳо нахуст эм мешаванд

328
(Таҷдидшуда 10:21 09.03.2021)
Дар доираи барномаи COVAX ба Тоҷикистон аввалин бастаи ваксинаи аврупоӣ алайҳи коронавирус AstraZeneca ворид карда шуд

ДУШАНБЕ, 9 мар — Sputnik. Вазорати тандурустӣ ва ҳифзи иҷтимоии аҳолии Тоҷикистон хабар дод, ки нахустин бастаи ваксинаи коронавируси AstraZeneca ба Душанбе шоми гузашта оварда шуд.

"Шоми 8 марти 2021 дар чаҳорчӯби ин механизм қисми якум дар ҳаҷми 192 000 воя ваксина тавассути парвози махсуси Сомон-Эйр аз Деҳлӣ ба Душанбе интиқол дода шуд. Бояд тазаккур дод, ки бақияи ваксинаҳо дар ояндаи наздик марҳила ба марҳила ба Тоҷикистон интиқол дода мешаванд",-иттилоъ додааст, вазорат.

Ба иттилои манбаъ, кишвар мувофики барномаи COVAX бастаи якуми ваксинаи аврупоиро зидди COVID-19-ро гирифт.

Ба таъкиди вазорат, дар марҳилаи аввал тибқи Нақшаи миллӣ ваксинаҳои тавассути механизми Ташкилоти умумиҷаҳонии тандурустӣ/COVAX воридшуда барои фарогирии гурӯҳҳои осебпазири аҳолӣ, дар асоси принсипҳои ихтиёрӣ, аз ҷумла кормандони соҳаи тандурустӣ, соҳаҳои стратегии хоҷагии халқ, шаҳрвандони синну соли аз 60 сола боло, нафарони дорои бемориҳои музмини ғайрисироятӣ ва кормандони соҳаи маориф ва илм нигаронида шудааст.

Қарор дар бораи омодагӣ ба эмгузаронӣ ва дастур ба вазоратхонаҳои Тоҷикистон

Манбаъ мегӯяд, дар баробари ин, аз ҷониби ҳукумати Тоҷикистон ҷиҳати фарогирии бештари аҳолӣ бо иммунизатсия бар зидди бемории COVID-19 дар ҳамкорӣ бо шарикон оид ба рушд ва вазорату идораҳои дахлдор чораҷӯиҳо вусъат дода шудаанд.

Қаблан масъулини Вазорати тандурустии кишвар гуфта буданд, ки дар маҷмӯъ, дар Тоҷикистон 5,8 миллион нафар бояд алайҳи коронавирус эм карда шаванд.

328
Люди в масках в районе Рудаки, архивное фото

Қарор дар бораи омодагӣ ба эмгузаронӣ ва дастур ба вазоратхонаҳои Тоҷикистон

289
(Таҷдидшуда 16:53 07.03.2021)
Ситоди ҷумҳуриявӣ оид ба пурзўр намудани чораҳои зиддиэпидемӣ барои пешгирии интиқол ва пайдоиши сирояти нави коронавирус дар кишвар ба тамоми ниҳодҳои дахлдор дастур додааст, ки барои эмгузаронӣ пурра омодагӣ гиранд

ДУШАНБЕ, 7 мар — Sputnik. Бо мақсади минбаъд низ муътадил нигоҳ доштани вазъи беҳдоштӣ дар қаламрави мамлакат вобаста ба сирояти коронавирус Ситоди ҷумҳуриявӣ оид ба пешгирӣ аз паҳншавии коронавирус қарор қабул намудааст.

Бар асоси қарори ситод, Вазорати тандурустӣ ва ҳифзи иҷтимоии аҳолӣ ҷиҳати таъмин намудани ҳифзи солимии гурўҳҳои осебпазири аҳолӣ,  барои гузаронидани ваксинатсияи аҳолӣ бар зидди сирояти нави коронавирус (COVID-19) чорабиниҳои омодагиро ба роҳ монад.

Вазора уҳдадор шудааст, ки банақшагирии аҳолиро аз рўи синну сол бо дарназардошти марҳалаҳои дуюм ва сеюми иммунизатсия анҷом диҳад ва ҳарчи зудтар лоиҳаи санади меъёрии ҳуқуқии дахлдорро оид ба гузаронидани иммунизатсия бар зидди сирояти нави коронавирус (COVID-19) дар Ҷумҳурии Тоҷикистон таҳия намуда, барои тасдиқ ба Ҳукумати мамлакат пешниҳод намояд.

"Вазоратҳои корҳои хориҷӣ, молия, рушди иқтисод ва савдо, Кумитаи давлатии сармоягузорӣ ва идораи амволи давлатии Ҷумҳурии Тоҷикистон бо мақсади таъмин намудани дастрасии васеи аҳолӣ ба ваксина бар зидди сирояти нави коронавирус (COVID-19) ҷиҳати дарёфти манбаъҳои иловагии маблағгузорӣ тадбирҳои мушаххас андешанд",- омадааст дар қарор.

Вазорати тандурустӣ вазифадор гаштааст, ки якҷо бо мақомоти иҷроияи маҳаллии ҳокимияти давлатӣ ҷиҳати таъмин ва риоя намудани чорабиниҳои беҳдоштӣ ва зиддиэпидемӣ чораҳои заруриро роҳандозӣ намоянд.

Тоҷикистон ваксинаи AstraZeneca - ро тасдиқ кард ва моҳи март онро дастрас мекунад

Ситод инчунин Вазоратҳои тандурустӣ, фарҳанг, Кумитаи телевизион ва радиоро маваззаф гардонидааст, ки бо ҷалби васеи воситаҳои ахбори омма тадбирҳои фаҳмондадиҳиро байни аҳолӣ оид ба масъалаҳои пешгирӣ намудани пайдоиш, паҳншавии сирояти нави коронавирус (COVID-19) ва моҳияти ваксинатсия вусъат диҳанд.

Ёдовар мешавем, Тоҷикистон ваксинаи AstraZeneca-ро, ки бояд тибқи механизми COVAX қабул намояд, аллакай тасдиқ кард ва интизор меравад он мои ҷорӣ вориди кишвар шавад.

"Спутник V" дуввумин ваксинаи маъмултарини ҷаҳон шуд

Қаблан Чин низ пешниҳоди ваксинаи ройгон карда буд ва ҷониби Тоҷикистон гуфтанд, нахуст онро меомӯзанд.

289
Ливень, архивное фото

Ҳавошиносон дар Тоҷикистон аз раъду барқ ​​ва боришоти шадид ҳушдор медиҳанд

0
(Таҷдидшуда 11:57 09.03.2021)
Се рӯзи оянда дар саросари ҷумҳурӣ ҳавои ноустувор боқӣ мемонад, офтоб бо раъду барқи шадид иваз мешавад

ДУШАНБЕ, 9 март - Sputnik. Ҳавошиносон сокинони Тоҷикистонро аз раъду барқ ​​огоҳ мекунанд, ва баъзан боридани жоларо имконпазир медонанд, хабар медиҳад Агентии обуҳавошиносии ҷумҳурӣ.

Ба иттилои манбаъ, дар Душанбе имрӯз ҳаво абрист, бориш намешавад, аммо пагоҳ ва то 11 март борон меборад ва раъду барқ ​​мешавад. Ҳарорат шабона 3-5 ва рӯзона + 17  дараҷа гарм мешавад.

Дар ноҳияҳои тобеи марказ боришот дар шакли барф, инчунин дар баъзе ҷойҳои раъд барқ шуда, дар кӯҳҳо шабона 1-6 ва рӯзона то 7 дараҷа гарм мешавад.

Дар шимоли кишвар, вилояти Суғд, дар баъзе ҷойҳо туман мефарояд, имрӯз бошад бебориш мешавад ва аллакай 10 март дар баъзе ноҳияҳо борон ва барф меборад.

Дар водиҳо шабона тақрибан 3-8 ва рӯзона то 17 дараҷа гармӣ, аммо дар кӯҳҳо шабона то аз 1 то 6 дараҷа хунук мешавад.

Дар Вилояти Мухтори Кӯҳистони Бадахшон аз 10 то 13 март барф меборад, раъду барқ мешавад ​​ва рӯзона борон меборад. Дар ғарби ВМКБ шабона 3-8 ва рӯзона аз 3 то 8 дараҷа гарм, дар шарқи Помир шабона то -31 дараҷа сард мешавад.

Дар ҷануби Тоҷикистон, вилояти Хатлон туман мефарояд, аммо бориш танҳо рӯзи чоршанбе пешбинӣ шудааст.

Ҳарорат дар водиҳо шабона аз 4-9  ва рӯзона то 23 дараҷа гарм мешавад.

0