Возобновление очного обучения в вузах

Русия шарти вуруди донишҷӯёнро эълон кард

979
(Таҷдидшуда 19:45 16.02.2021)
Донишҷӯёни хориҷӣ аз кишварҳое, ки Русия бо онҳо парвози ҳавопаймоҳоро аз сар гирифтааст, метавонанд ба таҳсил баргарданд

ДУШАНБЕ, 16 фев — Sputnik. Донишҷӯёни хориҷӣ аз кишварҳое, ки Русия бо онҳо ҳаракати ҳавопайморо аз сар гирифтааст, барои роҳ ёфтан ба дарсҳо бояд аз ду озмоиш барои муайян кардани коронавирус гузаранд, хабар додааст сомонаи расмии "Роспотребнадзор".

"Донишҷӯёни хориҷӣ аз кишварҳое, ки ҳаракати ҳавоӣ бо онҳо аллакай барқарор карда шудааст, барои муайян кардани COVID-19 бояд ду бор аз ташхис гузаранд", - навиштааст манбаъ.

Таъкид шудааст, ки озмоиши якум бояд на кам аз се рӯзи тақвимӣ то омадан ба Федератсияи Русия ва дуюм дар давоми 72 соат пас аз ворид шудан ба Русия анҷом дода шавад.

Қайд карда мешавад, ки ҳуҷҷатҳои тиббии тасдиқкунандаи натиҷаи манфии санҷиш, ки пеш аз вуруд ба қаламрави Федератсияи Русия ба даст оварда шудаанд, метавонанд бо забонҳои русӣ ё англисӣ пешниҳод карда шаванд. Инчунин баъд аз вуруд, то ба даст овардани натиҷаҳои озмоиши дуюм донишҷӯён бояд низоми гӯшанишиниро риоя кунанд.

Феълан Русия ҳаракати ҳавопаймоиро бо 21 кишвар, аз ҷумла Туркия, Танзания, Швейтсария, АМА, Малдив, Миср, Беларус, Қазоқистон, Қирғизистон, Кореяи Ҷанубӣ, Сербия, Куба, Ҷопон, Сейшел, Эфиопия, Ветнам, Ҳиндустон, Қатар, Финляндия, Юнон ва Сингапур барқарор кардааст. 

Бо Тоҷикистон ҳанӯз парвозҳои мунтазам барқарор нашудаанд. Барои муайян кардани вазъи эпидемиологӣ интизор меравад, ки ҳайати "Роспотребнадзор" ба Тоҷикистон сафар кунаду хулосаи худро ироа созад. 

979
Барчаспҳо:
иҷозаи вуруд, Тоҷикистон
Джамолиддин Абдуллозода встретился с постоянным представителем Всемирного банка в Таджикистане

Сипосгузории Ҷамолиддин Абдуллозода аз Бонки ҷаҳонӣ

144
(Таҷдидшуда 14:12 05.03.2021)
Бонки ҷаҳонӣ дар доираи тарҳи вижа то 1 январи соли 2021  ба Тоҷикистон 11,3 миллион доллар кумак кардааст, ки аз ин маблағ 9,4 миллион доллари он харҷ гардидааст, ки 83,4 фоизи маблағи умумии Лоиҳаро ташкил мекунад

ДУШАНБЕ, 5 мар — Sputnik. Вазири тандурустии Тоҷикистон Ҷамолиддин Абдуллозода бо намояндаи доимии Бонки ҷаҳонӣ дар Тоҷикистон  Ян Петтер Олтерс баргузор гардид.

Ҷамолиддин Абдуллозода аз номи Ҳукумати Тоҷикистон барои дастгириҳои пайваста дар рушд ва пешрафти соҳаи тандурустӣ, махсусан дар давраи пандемияи COVID-19 ҷиҳати пешгирӣ ва табобати бемории сироятии коронавирус ба Бонки ҷаҳонӣ изҳори миннатдорӣ баён кард.

Вазорати тандурустӣ мегӯяд, кумаки Бонки ҷаҳонӣ дар давраи ҳамагирии коронавирус ба Тоҷикистон назаррас мебошад.

Махсусан, бо ин мақсад "Лоиҳаи фавқулоддаи муқовимат ба вируси COVID-19 дар Тоҷикистон"-и назди Вазорати тандурустӣ дар доираи Созишномаи маблағгузорӣ байни Ҳукумати Тоҷикистон ва Бонки ҷаҳонӣ (гранти №D604-TJ) аз 3 апрели соли 2020 ба фаъолият оғоз намуд, ки  ҳадафи  он таъмини омодагӣ ва эътино ба пандемияи сирояти COVID-19 дар Тоҷикистон мебошад.

Дар доираи маблағгузории ин тарҳ то имрӯз як қатор корҳо анҷом дода шудаанд. Махсусан, ҷиҳати таҳкими иқтидори шӯъбаҳои табобатӣ ва эҳёи 10 беморхонаҳои интихобгардида 23 номгӯи таҷҳизоти тиббӣ, 9 номгӯи воситаҳои муҳофизати шахсӣ ва 77 номгӯи доруворӣ харидорӣ ва дастрас карда шуда, инчунин корҳои таъмирӣ дар ин беморхонаҳо гузаронида шудаанд.

Инчунин, бо мақсади тақвият додани сатҳи огоҳонии аҳолӣ аз пешгирӣ ва хавфу оқибатҳои имконпазири пандемияи COVID-19 дар Ҷумҳурии Тоҷикистон тавассути роҳҳои мухталифи иттилоот ва алоқа дар мавриди  пешгирии ин беморӣ 15 номгӯи маводҳои иттилоотӣ (постерҳо, овезаҳо, брошюра ва буклетҳо) бо теъдоди 424 ҳазор нусха,  инчунин, шакли варақаи ҳуҷҷатҳо барои таъйин кардани кӯмакпулии иҷтимоӣ бо теъдоди 800 ҳазор нусха ба табъ расонида шуда, ба ҳамаи шаҳру ноҳияҳои кишвар дастрас карда шуданд.

Ҳамзамон, ҷиҳати баланд бардоштани заминаи техникии Маркази матбуоти Вазорати тандурустӣ дар доираи лоиҳаи мазкур 12 номгӯи таҷҳизоти техникӣ, аз ҷумла дастгоҳи рақамии наворбардор ва пахшкунанда, компютер, асбобҳои аксбардор, принтери ранга ва дигар воситаҳои техникӣ харидорӣ  ва ба маркази  мазкур супорида шуданд.

Бо мақсади дастгирии табақаҳои ниёзманди аҳолӣ, ки дар давраи паҳншавии сирояти COVID-19 аз нуқтаи назари амнияти озуқаворӣ осебпазир ба шумор мерафтанд, ба 64 469 оилаҳои камбизоати Тоҷикистон кӯмакпулии яквақтаи иҷтимоӣ расонида шуд.

Кӯмакпулии якдафъаина ба андозаи 500 сомонӣ ба як оилаи камбизоати дорои кӯдакони то синни 3-сола як маротиба ҳамчун дастгирии иҷтимоии иловагӣ аз тарафи  Ҳукумати Ҷумҳурии Тоҷикистон расонида шудааст. То имрӯз барои  пардохти кӯмакпулии яквақтаи иҷтимоӣ ба оилаҳои камбизоати кӯдакони то 3 сола дошта дар ҳаҷми 32 234 500 сомонӣ ё зиёда аз 3,0 миллион доллари ИМА маблағ сарф карда шудааст.

Дар доираи амалисозии лоиҳаи мазкур ҳамзамон барои нигаҳдории ҳайати кормандон, анҷом додани чорабиниҳои хариди мол, кор ва хизматрасониҳо, таҳияи ҳисоботҳои молиявӣ, муҳосибӣ, мониторинг ва арзёбии рафти татбиқи Лоиҳа хароҷоти муайян пешбинӣ шудааст.

Бояд гуфт, ки мониторинги рафти татбиқи лоиҳа, аз ҷумла дастраснамоии таҷҳизотҳои тиббӣ, воситаҳои муҳофизати шахсӣ ва дорувории харидоригардида ба беморхонаҳо, инчунин сифати корҳои таъмирӣ дар муассисаҳои тандурустӣ аз ҷониби кормандони Гурӯҳи татбиқи Лоиҳа гузаронида шудааст.

Манбаъ афзуда, ки дар маҷмӯъ, то 1 январи соли 2021  аз 11,3 миллион доллар маблағи пешбинигардида 9,4 миллион доллари он харҷ гардидааст, ки 83,4 фоизи маблағи умумии Лоиҳаро ташкил мекунад.

144
Барчаспҳо:
Бонки ҷаҳонӣ, тандурустӣ, Ҷамолиддин Абдуллоев, Вазорати тандурустии ҶТ

Мурашко гуфт, озмоиши даври дуюми "Спутник Лайт" анҷом ёфт

56
(Таҷдидшуда 14:07 05.03.2021)
Вазорати тандурустии Русия аз анҷоми озмоиши даври дуюми ваксини "Спутник Лайт" хабар дод

ДУШАНБЕ, 5 мар— Sputnik. Вазири беҳдошти Русия Михаил Мурашко аз анҷоми даври дуюми озмоиши клиникии ваксини "Спутник Лайт" хабар медиҳад, менависад РИА Новости.

Мурашко дар суҳбат бо хабарнигор изҳор дошт, ки феълан ваксини "Спутник Лайт" дар марҳилаи баҳодҳии мутахассисон қарор дорад.

Гуфта мешавад, иҷозат барои доир кардани озмоиши саввуми ин ваксин ҳам моҳи феврал дода шуд. Зикр мегардад, ки озмоиши навбатӣ дар ду гурӯҳ гузаронида мешавад ва бояд то соли 2022 ба итмом расад.

"Спутник Лайт" қисми таркиби маҳсулоти Спутник мебошад, ки онро Маркази Гамалеи дар якҷоягӣ бо Фонди сармоягузории мустақими Русия дар платформаи хуб омӯхташудаи векторҳои аденовируси инсон таҳия кардааст.

Қаблан Кирилл Дмитриев роҳбари Фонди сармоягузории мустақими Русия таъкид намуд, ки ваксини мазкур асосан барои бозори хориҷа таҳия шудааст ва дар дохили кишвар бошад асосан аз "Спутник V" истифодабарӣ мешавад.

Таҳиягарони нахустин ваксина гуфтанд, душманони Русия аз пешсафии "Спутник V" меҳаросанд

Директори Маркази Гамалея Александр Гунзбург гуфт, ки истифодаи "Спутник Лайт" дар кишварҳои хориҷ имкон медиҳад, ки авҷи бемориҳо коҳиш дода шуда, сарборӣ дар соҳаи тандурустии маҳаллӣ камтар карда шавад.

Ӯ мегӯяд, масуният пас аз ваксина эҳтимолан се-чор моҳ боқӣ хоҳад монд ва самаранокии ваксина тақрибан 85% хоҳад буд.

56
Барчаспҳо:
Русия
Мавзуҳо:
Пайомадҳои COVID-19 дар Тоҷикистон ва ҷаҳон
Рэп-исполнитель Иван Алексеев, известный под псевдонимом Noize MC, архивное фото

Рэпер Noize MC фавран бистарӣ карда шуд

0
Мусиқачии рус Иван Алексеев, ки бо чун Noize MC миёни ҳаводорони ҳунараш машҳур аст, фавран бистарӣ карда шуд

ДУШАНБЕ, 6 мар – Sputnik. Ҳунарманди рэпсарои рус Иван Алексеев, маъруф бо номи Noize MC, дар беморхона бистарӣ шудааст.

Ҳунарманд дар ин бора дар саҳифааш дар Instagram - и худ хабар додааст.

"Дар ҳавзи хуни худам, лағжида пас аз шиноварӣ, базӯр ба по хеста, ман на як бори дигар носилкаи ёрии таъҷилиро олуда кардаам: табибон аб маънои чунин мумкин нест,  сар меҷунбонанд" - навиштааст Noize MC дар шаҳри акси худ.

Дар дида мешавад, чӣ гуна ду табиб бо истифода аз таҷҳизоти махсуси тиббӣ Алексеевро барои табобат мебаранд.

Тибқи иттилои "Российская газета", худи ҳунарманд ёрии таъҷилиро даъват кардааст.

Сабаби муроҷиати ӯ ба табибон дарди шадиди сутунмӯҳра будааст.

Табибон аллакай барои Алексеев муоинаи заруриро гузаронидаанд. Ташхис нишон дода, ки ӯ гирифтори люмбаго ва илтиҳоби асаб аст.

0
Барчаспҳо:
бемористон, бистарӣ, Русия