Роҳбарони кишварҳои узв ва нозири СҲШ, акс аз бойгонӣ

Омад-омади президентҳо ба Душанбе: назорати ҷиддии ваксингирию вазъи эпидемиологӣ

3066
(Таҷдидшуда 11:59 19.02.2021)
Ҷамшед Каримзода, муовини вазири молияи Тоҷикистон, мегӯяд, ваксинагузаронӣ дар ҷумҳурӣ маблағгузорӣ хоҳад шуд

ДУШАНБЕ, 19 фев — Sputnik. Каримзода зимни нишасти матбуотӣ изҳор дошт, ки Вазорати молия аз Вазорати тандурустӣ санад барои вориди ваксинаи зидди коронавирусро дастрас кардааст, ки дар навбати аввал ҳудуди 20 фоизи аҳолиро фаро хоҳад гирифт.

Ба иттилои Каримзода, аз ҷумла эмгузаронии ҳудуди 1 миллиону 885 ҳазор нафар дар назар аст.  Ӯ илова намуд, ки барои беҳбуди вазъи эпидемиологӣ маблағҳо, аз ҷумла қарзу грантҳо равона хоҳанд шуд.

Ноиби вазири молия зикр намуд, ки феълан бо Бонки ҷаҳонӣ барои 21,2 миллион доллар грант музокирот доранд, ки ба муқовимат алайҳи оқибатҳои пандемия равона хоҳад шуд.

Каримзода инчунин аз нишасти бузурги роҳбарони кишварҳои минтақа, ки тирамоҳи соли равон дар шаҳри Душанбе дар назар аст, зикр карда, афзуд, ки нақшаю чорабиниҳо барои беҳбуди вазъи эпидемиологӣ вуҷуд доранд, ки амалӣ хоҳанд шуд. Ҷаласаи ҷашнии сарони кишварҳои узви СҲШ нимаи моҳи сентябри соли равон дар Душанбе ба нақша гирифта шудааст. Дар ин робита вазъи эпидемиологӣ дар кишвар низ аз масъалаҳои калидӣ арзёбӣ мешавад.

Қаблан Ҷамолиддин Абдуллозода, вазири тандурустӣ ва ҳифзи иҷтимоии аҳолии Тоҷикистон гуфта буд, ки ҷумҳурӣ дар феҳрасти 92 давлати дунё аст, ки бо дастгирии созмонҳои байналмилалӣ бояд бо ваксинаи короновирус таъмин карда шавад.

Тоҷикистон 732 ҳазор воя ваксинаи AstraZeneca мегирад

Вазири тандурустӣ тавзеҳ дода буд, ки ваксинаи зидди бемории ҳамагири COVID-19 бо дастгирии Созмони ҷаҳонии тандурустӣ ва Бонки Осиёии Рушд ба Тоҷикистон дастрас мешавад.

“Нахуст рӯйхат тартиб дода мешавад ва онҳое, ки хоҳиш доранд, аз эмкунӣ мегузаранд. Дар навбати аввал дар назар аст, ки 1 миллиону 800 ҳазор нафар ваксина гиранд”, - изҳор дошта буд Ҷамолиддин Абдуллозода.

Ба иттилои расмӣ, тайи моҳҳои охир ҷумҳурӣ ягон ҳолати гирифторӣ ба коронавирус сабт нашудааст. Таъкид мешавад, ки дар пандемия дар ҷумҳурӣ 13 ҳазору 308 гирифтори коронавирус ба қайд гирифта шудаанд, ки аз  он 13218 нафар шифо ёфта, 90 нафар фавтидаанд.

3066
Барчаспҳо:
назорат, Тоҷикистон
Министр здравоохранения Таджикистана посетил больных

Беморхонаҳои Душанбе чӣ ҳол доранд? Абдуллозода шабона ба аёдати беморон рафт

153
(Таҷдидшуда 19:10 03.03.2021)
Раҳбаритяи Вазорати тандурустии Тоҷикистон шабона ба як қатор бемористонҳои шаҳри Душанбе рафта, бо вазъи кори муассисаҳо ошно шудаанд

ДУШАНБЕ, 3 мар — Sputnik. Вазири тандурустии Тоҷикистон Ҷамолиддин Абдуллозода ва муовини вазир Зулфия Абдусаматзода шаби 1 марти соли равон ба як қатор муассисаҳои тандурустии шаҳри Душанб рафта, беморонро аёдат намуданд.

Бино ба гузориши Вазорати тандурустӣ, аз ҷумла Ҷамолиддин Абдуллозода ба Муассисаи давлатии Маркази тиббии шаҳрии №1 ба номи Карим Ахмедов ва муовини вазир Зулфия Абдусаматзода ба Маркази саломатии шаҳрии № 2-и шаҳри Душанбе рафта, бо фаъолияти шабонаи онҳо  шинос шудаву бо беморон суҳбат кардаанд.

Аснои мулоқот бо беморон роҳбарияти вазорат иброз доштанд, ки Ҳукумати кишвар, ба соҳаи тандурустӣ диққати махсус зоҳир намуда, айни замон ҷиҳати  расонидани хизматрасонии босифати тиббӣ ба аҳолӣ дар мамлакат тамоми шароит ва имконоти мусоид фароҳам овардааст.

Манбаъ таъкид мекунад, ки маҳз ҷиҳати иҷрои дастуру супоришҳои президент Эмомалӣ Раҳмон дар самти таъмини солимии аҳолӣ ва беҳтар намудани хизматрасонии тиббӣ Вазорати тандурустӣ ва ҳифзи иҷтимоии аҳолии Ҷумҳурии Тоҷикистон тамоми тадбирҳои муҳимро рӯйи кор гирифтааст ва корҳо дар ин самт бомаром идома доранд.

Боздиди Абдуллозода аз маркази саломатие, ки Ӯзбекистон дар Қубодиён месозад

Тибқи иттилои вазорат, ҳадаф аз гаштҳои шабона ва рӯзонаи роҳбарияти вазорат, пеш аз ҳама шиносоии бевосита бо фаъолияти муассисаҳои тандурустӣ, аёдати беморон ва гуфтугӯи озод бо онҳо, таҳлилу баррасии вазъи воқеии муассисаҳои тандурустӣ, бартараф намудани мушкилот ва камбудиҳои ҷойдошта ва дар ин замина беҳтар намудани сатҳ ва сифати хизматрасонии тиббӣ ба аҳолӣ мебошад.

153
Барчаспҳо:
Ҷамолиддин Абдуллозода, Вазорати тандурустии ҶТ, вазир, Душанбе, Тоҷикистон

Тоҷикистон ваксинаи AstraZeneca - ро тасдиқ кард ва моҳи март онро дастрас мекунад

1442
(Таҷдидшуда 12:49 02.03.2021)
Интизор меравад моҳи ҷорӣ Тоҷикистон дар доираи механизми COVAX дасти кам 732 ҳазор вояи ваксинаи AstraZeneca - ро дастрас кунад

ДУШАНБЕ, 2 мар — Sputnik. Тоҷикистон ваксинаи AstraZeneca-ро, ки бояд тибқи механизми COVAX қабул намояд, аллакай тасдиқ кард. Дар ин бора Наврӯз Ҷаъфаров, сардори Раёсати амнияти санитарию эпидемиологии Вазорати тандурустӣ ба хабарнигорон иттилоъ дод.

Ба таъкиди Ҷафаров, ваксини мазкур моҳи ҷорӣ ба Тоҷикистон ворид мешавад.

"Тоҷикистон ваксинаи коронавирусро тасдиқ кард ва онро бояд тибқи механизми COVAX гирем. Ин AstraZeneca аст, ва моҳи март 732 ҳазор вояи он ба Тоҷикистон ворид мешавад. Феълан ҷониби Тоҷикистон шартнома имзо карда, ба истеҳсолкунанда фиристодааст", - гуфт Ҷаъфаров.

Вай гуфт, ки истеҳсолкунандаи асосии ваксинаи AstraZeneca дар Бритониёи Кабир ҷойгир аст, аммо онро дар корхонаҳои Ҳиндустон ва Кореяи Ҷанубӣ, ки созишномаи имзошудаи ҷониби Тоҷикистон ба он ҷо фиристода мешавад, низ истеҳсол мекунанд. 

Наврӯз Ҷаъфаров мегӯяд дар мавриди интиқол ва нигоҳдории ваксин мушкилӣ пеш намеояд, зеро воситаҳои нақлиёт барои интиқол ва ҳамчунин макони нигаҳдории он аллакай омода шудааст.

Ба гуфтаи вай, ҳоло дар Тоҷикистон рӯйхатҳои шахсоне тартиб дода мешавад, ки аввалин шуда бар зидди коронавирус эм карда мешаванд.

Сардори Вазорати тандурустӣ гуфт, ки дар доираи механизми COVAX, эмкунии 20% аҳолии кишвар ба нақша гирифта шудааст. Нахуст гурӯҳҳои осебпазир, ки ба онҳо шаҳрвандони аз 70-сола боло, кормандони соҳаи тандурустӣ, кормандони гумрук ва нерӯҳои марзӣ шомиланд, эм мегиранд.

Ба гуфтаи вай, дар марҳилаи дуввум афроди аз 60-сола боло, баъд аз он - синнашон аз 50 боло эм карда мешаванд. Боқимондаи 42,5% аҳолӣ бо дигар доруҳое, ки Тоҷикистон онро дастрас мекунад, эм хоҳанд шуд.

Қаблан вазири тандурустии Тоҷикистон, Ҷамолиддин Абдуллоев зимни нишасти матбуотӣ гуфта буд, ки дар масъалаи дастрас кардани ваксинаи сохти Русия, "Спутник V" ҳоло намояндагони ҳар ду кишвар машваратҳо баргузор мекунанд ва ба эҳтимоли зиёд ин ваксина низ ба Тоҷикистон ворид мешавад.

1442
Барчаспҳо:
тасдиқ, ваксина, бемориҳои сироятӣ, сироят, Тоҷикистон
День 4 марта

Зодрӯзи Дона Баҳромов ва ифтитоҳи Маҷмааи тандурустии "Истиқлол": имрӯзи таърих

0
(Таҷдидшуда 14:58 02.03.2021)
Рӯзи 4 - уми март дар Белорус - Рӯзи милитсия таҷлил мешавад. Дар ин рӯз дар шаҳри Душанбе маҷмааи тандурустии "Истиқлол" ифтитоҳ шуд

Рӯзи 4 март дар ҷаҳон чӣ рух дод

 Соли 1789 аввалин Конститутсия ИМА ба ҳукми амал даромад.

Рӯзи 4 март дар Тоҷикистон чӣ рух дод

Соли 2010 дар ҷаласаи Мачлиси миллии Маҷлиси Олии Ҷумҳурии Тоҷикистон Қонуни Ҷумҳурии Тоҷикистон «Дар бораи ворид намудани тағйирот ба Қонуни ҶТ «Дар бораи санадҳои меъёрӣ-ҳуқуқӣ» баррасӣ карда шуд.

Соли 2012 дастаи мунтахаби Тоҷикистон оид ба футбол барои иштирок дар даври ниҳоии Ҷоми КФО-2012 ба пойтахти Непал-  шаҳри Катманду сафар кард.

День 2 марта
© Sputnik/ Стас Этвеш/ Мария Вишнякова

Соли 2013 палатаи поёнии Парлумони Тоҷикистон қарор кард, ки ба лоиҳаи Қонуни ҶТ «Дар бораи мубориза бо терроризм» тағйирот ворид намояд.

Соли 2014 дар Маҷмааи давлатии «Кохи Борбад» маросими кушодашавии 16-умин намоиш-ярмаркаи армуғон ва сайёҳии  «Тоҷикистон-2014»  баргузор гардид.

Соли 2015 дар шаҳри Маскав ҷаласаи навбатии комиссияи байниҳукуматии Тоҷикистону Россия оид ба ҳамкории иқтисодӣ-тиҷоратӣ баргузор гардид.

Соли  2016 Президент Эмомалӣ Раҳмон дар ноҳияи Фирдавсии шаҳри Душанбе дар маросими ботантана Маҷмааи тандурустии "Истиқлол"- ро ифтитоҳ намуд.

Соли 2017 дар Маркази исмоилияи шаҳри Душанбе маросими ифтитоҳи Рӯзҳои фарҳанги Ҷопон баргузор гардид, ки ду рӯз идома ёфт.

Соли 2019 дар бо қарори Ҳукумати Ҷопон собиқ Вазири корҳои хориҷии Ҷумҳурии Тоҷикистон Талбак Назаров барои саҳми арзандааш  дар рушду таҳкими муносибатҳои дуҷониба байни Тоҷикистон ва Ҷопон бо мукофоти давлатии ин кишвар – Ордени Тулӯи офтоб дараҷаи I сарфароз гардонида шуд.

Соли 2020 Президенти Федератсияи футболи Тоҷикистон Рустами Эмомалӣ узви Кумитаи иҷроияи Шӯрои Олимпии Осиё (Olympic Council of Asia) интихоб гардид.

Ҷашнҳои рӯзи 4 март

  • Дар Белорус — Рӯзи милитсия.

Рӯзи 4 март кӣ ба дунё омадааст

Соли 1875 -нависандаи тоҷик, равшанфикр ва рӯзноманигор Маҳмудхоҷа  Беҳбудӣ.

Соли 1936 - рӯзноманигор Тулфор Қадамов.

Соли 1947 - доктори илмҳои биологӣ Сафарбек Раҳимов.

Соли 1949 - ҳофиз, ҳунарманди халқии Тоҷикистон Дона Баҳромов.

Соли 1957 – рӯзноманигор Ҳуринисо Ализода.

0
Барчаспҳо:
Ҷаҳон, Тоҷикистон, ҷашн